بخصوص حملة من يدفعهم عنا و له الجنة

[د.خالد الرفاعي]

أرجو من الأخوة المشرفين إزالة المواضيع المثبته من قبل عن حملة من يدفعهم عنا و له الجنة منعا للتشتيت و توحيد العمل على الرابط الحالي منعا للتشتيت و بالنسبة للأخوة و الأخوات يمكنهم نقل مشاركتهم السابقة لهذا الرابط

لجــان من يدفعهمــ عــنا وله * الجنة *

http://way2allah.com/forums/showthread.php?p=70281&posted=1#post70281 (http://way2allah.com/forums/showthread.php?p=70281&posted=1#post70281)

[نسيبة بنت كعب]

بتهيألى ممكن حضرتك تعملها على قسم الاقتراحات عشان يكون فيه استجابة سريعة
ويارب يارب يارب تفبل منا صالح الاعمال

[آية الله]

السلام عليكم و رحمة الله و بركاته

بصراحة أنا مش عارفة اقول ايه
كل ما ادخل الاقي موضوع جديد و المواضيع كترت بتاعت الحملة و بصراحة ده مش نظام خالص و كده مش هيتطلع ثمرة جيدة ...المواضيع كترت
ده غير ان تصور الناس اصلا مش واضح و ممكن تصوري انا كمان يكون مش واضح ..
انا هقول لحضرتك دلوقتي راي و اللى انا فاهماه و يارت اعرف صح ولا ايه علشان المواضيع بجد كترت و انا نفسي تشتت ..

دلوقتي الفكرة توسعت الى ان هيا متبقاش حملة و خلاص ..
الموضوع بقى اننا عايزين يبقى لينا جمعية او رابطة و لو جمعية الكترونية يعني هنا على النت الى ان ييسر الله لنا و يوفقنا و يبقى لنا مقر زي اي اي جمعية مرخصة بنشاطات و كده و طبعا مش هتكون زي اي جميعة لأ هتكون جمعية بالضوابط الشرعية ان شاء الله
طيب الجمعية او رابطة ديه (( اللى لسة مختارناش ليها اسم ))

المفروض ليها لجان ..و اللجان ديه كل واحد بيشتغل باللى يقدر عليه و في المجال اللى شايف انه يقدر يعطي فيه و حابه و ممكن كل واحد يشارك في اكتر من لجنة ..طالما عنده القدرة و المادة اللى هيفيدنا بيها ..إن شاء الله
و حضرتك شرحت اللجان و مش عارفة ليه اتحططت برده في قسم فضفضة كان المفروض تبقى هنا على حملات على ما يتعمل القسم علشان منتوهش و الاخت يمامة كتبت اللجان هنا :
http://way2allah.com/forums/showthread.php?t=11668 (http://way2allah.com/forums/showthread.php?t=11668)

لقينا ان اللجان باسم لجان من يدفعهم عنا و له الجنة ...كلنا اتلخبطنا هو ايه ده
و حضرتك قلت نوحد المشاركات في الموضوع بتاع اللجان ...و ننقل المشاركات هناك
بصراحة انا مش شايفة كده لان الناس كانت خلاص فهمت و بتشارك في المواضيع ليه نخليهم ينقلوا المشاركات هناك ؟؟!!

نكمل الكلام حول الجمعية
قلنا ان الجمعية ديه ليها لجان ...و اللجان بداخلها مشاريع
طيب ايه بقى حملة من يدفعهم عنا و له الجنة ديه ؟؟
المفروض تكون الحملة ديه مشروع من ضمن مشاريع لجنة اعرف نبيك او نصرة الرسول صلى الله عليه و سلم
لان الحملة اصلا مخصصة في الموضوع ده فالمفروض مكانها يكون في اللجنة ديه
و الحملة هنا على الرابط ده :
http://way2allah.com/forums/showthread.php?t=11521 (http://way2allah.com/forums/showthread.php?t=11521)

الحملة ديه فيها مشاريع و موضحة في اللينك اللى فات و قلنا الشغل المطلوب و ده رابطه :
http://way2allah.com/forums/showthread.php?t=11622

و قلنا في فريق للاخوة باشراف حضرتك اهو :
http://way2allah.com/forums/showthread.php?t=11553 (http://way2allah.com/forums/showthread.php?t=11553)

