انا مش خدامة عندك...

[جويرية]

:LLL:[السلام]... :(غضبان):انا مش خدامة عندك.. هذا اكثر موضوع محتاجة اعرف آراء اخوتي واخواتي في المنتدي.. لانه خاص بكلا الجنسين.. الشباب والصبايا.. الموضوع باختصار (خدمة البنت للولد) (خدمة الاخت للاخيها) كبرنا لاقينا البنت لازم تعمل ما يطلبه اخيها منها.... انا بحثت لم اجد ولم اسمع نص يوجب هذا بل العجيب اني عرفت ان للشيخنا المفضال (مصطفي بن العدوي) بحث في خدمة المرأة لزوجها..... وليس معني كلامي حتي لا يفهم انني اتمرد ع خدمة الزوجة لزوجها او حتي خدمة الاخت للاخيها كلا........ لكني اريد ان اعرف حدود هذه الخدمة, ادابها, يا جماعة الموضوع انا متنرفزة منه بجد انا بحس ان البنات خدّام عند الولاد ... طيب ليه لما البنت بتطلب من اخيها طلب الولد مش بيرضي, وبيتمرد؟؟ ايه الفرق؟؟ يعني هي الميزة كلها انه ولد.. ولا ايه الحكاية بالضبط:(مندهش):؟؟؟؟؟ انا اللي ضايقني ان اختي طلبت من اخي ان يوقد النار لكي تشرب (شربة):( يأكل ): هو كل اللي هيعمله انه يضغط ع الاشعال الذاتي وكمان هو كان في المطبخ بيشرب من الثلاجة؟؟؟؟؟ لييييييييه ولييييه تطلب منه الطلب دا....... :(غضبان):؟؟؟ كيف جاءت لها الجرأة ان تطلب هذا الطلب؟؟؟؟؟؟ وجاء الرد المفحم...( ايه رأيك اشربك الشربة احسن؟؟؟:(غضبان):) ولا أجي اشربهالك احسن... طيب هو ايه اللي حصل يعني دا انتي هتضغط ع الاشعال الذاتي؟؟؟؟؟؟ ازاااااي دي جريمة.... دي قضية رأي عام.. ع الرغم من اخي مرة صممّ ان اطبخ له مكرونة الساعة 10ليلآ وطبعآآآآآآ حصل شوية حاجات وفي النهاية طبختها..:( يأكل ): طيب ليه مش يريح نفسه ويريحني ويروح بشتري طبق كشري مادام الامر لالالازم لازم.. لأ وانا لازمتي ايه.. طبعآ خدمته.. والمشكله ان الام بتساعد ع هذا يعني الام بتأكد انه لازم البنت تعمل ما يطلبه اخيها وفي اي وقت........... طب لييييه... بلاش هنعمل بس ليه يبقي طلبه بلغة الامر(قومي اعملي.. بسرعة.. انتي معملتيش اللي بقولك عليه لييه.. هو انا لازم اقول الحاجة 100 مرة.. ) وممكن يطلب اكتر من طلب في نفس الوقت يعني( حضرلي طقم اخرج بيه.. واكوي القميص.. وحضري الغدا.. وناوليني كذا) ايييييه هو انا خدامة .. دي لو خدامة هتتعامل معاها بالذوق.. ومش هتتطلب منها كل داااا:
ارحمني .. يعني يرضي مين ان حضرتك تبقي قاعد ع الشات وانا بذاكر وتطلب ان اقوم اعمل لحضرتك شاي.. طب ما تقوم انتي .. يا جماعة والله انا بكون ف حجرتي وينادي اخي عليا عشان اعمله ايه.. تعتقدوا ايه.....( عشان اظبطله الكوفية) شوفتوا لحد ايه.... انا والله مش ضد ان اعمل ما يطلبه... لكن يطلب مني بهدوء مش باستعباد... يطلب مني في وقت مش اكون مشغوله فيه... بأدب.... ايه المشكله لو قبل ما يطلب يقول( لو سمحتي ممكن تعملي كذا) والله هعمل وانا مرتاحة... ولو انا مشغوله يعمل لنفسه ايه المشكلة... النبي (:87[[:) يخسف لنفسه النعل ويحلب الشاة ويرّقع ثوبه... تواضعوا ايها الاخوة ..... انا نفسي اخي يتزوج عشان اخلص من طلباته ................
:... يارب تكون الفكرة وصلت ارجو سماع الاراء ولا تنسوا الصلاة ع حبيبي(:87[[:) [الله الموفق] في حفظ الله:(ترحيب)::(ترحيب)::(ترحيب):

