قالت وهي تبكي ...فبكيت(قصة واقعية حدثت لى شخصيا والله)

[aya]

قصة واقعية حدثت لى شخصيا اليوم
قالت وهي تبكي....فبكيت..
إنه اليوم وفي الساعة الرابعة مساءاً جاءني إتصال هاتفي وعلى غير عادة المتحدث هو والدة صديقة حميمة لى وهي ما شاء الله عليها يضرب بيها المثل هنا في محافظتي كلها دائماً لها ترتيب من المتفوقين وهي الآن في كلية الطب ونجحت بتقدير عالى ربنا يكرمها
فتعجبت لماذا تتصل بي؟!!
سلمت عليها وهذا هو الحوار الذي دار بيننا:
عملتي ايه في النتيجة يا حبيبتي
جبت تقدير...الحمد لله يا طنت
الحمد لله ألف ألف مبروك
الله يبارك في حضرتك
إنتي ليه ماعديش بتتصلي ب(س)بنتي ذي الأول؟
والله ياطنت مشاغل في ظروف اليومين دول عندي وكمان النهاردة كنا بنمسح الشقة وكمان بنطبخ يعني عيـــــــــشة..
يعني إنت بتساعدي مامتك؟!
آه الحمد لله.
طيب...ثم قالت لي (س) مزعلاني جداً والله يا آية مش عارفة أعمل ايه!! وتقطع صوتها من البكاااء تقطيعنا وكانت تمزق قلبي مع كل آهه منها والله!!
يا طنت اهدي الله يكرمك وقولي لي في إيه؟!!
(س) تعباني جدا معاملتها تغيرت جدا من ناحيتي كل تعاملها معى بقة زي الزفت وكله بجاحة وقله ذوق
((واسمع هداك الله شكوى الأم الحنون من ابنتها صديقتي هداها الله يا رب))
إنني لا أطلب منها شيئاً إطلاقا والله لهذا السبب ومرة كنت راجعة من الشغل بقولها ناوليني كوباية ميه يا(س) الله يخليكي..
بس مين دي بتابع التليفزيون هي فاضية...للأسف هذا حال الكثير!!
تفتكروا عملت إيه...!!
قامت مضطرة وطهقانة خدي!! اهيه
بالراحة يا (س) انتي مش عارفة إن عقوق الوالدين ربنا هيحاسبك عليها وممكن تتعذبي بيها في القبر؟
قبر قبر إيه!! قبر يلمك إنت واللى زيك؟!!
فشكوت لوالدها اللى بيشجعها على كدة فلم يبالى وقال لا تطلبي منها شئ!!!
ثم في مرة كنت زهقانة اوى يا آية فقلت لها طيب لما انت كده وده حالك معايا بتاكلى من الأكل اللى انا بعمله ليه؟!!
لا مش انت اللى جايباه ده بابا هو اللى جايبه.....بكل وقاحة!!
طيب خلاص طلعي انت الرز من الشيكارة والسمك من التلاجة وكليهم كده ما دام انا ماليش لازمة..!!
لا لا ما إنت أصلا بابا جايبك هنا علشان تخدمينا!!................يالا الوقاحة!!
يا الله وصوت الأم يتحشرج من البكاء وأنا اتقطع تقطيعا
فقالت لى الأم وهي تتوسل على غير عادة منها فكل ما أعرفه عن طنت إنها شديدة مع (س) ولما حد يتصل وهي بتذاكر تعتذر وتقول هي قفلت الباب عليها الآن فقولى لى انت عاوزة ايه وانا اقولها واوصلك الاجابه!!!
فقالت لي اتصلي بيها وقوليلها اهنا وحشتك وكلام من ده ! وكلميها هي ليه بتعاملنى كدة انا عملت لها ايه لكل ده؟!!
أنا مش عارفة اعمل معاها ايه!! كلميها فعساها تستجيب...

