(_ إيه آخر شريط سمعته _)

[أبويحيى]

:LLL:
[السلام]

هى الحكاية دي معايا لوحدى ولا معانا كلنا

الواحد معدش لاقى شرائط يسمعها

مش قصدى إن مفيش شرائط

بس زمان لما كان الشيخ يعقوب مثلا بينزل على اسلام واى شريط جديد اسبوعيا هو الشيخ محمود ودكتور حازم وخطبة الجمعة بتاعة الشيخ حسان كان الواحد بيلاقى على طول جديد يسمعه

دلوقتى الواحد بقى بيدخل يدور على جديد الشرائط ... وطبعا إنت بتحكم على الشريط من عنوانه ... فنادرا ما تجد شريط يشدك من عنوانه وتسمعه ...

الخلاصة علشان منطولش أنا عارف الناس صايمه النهاردة ( أوعوا تكونوا مش صايمين !!!!) ودماغها مش رايقة لكتر الكلام

كل واحد يسمع شريط حلو يحطه هنا فى الموضوع ده ... علشان انا عايز اسمع شرائط ومش لاقى ...

وياريت يعنى يكون حاطط رابط التحميل مباشرة

ولو مفيهاش رخامه يبقى كاتب ملخص للشريط ...

يلا منتظر ردودكم ... على فكرة أنا آخر حاجة سمعتها كانت سلسلة الشيخ على قاسم على بتاعة الشباب مشكلات وحلول أكيد كلكوا سمعتوها ... فمش هجبلكم رابط ولا ملخص ... واللى مسمعهاش هو حر بقى ... هو اللى خسران

[SlaveOfAllah]

( السابقون السابقون )

سبحان الملك , انا كنت لسه النهارة الصبح هعمل موضوع زى ده تماما بس باختلاف الاسم علشان نحمس بعض على سماع الشرائط
بس كنت هعمل كل يوم واحد يرشح شريط هوه سمعه ويضع اى نقطه مهمه او ملخص عن الشريط ونسمه كلنا وممكن كمان يبقى فيه نقاش

( وَاللّهُ فَضَّلَ بَعْضَكُمْ عَلَى بَعْضٍ فِي الْرِّزْقِ )
الحمد لله على كل حال

انا برشحلكم شريط طاعات القلوب للشيخ يعقوب : شريط ممتاز
http://www.islamway.com/?iw_s=Lesson&iw_a=view&lesson_id=32386 (http://www.islamway.com/?iw_s=Lesson&iw_a=view&lesson_id=32386)

نبذه عن الشريط :

الشريط بيتكلم زى ماهو باين من الاسم عن طاعات القلوب لكن من اجمل النقط الى اتكلم فيها الشيخ هيا الفهم عن الله

هو انت ليه فى المكان ده ووسط اهلك دول ؟؟؟ وليه ربنا شغلك الشغلانه دى ؟؟ وليه دول جيرانك ؟؟؟ وليه انت فى المسجد ده ومش فى مسجد تانى ؟؟؟

محتاجين نفهم ليه ؟؟؟ وعلشان ايه ؟؟؟ والمفروض نعمل ايه ؟؟؟

نسأل الله ان يعلمنا ويفقهنا ويرزقنا الحكمة والبصيره ويجعلنا ممن يستمعون القول فيتبعون احسنه

[proud_moslima]

انا اخر شريط سمعته كان فيك يارب للدكتور حازم و بما انكم يقينا سمعتوه كلكهم اكثر من مرة لانه درس اكثر من رائع
فانا هاقول الدرس اللي قبه و هو رهبان الليل للشيخ سيد العفاني حفظة الله ودرس اكثر من رائع " في كتاب بنفس الاسم ياريت كلكم تشتروه " بيتكلم عن فضائل قيام اليل و الفتوحات اللي ربنا بيفتحها علينا بسبب قيام الليل و اقوال السلف و حالهم مع قيام الليل..

http://www.islamway.com/?iw_s=Lesson&iw_a=view&lesson_id=1565

[SlaveOfAllah]

؟؟؟؟
؟؟؟
؟؟
؟

[الله ناظرى]

السلام عليكم ورحمة الله وبركاته

أنا أخر شريط سمعته كان امبارح بتاع د.حازم ... درس ( إنه كان بى حفيا )
وبما إن كل شرايط د. حازم على الموقع

فأنا هقولكم الشريط اللى سمعته قبل ده
شريط للشيخ محمود المصرى ... ( لحظة صدق )
والرابط بتاعه أهو

http://www.islamway.com/?iw_s=Lesson&iw_a=view&lesson_id=42989 (http://www.islamway.com/?iw_s=Lesson&iw_a=view&lesson_id=42989)


سبحان الله الدرس ده أنا سمعته قبل كده ومتأثرتش بيه ... لكن المرة دى كان مختلف ...


ملخص الدرس سطر واحد

أن التغيير الحقيقى يبدأ بلحظة صدق مع النفس.

