محتاجه مساعده والله انا كده غلط؟؟؟؟

[بكت عينى]

بسم الله الرحمن الرحيم
اخواتى الحبيبات فى المنتدى
والله انى احبكن فى الله جدا واتمنى من الله ان يجمعنى بكن فى ظل عرشه امين
انا والله مش عارفه ابدا ازاى او اقول الكلام الى عايزه اقوله فين
بس قلت روضه الاخوات افضل مكان
انا كنت عايزه افضفض معاكم شويه انا مخنوقه جدا الايام دى لكن برضو الحمد لله على كل حال ومش هالاقى افضل من المنتدى المحترم ده اتكلم فيه وفيه كل الاخوات الفاضلات الى بتمنى تفبلونى اخت لكم
انا يا جماعه عايزه والله اسألكم عن حاجه بتضايقنى شويه
انا الحمد لله ملتزمه لكن احيانا بيكون فى ضعف ايمانى ودخول الشيطان فى تفكيرى كده
بس كنت عايزه اسأل فى حاجه انا الحمد لله مش متزوجه ولا مخطوبه ودائما ادعو ربى
انا يرزقنى الزوج الصالح الى يعنى على امور دينى ودنياى
وبدعى بكده فى كل صلواتى وفى قيام اليل كتييييييييييييييير
وسمعت عن فضل سوره البقره فى تفريج الكربات وبصلى بيها قيام اليل كل يوم الحمد لله ودايما امى بتدعى لى
وبخرج صدقات كمان الى ربنا بيقدرنى عليها بنيه تفريج ما فيه
لكن الحمد لله لدلوقتى مفيش حاجه حتى انا وصلت لسن كل اقرانى تزوجوا وانجبوا وده
احيانا بيحز فى نفسى لكن بحمد ربنا وبحاول اكون صبوره وراضيه
لكن احيانا مش بقدر اكون راضيه اوى يعنى فى نفسى حاجه كده مش راضيه
طبعا انا مؤمنه بالقدر والنصيب لكن كتير الاقى بنات اقل منى فى حاجات كتيره ربنا كرمهم فيوسوس لى الشيطان
وبنات اقل التزام كتير كمان
انا عارفه طبعا ان دى مش مشكله الحمد لله ربنا يرزقنى الصبر ودى مشكله بنات كتير
ولكن كتير بحس فى نفسى انى مش قادره ارضى
وبعدين الموضوع ده بيشغل حيز كبير اوى من تفكيرى وانا مش حابه كده
المفروض يكون رضا الله ورسوله وطاعته اكبر شئ فى تفكيرى
لكن والله غصب عنى مش عارفه بجد اعمل ايه
انا بجد مش عايزه ده يكون محور حياتى عايزه يكون رضا ربنا يملا كل قلبى مش عايزه اى حاجه فى قلبى غير ربنا
واحيانا بحس نفسى مقصره مع ربنا علشان كده ده عقاب من ربنا ولا ايه؟
بس والله بحاول اكون على اد مااقدر مطيعه لربنا
معلش طولت عليكم
بس والله مش لاقيه حد افضفض معاه
وياريت تدعو لى بالصبر مع الرضا ويفرج كربى انا وكل المكروبين ويهدينى ربنا
بجد يا جماعه مش عايزه تدعولى بس عايزه حد يقول لى ده غلط او تقصير منى فى حق الله ولا ايه؟
ولا هو ابتلاء طويل ولا ايه
والله عايزه مساعدتكم ليا بعد ربنا
وجزاكم الله خيرا

[طريق الجنه]

اختى فى الله اصبرى صبراااااااا جميلالالالالالالا

انا الله مع الصابرين وعليكى بالدعاء والاستغفار

والله الذى لا اله غيره هذا امتحان من الله

لكى يراه صبرك اختى فى الله

اوعى تزعلى طيب اقولك على حاجة حصلت

معاى بصى بقى اختى الاصغر منى تزوجت من

حوالى سنتين ونصف وربنا رزقاها بعبد الرحمن

ولد زى العسل عقبالك كده يارب انتى وجميع بنات المسلمين

وانا معاكم طبعااااااااااااااااااااااااااااااااااااااااااااااا اااااااااااااااااااااا

المهم احنا بتنا كله اقراب يعنى فيه اللى فى سنى والاصغر

وسبحان الله الاصغر منى كلهم تزوجوا وانجبوااااااااااا

وبعدين اللى فى سنى كمان تزوجوا وانجبواااااااااااا

والحمد لله بحمد الله على السراء والضراء

وممكن يكون الخير فى هذا التاخير

يارب فرج قرب المقربين وهم المهمومين

وان شاء الله ربنا يرزقك زوجا صالحا

يجعله الله لكى قره عينكى

[عائدة الى الرحمن]