[سراج ابوسعيد]

صلى الله علية وسلم
والله اختى اول شى احب ان اقوله
لو البنت او الاخت او الزوجة لما تساعد فى البيت
تحتسب الاجر عند الله
[قال تعالى] (ان الله لا يضيع اجر من احسن عملا)
وفى البعض من الرجال مش بيعرف يعمل اشغال البيت
وموضوع الزوجة ده فضيلة الشيخ سعيد عبد العظيم
قال فية بعد ان بحث فى الموضوع
الزوجة ليس مطلوب منها اشغال البيت
من اكل وشرب و غسيل ومكوة والخ ..........
لكن سارت العاده هى ان الزوجة مطلوب منها ذلك
وهذا ليس مشكلة فى حد ذاتة
وده طبعآ مش عشان ان كل الزوجات يقولو لا لاشغال البيت
انما لحتساب الاجر
وجزاكى الله خيرآ على الموضوع الرائع ده

[جويرية]

جزيتم الجنة لكني لم اعرف رأيكم بارك الله فيكم ليتكم تكتبوا رأيكم

[ابي بن كعب]

جزاكم الله خيرا اختنا جويريه علي هذا الموضوع .. احب ان ابدي رايي بكل بساطه ان البنت رزق سواء كانت ام او طفله او اخت ... فهي تملك من الاحاسيس قد لا يملكه الرجل ...وواجب علينا كرجال ان نعامل اخواتنا انهم بشر وان نتفهم ان مساعدتهم في اعمال المنزل ليست عبوديه ولكن كرم وفضل من عندهم ..بالمناسبه حاولت في مره ان اطبخ مكرونه .. ما اء الله طلعت معجنه ولا استحي ان اقول اني اقوم اوقات باعمال في المنزل علي قدر الاستطاعه ..واظن اني لو تزوجت ان شاء الله هحاول ان اساعد زوجتي علي قدر الحاجه .. جزاكم الله خيرا

[سراج ابوسعيد]

جزيتم الجنة لكني لم اعرف رأيكم بارك الله فيكم ليتكم تكتبوا رأيكم

رأى انا هو ان الرجل يساعد فيما يعرف فى اشياء البيت
وان طلب يكون الاسلوب كويس ولا ينسى الدعاء

[مسلمه مصريه ولى الفخر]

صلى الله عليه وسلم
لا حول ولا قوه الا بالله
مالك يا اخت جويريه الموضوع معصبك كده
خدى الموضوع ببساطه
عاااااادى
الغلط مش على الولد
لانه طلع متعود على كده
شاف معامله الام للاب كده وده الصح والطبيعى على فكره
فطبيعى انه هيكون عنده العادى عنده كده
يعنى استحاله تبقى قاعده وهيطلب شاى وهتقوليله قوم اعمل لنفسك
لو هو سكت
ست الحبايب مش هتسكت
مش علشان فيه فرق بينك وبينه او حاجه
لالالالالالالا
لمجرد انها بيكون عندها رغبه فى انها تعودك على كده علشان التعامل مع زوجك
وبعدين من وجهه نطرى
انا كنت الاول بضايق
بس بعد كده حلتها مع نفسى
انا بستفيد من عميلى لحاجات اخويا
المرد دى الشاى وحش لما هيطلب تانى هجرب اخليه احسن
وهو الضحيه للاسف يعنى هو المتضرر
خدى الموضوع عادى
افترضى يا ستى تزوجتى زوج مش بيعرف يعمل حاجه خااااااالص
فهيكون طبعه زى اخوكى كده
فتعودى من دلواقتى بقى
وبعدين فيه حاجه صغنونه كده
فكرى شويه لو انتى واخوكى فى البيت لوحديكم
وباقى الجماعه مسافرين على سبيل المثال
وانتى جيتى تعبتى
مين الى هيخدمك؟؟؟؟؟؟؟؟؟؟
معتقدش اخوكى هيسيبك
هما بيحبوا انهم يحسوا انهم عندهم اخوات بنات مش اكثر
احتسبى ووالله انتى المستفاده
جزاكى الله خيرا على الموضوع الجميل

[أينقص الدين وأنا حى]

السلام عليكم

جزيتم خيرا .. وان شاء الله ربنا يرزق اخيكى الزروجة الصالحه وبكده حضرتك المستفيده
.
.............

