اكتب بنفسك الاستفتاء القادم

[أبويحيى]

:lll:

نفسك تختار الاستفتاء على الصفحة الرئيسية

الفرصة امامك الآن لكتابة استفتاء مكون من ثلاث خيارات على الأقل

وسيتم اختيار افضل استفتاء لوضعه على الرئيسية

[الله ناظرى]

[السلام]

فكرة جميلة ماشاء الله

أنا هاخد فرصتى وأبدأ
:(دنيا):


هل تتابع الأخبار ؟
1-) أه طبعا .. لازم أفهم الدنيا ماشية ازاى
2-) متابع أخبار فلسطين والعراق بس
3-) وأنا مالى يا عم
4-) أنا متابع أخبار الكورة !!


_ _ _ _ _ _ _ _ _ _ _ _ _ _ _ _


هل تحاول تعرف تاريخك الصحيح ؟
1-) بحاول أقرأ وأسمع من مصادر ثقة
2-) أنا أعرف التاريخ اللى خدناه فى المدرسة
3-) ياعم سيبك من الماضى .. خليك فى الحاضر

_ _ _ _ _ _ _ _ _ _ _ _ _ _ _ _


ماذا تفعل إذا انتكس أحد أصحابك ؟
1-) طبعا هساعده على قد ما أقدر
2-) وأنا أعمله ايه يعنى .. ماهو عارف الصح ايه!!
3-)هتركه .. أنا لا أصاحب أصحاب الهمم الضعيفة



معلش طولت عليكم
أنا عارفة زمانكم بتقولوا هى ماصدقت ولا ايه ؟؟
:(ضحك):

[homaas]

فكرة رائعة منك أخى الغالى ..

ولا أجد الآن سوى استنتاج هذا المجهود الذى بذلتموه فى الرقى بالموقع والمنتدى ،ومدى نجاح الموقع وإلى أى مكانة وصل فهذا استطلاع رأى _من الممكن تغيير أى من فحواه مع المحافظة على معناه العام_ أملا فى معرفة متابعة اهتمام ضيوف الموقع به من عدمه ..


هل أنت مداوم الاطلاع على موقع "الطريق إلى الله" ..وما السبب ؟
1- نعم ولكن ليس بشكل دورى.. وهو موقع رائع .
2- لا .. هذه أول مرة لى أطلع فيها على الموقع .
3- نعم .. لأنى وجدت الموقع ينفرد بتقديم مواد لم يقدمها موقع آخر .
4- لا لم أكن من متابعى هذا الموقع ولكنى سأداوم على مطالعة جديده

وبالإمكان إضافة نقطة خامسة _ وهى بمثابة إعلان عن المنتدى (بالمرة)_
5- نعم أطالع الموقع منذ فترة .. ولكنى فوجئت بأن له منتدى ولم ألاحظه سابقا ..


وبالإمكان إضافة استقتاء آخر ..

كيف وصلت إلينا ..؟
1- عن طريق محرك بحث .
2- عن طريق صديق .
3- عن طريق البريد الإلكترونى .
4- بعد مشاهدة إحدى حلقات د/حازم شومان على قناة الناس "حيث أشار لهذا الموقع".


أسأل الله التوفيق والسداد

[dr_Muslim]

جزاك ربي خيرا أخي الحبيب أبو يحيى

ولو أن الأخ الحبيب حسام وأختنا لم يتركوا لي شيئا فما أروع استفتائهم

ولكن ذي ما أنت عارف بقى أخوك مابيصدق يلاقي فرصه يكسب منها حسنات

المهم استفتاء العبد مسلم والله أسأل ان يغفر له


هل تعلم أن هنا منتدى دعوي في موقع الطريق الى الله :

1- للأسف لأ - ماعرفشي
2- أعرف وأول مره أشوف منتدى ملتزم - سبحان الملك
3- أعرف بس ما بدخلشي أصله سنه وجماعه بس
4- عارف بس منتدى كله اسلامي مافيهوش معازف ولا غناء - لأ يا عم ماليش فيه
5- هادخل وأشوف وبعد كده هاحكم

اذا كنت تعلم بالمنتدى الدعوي فما رأيك فيه:

1- منتدى ملتزم بالسنة والحمد لله الواحد ممكن يكسب حسنات كتير فيه
2- أيه ده يا عم دا ملتزم قوي بالسنة واحنا عاوزين شوية تفاريح
3- الواحد مابيحبش يخرج منه ولقيت أخوه كويسين ممكن يعينوني على فعل الخير
4- كل ما الواحد يكتب حديث لازم يكون صحيح يا عم دا انا زهقت
5- أدعو الله لهم بالتوفيق والسداد وان يتقبله الله خالصا لوجهه الكريم

هل تريد أن تكون واحد من أعضاء المنتدى :
1- نعم
2- نعم ولكن كيف
3- ان شاء الله هابقى أدخل
4- لأ ياعم بعد اللي سمعته ده أنا كده كويس


واعذروني بقى على العاميه في الأسلوب !!!!!!!

فأخوكم في الله جاهل قوي وماعندوش لغه

هو في الحقيقه عندي بس اللغه الصينيه :(ضحك):
وللصدق كلمه واحده فقط وهي " ما "

وكفايه عليا كده بقى :(نائم):

[أبويحيى]

ما شاء الله ...

بالنسبة لاستفتاء التاريخ والأخبار ل الله ناظرى

و دخول المنتدى لدكتور مسلم

فقد طرح افكار مشابهة لهم من قبل

استفتاءات الأخ حسام روعة ومحتاجين نضع احدها ولكن هنبدأ دلوقتى بهذا الاستفتاء


ماذا تفعل إذا انتكس أحدا تعرفه ؟

1-) لن أهدأ أو يرتاح لي بال حتى يعود مرة أخرى .
2-) وأنا أعمله ايه يعنى .. ماهو عارف الصح ايه!!
3-)هبعد عنه .. أنا أخاف على نفسي لانتكس زيه
4-) ياعم انا عايز اللى يلحقنى ..!!

[أبو ذر]

ما شاء الله فكره حلوه قوي بس دماغي مش جايب حاجه القتي غير
أخبار النفاق معاك إيه
(1) حساس إني منافق وعاوز أتغير
(2)يا عم نفاق إيه دحنا عالم ملتزمين قوي
(3) لا يعنيني أمر النفاق

[aya]

سأكتب استفتاء بس يا رب يعجبكم

ما أحوالك قبل رمضان..وكمان احنا في رجب من الأشهر الحرم يضاعف فيه الثواب :
1/لست مسلم
2/فرصة رائعة احاول استغلالها
3/نفسي اجتهد بس مش قادر..مش عارف ليه
4/لا والله لا اجتهد بس كويس انكم اشرتم للموضوع وفكرتوني

وعلى اساس الردود سنضعل حلولا في موضوع جديد في المنتدى على القسم العام والله المستعان

[أبويحيى]

بإذن الله الاستفتاء القادم يكون عن رمضان بس يومان كده حتى يأخذ الاستفتاء الحالي حقه

[aya]

سأكتب استفتاء بس يا رب يعجبكم

ما أحوالك قبل رمضان..وكمان احنا في رجب من الأشهر الحرم يضاعف فيه الثواب :
1/فرصة رائعة احاول استغلالها
2/نفسي اجتهد بس مش قادر..مش عارف ليه
3/لا والله لا اجتهد بس كويس انكم اشرتم للموضوع وفكرتوني
4/لست مسلم
وعلى اساس الردود سنضعل حلولا في موضوع جديد في المنتدى على القسم العام والله المستعان

[aya]

جزاك ربي خيرا اخونا د/ابو يحي

[aya]

هو انتوا لسه ماغيرتوش الاستطلاع............ربنا يعينكم على فعل الخيرات

[أبويحيى]

هو نزل الآن بالفعل

[هبـة الله]

جزاااك الله خيرا و الله هي فكرة راااائعة و أنا عندي استفتاء و هو :
ناوي تختم القرآن كام مرة في رمضان ؟؟
1/ مرة واحدة بس
2/ مرتين حلو اوي
3/ كل 10 ايام اختمه
4/ ليس عندي وقت للقراءة