:LLL:
أختاااااه.....
لا تحزنى وبثى الى الله همك وشكواك وقد يكون تأخر الزواج هذاااااا
لأن الله يشتاق الى سماع دعائك والتضرع اليه فالله حكيم وقدير فى تسي أمورنا
فكم من مرة غفلنا عنه واشتاق هو الينا............. ولا تدرين لعل هذا هو االخير لك
فكم من فتاة تزوجت ولكنها رزقت بزوج غير متدين وكانت حياتها جحيم !!!!!!
وكم من فتاة تزوجت ولكنها لم ترزق من الأبناء فأصبح الهم والحزن صاحبها حتى ولو كان زوجها يحبها ولا يريد غيرها ومن الأمثلة الكثيييييييييييييييييير!!!!!!!!!!!!!!!!!
[قال تعالى]وعسى ان تكرهوا شيئا وهو خير لكم وعسى ان تحبوا شيئا وهو شر لكم والله يعلم وانتم لا تعلمون )
أنا والله أشعر بك ولكنى أحاول التخفيف عنك فلا تقسى على نفسك أختاااااااه
واسترجعى واحتسبى واقرئى القرآن كثيراااااااااااااااااا
وأتصحك بأن تغيرى نيتك لا أن تكون كل دعائك هو أن يمن عليك بالزوج الصالح بل لتجعلى نيتك أن يرضى الله عنك ادع بها كثيراااا فانه ان رضى عنك فسيرضيك
اشغلى وقتك بطلب العلم وادع بالثبات فقد يكون بلاء لاختبار صدق توبتك
[قال تعالى](الم .أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ .وَلَقَدْ فَتَنَّا الَّذِينَ مِن قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ .أَمْ حَسِبَ الَّذِينَ يَعْمَلُونَ السَّيِّئَاتِ أَن يَسْبِقُونَا سَاء مَا يَحْكُمُونَ .مَن كَانَ يَرْجُو لِقَاء اللَّهِ فَإِنَّ أَجَلَ اللَّهِ لَآتٍ وَهُوَ السَّمِيعُ الْعَلِيمُ .وَمَن جَاهَدَ فَإِنَّمَا يُجَاهِدُ لِنَفْسِهِ إِنَّ اللَّهَ لَغَنِيٌّ عَنِ الْعَالَمِينَ ]صدق الله العظيم
ويكفيك والله بدعاء أمك فهو خير الدعاااااء والله يستجيب دعاء الوالد لولده
وأطلب من الله أن يعينك ويبلغك مناك
يا رب ارحم أختنا واغفر لها وثبتها وكن لها خير معين وامنن عليها بالزوج الصالح.............آآآآآآآآآآآآآآآمين
لا تغفلى أختااااه عن ذكر الله فهو الوحيد الذى تستطيعى أن تتحدثى اليه وادع له ولا تملى فان الله لا يمل حتى نمل نحن......اصبرى أختااااه وان فرج الله قريب.:akbr:


http://ojqji.net/toaqe3/islamic_19.gif

[طالبة الجنان]

السلام عليكم اختي في الله
بصي يا حبيبتي اولا ده مش عقوبه عشان العقوبه بتكون علي الكفار والمشركين والعياذ بالله
اما المسلم المؤمن فده الي لما ربنا يحبه يبتليه
وحطي فوق يبتليه ده اكتر من مائه خط

بصي اختي انتي مزعله نفسك ليه وانتي عارفه ان ربنا مقدره لنا كل شئ قبل ان نتولد
وايه رايك ان مكتوب لكي زوجك الي هتتزوجه قبل ما تتخلق السموات والارض بخمسين الف سنه

يعني ازاي هتفكري في حاجه انا وانتي وكل الناس لاتملكها
عشان دي من مقادير الله سبحانه وتعالي

وكمان احنا مسيرين مش مخيرين
بصي حبيبتي احنا عايزين ايه من الدنيا الا رضا ربنا علينا ودخول الجنة
انا حاسه بيكي واله وعارفه مدي المعاناه الي عايشه فيها
بس كده انتي احسن من غيرك بكتير
يعني عايزة ربنا يرزقك بانسان يقتنك في دينك ويخلي عيشتك مرار
ولا انتي كده تعرفي تذهبي المسجد وتصلي قيام ليل وتصومي برحتك
ده ولا ده
عليكي بالدعاء اختي ان يمن الله عليكي بالزوج الصالح
ولا تتعجلي لان الرسول صلي الله عليه وسلم
قال يستجاب لاحكم مالم يعجل
قيل كيف قال يقول دعوت الله ولم يستجب لي
وده فيما معني الحديث
يبقي احسن حاجه انني احمد ربنا علي نعمه علي
وان ربنا مقدر لي الخير
ولكن علي بالصبر
لكي انعم بهذا الخير
ولا ايه رايك ؟؟؟؟؟؟؟؟؟

