مش هاقدر أعصي ربنا يا أمي يا حبيبتي ..( نقاش حول مشاكل الأخوة مع الأهل)

[قلب معلق بالمساجد]

بسم الله الرحمن الرحيم

في الموضوع ده يا شباب عاوزين نتناقش في أول مشكلة بتواجه كل شاب بيلتزم جديد

الشاب أول مابيلتزم طبعا بيواجه مشاكل و صدامات في حاجات كتير

بس خلونا نركز دلوقت على حاجة واحدة

الصدام مع الأهل في البيت

و برضه خلونا نركز على الجانب بتاعنا احنا
و نشوف احنا ممكن نعمل إيه

تعالوا نتكلم عن الموضوع من بدايته

::الصورة المنتشرة ( إلا من ر حم ربي )::


إن الشاب بيكون بعيد عن ربنا
و بيعمل معاصي كتير
بتتراوح من شاب للتاني
ما بين الشاب الـ(محترم) اللي (بس) بيسمع أغاني و بيتفرج على الأفلام و المسلسلات .. و ممكن يكون ليه (علاقات بريئة ) مع (زميلاته) في الدراسة
لحد الشاب اللي بيشرب و بيعمل الكبائر

و في أحيان كتير بيكون الأهل مش زعلانين منه قوي
و محدش بيقف ضده على اللي بيعمله
و حتى لو زعلانين بس مش بيعملوا حاجة و بيقولوا أهو طيش شباب و هيعقل

أول ما يلتزم

تبدأ الحرب

و يتحول الأهل و الأقارب و الأصحاب ... إلخ
كلهم يتحولوا إلى مشايخ .. ويبدأوا في اثبات ان اللحية مش فرض و الأغاني حلال ... إلخ
و خناقات ..
و ممكن طرد من البيت


و هنا بتحصل مشكلة

الأخ لسه جديد

ميعرفش يرد على كل الشبهات دي
و ميعرفش الأسلوب المناسب للرد .. فبتحصل صدامات عنيفة

و ممكن الأخ يقع في أخطاء منها مثلا عقوق الوالدين
و لو ربنا ماثبتوش .. ممكن يقع تاني

طيب و بعدين ؟؟؟

احنا هنا عاوزين نتكلم في القضية الخطيرة دي

عايزين طرق مبتكرة و أفكار جديدة
للتغلب على المشكلة دي

عايزين نقول للشاب اللي بيلتزم جديد
يعمل إيه عشان يخرج من الأزمة دي بسلام
من اللي اتعلمناه من مشايخنا
و من خلال خبرات الي مروا بالموضوع ده


و كمان هنكلم الشاب الملتزم من فترة
بس لسه علاقته مع أهله مش متظبطة .. من أيام ماتخانق معاهم بسبب الالتزام

مش هنقوله انت غلطان و حرام عليك كده و بر الولدين فرض .. إلخ
لأنه عارف كده
و أنا مش من هواة جلد الذات

عايزين نبقى عمليين .. و نساعد بعض مش نكسر في بعض
و بالتالي بنقول للأخ ده :

ماتزعلش .. و ماتخافش
ان شاء الله كل مشكلة ليها حل
بالاستعانة بالله
و احنا هنا إخوة .. و هنساعد بعض بإذن الله
بس أهم حاجة .. متقولش مفيش فايدة .. انا أهلي غير كل الناس .. و مفيش فايدة فيهم ..
مش هتخسر حاجة .. اسمعنا لو فعلا عايز تصلح من نفسك
يمكن تستفيد

في انتظار مشاركاتكم

جزاكم الله خيرا

[أبو بكر أشرف الشامي]

موضوع هام أخي ربنا يبارك لك به...

و الله يا أخي المُشكلة هذه واجهتني بالماضي... و كذلك أراها بإخواني الصغار...

صحيح أني أحسبهم ملتزمين و الله حسيبهم... و لكن بنفس الوقت يفعلوا أموراً تُسبب في إغضاب أبي... و ربما تصل إلى درجة العقوق...

أحاول نصحهم و تبيين الصواب و كيفية معاملة أبي... و لكن لا حياة لمَن تنادي إلا ما رحم ربي :^_^:

المُشكلة أنهم يظنوا أنفسهم صح و الكل كله غلط... و هذا هو الغلط بعينه... يا ربي الكلام الآن نرفزني عليهم آآآه نفسي أخنق واحد فيهم ^_^

عاوزين حلول يا جماعة للمصيبة دي :^_^:

[قلب معلق بالمساجد]

جزاك الله خيرا أخي الحبيب أبو بكر على مرورك
إن شاء الله الحلول موجودة ...
و ياريت الكل يشارك بطرق الحل من وجهة نظره

ممكن نجاوب على السؤال ده ؟؟
البيت بيحصل فيه بعض الأخطاء .. مثلا .. أهلك بيتفرجوا على المسلسلات .. أخوك بيسمع أغاني .. إلخ
هل الصح إنك
1 - تنهاهم عن الحاجات دي , و تبرأ ذمتك ؟
2 - لا تنهاهم .. بس متقعدش معاهم و هم بيعملوها ؟
3 - حل تاني هاقوله دلوقت !!

