dr_karmen
22-08-2007, 08:51 AM
[السلام]
الحمد لله وكفي وصلاة وسلاما على عباده الذين اصطفى ثم أما بعد:
ادخل الموضوع علطول
بصراحة كدة ياجماعة
انا عايزة منكم فلوس سلف
وإن شاء الله هتأخذوها
بس فى الجنة
ومش هتأخدوها فلوس كدة
لأ
هتأخذوها رضا الرحمن
هتأخذوها رياض وأنهار جنان وجنان
أليس هو من قال عز وجل:
{مَّن ذَا الَّذِي يُقْرِضُ اللّهَ قَرْضاً حَسَناً فَيُضَاعِفَهُ لَهُ أَضْعَافاً كَثِيرَةً وَاللّهُ يَقْبِضُ وَيَبْسُطُ وَإِلَيْهِ تُرْجَعُونَ }البقرة245
{مَن ذَا الَّذِي يُقْرِضُ اللَّهَ قَرْضاً حَسَناً فَيُضَاعِفَهُ لَهُ وَلَهُ أَجْرٌ كَرِيمٌ }الحديد11
بصراحة بقى
مش هخبى عليكم
الفلوس ديه مش ليا
ديه ليكم
آه والله العظيم ليكم
انتوا اللى هتأخذوا أجرها
مش انتوا اللى هتنفقوها فى سبيل الله؟؟
طيب نوضح بقى
احنا عاوزين ياجماعة نهتم شوية بالفقراء والأيتام:
أولا : الأجر العظيم لو كتبت فيه صفحتين مش هيكفوا لكن هخليهم فى رد منفصل عشان مطولش عليكم
ثانيا : المطلوب مننا عمله:
*-* احنا داخلين خلاص على الدراسة أكيد الفقراء ولو كمان فقير ويتيم يبقى ربنا يكرمكم فيه عايزين نساعد فى ده
احتسب نوايا كتيرة اوى انت بتعملها :
1- الأجر والثواب ورضا الله عليك
2- انه هيحبك وهيدعيلك الفقير ده
3- انه هيأخذ فكرة حلوة عن الملتزمين
4- انك تربى جوة أطفاله حب الله وحب عباد الله
5- انك تحتسب أجر تعليمه واخراج شاب مسلم نافع لدينه بعلمه وعمله
6- فك كربة مسلم لأنه أكيد فى ضيق مادى لكثرة المستلزمات عليه
وغير ديه نوايا كثيرة
نعمل ايه؟؟
- ندفع مصاريف الاولاد فى المدرسة
- نجيب دستين اقلام على دستين كشاكيل على علبتين الوان على مقلمة وشنطة وووو
- نجيب زى مدارس
- ندفع مقدم الدروس الخصوصية لأنها ممكن تكون عائق يمنع الأهل أن يجعلوا اولادهم يأخذوا دروس
- أو اى شئ آخر هو فى احتياج ليه
*-* حاجة مهمة للأولاد قبل ما الأجازة تخلص وخصوصا الأيتام أو الأطفال الصغيرة اكيد قدراتهم المادية مش بتسمح لهم بالنزهة أو الترفيه المباح حتى:1- ادخال السرور على قلب مسلم
2- ترفيه مباح لك وله
طيب نعمل إيه؟؟
- 3 او 4 ساعات من وقتك كدة تاخذ الأطفال انت واسرتك او انت واخوانك فى الله وباذن اهلهم وممكن تاخذ اهلهم كمان وتطلعوا على اقرب حديقة ويكون معاك اشخاص بعدد الاطفال وكل واحد يتولى مسؤليته من طفل
- تجيبوا لهم حلويات او العاب او تكون مجهز سندوتشات وزجاجة مية من بيتك قبل ما تروح
- تخده وتمرجحه وتفسحه شوية بعربيتك لو عندك عربية وتجيب له قصص اطفال او كتاب تلوين او لعبة بسيطة
والله اليوم ده ما هيتمسح من ذاكرته ابدا وصورتك هتفضل فى باله علطول
- بوم زى ده ممكن يكلف من 20 الى 30 على حسب اعداد الاطفال الموجودة
- طبعا تحاول تحفظه سورة صغيرة تعرفه اهمية الدين ويكون زرع فى الطقل الخير وكمان الاجر والثواب
*-* طبعا رمضان على اعتاب الشهر ولو عرفنا نعمل حاجة بسيطة ((شنطة رمضانية)) ويبقى فيها من الأجر والثواب الكثير:1- افطار صائم
2- اطعام مسكين او فقير
3- فك كربة على مسلم
ونوايا أخرى كثيرة
طيب نعمل ايه؟؟
- شنطة تستأذن والدتك أو والدك فى البيت وتحط فيها كيس سكر كيلو أرز سمنة او اى شئ اخر
- ممكن تجيب علبة تمر
- لو ربنا يسر لك جيب سمنة وزيت وسكر ووووو....
