كيف تكونى داعية لزوجك

[Muslima_Mwa7eda]

:LLL:
[السلام]
اخواتى الحبيبات انى والله احبكن فى الله
اخواتى الفضليات اعانكم الله على طاعتة وثبتكم ونفع بكم وجعلكم خير امه
حبيباتى فى مشكلة ممكن تقابل اى اخت التزمت جديد او وكانت متزوجة وزوجها مش ملتزم او حتى وهى بتدعوا اى حد
ازاى تدعية واية الخطوات الاساسية اللى المفروض تاخدها وتحط فى اعتبارها اية؟

حاجات كتير اوى ممكن تواجه اى اخت مننا

وخصوصا مع الزوج لان مافيش اى زوج بيتقبل نصيحة من زوجتة بسهولة حتى لو كانت صح
علشان كدة عايزة يكون الموضوع دة عن كيف تكونى داعية لزوجك وباى اسلوب وكل اخت عندها تجربة تحكيها
ونتناقش ونوصل لحل مشكلة بجد غير سهلة
انا مستنية ردودكم علية ماتتاخروش علية
اعانكم الله وثبتكم
[السلام]

[Muslima_Mwa7eda]

اية يا جماعه انتم فين ماحدش رد علية لية

[عاشقة الشهاده]

رن تو الله موضوع هااااام جدا بس للمتزوجات فقط.... انا لسه متجوزتش للأسف.... لكن هحاول أجبلك تجارب من العائله باذن الله حتى يستفيدوا المتزوجات......... شكر الله لكي

[dr_ameera]

اول شيء واهم شيء ..............الدعاء الحار له والضراعة الى الله ان يهديه

وتاني شيء...................... الحب والعاطفه الصادقه له والاخلاص له

ثالث واهم شيء................... الكلمه الطيبه الحنونه الطيفه الرقيقه له على الدوام

والكلمه بتعمل عمل السحر

وجزاكي الله خيرا

الموضوع مهم جدا

[dr_ameera]

اول شيء واهم شيء ..............الدعاء الحار له والضراعة الى الله ان يهديه

وتاني شيء...................... الحب والعاطفه الصادقه له والاخلاص له

ثالث واهم شيء................... الكلمه الطيبه الحنونه الطيفه الرقيقه له على الدوام

والكلمه بتعمل عمل السحر

وجزاكي الله خيرا

الموضوع مهم جدا

[dr_karmen]

السلام عليكم ورحمة الله وبركاته
حبيبتى رن معلش
نظرا لأعطال النت شبه المستمرة عندى
دخلت متأخرة
أوافق رأى د- أميرة على قولها
بإنه بالدعاء أول حاجة
وثانيا الخطوات اللى ذكرتها اختنا د- اميرة الكلمة الطيبة والحب يقربانه منك
وقد يكون سببا رئيسيا فى الإستماع لكى
لأن الكلام من شخص يحبه هيعتقد أنه مصلحته فيه

كان فى مرة شيخ بيقول والله العظيم ما أقدر أسمع كلام زوجتى ليا فى أى شئ حتى ولو كانت الصح
لأن طبيعة الرجل الشرقى مبيقبلش من زوجته النصيحة

عشان كدة أحلى طريقة ((الضرب من تحت الحزام)) بس لابد أن تكون الزوجة عايشة مع زوجها مش هو فى بلد وهى فى بلد أو تكون لسة فى مراحل العقد وقبل البناء
أشرحها:
الحوار العائم المفتوح
بمعنى

انها تمثل فى يوم دور المكتئبة واللى شايلة الهم:cry:
و تتحدث معه عن سماعها لحكم حاجة معينة
وانها حزينة انها تغضب ربنا بيها:(يبكى) : :(يبكى) :
ونيتها انها تبطلها وانها محتاجة معونته فى ذلك
لأن بدون معونته متعرفش تعمل حاجة
ولازم تساعدنى فى إنى (( مثلا أبطل مشاهدة الأفلام وأغض بصرى وأوفر وقتى لطاعات أكتر))
فى المرحلة ديه هيكون بيحس انها ضعيفة وبتستعين بيه وهو الرجل القوى
فهتكون بتبنى رجولته مش بتهدها وطبعا ده سيروق له أكتر
وهيبدأ يحس بأنها محتاجة له وانه هو اللى بيضبطها مش العكس
وان شاء الله بيبدأ يساعدها

وتحاول بقدر استطاعتها فى الوقت ده مثلا تشغل وقته وتفكيره بحاجات تانية
متمنحش ليه وقت يتفرج على التلفاز تانى
ومفيش مانع
لو شكرته
انه ساعدها تبطل تلفاز مثلا اسبوع وكلام من النوع ده مثلا(( لولا ان ربنا أنعم عليا بزوج صالح مثلك مكنتش هقدر أعمل ده لوحدى))


ممكن برده طريقة تانية
تجيب كتاب فيه الحكم اللى هى عايزة توصله له
وتبدأ تقرا فيه
وتستعين بيه على فهمه:(يقرأ):
لأنها مش فاهمة
يعنى يقرأ ويشرحلها الحتة اللى فيها الحكم اللى هى مش فهماها((مش الكتاب كله بس الحتة المفيدة اللى فيها البهاريز))
وياريت تعمل عبيطة انها متعرفش الحكم ده مسبقا
وتحس بالحزن لعملها للذنب ده
وبرده تستعين بيه فى انها تبطله وكدة



