كيف كان طريقك الى الله؟؟؟؟؟؟؟

[آلاء الله]

بسم الله الرحمن الرحيم
قال تعالى :انك لاتهدى من أحببت ولكن الله يهدى من يشاء:
وقال تعالى:الله ولى الذين آمنوا يخرجهم من الظلمات الى النور:
وقال تعالى:ومن لم يجعل الله له نورا فما له من نور:
وقال تعالى :قل ان هدى الله هو الهدى :

أخواتى فى الله
والذى فلق الحبة وبرأ النسمة إنى احبكم فى الله


اكيد يا اخواتى كل واحدة فينا كا فى سبب فى التزامها ...........
آية سمعتها فهزت كيانها
درس حضرته فأثر فيها
شخصية كانت سبب فى تغيير حياتها
او موقف كان هوا طريقها للهداية...............

والكلام فى هذا الموضوع كتير ............
والقصص لاتنتهى ......................................


فكيف كان طريقك الى الله ؟؟؟؟؟؟؟؟؟؟؟
ومن كان قدوتك فى ذلك؟؟؟؟؟؟؟؟؟؟؟؟؟؟؟؟؟؟
وما هو سر التزامك؟؟؟؟؟؟؟؟؟؟؟؟؟؟
والمشاكل التى واجهتك عند الالتزام..............

وجزاكم الله خيرا

[mero]

السلام عليكم ورحمه الله وبركاته

اولا احبكى الذى احببتينى فيه

ثانيا ساقص لكى لعل كلامى يكون به فائدة ، باسم الله :

انا يا ستى كنت فى 3 ثانوى كنت بروح دروس ن وكان فى درس رياضات بعده على طول العشاء بتاذن فا كنت بروح اصلى فى المسجد اللى جنب الدرس ، فا كان فى هناك بنات بيحفظو قران ودرس تجويد على يد استاذه فى المسجد ، قعدت معاهم وقررت احفظ اللى عليهم ، المهم روحت وحفظت الصفحه اللى اخدوها وكانت اول مره احفظ بالتجويد ، فى هذا الاسبوع لقيت أخواتى بيتكلمو عن الشيخ حازم وانو شيخ كويس ( دمه خفيف ) فا غيرت معاد الدرس بتاعى وسيبت القران ورحت معاهم الشيخ حازم ، اخدت معايا ابن خالتى وهو أصغر منى بسنه كان بيحكيلى على مشاكله وكده ، اقنعته انوة يجى معانا الدرس ، والحمد لله ذهبنا .

هنا بقى كانت المفاجئة الكبرى فعلا ، كانت المحاضره عن " النار" ، سبحان ربى انا تقريبا تلت تربع المحاضره قضيتها بكاء ، وفكرت فى ابن خالتى اللى قعدت اقنع فيه يجى نص ساعه انو يجى معانا واقوله الشيخ حازم دمه خفيف وبيهزر فى المحاضره وبتاع ، بس سيبحان ربى ما هى الا دقائق ولقيت الشيخ بيقول ويا جماعه اللى جاى اول مره ما يزعلش ممنا لو كنا شدينا فى الكلام او كده ، بعد الدرس ذهبنا لزياره خاله لينا ، وثانى خبطه تفوقنا كانت مشغله على قناه فضائيه عمرو خالد واكانت الحلقه عن التوبه وشروطها .

بس بقى من هنا بدئت قررت خلاص الاغانى انساها ، شات مع ولاد أمسح كل الايميلات اللى عندى ، بس باقى شىء انى لبسى كان شوية ضيق على راى الشيخ حازم ( حجاب امريكانى ) ، بس انا كان فى حاجات كتير قبل الالتزام كانت فطرتى فيها سليمه الحمد لله دا من فضل ربنا عليا .

خلصت الثانويه العامه بحلوها ومرها ،وفى الاجازه بدات تانى حفظ قرآن بس فى السلاب ، وكان فى بنت منتقبه بتحفظ معانا انا كنت بحبها جدا و ما عنديش الجراة انى اقولها وكنت من اشد المعجبات بصوتها فى التلاوه ، عموما انا كنت بحب المنتقبات جدا وكنت بتمنى انى البس نقاب ، وما هى الا ايام قليله وسيبت الحفظ تانى ، عشان اختبارات الكليات وكده ، سبحان ربى هما كام يوم كده ونزلت انا وصديقه ليا ( بنتفسح ) فا عدينا على صن مول ا وروحنا مكتبه يلا شباب جبنا من هناك شويه شرايط على كام كتيب ، المهم اسبوع كده ولقيت ان ربنا مسهلى وبروح دروس الاخوات ، تعرفت على بعض الاخوات ، وكانو لسه مش صحابى اوى ، المهم اخر الاسبوع ده روحت انا وصديقتى تانى مكتبه يلا شباب وكنت فى نيه اجيب اسدال ، واشتريته والحمد لله وطلعت بره المحل فا صحبتى قالتلى ايه انتى مش هتجيبى النقاب سبحان ربى دخلنا تانى وجبت النقاب ، وكل اللى فى المحل باركولى كنت سعيده جدا جدا جدا ، طبعا اول لما روحت لبست الاسدال والنقاب وقعدت شويه اتفرج على نفسى فى المرايه واخواتى يتريقو عليا ، المهم كان الموضوع مقبول فى البيت وان كان غريب فى العائله ، وليس الاسرة .

