ايه رأيك في برنامج معز مسعود؟؟؟؟؟

[ابوحنين]

http://cbm7.cb.funpic.de/13/a%2520(18).gif (http://cbm7.cb.funpic.de/uploader.php)

http://cbm7.cb.funpic.de/13/10ddc4754e.gif (http://cbm7.cb.funpic.de/uploader.php)


اكيد كتير من الناس تابع برنامج معز مسعود علي قناة اقرأ في رمضان اللي فات...برنامج ((الطريق الصح))...

البرنامج كان فيه بعض المخالفات الشرعيه انا عارف وكلنا عارفين...انما كنت عايز اعرف ايه انطباعاتكم ورأيكم في برنامج

وفكر معز مسعود...وياتري هو امتداد لعمرو خالد؟؟؟؟...سؤال مهم برده؟؟؟

مش هطول...المهم انا عايز اعرف رأيكم ايه لانه مهم جدا في موضوع معين..ولو كات ليك رأين معين سواء بالسلب او

الايجاب اكتبه بكل صراحه...ولو شايف ان هناك مميزات وعيوب في البرنامج اكتبها برده...مستني ردودكم


http://cbm7.cb.funpic.de/13/a%2520(17).gif

[أم المجاهدين]

جزاكم الله خيراً اخونا الفاضل
وبكم نفع
.......
أنا شوفت حلقه واحده من البرنامج
هو فعلا بيتكلم مع الشباب بلسان حالهم
وفعلا متأثر بعمرو خالد كتير
..
من الحاجات اللى ما عجبتنيش ابدا فى البرنامج إن كان فى اماكن فى الحلقه مكنش ينفع انه يصور فيها ...وكان من اشهرها شارع معروف اوى اوى منطقه معروفه فى لندن مفيش داعى لذكر اسمها
لكن معتقدش مثلا انى عشان اتكلم عن ان الاسلام دين عفه واحترام لازم اقف فى مكان زى ده عشان اقول كده
..
وبجد يعنى مش عارفه كنت حاسه انه بيعمل دعاية لاماكن سياحيه مش برنامج دينى

ولما كان بيتكلم عن علاقات الولاد والبنات
كان ليه مرتبط بده ان يجى صورة بنت وولد على الشاشه
..
واعتقد ان فى حاجات كتير ومخالفات تانيه لكن انا ما تابعتش كل الحلقات عشان احكم
.......
لكن مع كل ده
ويارب احساسى ده يكون حقيقه
عندى احساس انه جواه خير كتير زى كل المسلمين
ويمكن ربنا يمكنه فى المكانه اللى بقه فيها ويكون داعيه ملتزم يتبع الكتاب والسنه بفهم سلف الامه ..وما يكنش ظل او صوره تانيه من عمرو خالد
..يارب
وربنا يتوب علينا وعليه وعلى كل المسلمين اللهم آميـــــــــــــــــــــــن

[ابوحنين]

هو فعلا كان المفروض انه ميجبش بنات وصبيان في البرنامج لان في بنات بتظهر بشعرها في البرنامج...

انما هو الولد نفسه ممتاز بالنسبه لمستوي الشباب...

علي العموم انا هقول رأيي عنه بالتفصيل في الاخر...

مشاركة جيدة أخيتي أم المجاهدان....





علي فكرة انتي محطتيش رأيك في التصويت....

[رحمة]

جزاك الله كل خير بصراحة انا لما ارى البرنامج كاملا ولكنى رايت مقتطفات ولكنة برنامج وفكرة جيدة من وجهة نظرى وادعوا الله ان يثبتنا جميعا

[حامل المسك]

انا لم اشاهد هذا البرنامج غير ثوانى وكان الاستاذ واقف وخلفه مقهى وفيها نساء عاريات طبعا انا لو كنت بتفرج على فلم عربى كان احسن

ربنا يهدى ويتبع منهج النبى

وبلاش نحاول نزوق الاسلام باكتر من الازم يعنى الدين جميل من غير هذا الحركات المفتعله

يعنى لو فكرنا شويه يعنى شيخ مثل الشيخ محمد حسان ربنا مجعلوش سبب فى هدايه الناس او الشيخ يعقوب او الشيخ الحوينى

الدين هو قال الله قال رسول الله (صلى الله عليه وسلم)

[ابوحنين]

جزاكم الله خيرا علي المشاركة أخيتي رحمة وأخي حامل المسك...

طبعا كل الأراء لها احترامها...

وان شاء الله هقول رأيي في الاخر...