وكمان انا عارفه واحده قريبها كلهم اتزوجوا وهي لا
وكانت بتحضر فرحهم كلهم وهي لم ياتي لها نصيبها
ولكن لما صبرت ورغم كبر سنها جيه لها زوج اكتر مما تتمناه
بالنسبه لكل شئ
وتزوجت الان
عشان ده نصيب
حتي لو لم نتزوج في الدنيا هيبقي لكي زوج تاني في الاخره اكتر مما تتمنيه
وانتي عارفه بقي في الجنة لا عين رات ولا اذن سمعت ولا خطر علي قلب بشر

يبقي انتي كده كده هتتزوجي ان كان في الدنيا ولا في الاخره
يبقي هنزل ليه ونقول ان السماء انهدت علينا ليه
بصي انا عن نفسي افضل كده وانا بعرف اطيع ربنا واتمني رضاه
بدلا من اتزوج من يفتنني في ديني ولاحول ولاقوه الا بالله

معلش علي الاطاله اختي
واسال الله العظيم ان يمن عليكي وعلي وعلي جميع بنات المسلمين بالازواج الصالحه
وبشر الصابرين
ولازم يكون في ابتلاء للتمحيص لكي يعرف الله المؤمن من الغير مؤمن
وكمان عشان يعرف مين الي هيثبت علي دينه ومين الي هيضيع هباء
وبلاش وسوسه الشيطان دي الي كل الي عيزه ان يفتنك في دينك

ويقول لكي شفتي ازاي الي مش ملتزمين تزوجوا وهما بقي احسن منك ازاي
شفتي انتي لما التزمتي الكل بعد عنك ازاي
كل ده من كلامه ومن النفس الاماره بالسوء
يبقي علي مش التفت لاي حد منهم وما صبري الا بالله
وربنا هيعوض علي بالخير
ولازم يكون في يقين وحسن توكل وظن بالله
وبارك الله فيكي
وكان عندي كلامي كتير عايزة اقوله لكي بس كفايه عشان مش تزهقي مني

ب

[بكت عينى]

اختى طريق الجنه جزاك الله خير الجزاء
ورزقنى الله واياك بالزوج الصالح
انا والله مبسوطه اوى من ردك عليا كده والله انا عايزه حد يتكلم معايا يخفف عنى شويه
مش عايزه الشيطان يسيطر على تفكيرى
جزاك الله خير

[بكت عينى]

جزاك الله خيرا اختى العائده للرحمن والله كلامك هون عليا اوى
ربنا يجازيكى خير يارب

[بكت عينى]

اختى طالبه الجنان جزاك الله خيرا على ردك
والله كلامك اكتر من رائع وكنتى بتردى على كل حاجه بقولها جوه نفسى
وياريتك طولتى كمان اكتر فى كلامك والله بجد ربنا يجازيكى الخير

[بكت عينى]

هو فعلا المشكله يا اخوات الفتنه بالناس
زى ماقالت اختى طالبه الجنان الناس كلها قالت التزمت اهى وقعدت فى البيت محدش جالها ده شكلها فى الخمار كده كبرها وبقى مش حلو
طبعا انا الحمد لله مش بيهمنى غير طاعه ربنا بس والله احيانا بقول يعنى الناس غيرى دى الى مش ملتزمه وكان لها اخطاء كتير طيب ازاى تتجوز وتكون سعيده كمان
وكمان الى ضايقنى انى مش بيجى لى حد يتقدم لى والمره الى حد جه فيها رفضنى كمان من غير اسباب انا الحمدت ربنا بعدها لانه ده خير ليا
بس والله انا نفسى اعمل بيت مسلم ملتزم واربى اولادى على طاعه ربنا وحفظ القران
وكمان البس النقاب لان ابى فى البيت مانع نهائى الفكره دى
والله عايزه اتكلم كتير معاكوا حاسه انى بخفف عن نفسى كتير
جزاكم الله خيرا

[يمامة المسجد]

اللهم أرح قلبها ونور دربها وكن حسبها فهي غاااالية وأحبهاااد


والله أختي حبيبتي

أنا هكلمك عن الصبر شوية

تعرفي حبيبتي

"ذكر الله سبحانه الصبر في القرآن في تسعين موضعا"

تخيلي لو لم يكن لكل من نصيبا ً كبير من الصبر لما ذكر بهذه الكثرة

{ أولئكيؤتون أجرهم مرتين بما صبروا}تخيلي حبيبة قلبي لمجرد الصبر ... أخذوا الأجر مرتين فلنصبر طمعا ً في الأجر

وقوله {انمايوفى الصابرون أجرهم بغير حساب}قال سليمانبن القاسم كل عمل يعرف ثوابه إلا الصبر قال الله تعالى {انمايوفى الصابرون أجرهم بغير حساب}قال كالماءالمنهمر