منتظر أجاباتكم ...

[راجي رحمة الله]

موضوع هام جدا فعلا مميز

أولا لكي ننصح لابد أن نكون قدوة وأن لا نقول ما لا نفعله
فهذا من أهم الشروط

فكيف أنصح أخوتي بالصلاة جماعة وأنا لا أؤديها في المسجد هذا على سبيل المثال

ثانيا : النصيحة لابد أن تكون برفق حتى لا يكون الأمر وكأنه عناد

ثالثا : عندما نتكلم في أمر ما يلزمنا معرفة الحكم الشرعي فيه وهذا يحتاج لبعض الجهد البسيط حتى لا تجد كل فرد يعترض فإذا كانت حجتك ضعيفة أو على غير علم لا تعرف الرد ومواجهة حججهم

وطبعا لازم أننا ننصح أخوتنا وأهلنا فهذا من حقهم علينا
وأتابع إن شاء الله معكم

[أبو فاطمه]

بسم الله الرحمن الرحيم
الحمد لله علي نعمه الاسلام وكفي بها نعمه
هذا الموضوع في غايه الأهميه لكل شاب ينوي الألتزام أو بدأ فعلا في الألتزام لأن أول من يعارض هذا الألتزام هم الأهل من باب الخوف علي الأبن ولكن المطلوب توجيهات من هم أكبر سنا .....
أول هذه النصائح كما جربتها هي طاعتهم وليس الأعتراض علي كلامهم ولكن كيف ؟
هم يطلبون مني عدم الألتزام بالسنه النبويه ماذا أفعل ؟
هم يطلبون وأنا أقول : حاضر.........طيب ولكن أظل علي ما أنا عليه مع إحترامهم وطاعتهم وإكرامهم وعندما يجدون هذا الأختلاف في السلوك والمعامله ليس أمامهم إلا أن يعترفوا إلا أنك علي الحق والصواب
والله هذه التجربه مرت علي كما قرأتموها والحمد لله نحن الآن في نعم من الله سبحانه وتعالي

[قلب معلق بالمساجد]

ما شاء الله .. مشاركات قيمة جدا
جزاكم الله خيرا أحبتي في الله

مشاركة الأخ راجي رحمة الله
الأخ قال 3 حاجات جميلة جدا
1 - انك تكون قدوة
2 - انك تدعوهم برفق
3 - انك تتعلم العلم الشرعي .. عشان تقدر ترد على النقاشات

الأخ أبو فاطمة .. ما شاء الله كلمنا عن تجربة شخصية
و قال نقطة مهمة جدا
انك تاخد الموضوع بالـ(سياسة)
و تبعد عن الصدامات ..
و الراجل بيقوللكم .. على مسؤليته و عن تجربة

و الله الكلام ده مفيد جدا و بستفيد منه كلنا

أحسن ما كل واحد فينا يقع في نفس الأخطاء اللي بيقع فيها الآخرين
لا
احنا هنا بنشوف الطرق الغلط .. اللي ناس عملتها و فشلت عشان نبعد عنها
و نشوف الطرق اللي نجحت .. عشان نعملها

يعني تبادل خبرات

محدش يبخل علينا بخبرته

جزاكم الله خيرا

[أبو بكر أشرف الشامي]

أخي "قلب معلق بالمساجد" ... بُص في فكرة للمناقشة حول هذه القضية و قضايا أخرى، قمنا بسرقتها من قسم فضفضة الأخوات ^_^ لكن عملنا عليها تحديثات و صيانة...

الفكرة أن نعمل مسلسل شبه يومي... يتناول قضايا معينة و كل أخ يأخذ دور معين ... و يتم تنظيم الامور من قبل باجتماع على الياهو مثلا للتحضير للحلقات كل أسبوع... و تكون حلقة مثلا عن الشاب الضايع، واخرى عن مشكلته عند الالتزام مع اهله، و عن رفقة السوء، و مشاكل أخرى...