- لما رمضان يجى ان شاء الله مفيش مانع أبدا تأخذ صنية كنافة جاهزة أو منزلية وتزوره بيها هتدخل بيها السرور على نفسه وعلى نفس اولاده يمكن جالهم زيت وسكر كتير لكن نادرا ما تجد جالهم كنافة او حلويات تفرحهم
- ربنا ييسر لك ب10 جنيه تعرف تظبط حاجات بسيطة والله واجرها ان شاء الله عند الحي القيوم
طبعا مفيهاش حاجة أبدا اننا نعرض الفكرة على الآخرين
يمكن احنا مش معانا او معندناش وقت
نعرف غيرنا
وانا واثقة باذن الله فيكم يا اخوانى انكم :
هـــــتـــــســـــلـــــفـــــونــــــــــــــــــ ــــــــــــــي
جزاكم الله خيرا وبارك الله فيكم
سبحانك اللهم وبحمدك أشهد أن لا اله الا أنت أستغفرك وأتوب إليك
الحمد لله وكفي وصلاة وسلاما على عباده الذين اصطفى ثم أما بعد:
ادخل الموضوع علطول
بصراحة كدة ياجماعة
انا عايزة منكم فلوس سلف
وإن شاء الله هتأخذوها
بس فى الجنة
ومش هتأخدوها فلوس كدة
لأ
هتأخذوها رضا الرحمن
هتأخذوها رياض وأنهار جنان وجنان
أليس هو من قال عز وجل:
{مَّن ذَا الَّذِي يُقْرِضُ اللّهَ قَرْضاً حَسَناً فَيُضَاعِفَهُ لَهُ أَضْعَافاً كَثِيرَةً وَاللّهُ يَقْبِضُ وَيَبْسُطُ وَإِلَيْهِ تُرْجَعُونَ }البقرة245
{مَن ذَا الَّذِي يُقْرِضُ اللَّهَ قَرْضاً حَسَناً فَيُضَاعِفَهُ لَهُ وَلَهُ أَجْرٌ كَرِيمٌ }الحديد11
بصراحة بقى
مش هخبى عليكم
الفلوس ديه مش ليا
ديه ليكم
آه والله العظيم ليكم
انتوا اللى هتأخذوا أجرها
مش انتوا اللى هتنفقوها فى سبيل الله؟؟
طيب نوضح بقى
احنا عاوزين ياجماعة نهتم شوية بالفقراء والأيتام:
أولا : الأجر العظيم لو كتبت فيه صفحتين مش هيكفوا لكن هخليهم فى رد منفصل عشان مطولش عليكم
ثانيا : المطلوب مننا عمله:
*-* احنا داخلين خلاص على الدراسة أكيد الفقراء ولو كمان فقير ويتيم يبقى ربنا يكرمكم فيه عايزين نساعد فى ده
احتسب نوايا كتيرة اوى انت بتعملها :
1- الأجر والثواب ورضا الله عليك
2- انه هيحبك وهيدعيلك الفقير ده
3- انه هيأخذ فكرة حلوة عن الملتزمين
4- انك تربى جوة أطفاله حب الله وحب عباد الله
5- انك تحتسب أجر تعليمه واخراج شاب مسلم نافع لدينه بعلمه وعمله
6- فك كربة مسلم لأنه أكيد فى ضيق مادى لكثرة المستلزمات عليه
وغير ديه نوايا كثيرة
نعمل ايه؟؟
- ندفع مصاريف الاولاد فى المدرسة