و فريق للاخوات معايا اهو:
http://way2allah.com/forums/showthread.php?t=11545

و عملنا لينكات و الناس بتشتغل...و الحمد لله ..يبقى مينفعش اقولهم انقلوا مشاركوتوا في موضوع تاني و خلاص نتابع هنا ..ولا ايه ؟!
و طلبنا يتعمل قسم للموضوع ده و ياريت في اقرب وقت يكون موجود و يكون باسم الجمعية اللى لسة مخترناهوش ...
و اللى المفروض اتعمل موضوع استطلاع راي عن الاسم ( ده غير انه في قسم فضفضة مش عارفة ليه ) و برده نفس الخطأ اتعمل استطلاع راي بخصوص حملة من يدفعهم عنا و له الجنة ..المفروض كان يبقى استطلاع راي بخصوص اسم الجمعية او الرابطة ...صح ولا ايه ؟!
و الموضوع هنا اهو :
http://way2allah.com/forums/showthread.php?t=11673 (http://way2allah.com/forums/showthread.php?t=11673)

و زي ما قلت لحضرتك اقتارح حضرتك نفسه ده اللى بكتب فيه الان و اقتارح الاخت لؤلؤة اللى في موضوع خاص المفروض الاقتراحات ديه تبقى في موضوع واحد مش نعمل اكتر من موضوع لان ده هيلخبط الناس و هيلاقوا اكتر من موضوع بنفس الاسم ..؟؟!!
في الاخر انا شايفة الاتي :
1/القسم يتعمل باسم الجمعية او الرابطة اللى المفروض بيتصوت عليه و يتغير عنوان الموضوع اللى اسم الجمعية و ليس اسم الحملة
لأن خلاص الحملة بدأت و الناس بتشتغل و اسمها من يدفعهم عنا و له الجنة ده اسم راائع ما شاء الله ..و يتحط هناك كل المواضيع الخاصة بالحملة و بالموضوع ده
2/ في موضوع اللجان اللى الاخت يمامة كتبته تكتب تحت و ديه اول حملة و هي حملة من يدفعهم عنا و له الجنة ...التى اخرجتها لجنة اعرف نبيك " لجنة نصرة الرسول صلى الله عليه و سلم "
و تغير عنوان موضوعها و يبقى لجان الجمعية..و تضع الابع لينكات بتوع الحملة ..و حضرتك تمسح الكلام بتاع اننا نشارك هناك.
3/ مواضيع الحملة زي ما هيا و الناس تشارك زي ما هيا و الشغل ان شاء الله لازم يخلص الاسبوع ده الشغل المطلوب
و اول ما الشغل ينزل نبدأ نوزعه على اللجان بقى ...
نقوم عاملين موضوع لكل لجنة و نديهم المواد بتاعتهم هما ينطلقوا فيها
يعني مثلا لجنة الشارع لما يتم عمل الورق اللى هيتوزع و ينزل صورة للورقة و نجمع كل اللى طلبناه ننزله ليهم و نقولهم انطلفوا ...و هكذا لكل لجنة

ده اللى انا شايفاها و فاهماه بصراحة لأن اللى بيحص دلوقتى خلى الموضوع اقل تنظيما ..
اتمنى الرد السريع
و يمكن اكون انا مش فاهمة
و الله المستعان
و اسفة على الاطالة ..و جزاكم الله خيرا

[د.خالد الرفاعي]

بسم الله الرحمن الرحيم

جزاكي الله خيرا يا أختي على هذا الحماس المنقطع و لي بعذ الملاحظات

1- انا لست من المشرفين على الموقع و قد طلبت منهم ركن خاص حتى لا يختلط العمل و أرجو ان يكون هذا سريعا

2- الله يعلم اني بذلت جهد لتقسيم اللجان بالشكل الذي ترونه الآن لكني في حاجة لمساعدة الجميع لأني لم اجد حقيقة تشجيع حقيقي على فكرة الرابطة أو الجمعية

3- الأخت يمامة المسجد وضعت موضوع اللجان في فضفضة إيمانية و لكم تضعه في المكان المخصص للحملات و قد بذلت مجهود كبير جزاها الله خيرا لكن في المقابل الناس تاهت و هذا خارج عن إرادتها فحاولت أن أساعدها بنقل كل النشاط على رابط واحد

4- فيما يتعلق باسم الجمعية أو الرابطة فكلامك صحيح فهو لم يتم تحديده بعد و كنت أفضل أن يكون اسم عام ك ( النور أو مشكاة ) أو اي اسم آخر حتى لا أحد من من نشاط الجمعية و الأمر في أيدينا