تخيلي كدة بغير حساب

عارفة حبيبتي لما واحد رئيس جمهورية يقولك انا هفتحلك رصيد مفتوح

تخيلي بأه حبيبتي :

تأتي يوم القايمة تجدي أجر عظيم بغير حساب ... يعنيكتيــــــــــــــــــــــــــــر والسبب من ده كله ايه ... إني صبرت أياموليالي

{إنالله مع الصابرين} تخيلي حبيبتي في ظل شدة الكروبات والألم ، ربنا معاكي

والمعية هنا معية خاصة ومعية عامة

معية عامة لأنك مؤمنة

ومعية خاصة لإنك بتصبري

تخيلي حبيبتي مهما اشتد عليك ِ لحظات ألمك وأنتي صبرتي .. ربنا معك ِ يعلم مابك ... وسيوفيك ِ أجرك ... بغير حساب

تعرفي حبيبتي الله جمع للصابرين ثلاثة أمور لم يجمعها لغيرهم وهى الصلاة منه عليهم ورحمته لهم وهدايتهإياهم قال تعالى{وبشرالصابرين الذين اذا أصابتهم مصيبة قالوا إنا لله وإنا اليه راجعون أولئك عليهمصلوات من ربهم ورحمة وأولئك هم المهتدون}

أما خوفك من أنك لا ترضي أحيانا ً فاستعيذي بالله وكونك قد أتيت هنا أساسا وتحدثتي هذا يدل على مافيه خير لك ِ

عارفة أنا عايزة أكلمك عن الصبر شوية

انصحك بكتاب عدة الصابرين وذخيرة الشاكرين لابن القيم

هو بلسم لكل جراح المنكوبين

http://www.almeshkat.net/books/archive/books/alsabren1.zip

وصدقيني حبيبتي

ثقي ان الله إن شاء الله كاتب لك ِ شئ مميز

فانتظريه من الله

ولا تتعجلي

ولا تقولي دعوت ولم بحدث شئ

يستجاب لأحدكم ما لم يعجل يقول قد دعوت فلم يستجب لي . ‌

حبيبتي اصبري

واسمعي الله آهاتك وشكواك وذلك وفقرك

فباب التضرع والفقر لا يلجأ له كثيرون

ولكن , كم هو باب مثمر

واعلمي أن بعد أشد لحظات الفجر سواد ً يعقبها الفجر

حملي هذه حبيبتي

::قبسات ونسمات : "الصبر على الابتلاء":: (http://www.islam2all.com/video/videos.php?mqta=2342)

[يمامة المسجد]