و يتم بعد الحلقة مناقشتها و الإستفادة منها و فتح حوار مع المشاهدين... و إن شاء الله نعمل دعاية لها أولا كي يأتي الناس من المنتديات الأخرى لمُشاهدة المُسلسل بتذاكر مجانية ^_^

شو رايك أخي؟ و ليتك تتولى المسؤولية عنه و من ثم نجتمع مع الإخوة المتطوعين للإخراج و التمثيل... و كل واحد يُحضر مسبقا مشاركته و يضعها في وقت بث المسلسل... و هكذا سيكون المسلسل جامعا لكثير من المشاكل و الحلول و ربنا ينفع به...

[قلب معلق بالمساجد]

ما شاء الله الفكرة ممتازة جدا يا أخي
و أنا معكم إن شاء الله
لو حضرتك موجود الآن افتح الماسنجر و كلمني
جزاك الله خيرا

[(فارس الإسلام)]

ماشاء الله موضوع متميز أخي الحبيب

ممكن نبدأ بسؤال نجاوب عليه .. ايه العقبات الواجهتك من الأهل عند التزامك؟؟

[أبو بكر أشرف الشامي]

معذرة أخي الحبيب "قلب معلق بالمسجد" لم أكن موجود لما أرسلتَ رسالتك...

أبشر أخي سأفتح الإيميل إن شاء الله...

[عاشق الحـــور]

السلام عليكم ورحمة الله وبركاتة

إخواني جمبعا أحبكم في الله

موضوع ممتاز بارك الله فيكم وأنا رأيي إن الأخ أول ما يلتزم لازم أول خطوة يحبب أهل بيته في الالتزام يعني يزيد بره لأمه والمعامله الطيبة لأن بعض الشباب للأسف بينفر من الالتزام بالمعاملة الفظة والغلظة
ولنا قدوة في حبيبنا المصطفى صلى الله عليه وسلم لقي من أهله ما لقي وصبر على اذاهم
وأولى الناس بالصبر عليهم هما أهل بيت الأخ وخصوصا الوالدان

بعض الشباب هداهم الله والداتهم تقول ياريتز يرجع زي الأول بدل مهو دلوقتي واقف لنا عالكبيرة والصغيرة وعامل من الحبة قبة وغيره من هذا الكلام.

ووالله يا إخوان لو الأخ خفض جناح الذل فعلا لأبويه ووراهم أن فعلا الالتزام ده خلاه بقى شخص تاني خصوصا في تعامله مع اهل بيته أكيد إن شاء الله ده هيكون ده دافع قوي لأهل بيته للعودة الى طريق الحق ان شاء الله

وأعتذر على الإطالة

وجزاكم الله خيرا

[قلب معلق بالمساجد]

بعض الشباب هداهم الله والداتهم تقول ياريتز يرجع زي الأول بدل مهو دلوقتي واقف لنا عالكبيرة والصغيرة وعامل من الحبة قبة وغيره من هذا الكلام.




جزاك الله خيرا أخي الحبيب على مشاركتك

طيب كلامك ده يدعونا للتساؤل ...

طيب أنا أعمل إيه لو شفت منكرات في البيت
هل أنكر المنكر ده ؟؟؟
ولا أسكت عليه ؟؟؟

و لو عاوز أنكر المنكر ده..
أعمل إيه بالظبط ؟؟؟؟

لي عودة بإذن الله للمشاركة

[قلب معلق بالمساجد]

ممكن نبدأ بسؤال نجاوب عليه .. ايه العقبات الواجهتك من الأهل عند التزامك؟؟


جزاك الله خيرا أخي فارس الإسلام
فكرة ممتازة بارك الله فيك
فعلا محتاجين كل أخ يفضفض (بما إننا في قسم فضفضة)
و يقوللنا المشاكل اللي واجهته .. (مواقف عملية ) و ايه التصرف اللي عمله
و هل هو راضي عن تصرفه ده .. و لا كان نفسه يعمل حاجة أحسن من كده ...

أنا هاقوللكم على شوية مواقف حصلت معايا ...
بس كمان شوية :)

جزاكم الله خيرا

[أبو بكر أشرف الشامي]

الكيبورد خربان لا يكتب كل الحروف آآآآآسف :^_^:
ربي يكرمكم... ربنا ييسر امري و يزبط الكيبورد و أشاركم :^_^:

[أبو بكر أشرف الشامي]

تخيل أنك هذا يا أخي...



أنتَ "عبد الله" ... كُنتَ تائهاً و مَنَّ اللهُ عليك فهداك للطريق إليه... كنتَ حليقَ اللحية ... تلبس الجينز و البناطيل التي تجر على الأرض مع حذائك ... و كذلك لو حَنيتَ ظهرك فتظهر عورتك للعَيَان...



