عرض الإصدار الكامل : أنا زعلانه أوي لكن حسبي الله ونعم الوكيل
عاشقة الشهاده
20-05-2007, 10:55 PM
السلام عليكن ورحمة الله وبركاته ..... ازيكم يا أخواتي الحبيبات ... عاملين ايه وكيف حالكم في الامتحانات ؟!!!!!لعلكم بخير .... ان شاء الله .... في لحقيقه ياأخواتي أنا كنت بتفرج دلوقتي على برنامج 90 دقيقه الآن... يعني قولت أشوف ايه الي بيحصل في الدنيا... يعني هو أصلا يعتبر برنامج اخباري.... فسمعت مالا يسرني ولا يرضي الله ... والله أعلم بردوا..... فتخنقت أوي أوي فقلت أقولكم تهونوا عليا ... تخيلوا يا بنات لقيت د/سعاد صالح في البرنامج بتقول ان في واحده اتصلت بيها بتقولها يا دكتوره أنا متابعه جيده جدا لقناه فضائيه دنيه ... لكن خلاص أنا حسيت اني موش هدخل الجنه واني خلاص في النار.... طبعآ أنا عرفت انها بتتكلم عن قناة الناس.... قالت بقى يا أخواتي ان القناه دي بضحكوا على الناس بيها ويقعدوا بس يقولاهم ان القناه دي هتوصلك اللى الجنه... فتأكدت ان هى تقصد قناة الناس... وقالت ان شيوخها فقهم منتشدد وبدوي باين ولا ايه ... موش عرفه والله ... لكن الي زعلني أكتر وأكتر وأكتر انها بتقول الداعين اللى الله الان بيتحدثوا عن الحجاب والنقاب والاسدال وخلاص.... ليه موش بتحدثوا مثلا عن قيمة الوقت وغيره.... وكأن الاسلام قفص طماطم نأخذ منه مايعجنبنا ونترك منه مالا يعجبنا.... والمصيبه الكبرى بقى انها قالت عن النقاب انه ليس من الدين وليس له أدله في القرآن ولا في السنه وان النقاب عاده قديمه جاهليه...بس قالت انه كويس الي عاوزه تلبسه تلبسه تأسي بزوجات النبي لان دول بس المفروض عليهم النقاب...بس لازم الي تلبسه تكون قدوه فعلا... وكان في دكتور من الأزهر معاها أكد على كلامها ده..... أنا زعلانه جدا قاعده تقول ان الناس هتعمل فتنه للدين والمسلمين هيفتنوا كده.... والله موش لاقيه أكتر منها فتنه للاسلام في رئي والله أعلم ... وربنا يسمحني بقى على الي بقوله ده... لكن بجد مخنوقه...بحس ان المسلمين كده هيتفرقوا أكتر وأكتر ماهم متفرقين.... آآآآآآآآآآآآآآه حسبيّ ربي.... معلش يمكن أكون زعلتكوا لكن معلش أنا سمعت بنفسي .... والله أنا قفلت مكملتش البرنامج عشان مسمعش حاجه أكتر من كده تضايقني... وجيت عل الكمبيوتر أكتبلكم.... ادعوا يا بنات ان ربنا ينجي المسلمين من أنفسهم ومن أعدائهم......اجعلوا ولو سجده واحده في الخمس الصلوات في أي فرض يعجبكم سجده واحده بستدعوافيها بالدعوه الي قولتهالكم دي... ونا هعمل كده كمان كمان من النهارد.....ومتنسوش ان النبي محمد(ص)قال : من لم يهتم بأمر المسلمين فليس منهم.... آسفه على الاطاله.... سلاااااااااااااااام
غفرانك ربي
20-05-2007, 11:31 PM
هو انا كل مادخل الاقيكي زعلانه
:(ضحك)::(ضحك)::(ضحك):
والله انا قولت ان موضوعك الجديد اتحذف تاني
:(ضحك):
بس فعلا امر محزن جدااااااااا بس دي يعني مش اول مرة د/سعاد صالح تقول كلام زي ده
بصي انا نصيحتي ليكي انك ماتسمعلهاش
مادام انتي بتسمعي لشيوخنا الافاضل الشيخ حسان ويعقوب والمصري ودكتور حازم كل دول بسم الله ماشاء الله عليهم ربنا يبارك فيهم
يبقي احنا مش محتاجين الدكتوره دي في حاجه
بصراحه هي اللي بتدخل علينا الشبهات :(غضبان):
