مش عايزة تقابله كدة .. ايه رأيكم؟؟

[5 شمس 5]

:LLL:

فيه موضوع يابنات كنت عايزاكم تشاركونى فيه

فى يوم كلمتنى صديقة ليا وبتقوللى ان ليها صديقة منتقبة وملتزمة والحمد لله
عارفاها من المسجد اللى بتروحله جنبهم

البنت المنتقبة دى كانت مخطوبة وعقدها قرب
دار الكلام بينها وبين صديقتى على ازاى هتقابل زوجها بعد العقد لما يجيلها
فالبنت المنتقبة قالتلها هقابله بالعباية والحجاب

صديقتى قالتلها ده هيبقى زوجك ازاى مش هتقابليه بشعرك؟
قالتلها لأ هقابله بالحجاب لإنى استحرم اكون سبب لتحريك مشاعره لو شافنى بشعرى

وفى يوم العقد البنت كانت عاملة طبعا الفرح منفصل
وكانت بأكمل زينتها وبشعرها
ولما قالولها العريس طالع عشان يلبسك الشبكة
( بغض النظر على ان طلوعه صح ولا غلط)
جريت بسرعة وامها لبستها الكاب عشان تغطى شعرها ودراعها من زوجها العاقد عليها

طبعا صديقتى بتحكيلى الكلام ده على اساس ان انا منتقبة برضه
وبتاخد رأيى فى الموضوع ده
وبصراحة انا قلتلها المفروض ان ده عقد زواج
يعنى ده زوجها دلوقت ويحقله يشوفها عادى

وبصراحة يا بنات الله يكون فى عون الشباب هما هيلاقوها منين ولا منين
يعنى مش كفاية المناظر اللى بيشوفوها فى الشارع من المتبرجات
كمان نقابلهم بعد العقد واحنا مقفلين كدة؟؟:(مندهش):

انا عن نفسى عقد زواجى كان الشهر اللى فات
وبقابله بشعرى عادى وبهتم بنفسى قوى لما بيجى
ماهو يانا ياللى فى الشارع دول :(غضبان):

عايزة رأيكم يا بنات فى الموضوع ده
***

[مسلمه مصريه ولى الفخر]

ههههههههههههههههههههههه
تعرفى يا شمس انا برضه كان فيه حوار بينى وبين احد الاخوات عن الموضوع ده
بس انتى عارفه انا كنت مع جنب صديقتك الى هى بتقول تغطى شعرها
اصلى معقده
ههههههههههههههههههه
نتكلم جد بقى
بجد انا الاول كنت بقول استحاله اظهر قدامه بشعرى
لكن هتزين واهتم بنفسى وكل حاجه
بس هغطى شعرى
فحصل كلام بينى وبين والدتى عن الموضوع ده
وكان رأى امى انها المفروض زوجها فتظهر قدامه بشعرها
وطبعا النقاش استمر لفتره طويله
وكلا منا مصمم على موقفه
والله مش عارفه بقى وقتها ايه الى هيحصل
بس فيه اخوه بتطلب انها تقابله بشعرها
وفى اخوه بيشوفها مثلا مره ولا مرتين بشعرها وبعد كده بيطلب منها تبقى تغطى شعرها
فكل واحده على حسب زوجها
وربنا ييسر الحال
ويرزقنا جميعا بازواج صالحين يعوننا على الطاعه

[رشيده]

والله ياأختى بجد مااعرفش اولا لأنى مش منتقبه بس ممكن الرجوع لأحد الشيوخ وسؤاله بس اعتقد ان ده حلال لأنه زوجك ويعامل معامله الزوج ماعدا الدخول والله تعالى اعلى واعلم

[(فتاه الاسلام)]

