سؤال للمقبلين على الزواج

[جهاد الشرقاوى]

دى حالة او حالتين حصلو قدامى قلت اخد رايكو فيهم
بانسبة للبنات
توافقى تتجوزى ارمل؟ الارمل دة هايكون شاب وابن ناس ومحترم ومتدين وكل حاجة حلوة بس هايكون عنده طفل محتاج ام تقدرى تحلى محل امه
بالنسبة للشباب هل تقبل بشابة ارمله عندها طفل او قد لايكون لديها اطفال ولكنها سبق لها الزواج وهى برضه كل مواصفاتها ممتازة؟
طيب سؤال من ناحية اخرى لو انتى تزوجتى شاب عادى بس محصلشى نصيب وملكوش نصيب انكو يكون ليكو اولاد
هل توافقى ان زوجك يتزوج؟
اذا كان الزوج هو من لاينجب ممكن تحلى الموضوع دة ازاى هاتعيشى معاه وانتى مقهورة ونفسك يكون عندك ولاد؟
ولا تفضلى الانفصال؟
ولا ممكن تكفلى اطفال وتربيهم معاكو فى البيت

[dr_karmen]

السؤال الاول
ليس به اى مشكلة أبدا
بالعكس الطفل او الطفلة يتيمة وتربيتى لها فيها اجر وثواب كبير
ده كان رايي قبل أن اتزوج
يعنى مش ديه نقطة اعتراضى
لكن نسيتى شرط مهم أخيتى انه أرمل لكنه ملتزم مش مهم يكون باقى اللى ذكرتيه لكن المهم انه يكون ملتزم

السؤال التانى انى اقبل ان الزوج يتزوج
طبعا فده حقه الشرعى
وما انا لأنكر ما احله الله

السؤال الثالث
لا طبعا مش هطلب الإنفصال ده قضاء ربنا وقدره
يعنى ان شاء الله ده لحكمة خير ربنا مقدرها لى

وموضوع نكفل ونربى فى البيت
الموضوع ده مشكلة فعلا
ليه؟؟
لانى لو كفلت ولد هيجى على سن التكليف ومعدش ينفع يبقى معى فى البيت
ولو العكس برده مش هينفع البنت تفضل وزوجى فى البيت
يبقى كفالة يتيم فى بيته
او كفالة اليتيم فى الدرا اللى مقيم فيها
الا اذا بعض الناس لجأوا لها
ان فى ايتام وفى سن الرضاعة
وتقوم الأخت الزوجة اوزوجة الاخ او كدة برضاعته مع طفل لها فبيكون من محارمى وقتها او بنت واخته ترضعها وتصبح من محارمه
وهكذا

[جهاد الشرقاوى]

سبحان الله سبحان الله
والله كان هذا راى وجمع من الاخوات
وجيت فعلا عند حته التكليف دى وفكرت فى الحكايه دى وحاولت ادور ليها على حل سبحان الله لقيت نفس الحل الى حضرتك كتبتيه
بارك الله فيكى وجزاكى خيرا على مرورك الكريم

[dr_karmen]

جزاك الله مثله أخيتى

[صاحبة القلادة]

بصي هي الحاله الاولي مفيهاش
اي مانع مدام ملتزم بس لو كان الطفل فتاه
علشان لو ولد انا مش هبقي براحتي في البيت

[ام اياد]

السلام عليكم ورحمة الله وبركاته اولا بشكرك على الموضوع الجميل دا وياريت الاخوات يفوقوا ويكتبوا الكلام فعلا من قلبهم اولا انا معنديش اى اعتراض على اولا ان اتزوج ارمل معاه بنت او ولد او حتى زوجه ثانيه واقبل ان الاولاد يكونوا معايا لان الانسانه اللى بتحب جوزها بتحب حتى التراب اللى بيمشى عليه يبقى مش هتحب اولادة وكما بس انا رايى من راى الاخت الاولى اهم حاجه انه يكون ملتزم ويتقى الله فيا وكل شيى فى الدنيا يعدى ويهون

[جهاد الشرقاوى]

السلام عليكم ورحمه الله وبركاته
الاخت سارة ازيك حبيبتى بعدين لو ولد مش هاتخدى راحتك فى البيت ازاى دة ابن زوجكيعنى محرم ليكى
سبحان الله انا كنت فى الاول بقول لو عرض عليه الموضوع دة اوافق عليه دلوقتى انا بقول دى امنيه بتمناها من ربنا والله مش لكبر سن ولاحاجه من دى انا لسه لم اتجاوز ال25 بس دة شرف عظيم وقربه الى الله اتمنى من الله ان يعطينى اياها
الاخت ام اياد جزاكى الله ةخير على مرورك الطيب

[عائدة الى الرحمن]

جزاك الله خيرااا على الموضوع ده
بس أنا مش عارفة
أنا لىّ أحلامى وأمنياتى الخاصة
معتقدش أنى ممكن أفرط فى أى حلم منها
ممكن أوافق بأرمل وعنده طفل احتمال خصوصا وأنا بحب الأطفال
ومن أحلامى أن أرعى طفل يتيم أومعوق
دى حاجة حطاها كأساس قبل أى بدايه لىّ فى حياة خاصة
ان شاء الله
أما انى أعيشى معه وقد تزوج بأخرى فلاااااااااااااااااااااااااااااا
لا أعتقد أنى سأتحمل ذلك
ولا أريد أن أدمر حياة انسان مرتين
لابد من الاعتزال فى هذه الحاه فورا
ولو على حساب مصلحتى
وأحاول أستغل طاقاتى وخبراتى فى حاجة تنفع الناس وتنفع الأطفال
لا أكذب عليكم لقد عشت حياة جميله صحيح كنت مدللله
لكنى لم أكن أشعر أنى أنفع أحد
والآن لا أريد الضرر لأحد





http://alfrasha.maktoob.com/ups/u/1615/2618/22687.gif

[جهاد الشرقاوى]

اختى عائدة الى الرحمن شكرا ليكى على مرورك الطيب

[رشيده]

بارك الله فيكى الموضوع رائع ومهم وبعدين مش معنى ان الشاب ده ارمل او مطلق يكون فيه عيب وعلى فكره انا زوجى كان متزوج قبلى وهو النصيب ولو هو حب يردها براحته ده شرع ومنهج