قصه واقعيه خلتنى اعيد حساباتى

[اللهم ثبتنى]

السلام عليكم يا اخواتى , انا شفت فى حياتى كتير ناس ماتوا فجأه و أكترهم من الشباب , لكن يمكن دى اكتر حاله وفاه اثرت فى لانى كنت تقريبا باعيش نفس اليوميات و الحياه لزميلى المرحوم باذن الله, الحكايه ان فى يوم بعد ما اتخرجت كنت باكلم اختى و هى معيده فى الكليه اللى انا كنت فيها و قالتلى فاكرة زميلكم محمد قلتلها محمد مين قالتلى محمد مرسي قلتلها اه ايه اتجوز حد نعرفه ؟ قالتلى لا مات . ساعتها ما صدقتش نفسي مع انى عمرى ما كان لى تعامل معاه , قالت كان راجع من الشغل هو و 3 زملاءة على الطريق و عربيتهم دخلت فى اتوبيس , حسيت انى اتهزيت اوى , ده كان معانا 5 سنين و بيذاكر و نفسه ينجح زينا و طلع عينه فى مشروع التخرج و سهر زينا و بعد مابدأ يشتغل علشان يكون نفسه فجأه مات , حسيت ان الدنيا دى والا تسوى حاجه , والله ما تسوى حاجه, و حسيت ان الموت قريب اوى بس احنا اللى مش حاسين , الدنيا واخدانا و طحنانا و احنا ماشيين و خلاص ,حسيت انى ضيعت عمرى فى كلام فاضى و لا هينفعنى فى الاخرة بحاجه , الناس هتموت نفسها لو ما جابتش تقدير , هينفعنا فى ايه التقدير ؟ هيعلينا درجات فى الجنه ؟ الواحد لازم يعمل لاخرته لانها ممكن تيجى فى اى لحظة و المهم نعمل لاخرتنا اللى هموم الدنيا بتنيسهالنا . المهم,بعد العزا تناقلوا اخبار ان ماشاء الله ربنا كرمه بحسن الخاتمه و تشهد قبل الموت و يمكن دى الحاجه الوحيده اللى صبرت قلب والدته . اسأل الله العلى القدير انه يسكنه و جميع اموات المسلمين فسيح جناته و يرزقنا حسن الخاتمه .

[طريق الجنه]

- اللهم أغفر له و ارحمه و اعفو عنه و أكرمه
- اللهم وسع مدخله و ادخله الجنة و غسله بالثلج و الماء والبرد
- اللهم يمن كتابه و هون حسابه و لين ترابه و ثبت أقدامه و ألهمه حسن الجواب
- اللهم طيب ثراه و اكرم مثواه واجعل الجنة مستقره و مأواه
- اللهم نور مرقده و عطر مشهده و طيب مضجعه
- اللهم آنس وحشته و ارحم غربته و قه عذاب القبر و عذاب النار
- اللهم نقه من خطاياه كما ينقى الثوب الأبيض من الدنس
- اللهم فسح له في قبره و اجعله روضة من رياض الجنة و لا تجعله حفرة من حفر النار
- اللهم انقله من ضيق اللحود و القبور إلى سعة الدور و القصور مع الذين أنعمت عليهم من الصديقين و الصالحين والشهداء
- اللهم اجعل له من فوقه و من تحته و من أمامه و من خلفه و عن يمينه و عن يساره نورا من نورك يا نور السماوات و الأرض
- اللهم أبدله دارا خيرا من داره و أهلا خيرا من أهله و أزواجا خيرا من أزواجه واسكنه فسيح جناتك في الدراجات العلي آمين
- اللهم إن كان قد أحسن فزد في إحسانه و إن كان قد أساء فتجاوز عن إساءته
- يا أكرم من سئل و يا أوسع من جاد بالعطايا … خفف أحماله و حط من أوزاره واجعله في مقام من قام لك بالقرآن أناء الليل و أطراف النهار
- اللهم كن له بعد الحبيب حبيبا و لدعاء من دعا له سامعا و مجيبا و اجعل له من فضلك و رحمتك و جنتك حظا و نصيبا
- اللهم من أحييته منا فأحييه على الإيمان و من توفيته منا فتوفه على الإسلام
- اللهم إنا نسألك توبة قبل الموت و راحة عند الموت و مغفرة بعد الموت
- اللهم اجعل لنا عملا يؤنسنا في قبرنا إذا أوحشنا المكان و لفظتنا الأوطان و فارقنا الأهل و الجيران
- اللهم هب لنا نفوسا مطمئنة تؤمن بلقائك و ترضى بقضائك تقنع بعطائك
- اللهم أغفر لحيينا و ميتنا و شاهدنا و غائبنا و صغيرينا و كبيرنا و جميع موتى المسلمين و المسلمات الذين شهدوا لك بالوحدانية و لنبيك بالرسالة و ماتوا على ذلك

[اللهم ثبتنى]

بارك الله فيكى يا اختى طريق الجنه و ربنا يتقبل دعائك له و لكل المسلمين و المسلمات الاحياء منهم و الاموات .

[دينى الاسلام]

جزاكى الله خيرا اختى على هذا التذكرة
نسأل الله ان يغفر له ويرزقه الفردوس الاعلى
ويحسن ختامنا

[tsnim]

جزاكى الله خيرا00000اللهم ارحمه ويجعل مثواه الجنه وارزقنا حسن الخاتمه

[نداء الحق]

جزاكى الله خير
اللهم ارحمه وسع مدخله

[Muslima_Mwa7eda]

بارك الله فيكى اختنا ولكن لى تعليق

الناس هتموت نفسها لو ما جابتش تقدير , هينفعنا فى ايه التقدير ؟ هيعلينا درجات فى الجنه ؟ الواحد لازم يعمل لاخرته لانها ممكن تيجى فى اى لحظة و المهم نعمل لاخرتنا اللى هموم الدنيا بتنيسهالنا

اختنا نعمل لاخرتنا نعم ونعمل لدنيانا لنكون وجهه مشرفه للمسلمين ونعمل اللى نقدر عليه بس يعنى مش نموت نفسنا علشان التقدير لكن نجتهد ونجدد النيه ان التقدير والمذاكرة لله علشان الاسلام واكون وجهه مشرفه

اختنا اجعلى اى عمل تقومين به عبادة لله عز وجل بتجديد النيه وان تبذلى كل ماتستطيعين لنيل رضا الله


بارك الله فيكى اختنا ورزقنا وواياكى حسن الخاتمه

[اللهم ثبتنى]

بارك الله فيكم يا اخواتى و تقبل الله منا و منكم الدعاء لجميع امواتنا

[نسيم الليل]

جزاكم الله خيرا