ان الله سبحانه جعل الصبر جوادا لا يكبو وصارما لا ينبو وجندا لا يهزم وحصنا حصينا لا يهدم ولا يثلم فهو والنصر أخوان شقيقان فالنصر مع الصبر والفرج مع الكرب والعسر مع اليسر وهو أنصر لصاحبه من الرجال بلا عدة ولا عدد ومحله من الظفر كمحل الرأس من الجسد ولقد ضمن الوفي الصادق لأهله في محكم الكتاب أنه يوفيهم أجرهم بغير حساب واخبره أنه معهم بهدايته ونصره العزيز وفتحه المبين فقال تعالى {وَاصْبِرُوا إِنَّ اللَّهَ مَعَ الصَّابِرِينَ} فظفر الصابرون بهذه المعية بخير الدنيا والآخرة وفازوا بها بنعمة الباطنة والظاهرة وجعل سبحانه الإمامة في الدين منوطة بالصبر واليقين فقال تعالى وبقوله اهتدى المهتدون {وَجَعَلْنَا مِنْهُمْ أَئِمَّةً يَهْدُونَ بِأَمْرِنَا لَمَّا صَبَرُوا وَكَانُوا بِآياتِنَا يُوقِنُونَ}.
وأخبر أن الصبر خير لأهله مؤكدا باليمن فقال تعالى {وَلَئِنْ صَبَرْتُمْ لَهُوَ خَيْرٌ لِلصَّابِرِينَ} وأخبر أن مع الصبروالتقوى- لا يضر كيد العدو ولو كان ذا تسليط فقال تعالى {وَإِنْ تَصْبِرُوا وَتَتَّقُوا لا يَضُرُّكُمْ كَيْدُهُمْ شَيْئاً إِنَّ اللَّهَ بِمَا يَعْمَلُونَ مُحِيطٌ}
وأخبر عن نبيه يوسف الصديق أن صبره وتقواه وصلاه إلى محل العز والتمكين فقال: {إِنَّهُ مَنْ يَتَّقِ وَيَصْبِرْ فَإِنَّ اللَّهَ لا يُضِيعُ أَجْرَ الْمُحْسِنِينَ} وعلق الفلاح بالصبر والتقوى فعقل ذلك عنه المؤمنون فقال تعالى {يَا أَيُّهَا الَّذِينَ آمَنُوا اصْبِرُوا وَصَابِرُوا وَرَابِطُوا وَاتَّقُوا اللَّهَ لَعَلَّكُمْ تُفْلِحُونَ}.
وأخبر عن محبته لأهله وفي ذلك أعظم ترغيب للراغبين فقال تعالى {وَاللَّهُ يُحِبُّ الصَّابِرِينَ} ولقد بشر الصابرين بثلاث كل منها خير مما عليه أهل الدنيا يتحاسدون فقال تعالى {وَبَشِّرِ الصَّابِرِينَ الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ}.
وأوصى عبادة بالاستعانة بالصبر والصلاة على نوائب الدنيا والدين فقال تعالى { وَاسْتَعِينُوا بِالصَّبْرِ وَالصَّلاةِ وَإِنَّهَا لَكَبِيرَةٌ إِلاَّ عَلَى الْخَاشِعِينَ}
و جعل الفوز بالجنة والنجاة من النار لا يحظى به الا الصابرون فقال تعالى {إِنِّي جَزَيْتُهُمُ الْيَوْمَ بِمَا صَبَرُوا أَنَّهُمْ هُمُ الْفَائِزُونَ} وأخبر أن الرغبة في ثوابه والإعراض عن الدنيا وزينتها لا ينالها ألا أو لو الصبر المؤمنون فقال تعالى { وَقَالَ الَّذِينَ أُوتُوا الْعِلْمَ وَيْلَكُمْ ثَوَابُ اللَّهِ خَيْرٌ لِمَنْ آمَنَ وَعَمِلَ صَالِحاً وَلا يُلَقَّاهَا إِلَّا الصَّابِرُونَ } وأخبر تعالى أن دفع السيئة بالتي هي أحسن تجعل المسىء كأنه ولي حميم فقال {وَلا تَسْتَوِي الْحَسَنَةُ وَلا السَّيِّئَةُ ادْفَعْ بِالَّتِي هِيَ أَحْسَنُ فَإِذَا
الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ} وأن هذه الخصلة لا يلقاها الا الذين صبروا وما يلقاها الا ذو حظ عظيم
وأخبر سبحانه مؤكدا بالقسم {إِنَّ الإِنْسَانَ لَفِي خُسْرٍ إِلاَّالَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ} وقسم خلقه قسمين أصحاب ميمنة وأصحاب مشأمة وخص أهل الميمنة أهل التواصى بالصبر والمرحمة وخص بالانتفاع بآياته أهل الصبر وأهل الشكر تمييز لهم بهذا الحظ الموفور فقال في أربع آيات من كتابه {إِنَّ فِي ذَلِكَ لآياتٍ لِكُلِّ صَبَّارٍ شَكُورٍ} وعلق المغفرة والأجر بالعمل الصالح والصبر وذلك على من يسره عليه يسير فقال {إِلاَّ الَّذِينَ صَبَرُوا وَعَمِلُوا الصَّالِحَاتِ أُولَئِكَ لَهُمْ مَغْفِرَةٌ وَأَجْرٌ كَبِيرٌ}.
وأخبر أن الصبر والمغفرة من العزائم التي تجارة أربابها لا تبور فقال {وَلَمَنْ صَبَرَ وَغَفَرَ إِنَّ ذَلِكَ لَمِنْ عَزْمِ الأُمُورِ} وأمر رسوله بالصبر لحكمه وأخبر أن صبره انما هو به وبذلك جميع المصائب تهون فقال {وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا} وقال {وَاصْبِرْ وَمَا صَبْرُكَ إِلاَّ بِاللَّهِ وَلا تَحْزَنْ عَلَيْهِمْ وَلا تَكُ فِي ضَيْقٍ مِمَّا يَمْكُرُونَ إِنَّ اللَّهَ مَعَ الَّذِينَ اتَّقَوْا وَالَّذِينَ هُمْ مُحْسِنُونَ}.
والصبر آخيّة المؤمن التى يجول ثم يرجع إليها وساق إيمانه الذى اعتماد له الإ عليها فلا ايمان لمن لا صبر له وان كان فإيمان قليل في غاية الضعف وصاحبه ممن يعبد الله على حرف فان أصابه خير اطمأن به وان أصابته فتنة انقلب على وجهه خسر الدنيا والآخرة ولم يحظ منهما الإ بالصفقة الخاسرة فخير عيش أدركه السعداء بصبرهم وترقوا إلى أعلى المازل بشكرهم فساروا بين جناحى الصبر والشكر إلى جنات النعيم وذلك فضل الله يؤتيه من يشاء واله ذو الفضل العظيم
فصل: ولما
كان الإيمان نصفين نصف صبر ونصف شكر كان حقيقا على من نصح نفسه وأحب نجاتها وآثر سعادتها أن لا يهمل هذين

