ممكم تتجوزى كده؟؟؟؟؟؟؟؟؟؟

[طبيبه مسلمه]

:LLL:

السلام عليكم يا احلى اخوات فى احلى منتدى

انا يمكن ده اول موضوع ليا على المنتدى بتكلم فيه وبنتناقش فيه

وعايزه كل اخت تقول لى رأيها بصراحه

ممكن تقبلى تتجوزى من
غير شبكه؟؟؟؟؟؟؟

الى طبعا اقصده يعنى ممكن تقبلى الزواج بخاتم بسيط كده او حاجه على ادها كده

ولا لازم شبكه بقا ودهب بأد كده ومصاريف كتير
مع الاعتبار طبعا كلنا نعرف الاسعار الايام دى عاليه اد ايه
والناس يعينى مش عارفه تلاقى اصلا رغيف العيش:(يبكى) :

هى الشبكه الغاليه او الكتير دى الى بتعبر عن الزواج السعيد وده معيار ان الراجل شارى زى مابيقولوا؟؟؟؟؟

طيب عايزه اعرف رأى كل اخت فيكم بصراحه يعنى ممكن تتجوزى من غير شبكه؟؟؟؟:(مندهش):

وياريت نعرف رأى اخواتنا المتزوجات كمان هى الشبكه بتفرق كتير بعد كده

اتمنى المشاركه
وجزاكم الله خيرا

[أم الشهيد]

بصي ياستي بما اني لسه مش مريت بتجربه ولاحاجه

انا ممكن اقولك تصوري دلوقتي

مفيش اصلا شبكه والبنت ممكن عادي تتجوز من غير شبكه وترضي بس بخاتم الزواج المشكله هنا في الاهل انهم هيقولوا اشمعني بنتنا اللي مش يجيلها شبكه

بس ده بردوا يتوقف ع العريس يعني لو ميسور الحال ايه المشكله انه يجيب هديه لزوجته ع شكل الشبكه دي؟ ولاهو بخل وخلاص

لان الشبكه بردوا ليها فرحه للبنات

وعارفه ان فيه اخوات هيقولوا دي بدعه وتكلف ومش عارفه ايه...عموما انا قلت رايي ومتابعه معاكم ان شاء الله والله المستعان ويرزقنا جميعا بالازواج الصالحه..

[tsnim]

لاليس لازم شبكه المهم الزوج الصالح بحق اما الباقى فهو هين0000فكم من ناس جابوا شبكه بقد كده وعملوا فرح بقد كده ثم ما حصل بعد ذالك0000خلاص خلينا فى نفسنا000وهو المهم البركه والسعاده000اللهم ارزقنا ازواج صالحين وذريه طيبه انك سميع الدعاء

[غفرانك ربي]

الشبكه بيبقي ليها فرحه حتي لو كانت بسيطه

المشكله في الاهل انهم مش بيرضوا بكده الا من رحم ربي

لكن عن نفسي هرضي بشبكه علي قد امكانيات الي هيتقدملي

المهم انه يكون كويس وابن حلال وملتزم وهيعيني علي طاعة ربنا زي مابتمني

[طبيبه مسلمه]

حبيبتى ام الشهيد ربنا يارب يرزقك الزوج الصالح وتمرى بالخطوه دى يارب

انا كمان لسه فى بيت بابا ومحصلشى انى مريت بالتجربه دى
بس انا معاكى ان الاهل ممكن يرفضوا وكده
بس فى بنات كمان بتكون مصممه يجى لها شبكه ومش اى شبكه كمان
ممكن الاهل عادى عندهم والبنت لالالا
وبعدين لو العريس ميسور طيب كده عادى
لكن لو كان لسه على اد حاله وبيدأ حياته يعنى يعمل ايه؟
نعذره ولا نقول هات زى بقيت الناس؟؟؟؟

[طبيبه مسلمه]

حبيبتى تسنيم والله كلامك مقنع اوى بس فى ناس بتقول لو العريس ماقدمش كتير
لخطيبته ودفع كويس كده ها يتساهل معاها
وهاتكون رخيصه عنده فى اى وقت يتنازل عنها ومش هايقدرها اوى
ده رأى ناس كتير وانا شفت ادامى كذا حاله كده
والله اعلم

[طبيبه مسلمه]

غفرانك ربى
ماشاء الله كلامك موجز وجميل اوى ربنا يرزقنا الازواج الصالحين

[3alia2]

