باراكاتك يا شيخنا ذ

[SlaveOfAllah]

السلام عليكم ورحمة الله وبركاتة
كنت اريد ان يخبر كل واحد منا مواقف الله حفظه فيها وايده بنصره واعانه وجعله مباركا
وطبعا الله لايتخلى عنا ابدا ولكن قصدى اى موقف يعتبر غير عادى حدث لك تشعر فيها بأن الله بعث لك برساله
(امتحان مثلا تلاقى الصفحه الى انت ذاكرتها هى الى جت فى الامتحان )
:87[[:

[أبويحيى]

:LLL:

فكرة الموضوع جميلة

بالنسبة لحاجات اتذاكرت وجت فى الإمتحان فدي تقريبا كل سنه تحصل والحمد لله

ومش هتعرف قيمتها غير لو كنت من هواة التنشين فى المذاكرة

وتلاقى الحاجات بتيجي من اللى ذاكرتها .. الحمد لله

مفيش في بالي مواقف معينه يمكن أن اكتبها

لكن لو افتكرت حاجه هكتبها إن شاء الله

جزاك الله خيرا

[SlaveOfAllah]

السلام عليكم ورحمة الله وبركاته
كنت فى يوم من الايام نازل ومضايق اوى ان انا نازل لوحدى وكنت بقول بينى وبين نفسى (يعنى يارب انا كنت زعيم الشلة وصحابى كانوا كتير دلوقتى انا لوحدى علشان بقيت معاك يارب )
مفيش هى خطوتين ولقيت واحد صاحبى فى وشى (ازيك ياباشا اخبارك ايه وعامل ايه انتا رايح فين تعالا لما اوصلك والله لازم اوصلك انتا واحشنى ياراجل ) قلتله جزاك الله خيرا وبينى وبين نفسى بقول خالص يارب انا رضيت
وبعديها بشويه ماكانش معايا فلوس اركب وكنت واقف مستنى ميكروباص فالقيت واحد بتاع ميكروباص بينديلى وبيقولى ( اركب اوصلك انت رايح فين انا قلتله جزاك الله خيرا خلاص انا هركب فى واحد جه وراك قالى لا والله لازم تركب اوصلك طيب اقربك من المكان الى انتى رايحوا انتا راجل طيب واحنا عايزين نعمل معاك الواجب)
المهم شكرته ومشى بس والله ياجماعه ربنا كريم اوى ورحيم اوى وفعلا ربنا معنا دايما لكن احنا الى بننسا
أسأل الله ان يزيدنا من نفحاته وبركاته وان يحبنا وان يحفظنا ليل نهار
:87[[:

[آلاء الله]

:LLL:
سبحان الله دا احنا لولا الرسائل الربانية دى الواحد كان ضاع.
فى مواقف الواحد ربنا بيبعتها له بيقوله اثبت واستمر فى طريقك ليا.
اذكر موقف اول يوم لبست فيه النقاب ونزلت الكلية وكان اول يوم فى امتحانات النظرى . والشيطان قبل ما انزل يوسوس
مش هتستحمليه على وشك فى اللجنة
دا الجو حر
وممكن ما تحليش كويس.
ممكن حد يضايقك .
وعزمت وتوكلت على الله ونزلت
وكنت نازلة وخايفة اوى من ردود الافعال او انى اتهز من الكلام الى هيتقاللى وخلافه.
سبحان الله ودخلت اللجنة الصبح .
وسبحان الله جاوبت كويس جدا الحمد لله مع انها كانت مادة صعبة.
ولا تتخيلوا ردود الافعال كانت اكتر من رائعة من اللى اعرفهم واللى ما عرفهمش والكل شجعنى. .
وفى واحدة كانت اصغر منى بسنة بتقولى انا ان شاء الله هاعمل زيك كده

وبعدها فى امتحان الشفوى وكنت خايفة جدا
وسبحان الله دخلت للدكتور وكان من جامعة تانية واللى امتحنوا قبلى قالوا دكتور شديد وصعب وجاوبتى ما جاوبتيش مبيديش درجات. ودخلت للدكتور
وقالى انتى ايه اللى لابسه ده؟
قلت اه ..........ربنا يستر. دا حجاب ولا خمار بنفس اللفظ
قلتله دا نقاب .قالى يعنى ايه؟
فشرحت الموضوع ببساطة وسبحان الله ربنا وفقنى يومها وادانى الدرجة النهائية فى الشفوى وكنت اول مرة من يوم ما دخلت الكلية اخد الدرجة النهائية فى الشفوى والوحيدة فى لجنته اللى اداها الدرجة كاملة.
وقالى احنا مالناش بركة الا انتى.وادعيلنا.
سبحان الله ورجعت البيت وانا مش مصدقة اللى حصل ومستغربة جد لاانى مش اول واحدة تلبس نقاب وماكنتش متوقعة رد الفعل ده سبحان الله .
ربنا بعت لى اللى حصل تثبيت ليا والحمد لله.

اعصاك فتسترنى وانساك فتذكرنى فكيف انساك يا من لست تنسانى................