[proud_moslima]

هي الناس بطلت تسمع دروس ؟!
الله المستعان
اخر شريط سمعته مقاتلات في جيش النبوة للشيخ خالد الراشد
http://media.islamway.com/lessons/krashed//MokaTilaT.rm

[أبويحيى]

ما شاء الله الأشرطة اللى محطوطه كلها من العيار الثقيل فعلا

أنا بسمع حاليا سلسلة مناظرات حول سيدنا عمر رضى الله عنه لا أظن أنها ستجد من يرغب فى سماعها خصوصا مع كثرة ما فيها من نقاشات

لكن انصحكم بشريط من أكثر الشرايط اللى أثرت فيا

((( إيه اللى يستاهل )))

دكتور حازم وعلى الموقع

[SlaveOfAllah]

طيب شوف ده بقى يا ابو يحيى , انا جايبلك شريط رائع

واظن محتاجينه قوى الايام دى , بجد فيه معانى قلبيه حلوه جدا
ربنا يصلح قلوبنا


ادعوني ... استجب لكم

هاني حلمي عبد الحميد (http://www.islamway.com/?iw_s=Scholar&iw_a=lessons&scholar_id=1221)
http://www.islamway.com/?iw_s=Lesson&iw_a=view&lesson_id=60002 (http://www.islamway.com/?iw_s=Lesson&iw_a=view&lesson_id=60002)

[حامل المسك]

فيه حاجه جامدة جدا
جدا

شوف او اسمع شريط الشيخ يعقوب صح النوم

شريط جامد جدا

[ابوحنين]

انا اخر شريط اثر فيه جامد..
^
^
^
^
الصاخة
^
^
للشيخ خالد الراشد...فك الله أسره...اشهدكم اني احبه في الله

اللي مسمعوش يسمعه

[/URL][URL="http://www.islamway.com/?iw_s=Lesson&iw_a=view&lesson_id=43835"]التحميل من هنا (http://forums.way2allah.com/%C3%98%C2%AD%C3%99%C2%85%C3%99%C2%84%20%C3%99%C2%8 5%C3%99%C2%86%20%C3%99%C2%87%C3%99%C2%86%C3%98%C2% A7)

[أبويحيى]

ياسلام على الشرائط الجديدة ... انا اخر شريط سمعه يا أمة محمد للشيخ خالد الراشد واكيد كلنا حملناه من موضوع الأخ حامل المسك

[يمامة المسجد]

جزاكم الله خيرااااااااااااا ً جميعا ً

آخر شريط سمعته

أين الطريق للشيخ ابو اسحاق الحويني

[dr_Muslim]

أما العبد مسلم هذا فقد سمع شريط للشيخ / محمود المصري

أشهد الله أني أحبه فيه

للتحميل

أمن يجيب المضطر (http://up.9q9q.net/up/index.php?f=570510kjg)

والملخص لما تسمعوه بقى

[proud_moslima]

إلى أمي الحبيبة
الشيخ محمود المصري
http://www.islamway.com/?iw_s=Lesson&iw_a=view&lesson_id=60227

شريط جميل جدااا و الله كفاية المقدمة..
نبذة عن المحاضرة : محاضرة رائعة نعرف من خلالها كيف نكون أبناءً بارين بآبائنا و أمهاتنا و توضيح بطلان وزيف ما يسمونه بعيد الأم الذي هو من بدع الكفار التي دخلت على بلاد المسلمين في زمن الفتنة الحديث و تبيين أنهم يحملون فقط الشعارات الجوفاء التي ليس بينها و بين الواقع علاقة لأنهم لا يعرفون ما معنى بر الولد بأمه
فهذا هو البر كما أمر الإسلام .

اسال الله ان يحفظ لي امي و جميع امهات المسلمين من كل سوء..
اللهم اجزي امي عنا خير الجزاء...

[يمامة المسجد]

رفقا ً بالمذنبين

للشيخ يعقوب

شريط راااااااااااااااااااااااائع


http://media.islamway.com/lessons/yaqoob//347_Ya3koob_RefQan.rm (http://media.islamway.com/lessons/yaqoob//347_Ya3koob_RefQan.rm)

كيف تدعوا إلى الله

بجد رااااااااائع ولازم كل واحد يسمعه بدل هو إختار طريق الدعوة

[يمامة المسجد]

بجد لازم تسمعوه

راااااااااااااائع

[فجـــــــــــــــر]

بصراحه موضوع رائع
جزاكم الله كل خير
عندي شريط رائع
بصراحه هو مش جديد
ولكن أنا بحب أسمعه جدا

***شريط لا تحزن ***للدكتور :عائض القرنى
لأن الامتحانات قربت والناس ابتدت تضايق وتتخنق
وبالتالي تفتر الهمم*وفعلا الشريط ده بيعلي الهمم جدا
صــــــــــــــــــــــــدقوني مجـــــــــــــــــــــــــرب
وربنا يثبتنا واياكم.ان شاء الله*****
حمل من هنا::(يقرأ): (http://<center><iframe align=)

[رحمته أرجى لى]

الموضوع ده جميل واحنا محتاجين كل واحد يقول الشريط الكويس عشان نتشجع ونسمعه
ممكن يكون الشريط قدامى ولما حد يقول عليه كويس اروح اسمعه
وكذلك الكتب
ونحن لن نعدم الشرائط المفيدة إن شاء الله
آخر شريط سمعته بس من كاسيت مش موقع:
شريط الجد ياشباب للشيخ محمد يعقوب
شريط رائععععععععععع
وكمان سلسلة حوار مع عاصى من3 أجزاء للشيخ يعقوب برده ,جميل جدا
بيتكلم عن مداخل الشيطان وكأن الشيخ بيتكلم عن كل واحد فينا بالضبط
وكمان شريط كنوز النبى:87[[: للشيخ يعقوب برده
اسمعوهم وادعوا لى