بس ياريت متنسوش التصويت...لان له دور في نشاط قريب

[العائده الى الله]

بسم الله الرحمن الرحيم
الحقيقه انى شاهدت بعض المقتطفات من البرنامج ولم اشاهده كاملا بس استطيع اقول انه شخصيه جيده وبيجتهد انه يبقى كويس وبرنامجه هادف على الرغم انه لم يلتزم بالضوابط الشرعيه الكامله بس هو يعتبر احسن من غيره فى كتير من البرامج الاخرى التى ليس لها اى قيمه وممكن برنامجه دة يكون خطوه لبرنامج أفضل
وشكرا والسلام عليكم

[aya]

فكرة البرنامج راااااااائعة جدا جدا
عجبتني بجد
وقررت انشره في منتدى الكلية بتاعتي لكن الأول أسمعه

لأن بصراحة لم اسمعه من قبل
فلا استطيع الحكم عليه إطلاقا!!

كل اللى حصل انى قبل ما افتح الطريق الى الله دلوقتي فتحت الموقع بتاعه ودي اول مرة افتحه سمعت المقدمة وأسماء الحلقات قرأتها ...بس لسه ماسمعتش ولا حلقة ولا حتى مقطتفات بس كفكرة جامدة وناوية اسمع ولما اشوفه سأقول رأى لكم.....
انتظروووا

[يمامة المسجد]

انا لم أرى البرنامج
ولا أعرف المزيع
لكن , سمعت عنه
رأيت أخت ... واضعه صورته في المسينجر في مكان الصورة
ولما سألتها من هذا ؟ ... قالت لي معز مسعود ... انتي مش عرفاه !!!!!!!!!!!!

فبغض النظر سمعت عنه أو لم أسمع
شكل الصورة الي لاحظتها من أول مرة ثم أغلقتها
أبدا ً لم يكن على نهج السلف
ونتذكر حديث رسول صلى الله عليه وسلم لسيدنا حذيفة
" وهل بعد ذلك الشر من خير ؟ قال نعم وفيه دخن . قلت وما دخنه ؟ : قال قوم يستنون بغير سنتي ويهدون بغير هديي تعرف منهم وتنكر "
وهذا هو دخن الخير
فهو أكيد لن يهدي بهدي الرسول صلى الله عليه وسلم ... بدليل إختلاف السمت وكما قالت أختي ام المجاهادن
ولقد تعلق به الاخوات ... وهذا لا يجب أن يكون في الداعي .... ان يتم التعلق الشخصي به
-------------
ثم نتابع الحديث ... لنصل مع أولئك الأئمة : ل
" قلت فهل بعد ذلك الخير من شر ؟ قال نعم دعاة على أبواب جهنم من أجابهم إليها قذفوه فيها . قلت يا رسول الله صفهم لنا . قال هم من جلدتنا ويتكلمون بألسنتنا . قلت فما تأمرني إن أدركني ذلك ؟ قال تلزم جماعة المسلمين وإمامهم "
يا أخوتي , بالله عليكم إلزموا جماعة المسلمين و إمامهم ...
وإلا قد ضللتم ... ومن هم تلك الجماعة ؟؟؟ ... هم من يستنون بسنة الحبيب المصطفى صلى الله عليه وسلم
ولا نتحجج بأي حجة ... فالله هو الهادي

فإن كان معز مسعود ... على هذا النهج والهدي ... فمرحبا به وإن لم يكن ... فسألزم أنا شخصيا ً جماعة المسلمين و إمامهم .
------------
عن حذيفة رضي الله عنه قال : كان الناس يسألون رسول الله صلى الله عليه وسلم عن الخير وكنت أسأله عن الشر مخافة أن يدركني قال قلت يا رسول الله إنا كنا في جاهلية وشر فجاءنا الله بهذا الخير فهل بعد هذا الخير من شر ؟ قال نعم قلت وهل بعد ذلك الشر من خير ؟ قال نعم وفيه دخن . قلت وما دخنه ؟ قال قوم يستنون بغير سنتي ويهدون بغير هديي تعرف منهم وتنكر . قلت فهل بعد ذلك الخير من شر ؟ قال نعم دعاة على أبواب جهنم من أجابهم إليها قذفوه فيها . قلت يا رسول الله صفهم لنا . قال هم من جلدتنا ويتكلمون بألسنتنا . قلت فما تأمرني إن أدركني ذلك ؟ قال تلزم جماعة المسلمين وإمامهم . قلت فإن لم يكن لهم جماعة ولا إمام ؟ قال فاعتزل تلك الفرق كلها ولو أن تعض بأصل شجرة حتى يدركك الموت وأنت على ذلك .