اما بالنسبة للموضوع ... فسبحان الله لسه حالا كنت انا واختى .. نحضر العشاء سوياً

لاننى حتما ... لابد ان اقدم مااقدر عليه

اولا فيه حاجه هتتشرى من بره البيت مثلا ... هيه اللى هتخرج والا انا ؟؟

دا لو حد قال لاخته اخرجى ؟؟ يبقى معلش ده مش راجل

وبعدين اهو بنساعد بعض وبنحتسب الاجر

لكن ايوة الواحد الحمد لله ملتزم لكن اهو بقولها ايه رايك فى لبسى او ايه رايك فى كذا وكده .. اى نعم بزهقها لكن اهو ...

هيه مثلا عندها ... ماجيستير .. قريب ... وطب بقه .. وانتم فاهمين ..

طول النهار فى غرفتها لا تخرج

ساعات مبنشوفهاش الا اخر اليوم كده ... ادخل اسلم عليها بعد العشا

فا لا زم اساعدها وهيه تساعدنى

وبمناسبة الموضوع ده .... اوجه خالص شكرى وتقديرى وحبى ... لاختى الاخرى ,,, التى تزوجت .. فوالله كانت تقوم بكل شغل المنزل ... زى مابيقولوا كده ( شايله البيت على كتفها )

فربنا يرزقها ويعوضها خيرا .. ويبارك لها فى ابنها وحبيب قلبى محمد

اللهم امين

[احمد عبد الرحيم]

صلى الله عليه وسلم
لا حول ولا قوه الا بالله
مالك يا اخت جويريه الموضوع معصبك كده
خدى الموضوع ببساطه
عاااااادى
الغلط مش على الولد
لانه طلع متعود على كده
شاف معامله الام للاب كده وده الصح والطبيعى على فكره
فطبيعى انه هيكون عنده العادى عنده كده
يعنى استحاله تبقى قاعده وهيطلب شاى وهتقوليله قوم اعمل لنفسك
لو هو سكت
ست الحبايب مش هتسكت
مش علشان فيه فرق بينك وبينه او حاجه
لالالالالالالا
لمجرد انها بيكون عندها رغبه فى انها تعودك على كده علشان التعامل مع زوجك
وبعدين من وجهه نطرى
انا كنت الاول بضايق
بس بعد كده حلتها مع نفسى
انا بستفيد من عميلى لحاجات اخويا
المرد دى الشاى وحش لما هيطلب تانى هجرب اخليه احسن
وهو الضحيه للاسف يعنى هو المتضرر
خدى الموضوع عادى
افترضى يا ستى تزوجتى زوج مش بيعرف يعمل حاجه خااااااالص
فهيكون طبعه زى اخوكى كده
فتعودى من دلواقتى بقى
وبعدين فيه حاجه صغنونه كده
فكرى شويه لو انتى واخوكى فى البيت لوحديكم
وباقى الجماعه مسافرين على سبيل المثال
وانتى جيتى تعبتى
مين الى هيخدمك؟؟؟؟؟؟؟؟؟؟
معتقدش اخوكى هيسيبك
هما بيحبوا انهم يحسوا انهم عندهم اخوات بنات مش اكثر
احتسبى ووالله انتى المستفاده
جزاكى الله خيرا على الموضوع الجميل



جزا الله الاخت خيرا
انا ارى ان ما ذكرته الاخت هو صحيح وانك من تعودك على مساعدة اخيكى او تلبية طلباته هى كا نوع من التعود والتجربه لاعمال المنزل بعد الزواج

[dr_karmen]

بصى يا أخيتى
طبعا فى إخوة طبعهم مثل هذا الطبع لا يساعد ولا يشارك فى أعمال البيت وإن كانت أبسط مايمكن مثل أن يساعد فى أن يشترى شيئ من الخارج أو أن يناول نفسه الماء للشرب
وهناك من الإخوة ماشاء الله يساعدون ويشاركون كما يستطيعون
الموضوع له عدة عوامل
أولا أن الأم تقوم بالمساعدة فى ذلك بمعنى انها تقوم بتلبية كل طلبات الإبن دون الإهتمام لصيغة الطلب وإن كانت آمرة
ثانيا أن يكون الأب له هذه الطريقة فى طلباته فأيضا يكون نشأ على ذلك
ثالثا أن يكون فقط الإبن يقول هذا مازحا أو من باب الدلال على اخته