ربنا يهديها ويتوب عليها وعلينا
انا من ساعة ماعرفت اللي كانت عملاه عن النقاب في برنامج قبل كده
وانا لما باشوفها مش باسمعها
هاغيظ نفسي ليه:(يبكى) :
والحمد لله قناة الناس وشيوخنا الافاضل مش مخليينا نسمع لحد تاني ربنا يبارك فيهم ويعزهم
ومش عاوزه ادخل تاني الاقيكي زعلانه :(ضحك):
Muslima_Mwa7eda
21-05-2007, 10:37 AM
ياحبيبه قلبى الشيطان شايف شغله جامد ومش قادر على شيوخنا الافاضل فجرى يشتغل فى حتة تانية ضدهم
والله المستعان
امة الودود
21-05-2007, 04:38 PM
جزاكى الله خيرا يا حبيبتى
متزعليش عشان هيا قالت كدة المهم احنا حاسين باية
بس انا مش عارفة والله اية الموضة اللى طالعة دعاة يطلعوا يغلطوا بعض و كل واحد يركز على اخطاء غيره ولا حول ولا قوة الا بالله
واضح ان اعداء الدين عرفوا ازاى يفرقوا بيننا و يفتحوا باب كبييير للفتنة
الله المستعان انا معاكى فى الدعاء باذن الله
اللهم وحد صفوفنااااااا قولو امين يا بنات
عاشقة الشهاده
21-05-2007, 04:50 PM
جزاكي الله خيرا أمة الودود.... ونا والله دخلت على منتدى ناس أعزهم الله يخلطوا في ناس كتيييييييييير مع انهم ممكن يكونوا على حق... فبعتلهم رساله بقولهم فيها تعالوا نلرجع لسنة النبي(ص)... نشوف أداب الاختلاف مع الاخرين ايه...الرساله تاني يوم اتحذفت... ولكن حسبي الله ونعم الوكيل...المهم الي حذفها يكون قراها وده هدفي... عشان أبقى بلغت....
يمامة المسجد
21-05-2007, 06:03 PM
والله لانحزن
ماهذا الا سيزيد إسلامنا عزة فوق عزة
ونصر فوق نصر
وتعرفي
ممكن الي تكلمت دي يكون مرتبين معاها
عارفة
سعاد صالح قبل كدة واحدة قالتلها
وانا اسمع كلامك ليه وانتي نامصة ملعونة بحديث رسول الله صلى الله عليه وسلم
مقدرتش ترد ولا حتى تكلم هي والي معاها
بصي ياحبيبتي هما مش هيقدروا يعملوا حاجة لأن اسلامنا نور
والنور كل ماحد بيقذفه بحاجة بيسمح للضوء والنور يروح حتة تانية
وتعرفي مش دي الي كانت بتقول إنها بتشمئز من المنتقبات
الوقتي بتقول يلبسوا
لأنها اتهاجمت كثير
والدين مش لعبة
وربنا يهديها وأمثالها
-----------
على فكرة انا بحثت عن موضوعك مالقتهوش
ممكن مايكونش اتبعت
عاشقة الشهاده
21-05-2007, 08:09 PM
عندك حق يا يمامة المسجد والله ... ربنا يهديه وأمثالها .... أما بالنسبه للموضوع أنا كتبته تاني وموجود باسم ... هل حزتي ذالك الشرف .... بس أنا موش عرفه أكبر الخط ازاي ولا ألون الكتابه ... مفيش خيارات خالص خاصه بالموضوع ده ... وعملت الوضع المتقدم بردوا محصلش حاجه .... وفي واحده صحبتي قلتلها تدخل تقراها قالتلي الخط صغير وعنيا وجعتني ومكملتوش .... زعلت أوي وقلت ممكن كتيييييييييير زيها كده من عضوات المنتدى ... ونا هبقى زعلانه أوي ... فاشرحولي بالله بضبط ازاي أكبر الخط وألونه.وشكر الله لكي حبيبتي للمشاركه
عاشقة الشهاده
21-05-2007, 08:12 PM
هو انا كل مادخل الاقيكي زعلانه
:(ضحك)::(ضحك)::(ضحك):
والله انا قولت ان موضوعك الجديد اتحذف تاني
:(ضحك):
بس فعلا امر محزن جدااااااااا بس دي يعني مش اول مرة د/سعاد صالح تقول كلام زي ده
بصي انا نصيحتي ليكي انك ماتسمعلهاش
مادام انتي بتسمعي لشيوخنا الافاضل الشيخ حسان ويعقوب والمصري ودكتور حازم كل دول بسم الله ماشاء الله عليهم ربنا يبارك فيهم