[جهاد الشرقاوى]

حبيبتى بكت عينى اسال الله ان يمن عليكى بصبر جميل ورضا بقضائه
والله ياحبيبتى دة ممكن يكون حال بنات كتير مننا انا تقريبا حالتى زى حاله اختنا طريق الجنه ربنا يصبرنا ويرزقنا جميعا ازواج صالحين

[صاحبة القلادة]

ازيك يا حبّبوبه
انا هقولك زي حبيبة قلبي طالبة الجنان
انتي كده كده هتتزوجي ان كان في الدنيا ولا في الاخره
فريحي دماغك ومتشغليش نفسك علشان متتعبيش
بس مش معني كده انك متدعيش ربنا يرزئك
وكل المسلمات بالزوج الصالح
زي ما حببتي عائده قالت
لا تحزنى وبثى الى الله همك
وشكواك وقد يكون تأخر الزواج هذاااااا
لأن الله يشتاق الى سماع دعائك
والتضرع اليه فالله حكيم وقدير فى تسير أمورنا
وكنت عوزه اقولك حاجه
اني احبك في الله

[هدايه]

حبيبتى .. جزاكى الله خير الجزاء عن ظنك الحسن عن المنتدى ..وهذا اولا..
اما بالنسبه لامرك الذي عرضتيه انفا...
غاليتى كم من اناس تزوجو فانتكسو بعد زواجهم والله انا اعرف امراه تتوسل لزوجها لكى تطيع ربها (في قيام في صيام .. في صلا تراويح وهكذا.. والله المستعان..
اخيتى لابد اولا ان تكونى علي يقييين ان ما اصابك لم يكن ليخطئكى..
غاليتى ايقنى ان ما انتى عليه الان هو الله ..افضل حال لك ..
الله يعلم ان مصلحتك الان الان... هى ان تكونى غير متزوجه .. والله اعلم بنا من انفسنا ..
فربما يرزقكى الله بزوج تحسبينه صالح وتقيا نقيا سلفيا..ثم..الكارسه حين تجدينه خلاف ذلك
ايقنى حبيبتى انهذا ما هو الا ابتلاء من حبيبك الرحمن ان صبرتى فانتظري الاجر العظيم والثواب الجزيل الذي لا يحصي ولا يعد..
وليس من الضروري ان يكون هذا الجزاء في الدنيا ..
سبحان الله!!
حبيبتى لو علم ان الان الدنيا خير لنا وللحبيب المصطفي لما جرح جنبه الشريف.. ولما نام علي حصير حتى اثر في جنبه الشريف.. لما قال (احب ان اجوع يوما فاصبر واشبع يوما فاشكر..)
حبيبتى والله ما هذه الدنيا الا ثوانى فانيه والموت قادم لا محاله .. فتلقين مصيرك حبيبتى ان صبرتى..
ايقنى حبيبتى ان الله لو علم ان في زواجك خير لما تركك هكذا .
فلرب حبيبتى بهذا الابتلاء ستصلين الي منزله لم ولن تصلي اليها الا بهذا الابيلاء ..
فلا تجعلي هذه الفرصه تفوتك واصبري واحتسبي (انما يوفي الصابرون اجرهم بغير حساب.)
سبحان الله!!
كيف نرضي بزوج الدنيا عن زوج الاخره الذي اعطى قوه100 رجل ..
وكيف رضينا بجمالنا الذي سيفنى والله سيفنى مع اول يوم في القبر ..ونترك سياده الحور العين ..نعم اخيتى سنكون بامر الله سيدات الحور العين..
فلا تياسي فلربما اراد الله الا تنشغلي عن ذكره وعبادته لغيره..
وارجوكغاليتى الا تنسينى بالدعاء..احسبك من الصالحات التقيات المقربات الي ربهن..
وارجو ان تتواضعي و تتخذينى اخت لك ..

[بكت عينى]

حبيبتى يمامه المسجد جزاك الله خير الجزاء وبارك الله فيكى
كلامك والله اكتر من رائع اثر فيا كتير
ياريت تدعيلى معاكى كتير
ربنا يعزك

[بكت عينى]

اختى جهاد الشرقاوى ربنا يرزقك الزوج الصالح
وبلاش ننسى ندعى لبعض
جزاك الله خيرا

[القلم الاحمر]

ما شاء الله

تصدقوا يابنات انا سعيدة من ردودكم جدا

دي لوحدها نعمة كبيرة اوي
حبيبتي بكت عيني

===

وهي دي النقطة اللي عايزة اركز معاكِ عليها

اولا انا زيك ويمكن يكون سني اكبر من كل بنات المنتدى
ومش متزوجه والحمد لله على كل حال

يعني عارفة كل اللي بتقوليه وعايشاه
وكمان متنقبة يعني الكلام من اللي حواليا زي المطر :(ضحك):