5- يجب أن يوجد حل لمشاركات الأخوة و الأخوات السابقة لأننا الآن نملك لجان لذا فعل كل من شارك أن يرتب مشاركاته تبعا للجان الجديدة فأخبرينبي بالله عليك ما هو الحل ؟

6- عندي مشكلة آخرى أخيرة و هي اني مشغول هذه الأيام جدا و لا أستطيع الجلوس كثيرا أمام النت لذا فأنا أرى أن يمكن أن تقومي حضرتك و الأخت يمامة بتنسيق هذا الأمر حالياو أنا عامة سأوافق على أي عمل ينظم الحملة

7-أعتقد ان شرحي في الدرس كان واضح لذا أن أرى تشجيع الجميع على سماع الشريط للتضح الأمور

8-المفترض أن مشروع حفظ القرآن بدأ فأخبريني بالله عليك كيف يمكنني متابعة الناس علما ان الغالبية من الأخوات

لذا فأنا أقول للجميع رجااااااااااااااااء نريد مساعدتكم سريعا في التغلب على هذه الصعااااب

أولا: إيجاد اسم سريع و شيق لرابطتنا او جمعيتنا لا يرتبط بنصرة الرسول نريد اسم عام

ثانيا: على الأخوة المشرفين توفير قسم خاص للجمعبة خلال هذا الأسبوع

ثالثا: على كل من يراغب المشاركة الإدلاء بمقتراحته سريعا و نحاول أن نتواجد يوميا على النت لمدة ساعة على المنتدى لإيجاد حل

رابعا: ممكن نعمل جلسة خاصة في الغرفة الصوتية هذا الأسبوع و ليكن الاثنين مثلا لإيجاد حلول لهذه المشاكل

و جزاااااكم الله خيرا

[رشيده]

بصراحه ياأيه انا اتلخبطت ومش فاهمه حاجه خالص ياريت تكون فى طريقه للتوضيح اكثر انا كتبت مشاركاتى فى الشغل المطلوب للحمله
هنا المشاركات بتاعتى (http://way2allah.com/forums/showthread.php?t=11622&page=3)

[د.خالد الرفاعي]

بسم الله الرحمن الرحيم

للآسف الشديد سأكون خارج المنصورة تماما اليوم و لن أستطيع متابعة ما يحدث لذا فأنا فعلا في غاية الحزن على ما يحدث لأني تصورت أن تقسيم اللجان سيحل مشكلة الروابط الكثيرة لأنها كانت خمسة روابط الأعمال كثيرة أيضا لذا من الصعب تقسيم الشل لذا لإانا أرجو من الله أن ييسر لي هذا الأمر .

الحل الذي أراه الآن هو قسم خاص يالجمعية و يوضع فيه حملتنا لحل هذه المشكلة

ملحوظة أخيرة يجب على كل من يريد العمل معنا أن يسمع الشريط
و هو على هذا الرابط
http://www.way2allah.com/modules.php?name=Khotab&op=Detailes&khid=5045

[آية الله]

بسم الله الرحمن الرحيم
السلام عليكم و رحمة الله و بركاته

و جزاكم الله خيراً مثله ... أسأل الله أن يجعلني خيراً مما تظنون و أن يغفر لي ما لا تعلمون...

في البداية ان شاء الله هرد على نقطة نقطة ...و اقول حل مبسط في النهاية إن شاء الله عز و جل ..