يبقي احنا مش محتاجين الدكتوره دي في حاجه
بصراحه هي اللي بتدخل علينا الشبهات :(غضبان):
ربنا يهديها ويتوب عليها وعلينا
انا من ساعة ماعرفت اللي كانت عملاه عن النقاب في برنامج قبل كده
وانا لما باشوفها مش باسمعها
هاغيظ نفسي ليه:(يبكى) :
والحمد لله قناة الناس وشيوخنا الافاضل مش مخليينا نسمع لحد تاني ربنا يبارك فيهم ويعزهم
ومش عاوزه ادخل تاني الاقيكي زعلانه :(ضحك):
هههههههههههههههههههههههههههه
حاضر من عنيا الاتنين موش هتدخلي تاني وتلاقيني زعلانه ... لأني مقدرش أزعلكوا .... شكر الله لكي على المشاركه
امة الودود
22-05-2007, 05:41 AM
جزاكي الله خيرا أمة الودود.... ونا والله دخلت على منتدى ناس أعزهم الله يخلطوا في ناس كتيييييييييير مع انهم ممكن يكونوا على حق... فبعتلهم رساله بقولهم فيها تعالوا نلرجع لسنة النبي(ص)... نشوف أداب الاختلاف مع الاخرين ايه...الرساله تاني يوم اتحذفت... ولكن حسبي الله ونعم الوكيل...المهم الي حذفها يكون قراها وده هدفي... عشان أبقى بلغت....
السلام عليكم يا حبيبتى عاشقة الشهادة
انى احبك فى الله
انا بصراحة بحترم اوى الناس اللى بتفكر زيك كدة و متقلقيش حتى لو حذفوا الموضوع طالما انتى تبتغى وجه الله اكيد ربنا باذن الله هياجرك و يديكى الثواب و يفتحلك الابواب
بس متياسيش لاننا بجد لازم نرجع لاسلامنا فى عبادتنا و اخلاقياتنا و حبنا لبعض و خوفنا على بعض
اللهم رد المسلمين اليك ردا جميلا
و احنا كمسلمين دورنا نبذل الجهد و نبلغ الناس ان ديننا كذا و اخلاق نبينا :87[[: كذا اما الفتح و النصر فهو من عند الله
ربنا يكرمك يارب اخيتى و حبيبتى فى الله
السلام عليكن ورحمه الله وبركاته
ازيكو يا بنات اخباركو ايه ؟؟؟؟؟؟؟؟؟ واخبار قلوبكو ايه؟؟؟؟؟؟؟
اولا بصى يا عاشقه زى ما يمامه قالت انها متنمصه ، وسبحان الله انا قبل الالتزام كنت متنمصه وكنت عارفه انو حرام وما كنتش بسمع للست دى لانى عارفه ان واحده متنمصه مش هيجيلى منها الا كل ما هو خاطىء............ الحمد لله الذى هدانا
بالنسبه انها تقول ان النقاب عاده جاهليه قديمه وترجع تقول بس اللى تلبسه ده تأسى منها بزوجات الرسول ، يبقى الست دى بتقل ادبها على زوجات النبى صلى الله عليه وسلم وبتدعى انهن كن جاهلات وحاشاهن....... المفروض حاجه زى دى ما يتسكتش عليها
وبعدين الشيوخ بيتكلمو فى كل حاجه وأكبر دليل ان كلامها غلط ان فى قناة جديده هتتفتح بإذن الله اسمها قناه البركه وهى قناه اسلاميه اقتصاديه أظنها تابعه لقناة الناس والله اعلم ،، هما اغلب بتوع الازهر اللى ماسكين على الهايفه وبيعضو عليها بالنواجز
واللى بتقول انا حاسه انى فى النار اكيد اعمالها نص كم ، انا لما اكون بعمل اخطاء او مقصره فى الطاعه واسمع كلام يأنب ضميرى ونفسى اللوامه تشتغل بحس انى اكيد فى النار ولا ايه رايكم
وسبحان الله احنا عملنا ايه ادام نعم ربنا علينا عشان نبقى متاكدين اوى ان احنا فى الجنه ، اكيد اى حد مهمى عظمت حسناته بيحس انو مقصر لنعم ربنا عليه
الست دى ليها فتاوى كتير غلط هى باينها صلاحيتها انتهت ومخها فوت
وبعدين يابنات ليه نحط نفسنا فى الوضع ده ونفتح قناه زى قناه اجهل كما سماها الشيخ حسان او الرساله التى تمشى على نهجها