ففى كل الأحوال أنت حينما تفعلين هذا إما تخففى من الطلبات عن الأم وبهذا تكونى تبريها فى أخوكي
أو أن الأم هى من أوصاكي بهذا وأيضا باب بر
وإن شاء الله يتزوج قريبا أو تتزوجى انتى وتنتقلى لبيت زوجك وتعرفى ان بيت الأهل كان فيه الشغل أخف
والله المستعان

[dr_Muslim]

جزاك ربي خيرا
اللهم إهدنا وتب علينا يارب
وبالنسبة للموضوع جيد أن نتكلم فيه بصراحه
فنعم نطلب من أخواتنا لأن الأم كبيرة ومريضه (شفاها الله وعافاها ) فممن نطلب إذن
ليس لبعض الإخوة تجارب في أعمال المنزل ولعل أخيكي واحد منهم
نعم قد تكون النشأة هي السبب فهو يرى والده كذلك وهو مقلد والله أعلم
وصدقيني أختاه لو سافر اخاكي لتمنيتي أن يرجع ولو لم يتركك لحظه من طلباته
وللعلم فقط
هناك بعض الأخوات بيحزنوا جدا لو أخوهم ما طلبش منهم حاجه
وأنا لا أعذر أخاكي ولا ألومه فلم أسمع منه
ولكن أتكلم عن الموضوع ككل
وكما قلتي فعلا
لو سمحتي قبل الطلب مش هاتكلف شيء
غفر الله له ولنا وللمسلمين أجمعين

[جويرية]

هو انا قولتلك بحبك في الله........ طيب انا بحبك في الله قمرتي.... الموضوع مس معصبني دا منرفزني بس ههههههههههههه جزيتي الجنة ع مرورك

[جويرية]

جزيتم الجنة

[جويرية]

جزيتم الجنة

[جويرية]

جزيتم الجنة

[الساعى الى الله]

أختنا الفاضله جزاكى الله خيرا حضرتك ده أحساس بيحسه كل شاب وأنا شبه متأكد أن أخوكى فى مرحلة الجامعة أو ما بعدها ومع أن السن ملهوش علاقه بالموضوع ولكن فى الفترة دى الشاب بيحس أن ده حق مكتسب أكتر من أى وقت تانى ومفيش حد مبيمرش بالمرحله دى وبعدين أنا مش موافق على لفظ خدامه ده من الأساس وبعدين ده حتى خادم القوم سيدهم وحاولى أنك تفهمى أخوكى شويه شويه أنك بتعمليله اللى هو عايزه محبه ليه وتودد يعنى مش أجبار وشوفى معاملته هتتغير أزاى وبعدين ساعات كتير حضرتك بتطلبى منه شئ يجيبه من بره ويروح يجيبه عادى وممكن جدا تقليله لا ده مش كويس روح رجعه ويرجعه برده عادى والحياه بتستمر والله أنا لى 3 أخوات بنات كنت برجع من بره فى غير معاد الغداء وهما ووالدتى ربنا يعطيها الصحه قاعدين كنت بدخل أسخن وأحضر الأكل وأكل كمان تخيلى وبعدين أقوم أعمل الشاى عادى وده طبعا لأنى مبحبش أشرب شاى غير اللى أنا بعمله بأيدى وكانوا بيهرونى طلبات من بره ووالله بعد أن تزوجوا بدخل البيت أحس أنه فاضى عليا ومبصدق أنهم يجولنا زيارة

[جويرية]

جزيتم الجنة

[أسماء9729]

السلام عليكم ورحمة الله وبركاته
جزاكم الله خيرا ونفع بكم
أخيتي اعلمي أن كل عمل تقومين إذا احتسبتيه لله ستؤجرين عليه
واعلمي ان غالبيتنا تمر أو أنها قد مرت بمثل هذه المواقف من أخيها وكما أسلف إخواني وأخواتي لربما يرجع الأمر للأسباب التي ذكرت ولكني أضيف سببا أخر ألا وهو الدلال الزائد للولد من قبل الوالدين فهذا أيضا له الأثر السلبي في معاملة الأخ لأخته.ولكن تأكدي أنه ولا بد للأخ من مدخل تسطيعي للوصول من خلاله إلى الحنان الذي بداخله.
و تأكدي أنه حينما يتزوج ستسعدين عندما يطلب منك شيئا وستقومين بتلبية طلبه بل ستعملين على إرضائه .رزق الله أخاك الزوجة الصالحة التي تعينه على دينه ودنياه وكل شباب المسلمين.