1/ اعلم ان حضرتك مش مشرف ... و لكن اقصد بكلامي المشرفين ..
2/ أسأل الله ان يجعل مجهود حضرتك في ميزان حسنات حضرتك و هوا مجهود رائع ما شاء الله ..و شكر الله لك هذل العمل و بإذن الله انا عندي اقتراحات لمشاريع لكل لجنة بس هقولها الاسبوع اللى جاي ان شاء الله لاني مشغولة الاسبوع ده و عندي امتحان مهم يوم الجمعة ...
ثانيا ..حكاية التشجيع على الرابطة او الجمعية ... أؤيد حضرتك شبدة ..لأن ده حلم من احلامي اصلا ...و بإذن الله بيقيني في الله ستحقق يوما على ارض الواقع ان كان لي عمر على ارض الواقع بمقر في المنصورة بس حين ييسر الامر ان شاء الله ...ده غير اننا هنا معرفناش حكاية الجمعية او الرابطة علشان نشجع حضرتك ... لكن اكيد لو كانت عرضت لكان الجميع شجع و بقوة و قالوا : مواااااااااافقون لان اغلبنا يتشوق الى العمل في جمعية بالضوابط الشرعية و يرجع شغل زمان بقى و الايجابية الجميلة اللى كانت فينا بس في رضى الله ..
لذا فإن شاء الله مؤيدين في الجمعية الالكترونية هذه الى ان يصبح لها مقر على ارض الواقع ان شاء الله ..او الرابطة ديه ..و الله الموفق ..
3/ اعلم و الله العظيم ان حضرتك قصدت الخير و جزاك الله عنه خيرا ...و اعلم ان يمامة جزاها ربي خيرا لعله سهو منها ان وضعته هناك ... و إن شاء الله الامور ديه كلها هتتزبط..
4/ فيما يتعلق باسم الجمعية ..هو حلمي انها تكون " ريح الجنة " ..
فأنا أحب جدا هذه الاسم ....لقصة الصحابي الصادق الشهيد ... رضي الله عنه
الصحابي الجليل " أنس بن النضر "

لم يعلم أنس رضي الله عنه بخروج النبي صلى الله عليه وسلم لقتال

المشركين يوم بدر، فحزن حزنا شديدا ، ونذر نفسه للشهادة في سبيل

الله ليعوض ما فاته من يوم بدر.

وذهب إلى الرسول صلى الله عليه وسلم نادما أن فاتته غزوة بدر،

فقال للنبي صلى الله عليه وسلم :

( يا رسول الله غبت عن أول قتال قاتلت فيه المشركين والله لئن أشهدني الله قتال

المشركين ليرين الله ما أصنع )


لما كان يوم أحد ، خرج أنس بن النضر رضي الله عنه مع المسلمين ،

وهو يتمنى أن يلقى الله شهيدا في هذه الغزوة.

وبدأت المعركة وكان النصر حليف المسلمين إلى أن خالف الرماة أمر

رسول الله صلى الله عليه وسلم ، وتحول النصر إلى هزيمة ، وفر

عدد كبير من المسلمين ، ولم يثبت مع النبي صلى الله عليه وسلم سوى

نفر قليل ، فلما رأى أنس بن النضر رضي الله عنه ذلك المشهد تذكر

على الفور وعده لله تعالى ، وقوله للرسول صلى الله عليه وسلم :

( لئن أشهدني الله قتال المشركين ليرين الله ما أصنع )

وذهب إلى رجال من المهاجرين والأنصار ، وقد ألقوا بأيديهم فقال :

ما يجلسكم ؟

قالوا : قتل رسول الله صلى الله عليه وسلم

قال رضي الله عنه : فماذا تصنعون بالحياة بعده ؟

قوموا فموتوا على ما مات عليه رسول الله صلى الله عليه وسلم

ثم انطلق يشق صفوف المشركين قائلا :

( اللهم إني أعتذر إليك مما صنع هؤلاء " يعنى أصحابه " وأبرأ إليك

مما صنع هؤلاء " يعنى المشركين " )

ثم تقدم شاهرا سيفه ، فاستقبله سعد بن معاذ رضي الله عنه فقال :

( أي سعد ، هذه الجنة ورب أنس إني لأجد ريحها دون أحد )

وأخذ يقاتل ويضرب بسيفه يمينا وشمالا ، حتى سقط شهيدا على

أرض المعركة .
أنتوا متخيلين اد ايه يا جماعة هذا الفارس أنس بن النضر ... كيف كان هو ذو همة لم تتوقف ..ذو شوق للجنة لا يتوقف ... ذو صدق مع الله أين هو الان ..صدقه حين عاهد الله على شيء فعله ..متخيلين يا جماعة هذا الصحابي الجليل .. كان هو عنصر الثبات في الصف بتاعه ..هو الذي أيقظ صفه .. هو شعلة الحماس و الانطلاق التى لا تنطفأ ..هو الذي حركه ريح الجنة ..و حركته الجنة التى رباهم عليها النبي صلى الله عليه و سلم ..
علشان كده نفسي اسميها ريح الجنة ..
الجنة اللى هيا حلمنا
اللى بنشتغل علشانها
و هنموت علشانها
و نفسنا ندخلها
نفسنا نكون زي سيدنا أنس ..رضب الله عنه ...ريح الجنة نشمها دوما و نتحرك و لا ننام أبدا
كلما نضعها امام اعيننا فننطلق و لا نهتم لأي شيء سواها
نكون فرسان و سابقون مثل أنس رضي الله عنه