يا الله قفلت معاها وانا اكتم البكااء كتماً الغدا ادامي ومش عارفة آكل..!
اتصدمت في صديقة كنت بحبها واحسبها من المتفوقين المتميزين!!وعلى موعد معها غدا..إن شاء الله والمشكلة انني اصلا مش أهل للنصيحة في هذا الأمر والله ولا في غيره بس ربنا يهديها ادعولها...دي زمان كانت بتقدس امها...فهي الآن لا تعرف سوى المسلسل ده والفيلم ده ووو....
ادعولها بالله عليكم
وهذه وقفة
ما حالك مع والديك وخاصة الأم....الام التي عندما تمرض انت لا تنام تتمنى لو انها هي المريضة!!..تتمنى لو تخلع عينيها لتعطيها لفلذة كبدها...تحبك اكثر من نفسها!! مين بيحبك ادها؟؟!! دي الجنة تحت قدميها...ويكفي مع كل ذلك إنها وصية رسولك الكريم صلى الله عليه وسلم أوصى بها مرارا وتكرارا وكان يود أن يستغفر لأمه ولكن لم يجوز ذلك لأنها ماتت على الكفر وعندما علم صلى الله عليه وسلم أخذ يبكي عند قبرها..!!
إنت بقى ياللى ربنا رزقك بأم حنون اوعى تفرط فيها دي اكبر باب للخير مفتوح لك
وكما قال رسولك صلى الله عليه وسلم خاب وخسر من ادرك والديه احدها او كلاهما ولم يدخل الجنة...
بابان مفتوحان للخير الجم الكثير ويغلق بموتهما!!
يا اخي دي النظرة في وجهها بتقدير لها ولمتاعبها وانت تشعر أنك لا شيئ بجانبها تعادل حجة تامة تامة تامة.....فاتق الله يا عبد الله في والديك وخاصة أمك عاملها بما تحب ان يعاملك وليدك بعد ذلك إن كان لنا عمر باذن الله

اللهم اعنا على طاعة والدينا ...اللهم اجعلهم سببا في دخولنا الجنة..اللهم اهد شباب وبنات المسلمين ووفقهم لطاعة والديهم..اللهم آميـــــــــــــــن.

[حفيدة الصحابة]

سبحانك يا رب هكذا القلوب تتقلب في كل ثانية حيقيقة يا اختي انا مصدومة من كلامك وفي جملة استوقفتني للدقائق من الصدمة


قبر قبر إيه!! قبر يلمك إنت واللى زيك؟!!


والله يا اختي اتصدمت ازاي يعني ؟؟؟؟؟
اسئل الله لي ولها ولكل المسلمين العافية والصلاح ربنا يهديها ويهدينا
توكلي علي الله واعلمي ان الله لن يخدلكي طالما عزمتي علي ان تقيمي شريعته وفقكي الله

[راجية رحمة الله]

حسبى الله ونعم الوكيل فيه ناس كدة؟؟؟؟؟؟؟؟؟؟؟؟ربنا يهديها ويهدينا جميعا الله تقبل انك انت السميع العليم

[نسيبة بنت كعب]

ربنا يهديها
قصة صعبة جدا
جزاكى الله خيرا وربنا يعينك

[remtawfek]

جزاكي الله خيرا اختي
مش ممكن يكون في حد بيعامل والدته بالشكل ده
ربنا يعينك وتكوني سبب في هدايتها
والمشكله الاكبر في الموضوع ان والدها بيساعدها علي
كده ربنا يهديه ويهديها:(مندهش):

[أم الشهيد]

لا حول ولا قوه الا بالله

فيه فعلا ناس كده؟؟؟؟؟؟؟؟

يارب اهدنا جميعا واكرمنا لكي نطيع والدينا

جزاكي الله خيرا اختي ع التذكره

[aya]

جزاكم الله خيرا كثيرا جميعا
أسألكم الدعاء لى ولها وان يعيننا الله على طاعة والدينا000000اللهم آميـــــــــن

[dr_karmen]

جزاكى الله خيرا يا آية انا لله وانا اليه راجعون
بجد البنت دي مش هتعرف قيمة مامتها الا لما تبقى ام
ربنا يهديها ويهدى ابوها ويصبر الام