جزاكم الله خيرااخواتى
انا رائى انها تنزع النقاب فقط عادى وممكن تجلس امامه بالعباءه والطرحه القصيره او الطويله ويكون لبسها جميل
لانى مع الاخت الى بتقول انها لا تريد ان تحرك المشاعر .
ارجو ان نضع فى الاعتبار ان فى حالات بيتطور الموضوع معاها بسبب انها بتجلس امامه بشعرها وبراحتها وبكامل زينتها بقول انه زوجها ولكن اخذ الاحتياط افضل فلاافراط ولا تفيط يعنى ولاتقعد بشعرها ولاتقعد بالنقاب.وانا سمعت الشيخ محمود المصرى يقول انالاخت يجب الا تتخفف من الملابس او الا تكثر الخلوه حتى لا يقع مالا يحمد عقباه وهذه حالات نراها فى واقعنا.وبعدين ما اكيد كلها ايام او بالكثير شهر وتتم الفرحه الكبيره

[الشهد]

السلام عليكم
كييفكم حبيباتى
انا داخلة اقرا الموضوع واستغربت من رأى صديقتك ياشمس المنتقبة
دا خلاااااص بقى زوجها وممكن يشوفها بشعرها وبلبس البيت عادى خالص وبكامل زينتها ويبقوا قاعدين لوحدهم كمان
لانه خلاص بقى زوجها الا بس انه يدخل بيها ودا لمصلحتها كمان بس

[5 شمس 5]

حبيبتى مسلمة مصرية وليا الفخر

رأيك جميل بصراحة
خلينا نشوف رأى الزوج
ولو مش مهم معاه يشوف شعرى يبقى خلاص هو حر
واهو ع الأقل يريحنى من تسريح شعرى كل ما يجى :(ضحك):
وجزاكِ الله خيرا على مشاركتك

--------

حبيبتى رشيدة

انا كمان رأيى من رأيك
وطبعا الرجوع للشيوخ أفضل وأسلم
وجزاكِ الله خيرا على مشاركتك

----------

حبيبتى الدرداء

بصراحة فيه اخوة مشاعرهم بتتحرك ناحية الأخوات حتى لو بالنقاب
زوجى بيحكيلى انى لما كنت بقعد قدامه بالنقاب ووسط اهلى ايام الخطوبة
كانت مشاعره بتتحرك ناحيتى برضه http://photos.arabhs.com/smiles/data/13/162.gif

ولو فكرنا فى انى لو ظهرت بشعرى قدامه مشاعره هتتحرك
امال بيحصلله ايه من المناظر اللى فى الشارع :(مندهش):

انا رأيى بصراحة ان لو الواحدة خايفة من الخلوة
ممكن تقعد قدامه بكامل زينتها و شعرها
وتبقى فى صالة البيت واهلها رايحين جايين عليهم http://photos.arabhs.com/smiles/data/13/100.gif
وكلام فى سرك http://photos.arabhs.com/smiles/data/13/064.gif
فيه أخوة بيفتتنوا من مناظر البنات فى الشارع وبيغضوا بصرهم على أد مايقدروا
فبيطلبوا من الزوجة بمجرد العقد انها تلبس زيهم شوية
عشان يبصوا ع الحلال براحتهم :(دنيا):
زى مازوجى عمل معايا

وجزاكِ الله خيرا على مشاركتك

-----

حبيبتى الشهد

فعلا البنت هى اللى هتخسر فرحتها بيوم زواجها لو دخل بها زوجها اثناء العقد
وكمان لو لا قدر الله طلقت وقت العقد هتقول ايه؟؟
لكن هل نعتبر ده زنا؟؟ اكيد لأ

عشان كدة بقول انها خلاص حلاله ويجوز اى حاجة بينهم
لكن لا يدخل بها عشان وعد أهلها بده مش عشان حرام
وجزاكِ الله خيرا على مشاركتك

------

بصراحة يا بنات انا مبسوطة من مشاركاتكم جدا
واختلاف الرأى لا يفسد للود قضية

ومنتظرة مشاركات اخرى من اخوات متزوجات وعاقدات
وجزاكم الله خيرا

[aldaeia ela allah]

انا لسه صغيره اه بس ليه راى فى الموضوع

انا لو حد قالى اطلعه ادامه بطرحه صراحه انا اخنقه

مش كفايه بطلع بالنقاب كل فتره الخطوبه

كمان فى كتب الكتاب لا ده كلام فاضى

ده انا اسافر معاه كمان

بس يستحسن فى ديه يكون حد معانا