5/ بالنسبة للجان زي ما قلت لحضرتك الناس هتشتغل عادي جدا و شغلنا الان مجرد تجميع للمواد اللى هننطلق بيها ..و تقسيم المهام علينا ..لكن اللجان ديه اللجان الاصليه للجمعية و الحملة مشروع من مشاريع اللجنة الثانية لجنة اعرف نبيك صلى الله عليه وسلم
و بعد كده نوزع الشغل علينا يعني كل اللى مشتركين في الحملة الان يعتبروا اعضاء اللجنة ديه لجنة اعرف نبيك ...حضرتك فاهم قصدي؟!

6/ بالنسبة ان حضرتك مشغول أسأل الله ان يبارك في وقت حضرتك ..مفيش مشكلة حضرتك بس اديني الموافقة على اسم الجمعية او الرابطة و كلم الاخ ابو يحيح قوله عليه و ينزله سريعا و انا في اتم الاستعداد امسك اشراف القسم ده مع حضرتك لحد ما حضرتك ييسر لك الامر و تقدر تتابع معانا ان شاء الله و انا هزبط كل الروابط و هشرحلهم كل حاجة و هنحذف الروابط اللى ملهاش لازمة ... بس القسم يفتح ..و ديه مهمة حضرتك مع الاخ ابو يحيي

7/ الشرح واضح و تم سماع الدرس مرة اخرى .. و لكن لعل بعض الناس فهموا غلط و الله المستعان..

8/ حفظ القرآن ...انا ان شاء الله هتابع الاخوات ...و حضرتك بقى مهمة حضرتك الاخوة و تجمعهم و تابع معهم زي ما قلت على الغرفة ..
و بالنسبة للاخوات تم عمل مجموعة بالفعل معي كل جمعة و بدأنا الحمد لله ...و مش هعلن عنها الا لما القسم يفتح علشان الناس تتنظم و تفهم و متتلخبطش ..

الرد بقى على اولا و ثانيا قلته خلاص ..
ثالثا بقى انا قلت راي اهو و مستنية الموافقة من حضرتك قبل ان تهبط همة الناس اللى بتشتغل و يزهقوا و يمشوا
رابعا ...لا داعي على الاطلاق لمقابلة على الغرفة دده هيشتت الناس اكتر و مش كله هيدخل و في ناس اصلا مش عارفة الموضوع ده بتبقى موجودة فهنثير بلبلة ... شايفة ان لما القسم يتفتح و نبدا نشرح الجمعية ديه ليه و علشان ايه و لجان ايه و عايزين اقتراحاتكم و احالامكم لجمعيتنا و كل ده عليا ان شاء الله اني اعمله بس وفروا لى القسم و سريعا و ادوني حكاية الاشراف علشان اعرف انقل المواضيه و احذف اللى ملوش لازمة و كده ..

مستنية رد فعلي و سريع بارك الله في حضرتك و جزاك كل خير ..و اسفة على الاطالة

[د.خالد الرفاعي]

بارك الله فيك يا أختي

أنا قرأت موضوعك و أنا أستعد للخروج و الله يعلم أني متأخر جدا
لذا انا موافق حضرتك ابدأي ضبط العمل مع الأخت يمامة المسجد على الفور ز جميع المتحمسين مع مراعاة تنظيم الروابط و انا حكلم الأخ أبو يحى

ملحوظة اسم الجمعية ممتاز
جزاكي الله كل خير

[آية الله]

جزاكم الله خيرا ... و اسفة جدا على تعطيل حضرك..وفقكم الله لما يحب و يرضى ... في إنتظار نتيجة المكالمة !!!!