[Nouran]

ربنا يهديها ويعينك يا أية على انك تنصحيها
اللهم ارحم والدى كما ربيانى صغيرا

[معتزه بدينها]

جزاك الله خيرا
الله يهديها
بصراحه انذهلت من القصه
( لو عشت خدام لك ولبسك نعلك*** احب لي من كنوز الدنيا تلتمي
عز و فخر لنحنيت مقبلن رجلك*** الي تحتها جنان الخلد يا امي)

[aya]

جزاكم الله جميعا كل كل الخير
اللهم آميــــــــــــــــــــــــــــــــــن يا رب
اللهم تقبل منا صالح الاعمال
ويارب اهديني وايها واياكم جميعاً لكل خير ووفقنا الله واياكم الى طاعة والدينا
اللهم ارحمهما كما ربياني صغيــــــــــــــــــراً اللهم آميـــــــــــــن...

[هند89]

اللهم اعنا على طاعة والدينا ...اللهم اجعلهم سببا في دخولنا الجنة..اللهم اهد شباب وبنات المسلمين ووفقهم لطاعة والديهم..اللهم آميـــــــــــــــن.

[aya]

اللهم آميـــــــــــــــــــــــــــــــــــــــــــــــ ــــــــــــــــــــــــــــــن
يارب العالمين

[حفيدة عائشة]

لا حول ولا قوة الا بالله
جزاكى الله اختى على هذه التذكرة
ولكن هل من الممكن ان نعرف ماذا فعلت مع هذه الصديقة
( اريد فقط ان اعرف ماالذى فعلته امها حتى تعاملها هكذا )

[زهرة]

لا حول ولا قوة الا بالله ربنا يهدينا ويهديها وع العموم جزاكي الله كل خير على هذا الموضوع

[aya]

اللهم آميييييييييييييييين
يا رب استجب ادعيتكم يا رب آمييييين
اختي الكريمة
حفيدة عائشة...الذي حدث هو انني كلمتها ونصحتها ولم ارى رد اخي خطاب الا بعد ما قابلتها لكن استفدت انا منه شخصيا جدا جدا جدا والله بارك ربي فيك اخي خطاب.اللهم آمين وكمان هطبع الورقة واعطيها لوالدتها

والبنت جلست مع والدتها جلسة تحاسبن فيها واتفقن على الاصلاح
الصديقة شافت ايه هي الاخطاء اللى الوالدة بتعملها وفي طبعها وقالت لازم حد فينا يتغير وطبعا بما ان هذا طبع الوالدة مش هتغيره طبعا بعد كام سنه!!! فاضترت هي لتغيير نفسها ادعيلي واياها بالهداية والقبول

هي بتقول ان والدتها مش عاجبها اللى هي بتعمله وبتقول كمان يمكن ماما هي اللى بتهول وقالت اعذار كتيرة مقنعة بس طبعا لا تبرر كلامها وشتمها واهانتها لامها!!!!!!!!!!!!!!!!!!!!!!!!!!

سبحان الله هل هذا جزاءها

يارب اهدينا واهديها

[aya]

اللهم آميييييييييييييييين
يا رب استجب ادعيتكم يا رب آمييييين
اختي الكريمة
حفيدة عائشة...الذي حدث هو انني كلمتها ونصحتها ولم ارى رد اخي خطاب الا بعد ما قابلتها لكن استفدت انا منه شخصيا جدا جدا جدا والله بارك ربي فيك اخي خطاب.اللهم آمين وكمان هطبع الورقة واعطيها لوالدتها

والبنت جلست مع والدتها جلسة تحاسبن فيها واتفقن على الاصلاح
الصديقة شافت ايه هي الاخطاء اللى الوالدة بتعملها وفي طبعها وقالت لازم حد فينا يتغير وطبعا بما ان هذا طبع الوالدة مش هتغيره طبعا بعد كام سنه!!! فاضترت هي لتغيير نفسها ادعيلي واياها بالهداية والقبول

هي بتقول ان والدتها مش عاجبها اللى هي بتعمله وبتقول كمان يمكن ماما هي اللى بتهول وقالت اعذار كتيرة مقنعة بس طبعا لا تبرر كلامها وشتمها واهانتها لامها!!!!!!!!!!!!!!!!!!!!!!!!!!

