عايز تحل مشاكلك ؟؟؟؟؟؟؟؟؟؟؟؟؟؟

[يمامة المسجد]

:LLL:



عايز تحل مشاكلك ؟


يا ترى ايه هي المشاكل اللي بتعاني منها ؟؟
فكر مع نفسك كده و اكتب كل المشكل اللي انت حاسس انها بتعيق سعادتك و تقدمك ..
- الناس مش فاهماك ؟
- الظروف حواليك صعبة ؟
- المدير في الشغل مضايقك ؟
اكتب مشاكلك بسرعة في ورقة قبل ما تقرا الموضوع و هانرجعلها بعدين..

* * *
* *
*

كتبت؟؟ جميل .. تعالى بقى نعرف ايه الحكاية..
عشان تحل جميع مشاكلك لازم أولا تفكر بأسلوب صح..لأن الباحثين اكتشفوا ان الفرق الحقيقي بين الناجحين والفاشلين هو نمط تفكيرهم..
فيه نمطين من التفكير هم اللي بيحددوا ما ذا كنت انسان ناجح و لا فاشل .. و النمطين دول يمكن تغييرهم بإرادتك..

نمط الفاشلين في التفكير:
الفاشلين دايما بيميلوا انهم يهربوا من مواجهة مشاكلهم بحيلة ظريفة قوي.. و هي حيلة : (أنا ضحية الظروف و لا يد لي في حل مشاكلي !)
تلاقي الواحد من دول قاعد يلوم كل اللي حواليه.. أبوه لأنه كان بيعاقبه- الفرص لأنها غير متاحة – زوجته لأنها مش فاهماه - مديرة لأنه مش بيقدره - الجو لأنه مش مناسب !!
تلاقيهم فنانين في تأليف أسباب فشلهم و يبتدوا يدوروا على شماعات يعلقوا عليها فشلهم.. أي شماعات و خلاص .. أي شيء يلوموه إلا هم أنفسهم !
تلاقيه قاعد يلوم كل حاجه حواليه و يعتبرها سبب فشله و تعاسته.. و يعتبر نفسه ضحية وسط ظروف صعبة لا يد له فيها..
لو لقيت المشاكل اللي انت كتبتها انت دايما فيها الضحية .. فأنت في مشكلة و يجب أن تغير نمط تفكيرك !

نمط الناجحين في التفكير:
الناجحين دايما بيفكروا بأسلوب مختلف عن كده ..
يقول ريتشارد باندلر: ( أنا مسئول عن عقلي , إذن أنا مسئول عن نتائج أفعالي..)
طريقة التفكير دي هي : أنا مسئول عن حياتي مش أي حد تاني ..
بدل ما يقول : مشكلتي هي ان الناس مش فاهميني..
يقول : مشكلتي هي إني مش قادر أخلي الناس تفهمني !
فاهم الفرق ؟
بدل ما يقول : مشكلتي هي ان المدير مش بيقدرني .
يقول : مشكلتي هي اني مش عارف أقنع المدير بقدراتي !
المشكلة حلها عندك انت مش عند الناس !
بدل ما تقول: مشكلتي ان الظروف صعبة.
قول: مشكلتي هي اني مش عارف أقهر الظروف !
عشان تنجح لازم تؤمن تماما ان لك سيطرة تامة على حياتك و انك مش ضحية ظروف و لا حاجه ..لو فيه مشكلة يبقى انت السبب فيها و انت اللي في ايدك حلها .. لوم نفسك انت مش تشوف شماعة تعلق عليها مشاكلك..
انت في ايدك تغير اي حاجه حواليك و اي مشكلة انت بنفسك ممكن تتولى حلها .. هي دي مهمتك طوال حياتك.. الناجحين بيفكروا بالأسلوب ده.
لو فكرت بأسلوب الضحية , هاتبقى فاشل و مش هاتغير حاجة لأنك – ببساطة – أقنعت نفسك ان قوى خارجية هي اللي بتتحكم فيك و تفضل تستحمل اللي بيجرالك و خلاص .. انما لو آمنت ان اي مشكلة بتحصل, حلها في ايدك انت مش في ايد اي حد تاني , هاتتحرك و تحلها و تبطل تلوم الظروف اللي حواليك.. لو لقيت نفسك بتلعب دور الضحية .. و لقيت نفسك قاعد تلوم شخص ما أو ظروف معينة.. اعرف ان آن الأوان تير طريقتك لأنها مش هتاخدك للاتجاه الصحيح..
انت مسئول عن حياتك و أي تغيير انت عايزه هاتحققه نفسك, مش بلوم الظروف و الأشخاص..
هي دي بداية تحقيق التغيير الايجابي اللي بتتمناه لحياتك..