[ابوحنين]

جزاك الله خيرا أخيتي aya

انا متأكد ان البرنامج هيعجبك جدا....بس استني متنشريهوش في منتدي الكليه بتاعتك..انا عندي مفاجأه في خلال ساعات ان شاء الله...متستعجليش

[ابوحنين]

جزاك الله خيرا أخيتي يمامة المسجد...

انا مش هعلق علي رأيك وان شاء الله التعليق بتاعي هكتبه في نهاية الموضوع ان شاء الله...بس عموما الحكم علي الناس بالظاهر فقط وبسرعه كده..مش تمام...بس انا دايما بستني في مواضيعي أصحاب الأراء القويه سواء بالسلب او الايجاب...واكيد انتي دايما بتبقي منهم






ومتنسوش التصويت يا جماعه لانه مهم جدا

[مونمنة]

انا اتفرجت برده علي بعض الحلقات بس هو فكرة البرنامج كويسة بس عايز بعض التعديلات

ده راي علي رغم اني مش متبعاله اوي بس كنت بشاهدله برنامج علي اقرأ اعتقد اسمه الطريق للجنة
ماشاء الله كان جميل

والله يعين ويثبت الجميع

اللهم امييييييييين

[dr_Muslim]

أسجل متابعتي وأؤخر مشاركتي (إن قدر الله لي عمراً لإتمامها) بعد ردكم أخي أبو حنين

* الدعوة إلى الله تعالى فرض على كل متبع للمصطفى صلى الله عليه وآله وصحبه وسلم سواء كان ذكرا أم أنثى كل بحسب حاله.

وكنت قد سمعت من مشياخنا حفظهم الله :

· أنه يجب على الداعية أن لا يتنازل عن أصول دينه وشريعة ربه طمعا في هداية الآخرين
فمن ضيًع الأصول حُرم عليه الوصول
فإنّ الشيطان يأتي إليه فيقول: لو تنازلت عن جزء من دينك لاتبعوك
وهذا هو الذي أخبر الله جل في علاه عنه حين قال لنبيه صلى الله عليه وآله وصحبه وسلم : وَإِنْ كَادُوا لَيَفْتِنُونَكَ عَنْ الَّذِي أَوْحَيْنَا إِلَيْكَ لِتَفْتَرِي عَلَيْنَا غَيْرَهُ وَإِذًا لاتَّخَذُوكَ خَلِيلاً * وَلَوْلا أَنْ ثَبَّتْنَاكَ لَقَدْ كِدْتَ تَرْكَنُ إِلَيْهِمْ شَيْئًا قَلِيلاً * إِذًا لأَذَقْنَاكَ ضِعْفَ الْحَيَاةِ وَضِعْفَ الْمَمَاتِ ثُمَّ لا تَجِدُ لَكَ عَلَيْنَا نَصِيرًا [الإسراء:73-75].


* وأنه يجب على الداعية أن يدلّ الناس على الخير على ضوء الكتاب والسنة بفهم سلف الأمة وهذه هي الأصول

ومع هذا فلا يكلف بهدايتهم وتقواهم
قال ربي وأحق القول قول ربي: فَإِنْ أَسْلَمُوا فَقَدْ اهْتَدَوا وَإِنْ تَوَلَّوْا فَإِنَّمَا عَلَيْكَ الْبَلاغُ وَاللَّهُ بَصِيرٌ بِالْعِبَادِ [آل عمران:20].


فإن كان هذا الشرط متوفر بالأخ فأهلا به وإن لم يكن فربنا يهديه ويهدينا ويتوب عليه وعلينا

[ابوحنين]

http://cbm7.cb.funpic.de/13/jh.gif (http://cbm7.cb.funpic.de/uploader.php)


