كيف تلبسيييه......

[رنيم الإيمان]

السلام عليكم ورحمة الله وبركاته
أردت أن أطرح موضوع لبس النقاب وكيف يكون شكله
يعني بتفضليه على خمار ولا الإسدال ولا أييييه
وليه؟؟؟؟؟؟؟
وهل بتوافقي النقاب الألوان؟؟؟؟طيب ليييه؟؟؟؟
شاركونا ....................
منتظراكن ومنتظرة إفادتكن

[القلم الاحمر]

اختي الحبيبة
رنيم الايمان

اولا اهلا بكِ معنا في روضتنا الجميلة
جمعنا الله جميعا في رياض الجنة
ان شاء الله

وجزاكِ الله خيرا على طرح اسئلتك الجميلة
واسمحيلي اشارك معكِ في الاجابة

بصي يا ستي
انا لابسة النقاب من تسع سنين تقريبا والحمد لله
جربت كل طرق لبس النقاب
:(ضحك):

في البداية كنت لابساه على خمار
والنقاب عبارة عن قطعه القماش اللي بنفس لون النقاب

وبعد كده لبست النقاب اسود
لكن الخمار الوان هادية زي البني والزيتي والكحلي والنبيتي

وفضلت فترة على كده
لغاية ما طلعت العبايات يعني الجلباب
لقيتها افضل عشان لا ارتدي جيبة وبلوزة
وتبقى العباية لون واحد مش ملفت وواسعة

لبست الاسدال ( الملحفة ) فترة
لكن في شغلي كانت صعبة التحرك بيها
ولقيت صعوبة في ركوب المواصلات بيها
لاني بابقى شايلة اوراق
والملحفة واسعة وطويلة اتكعبلت كتير بصراحة
:(يبكى) :


فرجعت تاني للجلباب والطرحة الكبيرة مع النقاب
وكله بيبقى لون واحد غامق ( كحلي ـ بني - زيتي - نبيتي )
لان الاسود صعب في الشغل في مجال التربية والتعليم

===
وادعو الله ان يتقبل منا
ويعيننا على طاعته

وجزاكِ الله خيرا كثيرا
وثبتكِ على الايمان

[5 شمس 5]

بالنسبالى مريت ببعض اللى مرت به القلم الأحمر بما إننا اخوات
بس انا لما لبسته كنت لابسة الخيمار وكنت بلبس النقاب السعودى الأسود

ثم ارتديت الملحفة

ثم طرحة وجيبة وبلوزة

والألوان بقى
بلبس النقاب الأسود على كل الألوان ماعدا البنى والكحلى النقاب بيبقى لونهم
بس الوانى فى الغالب غامقة وبلبس السواد أحيانا مش دايما
ونادرا جدا لو لبست لون فاتح بس بعيد عن الأبيض والألوان المزهزهة
يعنى لو فاتح بختاره لون مطفى جدا بس بيبقى عليه نقاب اسود او بنى عشان يطفيه اكتر

[رشيده]

جزاكى الله خيرا
الموضوع مفيد
النسبه ليا انا لسه ماأنتقبتش بس انا ارتدى الاسدال
وناويه بأذن الله لما اتنقب البس النقاب على الاسدال

[رنيم الإيمان]

جزاكن الله خيرا على المشاركات الراااائعة
هو فعلا صراااحة أنا لابسه على إسدال والإسدال فعلا مش ظريف في الهوا مع اني ببقى لابسة تحتييه جيبة جينز علشان لا يصف
لكن بيتعبني جدا عنا أخليه كدا
فنفسي فعلا أصل لحل يكون غير ملفت وغير مغير للواجب


منتظراااكن...................