بقلم د/ شريف عرفة


http://upload.arb7.com/uploads/834a08393b.gif (http://upload.arb7.com)

[SlaveOfAllah]

:LLL:
عندما قرأت عنوان موضوعك :
تذكرت قول النبى للصحابى فى المسجد (سبقك بها عكاشه).
هذه الفكرة تدور فى بالى منذ أيام وأرى ان السبيل للدخول على قلوب الناس هو ما يشغل عقولهم وتفكيرهم ألا وهى....
المشــــــــــــــاكل
أفكر فى ان يكون هنالك قسم خاص للمشاكل .كل أنواع المشاكل التى تواجهنا كشباب أو كشابات
أشياء تقف فى طريقنا وعقبات تحجز احلامنا من التحقق ولكن ....
هذه المرة ليست ككل مرة او مثل أى برنامج تلفزيونى تقدمه شخصيات لا علاقة لها بالواقع أو ليس فى قلوبهم هم على الدين ولا الامه

هذه المرة سيكون الحل من منظور دينى واجتماعى واخلاقى وعلمى وفكرى(وضع خطوط عريضه تحت دينى) .وانا متفائل بالنسبة لهذا القسم لان الردود ستكون من شباب مقارب فى السن والمشاكل وربما مر بهذه المشاكل قريبا ويعرض علينا تجربته ليستفاد منها الجميع

وربما تكون باب خير فى ادخال السرور على المسلمين عسى الله ان يفرحنا فى الدنيا والاخرة

انا متوقع ان يكون هذا القسم ذا ترحاب شديد وستكون اول المشاكل فيه بالنسبه للشباب طبعا الحصول على وظيفه وزوجه صالحه وبالنسبه للفتيات طبعا الزوج الصالح (طبعا سأكون أول المتقدمين من الشباب :eek: )
أسأل الله ان يزوج شباب المسلميين وفتياتهم وان يغنيهم بحلاله عن حرامه وان يعزهم وان يقيم الاسلام حقا فى بيوتهم وان ينصر شريعته بهم وبأبنائهم هو ولى ذلك والقادر عليه

لاتنسوا اعطاء رأيكم :!:
ولا تنسونا بدعاء فى ساعة ليل مبـــــاركة ودمعة على الملك العزيز الغفار غـــاليه
:87[[:

[mero]

جزاكى الله خيرا اختى يمامه المسجد

جزاك الله خيرا اخى سلفى ، فكره قسم للمشاكل دى فكره ممنتازه و على فكره اداره المنتدى ماينفعش تفتح اقسام جديده الا لما المنتدى يتجدد وكله باذن الله قريبا

[يمامة المسجد]

:LLL:



الفكرة دي عجبتني وأنا كنت بفكر أعمل مقال عن مشاكلنا وخاصة الدعويه منها, والثغرات القلبية وممكن نسميه فضفضة...........

أما بالنسبة لمجالات التنمية البشرية ,بلاحظ إن المجال ده قليل جدا إلي بيستخدمه في الدين وبالعكس يمكن يستخدمه أعداء الدين ضده

فأنا بقترح لو حد دارس تنمية بشرية ياريت يعلمنا كل7 يوم درس ونحاول نربط ده بالدين.........

http://upload.arb7.com/uploads/4ed94907f8.gif (http://upload.arb7.com)

[mero]

بفضل الله انا عندى دروس تنميه بشريه على الجهاز بس مش عارفه احطها ازاى على الجهاز بس انا حاليا بدور على دروس على النت ، المشكله انها كلها بفلوس وفيزا بقى وكده بر ربنا ييسر واعف الاقى ، الله المستعان

[ابوحنين]

انا اؤمن بأن الانسان يملك بداخله كل ما يحتاجه لكي ينتج ويبدع ويتطور.....فلا داعي لعمل الشماعات

وهناك طرق معينه علي النجاح كان تكتب في ورقه نقاط قوتك وورقه اخري نقاط ضعفك...وكل واحد مننا يعلم تلك النقاط جيدا...ثم كيف تستفيد من نقاط قوتك وتتخلص من نقاط ضعفك بشكل عملي وبخطه زمنيه...