المهم طبعا اتعملى جلسه اتهام من بعض خالاتى والحمد لله ما زدت الا يقينا على يقينى بانى ماشيه فى الطريق الصح ، وبعدى باسبوع بفضل ربنا وكرمه علينا اختى لبست زيى السواد ، وما هى الا ايام قليله وعرفنا بنات فى منتهى الجمال خلقا وخلقا ،وسبحان ربى سبحان ربى لقيت اخت ليا فى الله بتقدمنى لواحده تانيه بتقولها دى فلانه ويا فلانه دى فلانه والله كدت ان يغشى على تخيلى كانت الاخت اللى حفظت معايا قران وكان نفسى اكلمها ، الحمد لله ربنا كريم اوى ، بقى ليا اخوات كتير فى الله ، بقينا بنروح نعمل حاجات خيريه مع بعض و نتقابل فى الدروس ، واجمل من كل اعتكافنا مع بعض ، يا إالهى كانت ايام فى منتهى الروعه جنة جنة وربى جنة ، وبفضل ربنا رجعت تانى من وقت قريب احفظ قران على يد اخت ليا فى الله .

بس يا ستى من بعد الاعتكاف وانا علاقتى باخواتى فى الله شديدة جدا بقيت وربى بحبهم زى اختى اللى من امى وابويا وسعات اكتر وربى .

انا اسفه لو كنت طولت عليكى ، وعاوزه اسمع قصتك انتى مع الالتزام .

السلام عليكم ورحمه الله وبركاته

[ana_moslema]

السلام عليكم ورحمة الله وبركاته

موضوع جميل يا ألاء زى ما عودتينا

انا رجعت ليكم تانى بعد بعد لفترة طويلة

بس اكتشفت فى النهاية لما ابقى وسط اصحابى اللى اعرفهم ويعرفونى ده احسن بكتير

انا بقى ياستى حكايتى حكاية ولو فضلت اكتبها بالتفصيل هتملوا جداااااااااا

انا التزمت وانا فى تانى سنة ليا فى الجامعة يعنى اولى صيدلة

كنت عادى جدا لبس وميكب واصحاب وخروج معاهم ونتفسح خلا طلعت من الثانوية العامية اللى فضلت محبوسة سنتين كاملتين فى البيت وكمان ابى توفى فى الفترة دى

المهم برده انا مكنتش سعيدة مع انى تقريبا انا وصحابى مكناش بنفترق نقوم نروح الجامعة نيجى من الجامعة يدوب ننام شويه ونقوم نكلم بعض تانى

المهم عدت عليا سنتين فى الجامعة وفى نهاية العام الثانى حاسة باكتئاب فظيع ومش عارفة اعمل ايه وكانت بنت خالتى عندى بتذاكر معايا وكان يوم جمعة فقالت لى انا همشى بقى على المغرب علشان اروح درس دكتور حازم فقالت لى تيجى معايا انا مترددتش قولتلها طيب هاجى رحت الجامع وكان الدرس او درس فى سلسلة كان الدرس بعنوان حب الله وكان درس فى منتهى الروعة وانا فى الدرس دخل قلبى معانى حلوة قوى وعزمت على التغيير والقرب من الله

تانى يوم نزلت الجامعة من غير ميكب وكان عندى طرح طويلة فبدات البسها احنا كنا فى الفترة اللى قبل الامتحان المهم انتهت الامتحانت ولبست الاسدال علطول ولبست بعديه بأسبوعين النقاب وبعديه بشهر لبست الملحفة السوداء ومن سعتها والحمد لله وانا لابسها انا تقريبا بقالى سنتين ملتزمة ادعو لى بالثبات ده كان بداية الطريق

الحمد لله ربنا فتح على دلوقتى فى حاجات تانية اللهم ارزقنا الصدق
وانا كنت مع ميرو فى الاعتكاف السنة دى كان فعلا رمضان رائع اللهم اعده علينا مرات عديدة

كفاية بقى طولت عليكم .....................

[الله ناظرى]

[السلام]

جميلة الفكرة دى يا آلاء
:( تكريم ):

أنا قررت أحكى قصتى
وبصراحة مش عارفة أنا بحكيها علشان يمكن تساعد حد
ولا بحكيها علشان يمكن حد يساعدنى
:cry:

البداية كانت من سنتين .. بالظبط بعد عيد الفطر .. وأنا كنت فى 3 ثانوى
كان د. حازم لسة فى بداياته.. لأنى فاكرة أول ما رحت كان عددنا قليل

المهم أنا كنت قاعدة فى أول يوم بعد العيد لا بيه ولا عليا .. وكنت زهقانه
المهم بنت عمتى ( الله يكرمها ) كانت عارفة درس د. حازم
قالتلى تيجى معايا الدرس .. فقلت درس ايه ؟؟ وفين ؟؟
قالتلى د. حازم .. على المشاية

قلت كويس أوى .. أنا أصلا كنت راحة المشاية علشان اجيب شرايط جديدة (لعمرو دياب و لاتنين كمان بس نسيت دلوقتى) وكنت واخدة معايا 50 جنيه .. علشان كنت بجيب شرايط أصلى .. شوفى أنا نازلة بنية ايه .. سبحان الله !!

وقلت أما أشوف الراجل اللى بتقول عليه بنت عمتى ... وأشوف مين اللى غير تفكيرها كده مرة واحدة ... مكنتش محجبة واتحجبت (حجاب أمريكانى أه ) بس كان تقدم كبيييييييير أوى بالنسبة لها ( الحمد لله هى منتقبة دلوقتى)

رحت الدرس .. وكان د. حازم بيتكلم عن الجنة يومها
كان درس جميل أو بمعنى أصح ربنا فتح قلبى لكلامه

وكان أول قرار خدته من أول درس
أنى بدل ما كنت هشترى شرايط أغانى اشريت شرايط د.حازم للدروس ... والدرس اللى بعده ... رجعت قطعت شرايط الأغانى اللى عندى كلها
وبعدين بدأت أغير فى حجابى ( أنا كنت محجبة .. بس حجاب ما يعلم بيه إلا ربنا)
وبدأت ألبس جيبات واسعة .. وشوية وبدأت أشترى عبايات وطرح كبيرة
وشوية وجت لحظة كانت صعبة عليا أوى
اشتريت إسدال .. بس لبسته يوم واحد وبعد كده حصل مشاكل مع والدى ووالدتى
وحاليا أنا لابسة عباية وطرحة برده

يعنى فى حاجات كتير اتغيرت .. وبدأت أعمل حاجات مكنتش بعملها ..زى
( صلاة الفجر _ قيام الليل _ القرآن (قراءة وحفظ)_ أسمع عن السيرة بشغف _ أحب أسمع كلام المشايخ جدا ( مع أنى مكنتش بسمع لهم ولا كلمة قبل كده ومكنتش بحبهم أصلا ) _ .....)

