ايه اقرب اسماء ربك لقلبك؟؟؟

[mero]

:LLL:



السلام عليكم ورحمه الله وبركاته

يا جماعه انا فكرت نعمل موضوع عن اسماء الله الحسنى ، كل عضو فى المنتدى يشوف ايه اقرب اسماء الله الى قلبه ويقول السبب ؟ ايه رايكم؟؟

والشيخ حازم بيتكلم عن اسماء الله الحسنى قلوبنا بتترفه فوووووووووووق

ياريت اللى يحط اسم يتاكد انو اسم من الاسماء المذكوره فى القران والسنه

وده لنك لموقع جميل هيفيدنا http://www.asmaullah.com/

ربنا يجعلنا من اهل معرفته

[mero]

:LLL:

اسم ربنا الودود : اى الذى يتودد الى عباده

حاليا انت تقدر تشوف انواع التودد فى كل مكان بس ليه؟؟ عشان المصلحه ، عشان حد عاوز من حد حاجه عشان كده يعد يتقرب ليه وبمعنى اصح ( يهننه ) يعمله اللى هو عاوزه ، لكن بقى الله عز وجل مش عاوز منك حاجه وانت كمان بتعصيه على الرغم من كل النعم اللى انعم بيها عليك وبردو ودود بيتنزل كل ليله نزولا يليق بكماله وجلاله عز وجل ويسال هل من مستغفر فاغفر له هل من تائب فاتوب عليه هل من طالب حاجه ؟؟؟؟؟؟؟ وبردو بنام وبردو هو ودود سبحان الملك بيتودد الينا عشان يلبيلنا طلباتنا واحنا ايه؟؟ احنا افقر خلقه ليه .. وبردو هو الودود .

[آلاء الله]

:LLL:

جزاكى الله خيرا على هذا الموضوع

ربنا يبارك فيكى ويكرمك ويشرح صدرك

أنا لما بتأمل فى إسم الله الوكيل

ياااااااااااااااااااااااااه

سبحان الله الوكيل
عارفه الوكيل يعنى إيه؟؟؟؟؟؟؟؟؟؟؟؟؟؟؟؟؟

الوكيل هو الذي يتولى بإحسانه شئون عباده، فلا يضيعهم، ولا يسلمهم للشر أبداً، ولكن يأخذ بأيديهم، لما فيه مصلحتهم.

" الوكيل.. هو المسئول عن أن تسير في حياتك سيراً صحيحاً، فيأخذ بيدك إلى هذا، ويهديك للخير.

" الوكيل ".. هو الذي يأخذ بيدك لكل ما ينفعك ويصلحك.

يعنى تخيلى اللى بيبقى موكل لنفسه محامى عشان يدافع عنه أو يرد عنه.... تخيلى ثقته فى وكيله ده أد إيه وبيبقى واثق فيه وفى كل حاجة بيعملها وسايب نفسه له...

سبحان الله ولله المثل الاعلى سبحان الله تخيل ربنا وكيلنا......عشان كده لازم نثق فى الله ونرضى بأفعاله ونسيب نفسنا لله

لازم يبقى عندنا اليقين أننا لما نقول حسبى الله ونعم الوكيل أن هو ا الوكيل فعلا .....

ويقول النبي صلى الله عليه وسلم :

" لو أنكم تتوكلون على الله حق توكله لرزقكم كما يرزق الطير ، تغدو خماصاً وتروح بطاناً".


يقول الله تعالى :
" فإن تولوا قل حسبي الله لا إله إلا هو عليه توكلت وهو رب العرش العظيم ".

" رب المشرق والمغرب لا إله إلا هو فاتخذه وكيلا ".

" ومن يتوكل على الله فهو حسبه"

" قل هو الرحمن آمنا به وعليه توكلنا"


" وتوكل على العزيز الرحيم الذي يراك حين تقوم وتقلبك في الساجدين "

هل نلجأ لإنسان بعد هذا الكلام؟

هل يتعلق الغريق بالغريق؟

هل يذهب الفقير، يسأل الفقير؟

أم يلجأ الغريق لمن بيده الآمر؟

؟أين اليقين في الله؟.. أين قلبك الذي يتوكل على الله وحده؟.. أين الوكيل في حياتك؟

[mero]

جزاكى الله خيرا اخيتى ربنا يبارك فيكى

فعلا اسم ربنا الوكيل من اكتر الاسماء قربا لقلبى

http://upload.arb7.com/uploads/18350f2f6b.gif (http://upload.arb7.com)

[رحمته أرجى لى]

موضوع جيد فعلا
أنا أحب كثيرا إسم الله الرحمن,وهو يتميز عن الرحيم أنه لا أحد يتصف به من خلقه
وأحب كذلك سورة الرحمن
الله اشملنا برحمتك وادخلنا برحمتك فى رحمتك وانت ارحم الراحمين

[الله ناظرى]

السلام عليكم ورحمة الله وبركاته

جميل أوى الموضوع ده أختى mero ،جزاك الله خيرا

أنا أحب أسماء الله الى قلبى اسم الله (الودود) ، بحبه جدا ،وعلى فكرة الود غير الحب ،يعنى ممكن واحد يكون بيحبك ومش فاضى يودك ومتقدرش تكلمه فى أى وقت ، لكن عمر حد راح لربنا ورده......سبحان الله الودود.

ليس العجب من عبد يتودد الى سيده ولكن العجب كل العجب من ملك يتودد الى عبده.

وبحب جدا اسم الله (البديع) ، أى حد يتأمل الكون ويتأمل نفسه ويشوف اعجاز ربنا هيقول سبحان الله البديع.