[رشيده]

جزاكى الله خيرا وفى ناس كتير بتاخدها بحساسيه وان كل واحد يعمل لنفسه لكن ده غلط لأنك بتضيعى ثواب عظيم جدا لان ده يعتبر بر وصلة رحم طيب أنا مثلا متجوزه ولما بروح عندى والدى انا الى بعمل شغل البيت كله عادى أحتسبوااا الاجر

[semsmh]

انا بضم صوتي لصوتك يا جويرية :(يشجع)::(يشجع)::(يشجع):انا مش خدامة عندك بصي يا ستي المشكلة طبعا ان اهالينا عودونا ان البنات هيا اللي تقوم بطلبات اخواتها وان الولد ميصحش ان هوا اللي يعمل حاجة في البيت طبعا انا معترضة علي الكلام ده لان التعاون مطلوب سواء من الاخ او من الزوج انا عن نفسي النظام ده كان ماشي في بيتنا لحد اخواتي البنات الاكبر مني ما اتجوزوا ومفضلش غيري وكمان والدتي تعبانة شوية في الاول كنت بعمل كل حاجة وبعد كده قولتلهم الكلام ده مش هينفع وابتديت اقسم الشغل عليهم واخليهم يساعدوني في البيت او علي الاقل كل واحد يعمل طلباته وهوا ده اللي جاب نتيجة معاهم

علي فكرة انا مش ضد اني اعمل شغل البيت واساعد اخواتي بس فعلا لازم يكون في معاملة طيبة ومراعاة من الاخرين لان اوقات كتير كنت ابقي تعبانة جدا ومش قادرة ويجي اخويا يقولي اكولي عايز اكل طيب راعي اني تعبانة مفيش
هما اللي جابوه لنفسهم .

[ترجو التوبة]

السلام عليكم . ازيك اختى.حاسة انك مدايقة اوى بسب الموضوع دا بصى مدايقيش نفسك وساعدى اخوكى فى حدود المستطاع واحتسبى الاجر عند الله وانا بردة اخويا مستفز اعملى كذا واة لو معملتش يقولى طيب؟ هبوظ الكمبوتر وهشيل برنامج كذا وكذا علشان هو افضل منى فى البرامج شوفتى وصلت لدرجة اية بس انا بردة برجع اعملة بيصعب عليا لو فكرتى براحة كدا هو عايز يا كل مين هيعملة غيرك وممتك وفى لحظة هدوء وانتم مع بعض كدا قولى لية انا زعلانة منك علشان كذا واطلبى منة يستازن الاول وان شاء الله يطلب بلوسمحتى .ومدايقيش نفسك كل الاولاد كدا حنا مجتمع عربى شرقىوالسلام عليكم

[أم سمية]

ههههههههههه والله الموضوع يضحك لأنى متخيله منظرك مع أخوكى وكميه الكبت اللى جواكى
أنا كنت زيك وكتيييييييييييييير من البنات
لكن الملحوظ ان نسبه كتير من اللى بيضايقوا علاقتهم بأخوهم مش أد كدة ده على حد ما شفت من حولى
2/ كل واحدة تقبل من زوجها مالا تتخيل أ ن يطلبه أخوها فأنا واح من الناس كنت أعيب دائما على أخى ورزقنى الحمد لله بزوج فيه معظم تلك الصفات التى كانت تضايقنى (رأى أمى ) ولا أراه فى زوجى عيبا طبعا لأنه زوجى أعتقد إنه شئ بديهى
كنت أعرف واحدة لا تعمل لاخيها أى شئ لبعض عيوبه الفادحه فلما قلنا إذا تزوجتى من هو مثله ؟ قالت أعمله طبعا
شفتوا احنا جوانا إيه
بس يا ريت نغيره أنا عن نفسى بخلى ابنى يشتغل معايا زى أخته مع ان سبحان الله بيتأمر ويقول هى اللى تعمل (مع ان والده مش كده )
نحاول نتقبل من أخونا أى شئ فالاخ لا يعوض هتعرفوا كده لما تتزوجوا
الولاد يا ريت تحس بأختك وتحسن أسلوبك معاها ولكم انتم الاثنين الاجر