يعنى الحمد لله

بس لسة أدامى كتييييييييييييير أوى
:(يبكى) :

اللهم اهدنا واهدى بنا واجعلنا سببا لمن اهتدى
اللهم يا مقلب القلوب ثبت قلوبنا على دينك
آمين

[أم حمزه]

[السلام]
موضووع راااااائع يا بناات والله .. جزاكي الله خيرا يا آلاء ..

الاول انتوا وحشتوني جدا وانا اسفه اذا كنت قصرت معاكم ف المنتدى في فترة الاجازة ولكن لظروف لا يعلمها الا الله ..

هحكيلكوا بقى قصتي ..

انا البدايه كانت وانا ف اولى جامعه .. كان لبسي عادي خالص " حجاب كده وكده يعني " .. وماكنش في مشكله بالنسبه للاغاني .. وكان اصحابي زي .. فمرة كان يوم جمعه اتفقت بالنهار مع واحده صاحبتي اننا هننزل نشتري لبس المهم خرجنا الساعه 4 قضينا مشاورينا وقولنا نروح النادي .. صاحبتي لما دخلنا النادي قاتلي ايه ده انا لسه ماصلتش العصر .. المهم مسجد النادي كان لسه تحت الانشاء .. ف قولتلها خلاص نروح السلاب تطلعي تصلي واستناكي تحت .. روحنا وهي طلعت فعلا.. لكن غابت عليا اوىىى.. اتاااااااارى بقىى اييييييييييه؟؟؟:(ضحك): درس دكتور حازم شومان جــــــــــــزاه الله عنا كل خير كان شغال .. والدرس اللي كان شغال هودرس" اهل الاعراف" .. المهم هي نزلت ولاقيتها جايه وشها متغير ومش على طبيعتها ف لاقيتها بتقولي حصليني بسرعه ده فيه شيخ فوق بيقول كلام تحفه .. ف فررحت اوى وقولتلها خلااص ماشي هطلع " كنا برضو الحمدلله جوانا جزء كويس يعني مفيش مانع لو سمعنا درس ف شريط و بنحاول اننا نغير من نفسنا بس .. للأسف .. كنا بنزق ف حيطه مايله لان الاصحاب كلهم زينا ومفيش صحبه صالحه .. وكنا بنضحك على نفسنا وماشين تحت الشعار الشهير" انا كده كويسه " واحنا بنصلي وزي الفل الحمدلله ايه بقى اكتر من كده هنعمله .. لكن كنا برضو بنحس انه دايما في حاجه ناقصه وفي حاجه غلط ف حياتنا".. ف المهم طلعت رواها وقالتلي اسمعي بقى .. المهم الدرس سمعناه وطوول الدرس نبص لبعض وحاسيين اننا بنتحسر على نفسنا .. المهم فضلنا طبعا قاعدين لحد ما الدرس خلص ونسينا النادي ونسينا اصحابنا والدنيا اللي بره دي خالص .. بعد ما روحت قعدت اقول لنفسي ايييييييييييييييه اللي ناا فيه ده .وايه الهيافه اللي انا فيها دي .. ومالى فرحاانه بنفسي اوى كده ليه.. وايه الدنيا اللي ناا فرحااااااانه بيها اوى دي ومتمسكه بيها اوى كده ليه .. وهتسااوي ايه قدام زله من زلات الصراط .. بجد حسيت ان درس اهل الاعراف ده كان زي قلم فوقنيىىىىى .. ومن بعدها من فضل ربنا عليا ماقطعتش لا انا ولا صاحبتي الدرس وبقينا نشجع بعض على قيام الليل والصيام وعلى حفظ القرآن والحمدلله جبنا عدد كبير معانا من اصحابنا بتوع الجامعه والنادي المره اللي بعدها .. طبعا ف ناس بفضل الله استمروا وفي ناس شويه كده وشويه كده .. وبعدها بدانا نغير ف لبسنا بس بالتدريج ما اخدنهاش قفش..يعني عبايات .. بعدها كبرنا الطرحه شويه ع العبايه .. بعدها بقينا نغمق شويه ف الالوان .. والحمدلله دلوقتي الاغلبيه من اصحابي بقى لبسهم اسدال او ملحفه او نقاب وبقى عدد قليل يمكن اتنين او تلاته من اصحابنا اللي لسه وبنحاول معاهم .. والله المستعان ..

والحمــــــــــــــــد لله الذي هدانا لهذا وما كنا لنهتدي لولا ان هدانا الله ..