لكن الحمد لله في رضا وسعادة

اولا انا واثقة في فضل الدعاء لله
وباحمد الله كتيييييير لانه بصراحه مرضيني بحالي

وتاني حاجه كنت لما باحس اني مش قادرة اصبر
او اكون متضايقةلاني نفسي ابقى زي باقي البنات

كنت بافتكر حاجة مهمة اوي بتصبرني

بافتكر اي نعمة ربنا منعم عليا بيها

مثلا زي ان امي الحمد لله بتحبني وصديقتي
او ان اخواتي عندهم اولاد هما قرة عيني بجد وبحبهم وبيحبوني

وبافكر في لحظة لو لا قدرالله ربنا حرمني من اي نعمة من دول
قصاد انه يرزقني بالزواج دلوقت ؟ ؟ هل هاكون سعيدة ؟؟

فهمتي قصدي ايه؟

يعني لما بحس بحرمان من شئ
باتخيل ان ربنا يحرمني من شئ اغلى واهم عندي
هو بالفعل اعطهاني واشعرني بالسعادة بيها

هل هاكون سعيدة لو حرمني منها
ويعطيني الشئ اللي محرومة منه وانا مش عارفة اذا كان هايسعدني ولا لأ ؟؟؟؟

من بعد تفكيري ده
بصراحة حسيت برضا كبييييييير جوايا

والحمد لله على هذه النعمة

وأسأل الله العظيم ان يسعدكِ برضاه
ويسعدكِ بما هو يرضيكِ

===

[بكت عينى]

حبيبتى ساره عمار
جزاك الله خيرا على مرورك الطيب
انى احبك فى الله

[بكت عينى]

اختى الغاليه القلم الاحمر جزك الله خيرا على مرورك الطيب ده
تعرفى انى فكرت فى كده والله وكنت بحمد ربنا كتير على نعمه الى لا تقدر بشكرى لله
انا الحمد لله بحس انى احسن بكتيييييييييييير من غيرى انا الحمد لله شايفه نفسى مش ناقصنى حاجه ابدا
واذا كانت هى دى مشكلتى الوحيده فالحمد لله عليها
ربنا يعزك ويرزقك بالزوج الصالح الى يكون قره عين لك يارب

[بكت عينى]

اختى فى الله هدايه طبعا ده والله حاجه تسعدنى جدا انى الاقى اخت زيك احسبها على خير تعيننى على طاعه الله
وده والله من تواضعك انتى ربنا يعزك
وكلامك كله والله جميل وسليم جدا الحمد لله على كل حال
وانا الحمد لله راضيه جدا بالى ربنا كتبه لى
لكن احيانا توسوس لى نفسى ان ربنا بيستجيب لى دعائى فى اى شئ اخر غير الزواج
يعنى بفضل الله ربنا بيمن عليا بفضله وكل ما ادعى ربنا بحاجه يستجيب لى الله
بس احيانا اسأل واقول طيب سبحان الله انا مقصره فى ايه علشان ربنا مش بيستجيب لى دعائى ده وبحاول احاسب نفسى اوى بخاف اكون عملت معصيه ربنا يحجب بيها دعائى ده
بس الحمد لله على كل حال وربنا يرزقنى الصبر والرضا
وجزاك الله خيرا
وعايزه على طول اتكلم معاكى يا هدايه ربنا يعزك

[هدايه]

غاليتى ممكن تشتركى في غرفه الاخوات معنا ..
اضيفي عندك في الياهو المايل ده way2allah@yahoo.com
ولما تكون المشرفه موجوده كلميها وخدي الباس وورد..
وممك ساعتها نقدر نتواصل ونتعاون علي طاعه الرحمن..
والله المستعان..

[seha]

http://nawal2004.jeeran.com/shouq12.gif
يا اختاه احمد الله كثيرا
وعليك بلاحول ولاقوة الا بالله عندما يوسوس لك الشيطان
واريد ان اطرح عليك سؤال :ما هو هدفك بالزواج صراحة ؟ واتمنا ان تجيب عن هذا السؤال ............وسأكمل لك بعد ايجابتك
سأقول لك شيئا لعل يخفف عنكي
احمد الله ان اخواتك تزوجن ، فنحن ثلاث اخوات لم نتزوج
ومع دلك نحمد الله اننا لم نتزوج
اقول في نفسي الحمد لله انني لم اتزوج ،لان ايمان لم يكن قويا وساضلم نفسي والزوج والاطفال ......

http://www.hqw7.com/imgs/images/simg_992051.gif

[أم الشهيد]

اختي الحبيبه

انا مش قريت رد الاعضاء علشان الوقت وكده بس اكيد هم ردوا احسن مني

الحمد لله ع كل حال ومساله الزواج دي خصوصا نصيب وليها وقتها المحدد

واعرفي انه في كل الحالات خير ليكي في كل حاجه يعني ربنا اكيد عينلك الاحسن في الوقت المناسب ومتخفيش ربنا هيعوضك خير