[نسيبة بنت كعب]

أولا جزاكم الله خيرا
والله هو المشروع رائع والمجهودات كتير ما شاء الله والناس كلها متحمسة
وانا على ما أقدر ها احاول اقلل من التشتيت شوية سوف أحذف اطلب من الادارة حذف موضوعى بتاع الاقتراح بتاع القسم الجديد عشان ننقلل من اللخبطة شوية
وجزاكم الله خيرا كثيرا ووفقكم وبالنسبة للاسم ما شاء الله رائع وتوكلوا على الله ولاداعى لتعطيل المشروع أكثر من ذلك عشان الاسم
واقتراح اجتماع على الغرفة أنا بصراحة ارغب فى ذلك بس بشرط يكون المشرف موجود على الغرفة عشان يتم التنفيذ فى نفس الوقت ويتعمل اعلان على الرئيسية فى الشريط اللى بيمشى اعلى الصفحة

[د.خالد الرفاعي]

ما شاء الله بداية موفقة أصبح عندنا الآن منتدى فرعي و لجان لذا أعتقد انه يجب علينا ان نبدأ العمل فورا

[آية الله]

السلام عليكم و رحمة الله و بركاته
هو فعلا بقى عندنا لجان و منتدى فرعي و ديه خطوة ..يشكر عليها ادارة الموقع و جزاهم الله خيرا
لكني كنت أفضل ان يكون قسم خاص اسمه "جمعية ريح الجنة "
و ندخل نلاقي جوه موضع مثلا ايه هيا الجمعية نبدأ نقول هدفها و رسالتها و رؤيتها و ليه اختارنا الاسم ده و نشترك ازاي ...و ان ان شاء الله في يوم ن الايام الجمعية ديه هتبقى على اراض الواقع و بمقر مش جمعية الكترونية ... و نشرح لجان و بعدين نوضح ان الحملة ديه احدى مشاريع اللجنة التانية بتاعت اعرف نبيك صلى الله عليه و سلم ...بحيث اللى يدخل هيبقى فاهم كل حاجة و اللى عايزين نوصله لقاريء هيدخل دماغه بترتيب و يبقى فاهم و يقدر يشارك
علشان كده كنت حابة القسم يبقى خارج حملات و يكون باسم الجمعية و الموضوع اللى بكتب فيه ده هوا و موضوع استطلاع راي و اللجان يتحذفوا و اللجان تتكتب تاني ( كوبي و بيست ) في موضوع ايه جمعية ريح الجنة ديه و اهدافها و الكلام ده كله و نضع لينك الحملة و الشغل و الكلام ده علشان الناس تفهم ...
و نعمل موضوع داخل قسم جمعية ريح الجنة ده باسم اقتراحتنا و احلامنا لجمعيتنا ...كل اللى عنده مشروع نفسه يحققه يدخل يقولنا عليه و نعمله من خلال جمعيتنا ..كل واحد اشتغل في جمعية و خرج بسبب مشاكل يقولنا عليها علشان نتفاديها .. اللى عنده اقتراح فكرة مشروع ...يقدر يفيدنا بعلم عنده بخبرة باي حاجة يدخل ...كل واحد بقى يفضفض و يخرج لنا احلامه للجمعية من جميع المجالات ..نفسك مشاريع ايه في العمل الخيري و نفسك في الدعوة و ....... و في كل مجال ..مجال التوعية مثلا ...

مش عارفة بصراحة كان نفسي نشتغل بالطريقة ديه .. كان هيبقى ليها ثمار ...لان العمل المنظم المرتب ...بيبقى ليه ثمار ..
عموما جزاكم الله خيرا و ادينا بنتعلم ...و يلا نشتغل بكل همتنا و قوتنا علشان ننجز الحملة يا جماعة ..

صلى الله على محمد ... صلى الله عليه و سلم
و السلام عليكم و رحمة الله و بركاته

[د.خالد الرفاعي]

بسم الله الله الرحمن الرحيم

لو حضرتك تقدري تتولي الموضوع بهذا الشكل فليس عندي أدنى مشكلة بإذن الله لكن ننتظر ليوم الخميس عشان نشوف الناس عملت أيه الأسبوع ده

و حضرتك لحد يوم الخميس تكوني وضعتي تصور للمنتدى الفرعي و انا حقوله في الدرس بإذن الله

[آية الله]

خلاص مفيش مشكلة ربنا ييسر الحال بإذن الله و أحضر الكلام ده و هنزله هنا لحضرتك بكرة او بعده ان شاء الله ..
بس استئذن حضرتك تقولى الرسالة و لارؤية و لاشعار بتوع حضرتك اللى شايفهم من الجمعية .. بحيث ان حضرتك مقترح فكرة الجمعية فاكيد التلات حاجات دول حضرتك متصورهم ..حضرتك قولهم و اللى عنده اقتراح لل3 حاجات دول يقولهم ...
و هحضر بتوعي ان شاء الله و اقولهم