انا طووووولت عليكم اوى يا بنات معلش بقى.. بحبكم في الله :(ضحك):

[rehab_2]

[السلام]
نعمة انعهما الله على ان اكون معكم هنا اعجبني الموضوع جدا اختي في الله جزاك الله عنه كل خير
واليكم قصة التزامي
كنت فتاة غافله لا يشغلها سوى المذاكرة والترتيب والوصول للقمه والاغاني والضحك والهزار وروايات رجل المستحيل وعبير وغيرها نعم هذه كانت حياتي في ثانوي نعم كنت احافظ علي الصلوات في وقتها بقدر الامكان وكنت حافظه لكتاب الله تعالى حيث انني اتممت حفظه في الصف الخامس الابتدائي ولكن كانت هناك غشاوة علي عيني
خلصت ثانويه عامه بمجموع كبييييييييييير والتحقت بالكليه اللي اتمنيتها طول عمري بس كنت لسه في غفله بس والله رغم هذا كله كنت من الكليه للبيت ومن البيت للكليه المحاضرات والسكاشن وبس ومفيش غير كده عدت سنه اولي طب بتقدير كويس وبعدين بقيت في تانيه وبرده لسه زى ماانا
وفي يوم راحه الكليه لقيت نعي مكتوب ببص عليه لقيت بنت في خامسه ماتت ومش كملت امتحانتها انا مش كنت اعرفها بس زعلت جدا وقلت ياااااااااااااه بعد ماوصلت لخامسه ماتت طيب هي خدت ايه من دا كله طيب هي لما ماتت كانت ملتزمه ولا كانت عاديه وبدأت اخاف بس كان الشيطان وقتها اقوى مني لسه خلاني انسى بسرعه لحد قبل امتحانات الترم باسبوعين كنا في العشر الاوائل من ذي الحجه ولقيت نعى تاني ان ولد برده في خامسه بعد صلاة العصر وكان صايم دخل نام فوالدته بتصحيه لقته مات هنا بقي كانت الوقفه بجد حسيت اني انا اللي علي الدور خفت المره دي بجد وقررت يومها اني ارتدي الحجاب الشرعي بس كانت مشكله هالبس ايه هالبس خمار لا انا مش بحبه طيب البس طرحه طويله علي عبايه لسه هاستني علي ماعمل عبايات ويمكن بعد كده الطرحه تقصر تاني وارجع اسوء من الاول كمان مش كنت شايفه ان دا الحجاب الشرعي المهم وقتها كان الاسدال بدأ ينتشر عجبني اوي خلصت امتحانات ونزلت اشتريت اسدال ولبسته في يومها حسيت فعلا يومها اني بنت مش عارفه اوصفلكم احساسي بجد المهم وقتها بدات انزل دروس دكتور حازم وكمان كان في بنات كتير ساعدوني وحاولوا يثبتوني ربنا يجزيهم عني كل خير بعدها بدات اتطلع لشئ اسمى( النقااااااب ) طبعا لقيت مشاكل مالهاش حد مع والدي وفضلت علي كده سنه لحد مالبسته دلوقت الحمد الله
بجد انا بحمد ربنا على نعمة التزام دي وادعولي ان ربنا يثبتني
واني اقدر احصل علم شرعي

[يمامة المسجد]

آمين ياقطرة آمين

[Muslima_Mwa7eda]

السلام عليكم
فى الحقيقة دى فكرة كويسة ان كل واحدة تكتب قصة التزامها ووالله الذى خلق كل شئ انا كنت بفكر فى كدة امبارح عايزة احكى على قصة التزامى
انا اتولدت فى اسرة عادية زى كل الناس بنصلى ونصوم ولبست الحجاب لكن للاسف كنت بعمل كل دة زى ما الناس بتعمل مش حاسة بحاجة لحد ما جيت فى يوم ولقيت نفسى اتمردت على كل حاجة بطلت صلاة وقلعت الحجاب او الطرحة الصغيرة اللى كنت بلبسها وعصيت ربنا فى حاجات كتير عارفين لية لانى ما كنتش حاسة بالطاعة او الصلاة او لية لازم نصلى ولية لازم نلبس الحجاب
لحد ما اتخرجت من الجامعة وبدات اشتغل وفى الشغل تلاقى اللى يساعدك على انك تبقى اوحش مش احسن يغنى الاهتمام باللبس والمظاهر والمكياج والشعر وحبيت انسان معايا فى الشغل بردة كان انسان عادى مش ملتزم بس بيحب ربنا وبيصلى بس متقطع المهم هو سافر يشتغل فى دولة عربية وعدت سنة وفى السنة دى كنا بنتخانق كتير لدرجة غير عادية ودة لاننا كنا بنعصى ربنا فى حاجات كتير لدرجة اننا كنا حننفصل عن بعض وربنا اكرمنا ورجع من السفر علشان نحل الخناقات واتصالحنا وكتبنا الكتاب وسافر تانى وبعدها بدات اشوف ناس كتير بتموت حولية وبدات اسال نفسى لو انا اللى مت حقول لربنا اية مابصليش لية ومش لابسة الحجاب لية وحاجات كتير اوى بدات اسمع الشيوخ فى قناة الناس وافهم انا لية المفروض اصلى والبس الحاجاب وحاجات كتير اوى ماكنتش فاهماها او بمعنى اصح ماكنتش حاساها وبدات احس بقلى يتغير وبحياتى بعد ماكنت فى حياة تعيسة وهمى الدنيا بدات احس براحة كبيرة اوى وانى مش عايزة حاجة من الدنيا وبدات اوصل لزوجى كل الاحاسيس دى وطبعا فى البداية كان بيضايق لما يقولى مثلا اسمعى الاغنية الفلانية واقولة بطلت اسمع اغانى وبدات ادعيلة ووالله العظيم مش حتصدقوا انة بقى بيتصل بية كل يوم دولى يصحينى علشان اصلى القيام وافضل اقرا قرءان لحد الفجر ودة فضل من عند ربنا
المهم المغزى من دة كل هو القلب يعنى الحمدلله انا وزوجى اتولدلنا قلب جديد همة طاعة ربنا ورضاه ويحب كل ما يقربنا الى الله من قول او فعل
ادعولنا يا اخواتى ربنا يثبتنا ويجدد الايمان فى قلوبنا والمسلمين جميعا
وتانى حقولكم القلب ...... القلب.............. اهم حاجة يكون فى قلب فاهم وحاسس اللى بنعملة علشان نرضى ربنا وبكدة ان شاء الله مش حيحصلنا فتور او رجوع
يارب تجدد ايمانا وتسرع خطانا ليك يارب