ويارب يرزقنا جميعا بالازواج الصالحه اللهم امين

[بكت عينى]

http://nawal2004.jeeran.com/shouq12.gif
يا اختاه احمد الله كثيرا
وعليك بلاحول ولاقوة الا بالله عندما يوسوس لك الشيطان
واريد ان اطرح عليك سؤال :ما هو هدفك بالزواج صراحة ؟ واتمنا ان تجيب عن هذا السؤال ............وسأكمل لك بعد ايجابتك
سأقول لك شيئا لعل يخفف عنكي
احمد الله ان اخواتك تزوجن ، فنحن ثلاث اخوات لم نتزوج
ومع دلك نحمد الله اننا لم نتزوج
اقول في نفسي الحمد لله انني لم اتزوج ،لان ايمان لم يكن قويا وساضلم نفسي والزوج والاطفال ......

http://www.hqw7.com/imgs/images/simg_992051.gif



اختى الكريمه
مش فاهمه سؤالك ليه عايزه اتجوز؟
زى اى بنت طبعا مش كل البنات كده؟ وبعدين اى حد بيحب الاستقرار النفسى فى حياته طبعا
وبعدين الاسلام ماكان فيه رهبانيه ابدا يعنى دا كمان بيقولوا الزواج نصف الدين وعفه للنفس
وبعدين هارد على سؤالك
عايزه ربنا يرزقنى زوج صالح يعينى على طاعه ربنا اكتر
وعايزه اربى اولادى على عباده ربنا والقران ويكون ده فى ميزان حسناتى كله
والحمد لله طبعا على كل حال بس طبعا انا بدعى ربنا كتير لا كل منا محتاجه حد يعينها فى حياتها والا ليه الرسول الكريم امر بتيسير الزواج حتى لاتكون فتنه فى الارض وطبعا محدش يأمن على نفسه منها
لان اعطى فاشكر خير من ان ابتلى فأصبر

[بكت عينى]

جزاك الله خيرا اختى ام الشهيد
ربنا يعزك ويرزقك الزوج الصالح امين

[seha]

يا حببتي بكت عيني كان اصدي بالسؤال تدكر وبس كنت عرف جوابك لانك ملتزمة ما شاء الله و الله يزيدك ايمان يــــــا رب و كل المسلمات
عوز اقولك شئ الكثير من البنات زيك الشيطان عاوز يدخل للبنات من ناحية الزواج
لكن احدروه عاوز يخل تفكرنا بالزواج فقط ودعوتن به وينسين المهم عبادت ربنا
انت الت اني ربنا بيستجبلك دعواتك الا الزواج ، مايكن تأخير الزواج فيه خير لك
ادعوا الله ان يرزق كل المسلمات الازواج الصالحين يـــــــــــــــا رب
اني ادعوا في صلاة لكل المسلمين والله يقبل من دعوتنا يا ارحم الراحمين
http://www.alsaqr.com/vb/images/smilies/zxse.gif


http://alfrasha.maktoob.com/ups/u/17536/20856/264803.gif

[درة الكون]

أسأل الله أن يصبرك أختي ولكن ما زال سني صغير لأفكر في هذا الموضوع وأُحس بإحساسك ولكن سأدعو لك بالزوج الصالح ولا أستطيع التوسع أكثر في الصبر ومعانيه لأن أخواتي سبقوني إلى هذا كما أنني في عطلة الامتحان وأنا استرق الوقت لأجلس على النت

[رشيده]

بارك الله فيكى اختى لكنى اقول لكى ان تستعيذى بالله من الشطيان وان ترضى بنصيبك وانتى ياحبيبتى ممكن تكونى عايزه تتجوزى لكنك لا تعلمى الخير فين ممكن يكون الزواج فيه ضرر ليكى او ان ربنا شايف ان الزواج مش مناسب ليكى والله اعلم ومن ترك شيئا لله عوضه الله خيرا منه

[طريق الجنه]

جزاكم الله خيرااااااااااا

جميعاااااااااااااااااااا

[ام اياد]

شجاني حبها حتى بكيت ! و في قلبي لها شوقا بنيت ! فقالت : هل سعيت لكي تراني ؟ فقلت أنا لغيرك ما سعيت ! لأنك يا جنة الفردوس عندي أقصى ما تمنيت .
حبيبتى كتير اثر فيا كلامك وكمان عجبنى جدا كلام الاخوات يمكن عشان انت اثرتى نقطة فى نفس كل واحه فينا لم يرد لها الله الزواج ومش قادرة تتكلم وكمان كلام اخواتى عن الصبركان جميل جدا وانا بجد ملقتش كلام اجمل ولا ينفع اكتر من اللى اخواتى قالوا