- نجيب دستين اقلام على دستين كشاكيل على علبتين الوان على مقلمة وشنطة وووو
- نجيب زى مدارس
- ندفع مقدم الدروس الخصوصية لأنها ممكن تكون عائق يمنع الأهل أن يجعلوا اولادهم يأخذوا دروس
- أو اى شئ آخر هو فى احتياج ليه
*-* حاجة مهمة للأولاد قبل ما الأجازة تخلص وخصوصا الأيتام أو الأطفال الصغيرة اكيد قدراتهم المادية مش بتسمح لهم بالنزهة أو الترفيه المباح حتى:1- ادخال السرور على قلب مسلم
2- ترفيه مباح لك وله
طيب نعمل إيه؟؟
- 3 او 4 ساعات من وقتك كدة تاخذ الأطفال انت واسرتك او انت واخوانك فى الله وباذن اهلهم وممكن تاخذ اهلهم كمان وتطلعوا على اقرب حديقة ويكون معاك اشخاص بعدد الاطفال وكل واحد يتولى مسؤليته من طفل
- تجيبوا لهم حلويات او العاب او تكون مجهز سندوتشات وزجاجة مية من بيتك قبل ما تروح
- تخده وتمرجحه وتفسحه شوية بعربيتك لو عندك عربية وتجيب له قصص اطفال او كتاب تلوين او لعبة بسيطة
والله اليوم ده ما هيتمسح من ذاكرته ابدا وصورتك هتفضل فى باله علطول
- بوم زى ده ممكن يكلف من 20 الى 30 على حسب اعداد الاطفال الموجودة
- طبعا تحاول تحفظه سورة صغيرة تعرفه اهمية الدين ويكون زرع فى الطقل الخير وكمان الاجر والثواب
*-* طبعا رمضان على اعتاب الشهر ولو عرفنا نعمل حاجة بسيطة ((شنطة رمضانية)) ويبقى فيها من الأجر والثواب الكثير:1- افطار صائم
2- اطعام مسكين او فقير
3- فك كربة على مسلم
ونوايا أخرى كثيرة
طيب نعمل ايه؟؟
- شنطة تستأذن والدتك أو والدك فى البيت وتحط فيها كيس سكر كيلو أرز سمنة او اى شئ اخر
- ممكن تجيب علبة تمر
- لو ربنا يسر لك جيب سمنة وزيت وسكر ووووو....
- لما رمضان يجى ان شاء الله مفيش مانع أبدا تأخذ صنية كنافة جاهزة أو منزلية وتزوره بيها هتدخل بيها السرور على نفسه وعلى نفس اولاده يمكن جالهم زيت وسكر كتير لكن نادرا ما تجد جالهم كنافة او حلويات تفرحهم
- ربنا ييسر لك ب10 جنيه تعرف تظبط حاجات بسيطة والله واجرها ان شاء الله عند الحي القيوم
طبعا مفيهاش حاجة أبدا اننا نعرض الفكرة على الآخرين
يمكن احنا مش معانا او معندناش وقت
نعرف غيرنا
وانا واثقة باذن الله فيكم يا اخوانى انكم :
هـــــتـــــســـــلـــــفـــــونــــــــــــــــــ ــــــــــــــي
جزاكم الله خيرا وبارك الله فيكم
سبحانك اللهم وبحمدك أشهد أن لا اله الا أنت أستغفرك وأتوب إليك