[يمامة المسجد]

ماشي الله حبيبتي رن

ربنا يكملها عليكم نعمة ، ونعوذ بها من الزوال ، ويخيلكوا وتخلفوا للإسلام ولاد وبنات ينفعوا الإسلام

[مُسلمة]

السلام عليكم ورحمة الله وبركاته
ما شاء الله لا قوة الا بالله
والله دمعت عيني من قصصكم الطيبة
اما قصتي فهي طويلة جدا
سنوات طويلة عانيتها مع نفسي لابدا طريق الالتزام
تقريبا 6 سنوات اتخبط وابدأ خطوة وارجع خطوات
سأحكي لكم قصتي اليوم إن شاء الله

[الله ناظرى]

منتظرين حكايتك يا طريق القرآن

[مُسلمة]

السلام عليكن ورحمة الله وبركاته
بدايةً إني أحبكن في الله
وأتمنى أن أتعرف عليكن عن قرب
حكايتي مع الألتزام طويــــــــلة
تعثرت خلالها كثيراً كثيراً
منذ طفولتي وأنا أرتدي حجاب ( طرحة ) على خلاف أختاي ( بنتين أصغر سناً مني )
دراستي كانت بالأزهر وليس تعليم عام
والأزهر له مميزات وعيوب
ولكن في رأيي أن عيوبه أكثر
المهم من المرحلة الاعدادية والدراسة ليست مختلطة ولله الحمد
كنت أستمع للأغاني بشدة بل أحفظها ولا أذاكر إلا على مزمار الشيطان
والحمد لله الذي هدانا لهذا وما كنا لنهتدي لولا أن هدانا الله
في الصف الأول الثاني كان يدرس لنا الانجليزي مدرس قمة في الاخلاق والاحترام
ولكن للاسف كان يلقى استهتار كبير من الطالبات
بين وقت وآخر كان يعطيني وصديقة لي شرائط أناشيد وكتيبات وورق أذكار
استمر هذا الحال 4 سنوات ثانوي
أستمع لشريط أو أقرأ كتيب أقرر وقتها أني لن أعود للغناء
تأتي الاجازة أرجع كما كنت وهكذا طيلة أربع سنوات
حتى آخر سنة في المرحلة الثانوية كان يدرس لنا مدرس أحياء بارك الله له وجزاه عنا خيراً ( كان يدرس لنا في بيتنا)
تغيرت بسببه أشياء كثيرة بداخلي
أحياناً كان يترك الدرس ليقرأ لنا بعض آيات ويفسرها
وكان أول ما قرأ ( قل يا عبادي الذين أسرفوا على أنفسهم لا تقنطوا من رحمة الله )
وقتها انهرت بالبكاء وظل حالي هكذا أيام
وانتهى العام الدراسي وللأسف بدأت أرجع خطوات كثيرة للخلف وكنت ارتيدت الخمار في 2 ثانوي
وبدخولي الجامعة في القاهرة انكمش الخمار إلى طرحة كبيرة
سكنت في المدينة الجامعية ولله الفضل والمنة كانت أهم سبب في التزامي
أرى فتاة تكبرني بعام لا تترك المصحف من يدها
تذاكر 5 دقائق ثم تقرأ في المصحف
ظللت أتابعها كثيراً وأحاول التقرب لها
حتى منّ الله عليّ بذلك
كانت خير صديقة لم أعرف مثلها بعدها
أخذت بيدي وبدأنا سوياً
ولكن الغريب أن بدايتنا كانت مع الاخوان المسلمين
وفي السنة التالية اتسعت مداركنا وفهمنا أكثر وأكثر
ارتدينا النقاب تقريباً في يوم واحد
خرجنا لدروس العلم معاً , تعلمنا كثيراًَ بفضل الله
وعلّمنا ما تعلمناه في دروس كثيرة بالمدينة الجامعية وخارجها
وصديقتي هذه أدين لها بكل خير تعلمته
جزاها الله خيرا وبارك لها فيما علمها
......
أعتذر للإطالة
وتبقى مشكلات ما زالت في طريقي سأطرحها لكم في موضوع الفضفضة لعلكم تساعدوني في حلها

[الله ناظرى]

ربنا يبارك فيكى يا مسلمة
ويثبتك ويثبتنا جميعا

بس ليا ملاحظة بس فى كلامك ..
الجملة دى

"ولكن الغريب أن بدايتنا كانت مع الاخوان المسلمين"

مش عارفة تقصدى بيها ايه
بس ياريت منتكلمش عنهم بشكل مش مناسب


على فكرة أنا مش من الإخوان ولا تبع أى حد يعنى
بس أنا بخاف من الكلام اللى ممكن يفرقنا بدل ما يجمعنا

وجزاك الله خيرا

[مُسلمة]

ربنا يبارك فيكى يا مسلمة
ويثبتك ويثبتنا جميعا

بس ليا ملاحظة بس فى كلامك ..
الجملة دى

"ولكن الغريب أن بدايتنا كانت مع الاخوان المسلمين"

مش عارفة تقصدى بيها ايه
بس ياريت منتكلمش عنهم بشكل مش مناسب


على فكرة أنا مش من الإخوان ولا تبع أى حد يعنى
بس أنا بخاف من الكلام اللى ممكن يفرقنا بدل ما يجمعنا

وجزاك الله خيرا

جزاكِ الله كل خير أختي الفاضلة
يشهد الله أني لم أقصد بهذه الجملة انتقاص لهم أو خطأ في حقهم
ولكني أقصد أن هذا منهج وطريق وذاك آخر وربما اختلف الطريقان في أشياء كثيرة
وما ذكرتُ الجملة إلا لأوضح أني بدأت التزامي في طريق ثم تركته لآخر

[الله ناظرى]