الا يكفيكن قناه الناس والحكمه والخليجيه والمجد والفجر والعفاسى والامه والبركه بإذن الله كلها قنوات دنيه فعلا بتودى للجنه
حسبنا الله ونعم الوكيل ربنا يا اما يهديها يا اما يأخذها
اختى امة الودود ربنا يبارك فيكى النك نيم بتاعك زى بتاعى بالظبط على منتدى فرسان السنه فكرتينى ادخل بس المنتدى يا جماعه بتاع فرسان السنه مش بيفتح معايا هو بقى ليه لنك تانى ؟؟؟؟؟؟؟؟؟؟؟؟؟ اللى يعرف يفيدنى يبقى جزاه الله خيرا
السلام عليكن ورحمه الله وبركاته
عاشقة الشهاده
22-05-2007, 02:32 PM
جزاكي الله خيرأ امة الودود ...ربنا يعزك ويحفظك
arch_shoshous
23-05-2007, 07:58 PM
بسم الله الرحمن الرحيم
السلام عليكم و رحمة الله و بركاته
مش عارفة ليه كل شئ حلو بيتحارب
أي فكر جديد بينهض باسلامنا بيتحارب
أي انسان محترم بيغير على بلده أو دينه و بيحاول يصلح فيها حسب قدرته او منصبه بردو بيتحارب أو بينحوا عن منصبه
حسبي الله و نعم الوكيل
مونمنة
23-05-2007, 08:21 PM
انا اسمعت فعلا بالحكاية دي وربنا ينصر قتاة الناس ان شاء الله اكيد اي شيء ناجح لازم ينتقض
والله بجد بجد ربنا يهديها وادعوالها بالهداية وان الله يردها للحق
عاشقة الشهاده
24-05-2007, 05:57 PM
جزاكم الله خير يا بنات على المشاركه ... وفعلا أهم حاجه الدعاء .... لا تنسوا سجده واحده بس في اليوم خصصوها للمسلمين.... وربنا يهدينا ويهدي بينا
بريق الليل 2
24-05-2007, 06:27 PM
السلام عليكم ورحمة الله
حبيبتى ماتزعليش نفسك .. اعداء الدين كتير .. وبصراحة انا شايفة ان الدكتورة سعاد صالح اذا كانوا الشيوخ التانين بيتكلموا على الحجاب والنقاب فهى بردوا مابتتكلمش الا ازاى تهدم الحجاب والنقاب ..
وفى الاخر حبيبتى احنا مش بادينا حاجة غير اننا مانسمعلهاش ونقول حسبى الله ونعم الوكيل فى اهداء الدين
[السلام] اختى عاشقة الشهادة انتى عندك حق ان انتى تزعلى جدا لانة حقا موضع النقاب امر هام ولكن تكلمت الدكتورة سعاد عن النقاب انة عادة جاهلية كلما ازداد اعداد الاخوات المنتقبات والكلام الى يغيظ امتر انا سمعتة منة عندما قال لة شخص على الهاتف الاحق ان نشماز منهم الجانب المتبرجات فى الاماكن السياحية فردت الدكتورة سعاد وقلت انا ايضا اشماز من شكل النقاب والمنتقبات مع انها راجعت اعتزرت عن هذا الكلام ولكنها فى الاصل قالتة ربنا يهدينا ويهدية و:87[[:
[السلام] اختى عاشقة الشهادة انتى عندك حق ان انتى تزعلى جدا لانة حقا موضع النقاب امر هام وكلما تكلمت الدكتورة سعاد عن النقاب انة عادة جاهلية كلما ازداد اعداد الاخوات المنتقبات والكلام الى يغيظ اكتر انا سمعتة منة عندما قال لة شخص على الهاتف الاحق ان نشماز منهم الجانب المتبرجات فى الاماكن السياحية فردت الدكتورة سعاد وقلت انا ايضا اشماز من شكل النقاب والمنتقبات مع انها راجعت اعتزرت عن هذا الكلام ولكنها فى الاصل قالتة ربنا يهدينا ويهدية و:87[[:
عاشقة الشهاده
29-05-2007, 10:56 PM
عليه الصلاة والسلام..... ربنا يجزيكي خير على المشاركه الطيبه دي..... وشكر الله لكي يا رحمه
vBulletin إصدار 3.7.2, كافة الحقوق محفوظة ©2000-2008, مؤسسة Jelsoft المحدودة.