بسم الله الرحمن الرحيم


من غير مقدمات...معز مسعود ده ان شاء الله هيعمل طفره مع الشباب كلهم زي عمرو خالد في بداياته كده...وان كان معز مسعود يختلف تماما عن عمرو خالد...معز كان في يوم من الايام من الشباب الضايعين...اللي هوه الروش اللي بيغني ويروح الديسكو والجيم والمصايف الغاليه واللي اللي...وهو خريج الجانعه الامريكيه...يعني لك ان تتخيل حياة الشاب ده كانت عمله ازاي...انما بعد كل ده ربنا هداه والراجل بينقل التجربه بتاعته بكل صدق وشفافيه لكل الباب اللي همه زيه دلوقتي..مش عايزهم يمروا بالمرحلة اللي هو مر بيها...وشوف انت الشباب دوول قد ايه دلوقتي...هم سواد الشباب دلوقتي..سواء من البنات أو الصبيان...الراجل بيتكلم في البرنامج بتاعه عن كل الفتن اللي عند الشباب وبيحلها معاهم واحده واحده..حلقه حلقه..وهو صور البرنامج بتاعه في بلاد كتير عشان هو اصلا تقريبا لف العالم كله ففاهم ايه اللي بيحصل في كل حته..ونادرا لما تلاقي داعيه او شيخ شاف اللي شافه معز..فلما واحد زي معز ده يعيش قفي الغرب وييجي بعد كده يكلمك عن تقليد الغرب..انت فعلا مقتنع بكلامه لانه بيتكلم عن حياه عاشها قبل كده..مش من استنتاجات وتخيلات للغرب عامل ازاي وبيحس بايه وبيتعامل مع بعضه ازاي..وهو مش بيتعرض للامور الفقهيه او كده..وان كان الكلام في حلقه الاسلام والفن عن الوتريات قال ان الرأيين صح اللي حرم واللي حلل فمش دي نهاية الكون اننا نقف عند الموضوع ده ونسيب الناس تايه وبعديه عن ربنا كل البعد ده...

الشئ الغلط في البرنامج فعلا..هو ادخال المعازف في بداية ونهاية ووسط الحلقة..وكان خلفيات البرنامج فعلا في الشوارع في بنات كاشفه شعرها وده كله غلط طبعا..المفروض ان الأمور دي متبقاش موجوده في برنامج دبني...

انما تقييم معز لا يأتي الا بعد سماعه في حلقه واتنين وتلاته..انما مش تسمعه بعقليه الملتزم اللي من عشر سنين اللي بيدرس دلوقتي المواريث والتخريج...لأ...ارجع اسمعه بعقليه ايام مكنت اخرك انك تصلي الجمعه وحياتك كلها اغاني وافلام ولعب وتنطيط وبنات وصبيان وكده..اللي هيه عقليه سواد الشباب واللي ان شاء الله مع بعض هنحاول نطلعهم منها ونطلع كلنا معاهم...ز

وعشان طبعا مينفعش نسمع الحلقات وهي بشكلها ده...فالحلقات موجوده دلوقتي audio يعني مفيش صور مخالفه..وكمان تم حذف كل الفواصل الموسيقيه والمخالفات الشرعيه...يعني ملكش حجه دلوقتي انك متسمعش الراجل ده..واذا حسيت انه فعلا مميز في دعوه الشباب انشر الحلقات دي..مش عيب انك تكون ملتحي ومن زمان معروف عنك الالتزام..أو انتي منقبه...وتدي شرايط لمعز مسعود..طالما انها سليمه وهتجيب ناس متعرفش غير ان ربنا موجود تعرفهم حاجات كتير عنه...واللي هييجي ده شويه ومن نفسه معتش هيسمع لا معز ولا عمرو خالد ولا اي حد ومش هتلاقيه بينبسط الا من الشيخ حسان وحبايبنا دوول....


في النهايه روابط الحلقات اهه..ادعو للأخ أو الأخت اللي عملوها بالتثبيت وأن يكونو في ميزان حسناته لانه فعلا حل مشكله كبيره...الروابط مباشره من علي الأرشيف سريعه جدا...وكل حلقه اخرها 2 ونص ميجا..وان شاء الله هجبلكم روابط mp3 كمان..عشان اللي يحب ييمع في العربيه بدا الأغاني وكده.....



دلوقتي أم المجاهدان...رحمة... مونملة...العائدة الي الله....تقدروا تسمعوا براحتكم وتقيموا من غير متخافوا من أغاني أو مشاهد في الحلقات

ودلوقتي aya ممكن تحطي الحلقات في منتدي الكليه وانتي مطمنه

ودلوقتي يمامة المسجد تقدري تقيميه دينيا من غير الشكل بس...وافتكري زمان قبل ما تلتزمي

وطبعا حبايبي...دكتور مسلم..وحامل المسك...اسمعوا براحتكم بأه..متقلقوش من حاجه



اسف للاطاله وهحط الوابط في موضو تاني لوحده ان شاء الله نثبته لو البرنامج عجبكم

[ابوحنين]

ارشحلكم

العلاقة بين الجنسين

اختيار الزوج والزوجه

حب النبي 2

ابتسم للحياة

[يمامة المسجد]

أخي ابو حنين

الحمد لله انا ماكنت قبل إلتزامي ضايعة كدة

أنا كان آخري .....