جزاكِ الله كل خير أختي الفاضلة
يشهد الله أني لم أقصد بهذه الجملة انتقاص لهم أو خطأ في حقهم
ولكني أقصد أن هذا منهج وطريق وذاك آخر وربما اختلف الطريقان في أشياء كثيرة
وما ذكرتُ الجملة إلا لأوضح أني بدأت التزامي في طريق ثم تركته لآخر


ربنا يبارك فيكى

وأنا والله مقصدش حاجة من كلامى إلا زى ما قلتلك

:(ضحك):

[توبه]

يا بختكم يا جماعه ربنا يزيدكم انا نفسى ابقى زيكم والله انا ضايعه جدا مش عارفه اعمل ايه لدرجه انى فكرت انتحر ساعدونى يا جماعه

[الله ناظرى]

يا بختكم يا جماعه ربنا يزيدكم انا نفسى ابقى زيكم والله انا ضايعه جدا مش عارفه اعمل ايه لدرجه انى فكرت انتحر ساعدونى يا جماعه

لا يا حبيبة قلبى
ايه اللى يستاهل أنك تموتى على معصية الله
أنتى أغلى عند الله من ذلك والله

كلمينى على الخاص (رسائل خاصة) يا حبيبتى
أو كلمى أى حد لو مش عايزة تكلمينى
كل الأخوات هنا ماشاء الله عليهم
وكلهم هيخدوا بايدك



مستنيينك يا توبة
:(ضحك):

[امة الودود]

سلام الله عليكم و رحمته و بركاته

ما شاء الله عليكم انا حبيت قصصكم اوى انا باة هكتب قصتى عشان حد يساعدنى
صلوا على النبى الكريم اولا :87[[:
انا باة بفضل الله بدايتى كانت من زمان اوى انا اتحجبت و انا فى تالتة اعدادى بس طبعا حجاب من اللى انتوا عارفينو و دة بفضل امى حبيبتى ربنا يخليهالى بعد ربنا طبعا المهم طبعا كل زميلاتى مكنوش محجبات الا كام واحدة بس و حتى فى عيلتى مكنش فى بنات محجبة بفضل الله كلهم اتحجبوا دلوقتى ربنا يهديهم و يكرمهم
المهم بعد فترة حسيت انى مضايقة منه بس بصراحة مكنتش قادرة اتخلص منه خوفا من الله لانى كنت عارفة ان دى حاجة تغضب ربنا اوى انى اتحجب و بعدين اقلعه بس كنت مضايقة و مكنتش بسمع دعاة ولا مشايخ خالص و بدات بالعافية اسمع و نلقى الاحبة لاستاذى الفاضل ا/عمرو خالد و بعدين فى اولى ثانوى كنت خايفة على واحدة صاحبتى انى افقدها عشان مامتها كانت عايزة تاخدها و يسافروا فحسيت انى عايزة الجا لربنا و انى مليش غيره و ابتديت اسمع لاستاذ عمرو بردو شريط الدعاء و بعدين حب الله و دول اول شريطين سمعتهم و وقر الكلام فى قلبى و فضلت اسمعله ولما بدات اسمع ابتديت احب الحجاب و احس ان ربنا اكرمنى بيه و كنت بدعى كتيييير و قررت اقوم الليل و اقرا كل يوم ولو صفحتين قران و الحمدلله واظبت على كدة بفضل الله وحده و صاحبتى مسافرتش الحمدلله :(ضحك):
المهم كل فترة ثانوى كنت تقريبا فى نفس مكانى الا انى كنت حاسة بربنا اوى و كنت عارفة انى مليش غيره و انه احن عليا حتى من نفسى بس طبعا مفيش اصحاب حوالية يساعدونى اتقدم و فى الجامعة باة كانت شغلانة الحمد لله انا اخلاقى متغيرش فيها حاجة بس صلاتى معدتش زى الاول و ميكب و لبس طبعا و اصحابى بتوع ثانوى باوا فى كليات تانية و صاحبتى اللى كنت بدعيلها دى سافرت كانت سنة ما يعلم بيها الا ربنا بس اتعلمت منها كتير اوى و حسيت ان ربنا بيعلمنى ان محدش من الناس باقيلى و انى لازم اهتم بحبه و رضاه وحده سبحانه و تعالى و لما ادركت كدة فرحت اوى بحب ربى ليا و حسيت انى بحبه فعلا و انى مشتاقة اليه فعلا ربنا يديم علينا نعمة حبه و انه فعلا تعلق القلب لازم يكون بالله ى المقامالاول و دروس تانية كتير بفضل الله نتيجة لتعاملى مع نوعيات مختلفة من الناس
لحد ما اتعرفت على صديقة صالحة و ابتديت اصلح اللى افسدته و بعدين عشان مطولش عليكم انضميت لجمعية خيرية و كنت هناك بشوف الحجاب باة بجد فابتديت اقلدهم و فى نفس الفترة ربنا كان هدى واحدة صاحبتى من ايام ثانوى و جتلى البيت و سمعتنى شريط لد.حازم و كان يوم جمعة خدتنى معاها الدرس و للعجب بردو اول درس حضرته للد.حازم كان عن الدعاء المهم ابتديت اوسع شوية فى لبسى و اطول طرحتى و سبت الماكياج و الاغانى بفضل الله الحمد لله و ابتديت اسمع باة لمشايخ من مشايخنا الافاضل و اولهم كان الشيخ محمود المصرى و بجد كل حد سمعته استفدت منه حاجة يا رب يجزيهم عنى خير