سبحان الله هل هذا جزاءها

يارب اهدينا واهديها

[aya]

جزانا الله خيرا واياك مصراوي

[aya]

جزاك الله خيراً اختي الكريمة زهرة

[aya]

يارب اعنا على بر والدينا
اللهم آميــــــــــــن

[aya]

اللهم آميـــــــــــــن

[مسلمه مصريه ولى الفخر]

والله العظيم انا مش قادره اصدق
بجد قالت كلمتين لو قالتهم لصاحبتها مش امها جامدين جدا
قبر قبر ايه ؟قبر لما يلمك انتى والى زيك
وبتقولها بابا جايبك هنا علشان تخدمينا
والله العظيم مش قادره اتخيلها كده وهى واقفه قدام والدتها وبتقولهولها
مش فاهمه طلعوا منها ازاى يعنى؟؟؟؟
اختى فى الله ايه
انتى بتقولى ان هى والداتها فى فى طبعها اشياء هى مش متقبلاها
ازااااااااااااااااااااى
يعنى الام دى مش لو فيها طباع دى لو فيها ايه بالذى ميتقلش عليها كده
وبعدين معلش يعنى هى هتيجى تعلم مامتها ازاى تغير طباعها
ربنا يهدينا واياها
بس بجد والله العظيم انا لحد دلواقتى مش مصدقه ان واحده تجلها جراءه وقوه قلب وتقول الكلام ده لمامتها
الى كل يوم تبوس رجليها الى الجنه تحت اقدامها............وتبوس ايديها الى يامه شلتها بيها
ربنا يبارك فى عمر كل امهاتنا
ويجعلنا بارين بيها
وتكون سبب فى دخولنا الجنه ويرزق كل امهات المسلمين الفردوس الاعلى

[آية الله]

:(يبكى) : :(يبكى) :

ياااااااااا الله
معقول في قلوب بهذه القسوة بجد أبكتيني ...
حجر ده ولا ايه
سبحانك يارب
ده نظرة غضب واحدة بس من امي بتقطع في قلبي
لا حول ولا قوة الا بالله
فعلا ميعرفش قيمة النعمة اللى فاقدها
آية لا تتوقفي عن نضاحتها بالحسنى
انصحك ان تعطيها شريط يا شباب بروا آبائكم للشيخ محمود المصري راائع جداااااااا ما شاء الله
سبحان الله ده الجنة تحت رجليها
و اوسط ابواب الجنة باب بر الوالدين
سبحان ربي
بجد مش قادرة اصدق
أسأل الله ان يهديها و ان يرقق قلبها على امها و ان يردها اليه ردا جميلا
و اسأل الله لأمي الفاضلة هذه ان يصبرها الله و يجزيها خير في الجنة
و الله لو اعرف هذه الام لكنت وطيت بوست ايديها لانها تستحق ذلك و اكثر لانها ام و كفى بذلك
ازاي هان عليها دموع امها تشوفها و هيا السبب فيها
سبحان ربي
سبحان ربي

[فجـــــــــــــــر]

لا حول ولا قوة الا بالله
ربنا يهديها
اميـــــــــــــــــــــــن

[رشيده]

جزاكى الله خيرا ياأيه وبارك الله لنا فيكى فطاعة الوالدين من طاعة الله تعالى أكرمكى الله أختى وندعو للاخت الفاضله بالهدايه والتوفيق

[جويرية]