والسلام ختام.
:)

[3alia2]

:LLL:
السلام عليكم ورحمة الله وبركاته
جزاكم الله كل خير موضوع جميل جدا
انا بحب جدا اسم الله الغفور الرحيم
لأن الله يغفر الذنوب جميعا
مهما كان للواحد ذنوب كتير ورجع لربنا وتاب ربنا ان شاء الله يغفر له ذنوبه
فإنه هو الغفور الرحيم
وهناك كثير جدا من الآيات القرآنية اللى فيها الاسم ده :

"قل يا عبادى الذين أسرفوا على أنفسهم لا تقنطوا من رحمة الله ان الله يغفر الذنوب جميعا انه هو الغفور الرحيم"
انا فعلا بحب ربنا جدا ووالله إنى احبكم فى الله وندعو من الله ان نلتقى فى جنات النعيم وان ينفعنا بالعمل الصالح

[loving allah]

السلام عليكم ورحمة الله وبركاتة
موضوع جميل

انا بقى اكتر اسم بحب ادعى بية ربنا هو

العظيم

بحس بية اوى

بحس ان بعبد العظيم

انتوا عارفين لما بكون فى الامتحان بقعد اقول ياعظيم كن معى

بجد الله عظيم جدا
المشكلة انى مش عارفة اوصلكم احساسى

[آلاء الله]

:LLL:

اسم الله العفو ايضا من الاسماء القريبة اوى لقلبى

يقول الامام لشافعى:
اولما قسا قلبي وضاقت مذاهبي *** جعلت الرجا مني لعفوك سلما
تعاظمني ذنبي فلما قرنته *** بعفوك ربي كان عفوك أعظما
فما زلت ذا عفو عن الذنب لم تزل *** تجود وتعفو منة وتكرمــا

اللهم انك عفو كريم تحب العفو فاعفو عنا........

[mero]

من اقرب الاسماء بردو اسم الله النور

وبحب اوى دعاء الذهاب الى المسجد( اللهم اجعل فى بصرى نورا وفى سمعى نورا وفى قلبى نورا وعن يمينى نورا وعن شمالى نورا...)

وبردو اسم الله ، وهو شده الحب وهو من ماده وله والوله من اكبر درجات الحب

وجزاكم الله خيرا على المرور وتقبلكم الموضوع ربنا يجعله فى ميزان حسناتنا

[mero]

اسم الله الحليم

يااااااااااااه جميل اوى

على فكره يا جماعه احنا مش هنحس بالسامى دى الا لما ندرسها ونتدبرها ونعرف ان احنا لمسنها فى حيتنا فعلا ... المهم ..

الحلم هو ترك العجله والتانى وتشغيل العقل وهو نقيد الطيش والسفه وهو ضبط النفس عن هيجان الغضب والصبر على استعجال المجازاه مع الاقتدار عليها
فا من كرم ربنا علينا انو انه يمهلنا ولا يعجل لنا بالعقوبه وينعم على عباده مع انهم يعصوه ، فهو الذى يملك الحلم الكامل الذى يغطى كل عباده ن فهو يرزق العاصى كما يرزق المطيع ، وهو الذى يعطى العبد حتى وان لم يسال

[ام حبيبه]

بحب أوى اسم الله الحى القيوم

لقد كان رسول الله إذا اشتد فى الدعاء قال يا حي يا قيوم

[mero]

اسم الله الشكور

الشكر لغة : هو الثناء على الانسان بمعروف يوريكيه وهو عرفان الاحسان ونشره ، مقابله النعمه بالقول والفعل والنيه .

معناه بالنسبه للرب العلى : المانح لمن يعطيه والمقنى عليه والمثيب له بطاعته فضلا من نعمته ، الذى يدوم شكره وييعم كل مطيع وكل صغير من الطاعه او كبير ، وهو الذى يجازى عباده فى العاجل فى الدنيا والاخره ، مضاعفه الحسنات ، ان من فعل شىء لله اعطاه الله ويزيد عله ، ومن ترك شيئا لله عوضه الله خيرا منه ، هو الذى يوفق المؤمنين الى مرضاته ثم يشكرهم بعد ذلك على هذا ، هو الذى الذى يثوب العباد ويعطيهم دون ان يكون لهم حق على الله ، لنه يخرج العبد من النار بمثقال ذره من الخير ، انه يرفع مقام عبده بين الناس ويثيبه على القليل من الطاعه بالكثير من النعم .

الفرق بين الشكر والحمد

الشكر : بالقلب والحوارح واللسان ولا يكون الا على المعروف.
الحمد : بالقلب واللسان فقظ ويكون على الصفات بصرف النظر عن الصنيع والاحسان .

شكر العبد : - الاعتراف بنعمه الله عليك
- ان اثنى على الله بهذه النعم
- الاستعانه على هذه النعم بالطاعات

شكر الله : - يشكر الكافر عند فعل اجتهاد او كذا
- يشكر العبد له وهو الغنى ليش عليه واجب بالشكر والعكس تماما
- تحقق معانى اسمه الشكور

* الاقتداء بالله فى الشكر :

- لا تحقر عمل خير لاى احد مهما كان قليل
- الايمان بالعمل مهما كان لا يدخل صاحبه الجنه ولكن بفضل الله الشكور نأمل ان ندخل الجنه
- تعبد الله باسمه الشكور وانت تريد ان يرزقك الله الجنه
- لا عباده لاحد غير الله
- توحيد الله عز وجل
- تعرف انك اذا شكرت الله سبحانه وتعالى يزيدلك نعمه عليك
- انك اذا لم تشكر تزول النعم
- الاستعاذه بالشكور من زوال النعم

[نصر الدين]

احب اوي اسم الله فهو اسم جامع لكل الأسماء

يلا جرب قول بكل قلبك يا الله