صديقتى الصالحة اللى معايا بعدت عنى لظروف خاصة بيها فى البيت و انا حاليا معايا اصحاب مش وحشين بس للاسف يفتقدوا للهمة العالية بس الحمد لله انا حاسة انى بتقدم و انوى خطوة النقاب بس للاسف لسة ماخدتهاش و امى مش موافقانى عليها بس ان شاء الله ربنا يعينى المهم انى حاسة ان الاصحاب مشكلتى انا اعرف اخوات كتير منتقبات و كويسين و لكن مش صاحبتهم و اللى معايا فى الجمعية اكبر منى و ظروفنا مختلفة انا دلوقتى الحمد لله اتحسنت فى حاجات كتير و فى لبسى بالذات بس انا خايفة على قلبى احسن همته تقل عشان كدة جيت هنا يمكن تقبلونى تكونوا لية الصحبة اللى تطلعنى معاها لفوق

معلش طولت اوىى انا عارفة انى رغاية:(يكتب):
لكنى والله احبكن فى الله و ارجو من ربى ان يغفر لى معكم
اختكم فى الله يمنى

[Nooon]

جزاكم الله خيرا

[رحمة]

:lll:فكرة رائعة يا اختى فى اللة انا قصتى بسيطة جدا انا فى الاول ربنا اكرمنى وطلعت عمرة مع والدى وانا فى سنة 2 كلية وكان ملابسى الى حد ما متبرجة وعندما اتيت من العمرة التزمت بسيط ولكن الكلية واصحابى كان لهم اثر على التزامى فلم التزم الالتزام الكامل فمرت سنتين على العمرة وفى فترة الامتحانات فى اخر سنة فى الكلية كان عندى امتحان لمادة صعبة جداااا وكان المنهج صعب وفجاة قال ابى لى تيجى تطلعى معى العمرة وكانت مفجاة بالنسبة لى ولم اكن اصدق بان الله يكتب لى العمرة مع ابى فقلت لة بجد وانا لم اصدق فقال لى هاتى الجواز واخذة وانا فى هذة اللحظة قلت انا ان شاء الله سارتدى الاسدال واروح بة العمرة وهالبسة على طول المهم الشيطان لم يتركنى طبعا فى هذا الوقت وجلست مع نفسى بعدها وقلت انا لو ارتديت الاسدال لم استطع ان اقلعة وارتدى اى لبس اخر فقلت اتدرج اولا وابدا بتونك وتحتة بنطلون وتركت فكرة الاسدال وقلت لسة بدرى ولكن كان فى احساسى الداخلى بانى كذبت على ربى الذى وهبنى العمرة وبعد تفكير ربى هدانى الى الاسدال وارتديت الاسدال قبل العمرة بشهر تقريبا وذهبت الى العمر واستمتعت متعة ادعوا الله بان يرزق جميع الاخوات الى الذهاب الى العمرة وزيارة الكعبة والمسجد النبوى المهم كانت مع اختى مع والحمد لله ارتدت النقاب فى العمرة والح ابى على لارتدية ولكن والدتى كانت تعارض بشدة وتقول لى لما تتجوزى المهم مرتعلى العمرة 5 شهور وطوال هذة المدة الح على امى بان ارتدى النقاب وكان فى نفس الوقت انا لم اكن عندى العزيمة الكاملة اقولها بصراحة وكانت تاتى بنت خالتى تحفظنا القران واقول لها انا عايزة البس النقاب ولكن امى ترفض فقالت لى امك طيبة جدا وانتى الى عاملة حجتك امك فجلست مع نفسى بعدها فقلت نعم هى كلامها صح انا لو كانت عندى العزيمة كاملة لارتديتة وللقدر كان اول يوم ارتدية فية يوم وفاة اعز واغلى عم لى وانا ارتدى النقاب منذ شهر 12 وادعوا الله لجميع الخوات بالهداية وارتداء النقاب وارجو من الله بالا اكون اطالت عليكم فى هذة الحكاية البسيطة:(ضحك):[الله الموفق]

[أمنيه]

[السلام]
انا أول شخصيه أثرت في التزامي هو الاستاذ عمرو خالد وبعدين سمعت شريط انت مبتصليش ليه للشيخ يعقوب وبعد كده الدكتور الذي احبه فى الله واقدره وأجله وله مكانه خاااااااصة بقلبي عمر عبد الكافي بس الفضل يرجع لله تبارك وتعالى ان جعل عمرو خالد سببآ للجوئي الى سماع مشايخ آخرين وأنه هو الذي احسست منه ان الدين يسر وليس عسر واننا ان شاء الله داخلين الجنه وبعد ذلك الدكتور عمر عبد الكافي هو أول من علمني العقل كيف يفكر وفيما يفكر بمعاني كثيرة جدآآآآآآ واسعة لست قادره على شرح ما باحساسي تجاه ماتعلمته:(يقرأ): من هذا الرجل الفاضل جزاهم الله عني كل خير والحمد لله رب العالمين أن هداني الى ذلك فاللهم اجعلني من المتقين يارب العالمين

[درع الاسلام]

[السلام] :(ترحيب):
انا مشاركة جديدة و اول مرة ادخل منتدى وجديدة فى طريق الهداية وقد اعجبتنى جدا هذا الموضوع فجزاكى اللة الف خير لكى
شكرررررررررررررررررررررررررررا

[آلاء الله]

بسم الله الرحمن الرحيم
وحشتووووووووووووووووووووووووووووووووونى جدا جدا ياأخواتى فى الله
مرحبا بكل الاعضاء الجدد على المنتدى وربنا يبارك فيهم وأسال الله أن يستخدمنا جميعا لطاعته
وجزاكم أخواتى فى الله كل خير غلى المشاركة

[ندي الاحساس]

انا بقي اختي كانت اكبر سبب طبعا بعد ربنا (نداء الفجر) وطبعا شخنا محمد حسان
وانا لسة في اول الطريق وماشية زي السلحفة امشي خطوة ونام عشرة
ادعولي بالهداية والثبات


حقا اسئلكم الدعاء

جزاكي الله خيرا

[هبـة الله]

