موضوع دور الايتام

[SlaveOfAllah]

السلام عليكم ورحمة الله وبركاتة

انا قرأت موضوع لاخت بتسأل عن دور الايتام فى المنصورة ؟؟؟

انا لا اعلم الكثير لان فى الغالب هيا بتبقى جمعيات عاديه بتقوم بالعديد من الانشطه ومن ضمنها كفالة ايتام بس الى اعرفه وشوفته بعينى دور الايتام فى مجمع الصفا الى فى طلخا ( اول لما تعدى كوبرى طلخا احود يمين للاخر علطول بعد الاندية والنقابات حتلاقى حاجه اسمها المسطحات المائيه عندها او عند مصنع السماد)

مجمع ماشاء الله لا قوة الا بالله والشيخ الى هنالك ربنا يبارك فيه وفى عمرة ويزيده خير ويرزقه الاخلاص , بيعامل الاطفال كأنهم ولاده فعلا ومش بيحب حد يقول ايتام قدامهم وممكن يزعقله وجايب ليهم امهات بيتبادله بحيث ان الاطفال يبقى معاهم امهات 24 ساعة , ربنا يعينه ويسدد خطاه ويرزق المسلمين الكثير من امثال هؤلاء

اما لو حضرتك تحبى تعرفى دور تانيه انا ممكن اسأل والله المستعان

[dr_ghieth]

وعليكم السلام ورحمة الله وبركاته

جزى الله أختنا خيراً وجزاكم الله أخى الحبيب "أمجد" خيراًً...

ما أعرفه عن دور الأيتام _بالإضافة طبعاً لمجمع الصفا"_ ::

1_مبرة العز ....جمعية النور والأمل....شارع "عبد السلام عارف" ..عند الأمن المركزى....

2_مبرة الشناوى .....تقريباً بجوار مدرسة السيدة خديجة الموجودة عند المختلط.....

وإن شاء الله لو عرفت دور أخرى سأخبركم به....

جزاكم الله خيراًً....

[sagedahlelah]

سلام الله عليكم و رحمة الله و بركاته
جزاكم الله خيرا أخوانى الكرام على الرد على
أنا من سألت عن عناوين لدور الأيتام
أنا بالفعل يا أخوانى الكرام ذهبت لدار الصفا اللى فى طلخا لكن للأسف منعونى من مقابلة الأطفال الأيتام و منعوا حتى بنتى و أخدوا منى الحاجات اللى ربنا قدرنى عليها و جبتها لهم بالتعاون مع بعض الأخوات عندنا هنا فى مدينة الفردوس وعلشان يجبروا بخاطرى سمحولى أزور الرضع فقط بالله عليكم دا يرضى مين هى كل الدور بتعمل كدا و فى شرع مين أنهم يمنعوا الناس عن زيارة الأيتام عفوا فى التعبير هو صاحب الدار أحتكرهم لنفسه .....سامحونى يا أخوانى غصب عنى أنا مش عاوزة تكون حدود علاقتى بهم كارتونة حلويات أو تبرع مالى أرميه و امشى لأ أنا عاوزة أقرب منهم و أقرب ولادى منهم دا فيه حاجة غلط

[أبويحيى]

ده له تفسير ربما يكون صحيح

لما طفل يلاقى حد جاله فى يوم ويفرح بيه ويتعلق بيه

وبعدين تانى يوم محدش يجيلة

وبعد أسبوع نفس الكلام

ويعد شهر محدش يجيلة

ده اكيد بياثر على نفسيه الطفل وخصوصا أطفال كهؤلاء أكيد مشاعرهم حساسة جدا

لازم نلتمس العذر للقائمين على مثل هذه المشاريع

ونحسبهم على خير ولانزكي على الله احد

[اقبلنى يا رحمن]

السلام عليكم و رحمة الله و بركاته

هناك جمعيات اخرى فى المنصورة لم يتم ذكرها مثل :
* دار الايتام للبنات (حكومية ) _ من سن 6 سنوات حتى الزواج _ خلف مبنى المرور
* جمعية المساعى الخيرية ( حكومية ) _ من سن رضع و حتى 6 سنوات تقريبا _ شارع متفرع من شارع الجوازات ، عند الميدان و فى ناحية قسم تانى .
* دار الفضل ( خاصة ) _ من سن الرضع و حتى 6 سنوات تقريبا و سيستمرون معهم حتى الزواج _ فى طريق سندوب و عند انتهاء سور المقابر نتجه للشارع المقابل .

أما بالنسبة لمنع حضرتك ( الساجدة لله ) من الزيارة فما أعرفه أن الزيارة تكون يوم واحد فى الاسبوع و غالبا ما يكون يوم الخميس و يتم ايضا تحديد الوقت بالضبط .. لذا لا تنزعجى من ذلك و من الممكن أن تتصلي بهم مسبقا لمعرفة مواعيد الزيارة ( اذا اردتى معرفة ارقام التليفون فعليكى الاتصال بالدليل )
و هناك جمعيات تسمح لك بتوزيع الاشياء على الاطفال و أخري تمنع ذلك خصوصا الدار الخاصة لأنهم يعلمون الاطفال أن يأخذو الاشياء من أمهم فقط .

أرجوا أن أكون قد أفدتكم .. و جزاكم الله خيرا ....
أختكم فى الله