[طالبة الهدايه]

جزاكم الله خيرا يارنيم الايمان
بس انا بأفضل البس النقاب على الملحفه بيكون اوسع وشكله افضل وخصوصا لما تضعى البيشه على عنيكى :(ضحك):

بس للامانه ان مش دايما بأحطها عشان مش بأشوف فيها
وإن شاء الله انتظرى مشاركتى عايزه اسئل الاخوات عن حاجات غريبه بأشوفها تحصل فى النقاب مش عارفه هى صح ولا غلط

وربنا يعين كل الفتيات على النقاب بجد والله دا نعمه انا مش عارفه ازاى كان اشباب بيشوفوا وجهى وانا ولا اى حاجه

[غفرانك ربي]

جزاكي الله خيرااا يارنيم

انا بالنسبه ليا بلبس النقاب علي الملحفه

بحب الملحفه اويىىىىى دي حياتي بصراحه والاسود طبعا

كنت الاول بلبس البني والكحلي لكن الاسود بحبه اوي والالون دي مش بحبها

عقبال باقي البنات يارب لما نشوفهم كلهم منتقبات

[عائدة الى الرحمن]

أختى رنيم الايمان
من الأفضل لك عدم التفكير فى المنظرلأنه سيشغلك وربما يأخذ تفكيرك كله
وهذا مدخل من مداخل الشيطان فكم من منتقبة انتكست لأجل أن شكل النقاب عليها لم يعجبها ووس الشيطان حتى خلعته !!!!!!!!! فاصبرى أختى واحتسبى واشغلى شغلك الشاغل هوكيف ترضى ربك ....
وابحثى دائماااااا عن حلاوة الايمان لأنك عندما تتذوقيها مش هيفرق معاكى النقاب هيكون ايه لأنك ستشعرين بحلاوة النقاب وسترينه فى عينك جميلااااااا جدااااا
وحاولى أن تلبسى ما تستريحين فيه ولا تفكرى بعدها بالتغيييييييير واثبتى ثبتك الله...

القلب ينشط للقبيح وكم ينام عن الحسن
يا نفس ويحك ما الذى يرضيك فى دنيا العفن
أولى بنا أن نرعوى أولى بنا لبس الكفن
أولى بنا قتل الهوى فى الصدر أصبح كالوثن
فأمامنا سفر بعيد بعده يأتى السكن
اما الى نار الجحيم أو الجنان جنان عدن
أقسمت ما هذه الحياة بها المقام أو الوطن
فلما التملك والخداع لما الدخول على الفتن
كم أحب هذا الشعر فانه يذهب من قلبى اية تعلق بالدنياااااااا

http://ojqji.net/toaqe3/islamic_19.gif

[يمامة المسجد]

صحيح أختي عائدة إلى الرحمن

لا يهمنا المنظر

المفروض إني لما لبست النقاب ... كنت بطوي أي صفحة زينة وحبي للتجمل وأنا خراجة

عموما ً أنا لبسي ملحفة ونقاب سعودي أسود طبعا ً مع البيشة

وأقول باه عو في الضلمة :)

بالنسبة للملحفة

الحمد لله عمرها ما أعاقتني برغم إني في كلية عملية وبروح مشاوير كتيرة و بطلع وانزل

بلبس تحتها جيبه واسعة خفيفة خالص كلوشة واسعة

والموضوع الحمد لله كويس جدا ً ولو جه هوا بشدها من امام

طبعا ً هي واسعة

والموضوع مش هنختلف فيه تماما ً

عباية وطرحة طويلة

ملحفة

جيبة وبلوزها

المهم يكون ليه صفات الحجاب الشرعي الفضفضاض

[جويرية]

بحبه ع ملحفة ويكون داخل الملحفة والعين مغطاة ويكون اسود كله او بني.... جزيتي الجنة اختاه

[الشهد]

السلام عليكم
موضوع جميل اوىىىىىىى
انا الصراحة بلبس النقاب على ملحفة وعلى راى حبيبتى غفرانك انا بحبها جداااا
لانها واسعة ومريحة وبلبس عليها النقاب السعودى وساعات انزل البيشة لو لقيت عينى باينة اوى او لابسطة طرحة ملونة تحت النقاب
ومع انى لابسة واسع دايا تلاقينى مع اى شوية هوا صغيرين اخلينى ماسكة الملحفة لادام حتى ناس يقولولى شكلك اكنك حامل هههههههه
وبحاول البس تحت الملحفة لبس مايكونش ضيق عشان ماتلزأش على جسمى
وربنا يرزقوا جميعا لبس النقاب

[جهاد الشرقاوى]