السلام عليكم جزاك الله خيرا على هذا الموضوع الرائع الجميل و الحقيقة انا كان سبب توبتي الله عزوجل ثم الرؤيا الصالحة كنت كثيرا ما أرى يوم القيامة و عقاب الله عز وجل لي في النار و تعذيب صحبتي السيئة و المغني الذي كنت اعشقه ثم كلام صديقتي التي كانت كثييييييييييييييييييييييييييييييييييييييييييرا ما تكلمني عن الله و حبه و خزائن رحمته و امي كمان كانت تجبرني على حفظ القران و اتممت الحمد لله 12 جزء من القرآن و الحمد لله انعم الله على بذوق حلاوة الإيمان وبس اتمنى ان ما اكون طولت عليكم و شكرا

[معتزه بدينها]

[السلام]
اما انا الحمد لله من صغري ونا فيني الخير
مرت في حياتي تيارات كثيره هي كانت سبب في الهدايه بعد الله سبحانه و تعالى
واول موقف حصلي في الابتدائي كان عندنا درس في التربيه الاسلاميه (كيفيه الوضؤ و الصلاه)
كنت مش عارفه حاجه عن الصلاه او الوضؤ فاذا بالمدرسه تسال من الي تعرف كيف تصلي وتتوضاْ
رفعت يدي عشان استحيت من المدرسه ونزلت يدي بسرعه وقلت في نفسي(استحيتي من المدرسه و ما تستحي من الله )
وبدات اصلي لكن سرعان ما تركت الصلاه.
و الموقف الثاني كان في الاعدادي كان عندنا درس في القران وكان المدرس يشرح سوره القلم و لما وصل لهذه الايه
(يوم يكشف عن ساق ويدعون الى السجود فلا يستطيعون0 خشعا ابصارهم ترهقهم ذله و قد كانو يدعون الى السجود وهم سالمون0 )
كان شرحه جدا مؤثر فحسيت بخوف شديد فكنت بعد انقطع عن الصلاه اتذكر هذه الايه واعود للصلاه مره اخرى
حتى ان قابلت اعظم انسانه في حياتي كلها مدرستي حنان (سبحان الله حتى اسمها جميل )بالرغم من انها مدرسه علوم لاكن لم انسى
تلك الدقائق التي كانت تقضيها مع الطالبات فتنصحنا و تذكرنا بالله تعالى كانت ملتزمه نحسبها كذالك ولا نزكي على الله احدى
كانت محبوبه بين الطالبات .
وعندما اقبل رمضان قامت بوضع مسابقه لطلابها و المسابقه كانت عباره عن برنامج يومي لقضاء رمضان في طاعته الله و الاكثار من العباده و الابتعاد عن المعاصي بقدر المستطاع..
سبحان الله اول مره احس بطعم رمضان والحياه الايمانيه الحقيقيه...لاني بتعدت عن مشاهدة المسلسلات والاغاني و تجهت الى الله بالطاعه..وفي يوم من الايام اضطرت للسفر وطلبت من البنات الي يحبوها ان يلتقوا كل يوم الساعه ثلاث بعد صلاه الوتر يعني
اي وحده تخلص صلاه الوتر تفتح الشباك وتتذكر المدرسه حنان وتدعيلها وهي في نفس الوقت في المسجد تدعي لنا
ولاكن للاسف رحلت عن الوطن دن ان ارى وجه حنان (فقد وعدتنا بان تكشف وجهها في نهايه السنه).
عدت كاما كنت سابقا حتى جاء رمضان الثاني فتذكرت رمضان السابق يالله ما احلاه من رمضان فعلا كان شعور روحاني جميل
حتى من الله على اخي بالهدايه فغير كل المواقع على الانترنت الى مواقع اسلاميه فوجدت موقع للداعيه عمر خالد بالرغم اني كنت اتابع برامجه على القنوات لكن هذه المره غير فاستمعت الى درس بعنوان الرحمن...بكيت بكاء شديد
وبعد ايام قليله حينما كنت افتش في درج اخي علي اجد شيء للاستماع وجدت شريط لماذا لا تصلي للشيخ محمد يعقوب
بالرغم اني وجدت هذا الشريط من قبل لكن كنت اتجاهل الموضوع
فستمعت اليه و قررت من حينها ان لا اترك الصلاه ولو على قطع رقبتي
ومن ثما كان موقع الطريق الى الله سبب من الاسباب
ادعو لي بالتوفيق و الثبات
المعذره كتبت الموضوع وانا في عجله من امري

[اللهم امتنى شهيدة]

http://i61.photobucket.com/albums/h42/egyptiangal/0034gdhbs.gif

اعزك الله يا اختى على الموضوع الجميل..اسال الله ان يجعله فى ميزان حناتك
ساحكى باختصار كى لا اطيل عليكم
ما غيرنى الغربه وشئ صعب ان يجرب الشخص الغربه مما فيه من عادات وتقاليد مختلفه وسيئه وصعبه والى الان فهى صعبه على وكان هذا له اثر عليا لكن ليس بالحد الكبير ولكن قربنى الله الله حد ما...اما ما غيرنى 180 درجه هو برنامج على خطى الحبيب للاستاذ الجليل الاستاذ الدكتور عمرو خالد
كا فى شهر رمضان 2005 فحقا عبد الله وكانى لم عبدة من قبل كان بداخلى طاقه روحانيه وسبحا الله كنت فى قمه السعادة ولا اعرف كيف اشك على على نعمه الهدايه هذة
سبحان الله كانت ايما دافئه جدا جدا وتفوق الوصف
اسال الله يبلغنى رمضان هذة السنه اون ينعم على بالعبادة اكثر من سه 2005
اسال الله ان يجزيكى خيرا على الموضوع الرائع

اختك فى الله سائله رضاك يارب


http://www.al-wed.com/pic-vb/709.gif