فى طريقة أخت فى الله جربتها مع زوجها
وهى المذكرات الخاصة بيها

وديه بانها تبدأ تحسسه انه فى درج ميفتحهوش مثلا عشان فيه حاجاتها الخاصة
وده هيثير فضوله
وياحبذا لو تعملى انك اتلخبطتى وهو شافك وانتى ماسكة ورق وبتدسيه فى داخل الدرج وتحاولى تدارى طبعا بقدر المستطاع
وياريت لو تنسى الدرج مفتوح
وانتى كاتبة مذكراتك فيها
اكتبى احداث مميزة اوى فى حياتكم سوا
وعن مدى حبك له
واهتمامه بكى
والحاجات ديه


وبعدين اكتبى
ياريت حبنا يكتمل وندخل الجنة سوا
ياريته ياخد بايدك للجنة
ويحاول يخليكى تبطلى كذا وكذا ويساعدك على انك تصحى تصلى قيام الليل وياريته يكون الإمام
وحاجات من ديه
((ركزى برده على انه هو اللى يساعدك مش العكس عشان يحس برجولته وقوته فينفذ ان شاء الله))
وفى الآخر اكتبى دعاء له
انه ربنا يبارك لك فيه ويخليه ليكى
ويجمعكم سويا فى الجنة
لأنه هيكون من أحلى نعيم الجنة أنه الزوج ده يكون معاكى


عارفة انه مش أحلى نعيم الجنة
بس لازم توصل رسالة من حبك الشديد له



وتقول صاحبتى انه بدأ يضبط منبه الموبايل على قبل الفجر بنصف ساعة
ويصحيها
فى الأول بيقول ياه ((باين ضبطته غلط))
ويقولها ما تيجى نصلى ركعتين ولا حاجة ما دام احنا صحينا وخلاص


ربنا يقوى ايمانه ويثبته
ماشاء الله ولا قوة الا بالله اصبح ملتزم جدا
وبدأ بنفسه يبحث عن الطريق للجنة
اللهم أهدى ازواجنا وشبابنا وأصلحهم لنا يارب العالمين

معلش طولت عليكن
بس ماصدقت ان فى نت:(ضحك):

[dr_karmen]

يا بنات فى حاجة مهمة فى الطريقة ديه
انه ميكونش عارف رأيك مسبقا فى الحكم الشرعى اللى انتى بتناقشيه فيه
والا يبقى الفيلم اللى عملناه ملهوش لازمة
لازم تكون حاجة جديدة
مكلمتوش بعض فيها قبل كدة
والله المستعان

[غفرانك ربي]

ماشاء الله جميله اوي النصائح دي ياdr_karmen

ان شاء الله تتنفذ بس لما ييجي العريس:(ضحك):

[dr_karmen]

اللهم آآمين
بس يارب يجى ملتزم جاهز
وميكونش محتاج لخطط للايقاع به فى طريق الالتزام

[mero]

ههههههههههههههههههههه

عندك حق يا د. كارمن ، هو ملتزم جاهز احسن
وبصراحه كلامك صح ان الرجل الشرقى دماغه ناشفه واللى فى دماغه فى دماغه وازاى واحدة تغيره حتى لو كان عارف وعلى يقين انك صح مليون فى الميه ، بس الست الذكية اللى تخلى زوجها يبقى عايز اللى هى عايزاه ويحس انو بيعمل بمزاجه وكأنه ده رايه ودى افكاره

ربنا يجعانا من الزوجات الذكيات

[عاشقة الشهاده]

الدكتوره أميره والدكتوره كارمن كلامهم زي العسل .... ربنا يبارك فيهم ويارب الي يجيلي يجي ملتزم جاهز زي ا قالت دكتوره كارمن ..... شكر الله لكما. ...... .بحبكم في الله.

[Muslima_Mwa7eda]

السلام عليكم ورحمة الله وبركاتة
انا عارفه انى اتاخرت فى الرد عليكم لكن انا مابدخاش النت من يوم الاربع لحد يوم الاحد
بس انا فرحانة اوى بكلامكم دة وخصوصا نصائح كارمن واميرة وفعلا يارب يكون الزوج ملتزم ويارب كل الاخوات اللى لسة ماتزوجوش يرزقهم الزوج الصالح الملتزم ويعين كل اخت زوجها مش ملتزم
ويايرت نكمل الموضوع لانه فعل مهم اوى
وجزاكن الله خيرا وانا مستنية تجاربكم

[قلب ينبض]

جزاكن الله خيرا موضوع مفيد فعلا برك الله فيكن

[Muslima_Mwa7eda]

وجزاكى مثله حبيبتى الغالية واعانك على طاعته وثبتك

[~ الجهاد ~]

جزاكِ الله خيرا يا غالية على الطرح الطيب


لي عودة إن شاء الله . . لعل الله يلهمني طرق


.

.

شروق الإسلام . . هل أنتِ مشتركة بأنا مسملة ؟؟

[ضحى]

السلام عليكم ورحمة الله وبركاته
اخت جديدة تريد ان تناقش معكم هدا الموضوع بالنسبة لي انا متزوجة مند 4 اشهر تقريبا وزوجي ملتزم بفضل الله لكن عندما اريد ان انصحه بحاجة اتودد اليه وابين له صفاته الجميلة تم انصحه بطريقة غير مباشرة وبالفعل اليوم التالي القاه بدا يعمل بالنصيحة ربنا يخليه لي

[نَو نَو]

موضوع مهم جداً جزاك الله خيراً شروق

وأشكر أخواتي د. أميرة ود.كارمن على النصائح الغالية وأسأل الله أن يعنني عاى تنفذها


عجبتني أوي حكاية المذكرات وطبعاً الدعاء أولاً زي ما قالت د. أميرة

وجزاكم الله خيراًَ