و البيت بالتأكيد مليء بالمُنكرات... أُمك و أخواتك مُتبرجات... والدك و إخوانك لم تُذَل أعناقهم للملك الجبّار بسجدة و لا بركعة... و الموسيقى تصدح بأرجاء المنزل كأنها غذاء القلب و الروح الذي إن انقطع ماتت الأرواح... و التِّلفاز يشحن القلب بالأفلام و المُسلسلات...



الآن أنت وُلدتَ إنساناً آخر ... فأنتَ بالأمس كنتَ عبداً للشهوات و الآن صرتَ عبدَ الله... قلبك مرَّ بعملية إنعاش روحية فعمرتْه الحياة الإيمانية... بعد أن كانت المُنكرات قتَلتْ كل حياة به...



فجأة بدأتَ تُصلي بالمسجد... و ظَهَرتْ آثارُ لحيتك على وجهك... و ابتعدتَّ عن رُفقاء الأمس... و كِدْتَّ تنعزلَ عن الأهل... فلاحظ أهلك حالك ... و بدأتْ الحرب العالمية الأولى في البيت... شتائم و استهزاء و مُقاطعة و اتهام بالجنون و السِّحر...



الآن كيف هتتصرف ؟؟؟



هيا يا جماعة عاوزين أفكاركم للطريقة المُثلى لمعالجة هذه الظاهرة...

[عاشق الحـــور]

جزاك الله خيرا أخي الحبيب أبو بكر أشرف الشامي ومبروك الكيبورد الجديد :(يكتب):
أنا في رأيي يا أخي أن التصرف يكون بالاتجاء إلى الله عز وجل أولا والدعاء لهم بصدق أن يمن الله عليهم بالهداية ثم محاولة النصح باللين والرفق والصبر على ما يأتيني
ودائماً أقول لازم الشخص أول ما يتغير أهل بيتو يشوفو أن التدين ده أثر في تعامله وأخلاقياته واحترامه لأهل بيتو والله هذا له أثر كبير
ومن الطريف في هذا الموضوع ما سمعته من الشيخ/سليمان الجبيلان حفظه الله ورعاه أن شابا التزم وذات مره دخل إلى البيت فوجد أمه وأخته يجلسون أمام التلفاز على مسلسل فغضب وقام وأمسك بالتلفاز ورمى به من النافذة فلما دخل والده ورأى ما صنع أخذ العقال (وهو ما يضعه الاخوة الخليجيين على الرأس فوق الغترة) وضربه به فجعل الشاب يجري أمام والده ويقول أحد أحد!!
فهذه صورة منفرة في الدعوة إلى الله فالرفق واللين مطلوب مع الشخص الغريب فما بالك مع أهل بيتك؟

هذا وإن كان من توفيق فمن الله وإن كان خطأ فمن نفسي ومن الشيطان

وجزاكم الله خيرا

[أبو بكر أشرف الشامي]

تمام الواد ده... اكل علقة مرتبة :^_^:
أؤيدك أخي برأيك... الدعاء و المُعاملة مؤثران جداً...
و بانتظار آراء بقية الإخوة في التعامل لحل المُعضلة...

لكن بصراحة أحياناً أخجل مِن أن أنصح أبي في مجال معين بالدين :^_^:
يكون في داخلي صراع- بسبب موضوع قديم بيني و بينه- فأقول هل أنصح أم لا؟ أحترمه جداااااا و بقدرش أخليه يفكر أني أحسن منه أو انه غلطان ... رب اغفر لي و لوالدي و للمؤمنين يوم يقوم الحساب...

مَن يقدر أن ينصح والديه؟ أمر بمعروف أو نهي عن منكر...

بالنسبة للكيبورد ده يعم تاع أخي سرقته تاني شو أعمل بس :^_^:

[الفقير إلى عفو ربه]

:lll:
إخواني في الله يجب ان يبدأ الملتزم أولا بإظهار أخلاق الإسلام السامية في البيت مثل رد السيئة بالحسنة فهذه قصة لأخ اعرفة كان جالس مع والده وبعض من أقاربه مثل اعمامه وبعض معارفه وحدث ان تكلم والده بقسوة معه وقال له لا تصلي في هذا المسجد وأحلق لحيتك وهكذا (تُرى ماذا كان رد فعل الأخ) لقد انكب على قدم ابيه وقبَّلها أمام الجميع ولم يستكبر فبكى والده وقال له اثبت فإنك على الحق
لذا إخواني لا تعطوا الأهل فرصه لقول كلمة (لقد كان مهذبا قبل التزامة) لا تكونوا دعاية سيئة للملتزمين في بيوتكم ..
[الله الموفق]

[ebnmusa]

مشكور الموضوع مهم جدا