---لا تترك نفسك تمشي عشوائيا وانما وفقا لخطه للبلوغ لهدف كبير مع وضع مراحل مؤقته حتي الوصول الي الهدف الكبير.....وهكذا فالمهم هو التفكير بشكل ايجابي والنظر الي نصف الكوب الممتلئ بدلا من الفارغ...وقبل كل هذا الاعتماد علي الله عز وجل-الوكيل-والتفائل قال رسول الله "تفائلو بالخير تجدوه" صدق رسول الله
والله المستعان

[SlaveOfAllah]

:LLL:
السلام عليكم
كيف حالك اخى ابو حنين .انا لم افهم المقصود من كلامك .
هل انت معترض على الفكرة ام ماذا ؟ واذا كنت معترض لان كل شخص يملك بداخله القوى الكافيه لمثل هذا ؟
فانك فعلا محق فى ان هذه القوى موجوده ولكن لماذا اضاعة الوقت فى التجارب ومحاولة الوصول الى نتيجه مع العلم بان هنالك من قام بنفس التجربه والنتيجه واضحه

مثلها مثل الملتزم الجديد يريد ان يجرب كل شئ بنفسه مع العلم ان زميل له يقول (يابنى الطريق ده مقفول ولازم تعمل كذا الاول )ومع ذلك يحاول ويكابر (انها النفس البشريه )

فنحن هنا نريد فى هذا القسم الاستفاده من تجارب الاخرين وبالعكس هذا سينمى نقاط القوى عندك وسيزيدها

مع العلم انا اتكلم هذا الكلام بناء على تجربه شخصيه. اناعملت لسنتين كمندوب ودرست الكثير فى مجال التعامل مع الافراد ومجال التسويق .لاتتصور اخى كم الذهول الذى كان ينتابنى وانا اقرأ فى الكتب الاجنبيه لعلماء كفار عن كيفية التعامل مع الافراد ومحاولة اقناعهم بفكرة .والله ثم والله كلها تتلخص فى كلمتين (اخلاق الاسلام ).كل واجدت هو تطبيق عملى لاخلاق النبى :87[[: وتعاملاته مع البشر ومع التجار

فيا اخى والله من الممكن توظيف اى شئ حسبما تريد ولكن اين الرجال ؟
ارجوا الا اكون ضايقتك او اكون اسأت الفهم وأسأل الله ان يؤلف بين قلوبنا وان يرزقنا الحكمة والبصيرة
:87[[:

[ابوحنين]

بارك الله فيك يا اخي slave of allah....

ولكنك بالفعل لم تفهم قصدي من الكلام فانا من عشاق التنميه البشريه...ومن المستمعين للدكتور طارق سويدان والدكتور ابراهيم الفقي....ومن المؤمنين بأن تجارب الاخرين تصقل الفرد بل ربما انها تضيف عمرا الي عمرك!!!!

فبقراءتك لترجمه فرد من الافراد او سماعك شخص من الاشخاص يحكي عن مشاكله ربما تكون اخذت هذا الوقت من عمره واخذت المعلومه والخبره الحياته الخاصه به دون عناء....

انما كنت احاول من الكلام ان اختصر بعض المفاهيم الاساسيه في علم التنميه البشريه ولكنك لم تلمح ما أريد قوله...

الخلاصه.... انا مع هذا الباب وان شاء الله اكون من كبار المساهمين فيه ..

وشكرا علي الاهتمام أخي slave of allah...

جزاك الله خيرا

http://upload.arb7.com/uploads/74fed7c272.jpg (http://upload.arb7.com)

[يمامة المسجد]

:LLL:

يا جماعة أي علم ممكن نستخدمه لنصرة الدين.........ده الهدف بتاعنا وياريت ماننسهووووووووووووش



ونختلف والي هييستفاد من ده هما أعداء الإسلام




http://upload.arb7.com/uploads/f30afa1713.jpg (http://upload.arb7.com)

[SlaveOfAllah]

:LLL:
السلام عليكم ومين قال ان فيه اختلاف بينا ده بس كان سوء فهم منى ونزغ من الشيطان
:87[[:

[mero]

جزاك الله خيرا اخ ابو حنين على المقدمه اللى قلتها فعلا كنا محتاجين ليها تمهيدا للموضوع

الله الوكيل