[السلام] :(يقرأ):وبعد لقد اقتحمت الصدمة قلبي اي وربي لاسيما ونحن نعيش في زمان العقوق الله أسال ان يرزقنا البر بأمهاتنا وأبائنا وانا اعترف لكم اخوتي اني لست بارة بهما فادعو الله لي ببرهما حقيقي امي وابي تعبا من اجلنا كثيرآ فاللهم اجزيهما عنا خير الجزاء وارحمهما كما ربياني صغيرآ لكني احاول البر بهما وادعو الله كثيرآ بل ورب الكعبة اني لاحتسب في كل طاعة يوفقني الله اليها ان يكون لامي ولأبي الاجر كاملآ واني اقترح عليك اخيتي ان تتحدثي مع صديقتك هداها الله الي بر أمها عن حبك لأمك ومدي فضل برها وانك لا تجدي شيء في الدنيا تهديه لامك لتقديرها فربما تغار منك كذللك اطلبي منها ان تتصل يومآ بأمك وتخبرها بأنك تحبيها كثيرآ فعسي ان تغار منك بل واخبريها انك ستتصلي بأمها وتخبيريها بانها تحبها ربما تحرك قلبها ورّق لامها فاذا رفضت فابدئي معها الحديث وسأليها لما لا تريد هذا؟؟؟ واذكري لها فضل البر وان دعوة من امها لها ستستجاب بوعد الصادق(صلي الله عليه وسلم) ايضا ادعيها للحضور دروس الغرفة ولنتفق مع د. سيف* أود. *خالد* وادعوالله لها ودائمآ اسأليها عن حال امها قولي لها انك تحبي امها واذكري خصلة طيبة فيها اعلها تعيد النظر وتعود الي رشدها وفقنا الله جميعآ للبر بامهاتنا وأبائنا آآآآآآآآآآآآآمين ولا تنسوا الصلاة علي حبيبي(صلي الله عليه وسلم)

[نداء الحق]

اللهم يارب العالمين اهدى هذه الاخت وردها الى رشدها
اللهم امين

اللهم احفظنا من كل سوء
اللهم امين

[aya]

جزاااااااااااااااااااكن الله خيرا حبيباتى

ووفقنا الله واياكم لطاعة والدينا

اللهم آميـــــــــن

[تائبة ترجو العفو]

جزاكى الله خيرا على هذة اللمحة
ربنا يهديها ويرجعها اللى صوابها
ويهدينا ويهدى كل اولاد المسلمين

[aya]

اللهم آميــــــــــــــــــن

[mak1]

الحمد لله الذي عافانا مما ابتلاها به و فضلنا على كثير من خلقه تفضيلا
اللهم اهدها و اصلح حالها اااااااااااااااااااااااااامين

[همسة أمل]

جزاكى الله كل خير اختى
ما اصعب هذة القصه على
ربنا يهديها ويهدى اللى زيها
ان شاء الله

[aldaeia ela allah]

حسبنا الله ونعم الوكيل ويا ايه نصيحه منى ان مامتك هى اللى تكلم صحبتك دى علسان مامتك ام وهى اللى هتحس بشعور الامومه وهى اللى هتقنع صحبتك اللى اسمها سين دى جربى وان شاء الله نصيحتى هتنفعك

[ايه اسامه]

بصراحه حاجه تجنن فى حد بيعمل كدا طب ليه ربنا يهديها وكلميها يا ايه يمكن تكونى سبب فى ان ربنا يهديها

[يمامة المسجد]

لا حول ولا قوة إلا بالله ,

هداها الله

لو تتخيل كل كلمة بتقولها هتترد لها

الله المستعان و

[aya]

جزاكن الله خيرا يا غاليات

يا رب اهدنا واهد بنا واجعلنا سببا لمن اهتدى

اللهم وفقنا لكل خير يا رب

يا رب اهدنا واهدها وتب علينا وعليها انك انت التواب الرحيــــــــــــم

[أمة الرزاق]

السلام عليكم

لا حول ولا قوة الا بالله العلى العظيم

اللهم اهديها ياااااااااااااااااااااااارب

خليكى معاها يا اخت ايه هى اكيد بتمر بظروف صعبه ويمكن هيا اللى غيرتها

ويارب ربنا يعينك وتقدرى تفهميها وتساعديها

[aya]

جزاكم الله خيرا
وهدانا الله وياها

ومرحبا بكي يا غالية في منتداكى الغالى جدا