الله اكبر ربنا يثبتكم ويعينكم ادعولى ارتدى النقاب زيكم

[صاحبة القلادة]

بصوا بقي انا المواضيع دي بشجعني اوي
تعرفا انكم كنتم السبب في لبسي للاسدال
انا دلوقتي نفسي البس النقاب
ربنا يثيتكم ويستر بنات المسلمين
يا بنات انا مش ادره اصبر اكتر من كده
حسي اني عوزه البسوا بقي
بصوا مش انتوا اخواتي وبتتمنولي الخير
ادعولي وكل المسلمات بلبس النقاب بس من قلبكم
واهلي يرضوا بقي
او اخد واحد يشترط عليا لبسه
يا بختكم
تعرفوا انا لما بشوف واحده منتقبه بفرح اوي وبحس اني
عوزه اروح اسلم عليها او اكلمها وبحس اني.........
مش عارفه
بس بحس اني عوزه ابقي زي دي

[جهاد الشرقاوى]

ربنا يكرمك يارب ياسارة انا وانتى وبنات المسلمين سبحان الله نفس الاحساس ربنا يعينا
ادعو لنا الله يكرمكم

[صاحبة القلادة]

يا بنات اوعوا تنسوا تدعلنا انا وحبيبة قلبي جهاد والمسلمات
وفي قيام الليل كمان
اه في قيام الليل
رخامه بقي
:(ضحك):اني احبكن في الله

[طالبة الهدايه]

يا بنات اوعوا تنسوا تدعلنا انا وحبيبة قلبي جهاد والمسلمات
وفي قيام الليل كمان
اه في قيام الليل

إن شاء الله يا ساره بس اوعوا تنسوا تدعولى انا كمان ان ربنا يستعملنى ولا يستبدلنى

[ايه اسامه]

انا ارتدى النقاب منذ ثلاثه سنوات ومن يوم ارتديه وانا ارتديه عبائه فضفاضه لاتشف وطرحه كبيره وطويله والنقاب بس وبفضل الالوان الهاديه الغامقه زى البنى االاسود الكحلى الزيتى وكلالملابس المهم فيها انها تكون مش ثوب شهره يعنى اليومين دول بشوف ناس لبسين النقاب وعملينه باشكال
اللى بتلبس طرحه وتحطها فوق النقاب وتكون مطرزه والوانها فاتحه
واللى تخليه زى ما بسمع طاير
يعنى تجيبه من الخلف الى الامام ومتسالنيش ازاى لانى معرفش
ههههههههه
بقينا بنشوف حاجات لاتليق بالمرأه المسلمه ولا النقاب بس عموما يجب ان يكون الملبس ليس زينه فى نفسه

[جمانه]

أختاه لبس النقاب على اسدال او ملحفه او عبايه وطرحه طويله ...كله كويس بس أهم شىء يكون جامع شروط الحجاب الشرعى...أنا بلبسه على الاسدال الملحفه والعبايه بس أهم شىء تكون الطرحه طويله أنا أفضل طولها لحد الركبه والتغير مطلوب برضه بس فى حدود الشرع

[ganna_way007]

بارك الله فيكن أخواتي الحبيبات ....أما عن رئي أنا في النقاب فهو لما جاء به الشرع و الدين و أيما كان لباس أمهات المؤمنين فنحن على دربه و على طريقه ....أما ان سألتموني عن لباسي أنا .....فأنا في بلد عندي أرى نقابا أخر ...نقاب مغربي ....فهو يعتبر لباس تقليدي للبلد و قد لبسه الاجداد الاوليين لهده البلد ..ووددت لو كانت معي صورة لهدا اللباس لكنت بينتها لكن حبيباتي .....فهو يشبه النقاب السعودي ...غير أن طريقة لبسه تتغير بعض شيئ عن غير ......

و لكن أهم شيئ أن يكون لباسنا طبقا لشريعتنا و كمان يكون فيه نبره و نبراس للامهات المؤمنين
بارك الله فيكي أختنا الحبيبة على موضوعك الجميل
و كما جمعنا ربنا في هدا المنتدى يجمعنا انشاء الله في الجنة يا رب العالمين