مش مهم

-----------

إن شاء الله أسمع وعلى فكرة انا فعلا ً حسيت من كلام حضرتك الفرق الشاسع

وتقريبا ًحسيت أد ايه معز ... تعب عشان يبأه كدة

وحسيت انه نفس ينقذ ناس يمكن أنا نفسي مش متصورة وجودهم

------------

قبل ما أسمع هدعي لمعز مسعود ... ربنا يثبته وأشوفه في يوم على نهج السلف ومش زي عمرو خالد زي ما انت قلت

بالعكس نفسي في شباب يحسوا بإلي كانوا زيهم

بس سلفي مية مية

عموما ً هسمعه

------------------------

ويمكن يحل مشاكل كثيرة عند الشباب

أهمها ضياع وإكتئاب كتير بيعانوه ... انا كنت واحدة منهم ... بس عرفت ان طريقي في طلب العلم والحمد لله إنه هداني ليه ... لأن بيه بفهم ... يمكن فيه ناس كثيرة قلتلهم يفهموني ... وسابوني

ومكن ساعتها معز مسعود


يفهم الطريق صح

وبعدين يمشي فيه

من غير موسيقى

من غير خلفيات محبشة

كلام بس

وإحساس بس

توصل للناس إلي جواك

--------------------

تعرفوا أخوتي لو قناة زي الناس جابت معز مسعود وعملت برنامج ... بدون موسيقى وأشرف عليه شيخ

ضمه تحت جناحه ووجهه ... يمكن معز مسعود يعطينا المنهج السلفي بخبرة الروشنة

--------------

ماوعدش حضرتك اوزعه ... لأن مش عارفة ممكن كدة يخليهم ممكن يسمعوا البرنامج الأصلي

----------------------------

دي فكرة ... والتانية أوزعها وأقلها ... د بدل حلقاته بالموسيقى ... ونوعدك نجبلكم حلقات برضة من غير موسيقى

---------------

على فكرة أخ ابو حنين مفجأتك خلفت كل توقعاتي

جزاكم الله خيرا ً ربنا يثبت إلي عملها وطبعا ً انا أشعر بالغيرة والخبطة له

------------

هحاول آخد ثواب معاكم بأي وسيلة

------------------------------

وربنا يهدي الجميع

آمين

منتظرنكم في درس المقرأة

[aya]

بجد بجد
جزاك الله كل كل الخير
انا كان رأيي كدة برضه ان هو عاوز الناس اللى لسة مش ملتزمة يوديهم للإلتزام

جزاك الله خيرا
جعلها الله في ميزان حسناتك

[أم المجاهدين]

[QUOTE=يمامة المسجد;44440]


تعرفوا أخوتي لو قناة زي الناس جابت معز مسعود وعملت برنامج ... بدون موسيقى وأشرف عليه شيخ

]ضمه تحت جناحه ووجهه ... يمكن معز مسعود يعطينا المنهج السلفي بخبرة الروشنة COLOR]

حلو اوى الفكره دى
يارب تكون فى يوم من الايام يا يمامه ..وتكون يارب فى ميزان حسناتك

...
جزاك الله خيراً اخونا الفاضل
...
وبنا يهدينا ويهديه ويتوب علينا وعليه
اللهم آمين

[ابوحنين]

هل تم حذف الموضوع من علي الصوتيات والمرئيات؟؟؟

واذا كان كده طيب ليه؟؟؟؟؟

[dr_Muslim]

عذراً أخونا الحبيب
فالمواضيع تراجع في قسم المشرفين
فبعضنا لا يعرف عنه شيئا نهائيا فكان حري بنا أن نسأل عنه ونستعلم
فإن كان سيعلمنا فيجب أن نعلم عن من نتلقى منه العلم
وبإذن الله لو كان فيما يرضي الله هانعملها غزوة يا عم وبرضه هاكون بإذن الله حامل لوائها
بس أنت برضة حطيت مواضيع للأخ شذوذ جنسي وكلام من ده ؟؟؟؟؟ فبلاش المواضيع دي أفضل وأحوط لله يعني
نرجو منك إلتماس العذر
والله من وراء القصد

[ابوحنين]

لسه متوصلتوش في المشرفين لتقييم معز واذا كان ينفع ولا لأ؟؟؟؟

[ابوحنين]

تم اعادة الحلقات بعد الموافقه عليها من قبل الاداره

علي الرابط التالي..

http://forums.way2allah.com/showthread.php?t=8231