جزاكى الله خيرا على الموضوع

انا طبعا اوافق لو كان زوج صالح ويستاهل وطالما هو ظروفه كده خلاص ما فيش مشكلة
وده فعلا اللى حصل معايا انا الحمد لله متزوجة وفعلا الشبكة كانت حاجة بسيطة جداا
وده كمان الحمد لله راى بابا وهو كان بيقول للى يتقدملى انا واخواتى دى هدية منك واللى انت عاوز تجيبه هاته والحمد لله مش كان بيفرض على حد شبكة بمبلغ معين واعتقد ده المفروض

اللى يقول هتكون رخيصة من غير الشبكة
لالالا طبعا مش كده خالص انتى المفروض كده كده غااالية عنده مش الشبكة هى اللى هتغليكى وترخصك
وبكرة ان شاء الله لما تجوزى هتعرفى الكلام ده
دول يا بنتى ما يقدروش يستغنوا عننا :(ضحك):
ولا احنا طبعا:(يشجع):

وان شاءا لله ربنا يرزقكوا بالازواج الصالحييييين والذرية الصالحة ياااااارب

بحبكم فى الله

[جهاد الشرقاوى]

طبعا نقبل نتجوز من غير شبكخ وكفايه حاجه رمزيه بس اهم حاجه يبقى انسان ملتزم وابن ناس مش داخل يستهبل ويقول اهى الشبكه دبله ومحبس ولو العروسه معجبتنيش اسيبهم لها وامشى

[أم حمزه]

[السلام]

بالنسبة لي " اهم شيء الإلتزام" ..
وبالنسبة للأهل هو اكيد كانوا بيقولوا نفس الكلام اللى قولتوه " انه لازم شبكة ب مش عارفه قد ايه" بس تقريبا وقتها سبحان ربي مش عارفه ايه اللى حصل لأن بابا قال نفس اللى والد علياء قاله " ان الشبكة دي هدية من العريس لعروسته".. وبالفعل ده اللى حصل معايا والكلمة دي اصلا فرقت كتير مع زوجي وبتخلى اي واحد يجيب لعروسته اكتر مما كانت بتتمنى بجد ..
وبعدين يعني على رأيكم " طالما هو ظروفه كويسه يبقى مايجيبش لييه ان شاء الله يعنىىىىى :(غضبان):

رزقكم الله حبيباتي بالازواج الصالحين ..

الله المستعان

[رشيده]

بارك الله فيكى
انا عن نفسى ماجبتش شبكه وجبت دبله وتونز كده وخلاص وبعدين انا من رأيى بلاش التكاليف الى مالهاش لازمه دى

[طريق الجنه]

انا عن نفسى

جبت حاجات بسيطة

دبله وختمين فقط

واهم حاجة انه يكون انسان

متدين ومحترم

[semsmh]

انا اوافق اني اتجوز من غير شبكة لاني كده كده مش من محبي الدهب وغير كده مش المهم الشبكة المهم اللي هيجيب الشبكة بسالصراحة مظنش ان اهلي ممكن يوافقوا علي كده او حتي لو وافقوا مش هخلص من التعليقات لو هتكون علي قد التعليقات مش مشكلة بس لو وافقوا اصلا

[أم سمية]

الزمن اتغير مع الغلاء اللى احنا فيه الأهالى بتوافق على أى حاجه هو حد لاقى ؟
أنا عن نفسى جتللى شبكه محترمه مجتش لحد بس ده من فتره صغيره ييجى 12سنه بس
والحمد لله كله اتباع ههههههه عشان متزعلوش وده مش لوحدى .
يعنى الناس هتعمل إيه بس السعاده لسه زى ما هىا بطاعة الله
اللهم إملأ بيوتنا سعادة بطاعتنا لكورزقم الله أزواج صالحين

[طالبة العلم 5225]

لا تفكرى بمبدأ الماديات ولكن فكرى دائما بمبدأ اختيار شريك الحياه الذى يعاونك ويعينك على أمور دينك ودنياكى ويعنى ااختى الغاليه منذ متى أصبحت السعاده بقيمة الشبكه ولا بوزنها أخواتى الكريمات لمن تريد العفه والستر لا تفكرى الشبكه مش لازم تكون غاليه أو ثقيله الوزن ولكن ممكن أن تكون شىْ رمزى يكون بمثابة هديه تقديريه من شريك الحياه

[ترجو التوبة]

السلام عليكم اخواتى.
انا عن نفسى اهم حاجة يكون على خلق وبيحبنى ومش لازم شبكة لو هو مش قادر هو هيلاحق من فين ولا فين .
يارب ارزق كل بنت ولد متقى وعلى خلق ودين