إنا لله و إنا إليه راجعون ...توقف درس الشيخ أحمد جلال ...

[آية الله]

بسم الله الرحمن الرحيم
السلام عليكم و رحمة الله و بركاته

:(يبكى) : :(يبكى) : :(يبكى) :
إنا لله و إنا إليه راجعون

حسبنا الله و نعم الوكيل
حسبنا الله و نعم الوكيل
في كل من يعادي الاسلام و نشره
حسبنا الله و نعم الوكيل

انا لله و انا اليه راجعون .... اللهم ائجرنا فى مصيبتنا و اخلفنا خيرا منها ....
درس الثلاثاء بعد المغرب " العقيدة " للشيخ احمد جلال _ حفظه الله _ فى مسجد الخير اتمنع ... ولله ما اخذ وله ما اعطى وكل شىء عنده بقدر ...
و الحمد لله على كل حال

:(يبكى) : :(يبكى) : :(يبكى) :


كانت هذه السلسلة من اروع الدروس و من أمتع الشروح للعقيدة ....و لكن حسبنا الله و نعم الوكيل ....( مسابوناش نتهنى بالدورة العلمية )
اقسم بالله العظيم يا جماعة كان بيبقى يوم الثلاثاء ده اجمل و احلى يوم في الاسبوع و انشط يوم ..
كنا بجد كلنا بنستنى اليوم ده و منفوتوش مهما حصل
و تلاقي الاخوات ما شاء الله كلنا في المسجد و بنكتب ورا الشيخ و ترى الاعين تتفكر و تتامل في كلامه و تحس ان القلوب متاثرة جدا بروعة الشرح ....و عندما يصلي بنا المغرب و العشاء
يا الهي ........تحس بخشوع يملأ المسجد
و مفيش حد بيتكلم كلمة اثناء الدرس

و ياااااااااه الثلاثاء الماضي كان مكان النساء صغير فعندما ذهبنا و جدناهم وسعوا المكان اكثر فعزمنا على دعوة عدد اكبر انه يحضر الدرس
و لكن حسبنا الله و نعم الوكيل

بجد كنا بنستنى يوم الثلاثاء ده انه يجي و نبقى فرحانين اوي
الحمد لله على كل حال

:(يبكى) : :(يبكى) : :(يبكى) :


يارب لك الحمد كما ينبغي لجلال وجهك و لعظيم سلطانك
اللهم صل على سيدنا محمد و على آله و صحبه و سلم تسليما كثيرا
اللهم اني اسالك باسمك الاعظم الذي اذا دعيت به اجبت ...أن تيسر للشيخ أحمد جلال و للدكتور حازم شومان و للدكتور محمد على ...أن تعود دروسهم لنشر الاسلام و لتعريف الناس دينهم ...يارب انصر الحق و اهله ...يارب انصر الحق و اهله ... يارب انصر الحق و اهله
يارب شباب المسلمين يارب فتيات المسلمين يارب ...اهدهم و خذ بنواصيهم اليك
يارب ظننا فيك خيرا ...فأنت القائل و أنا عند ظن عبدي بي ...و ظننا فيك أنك ستستجيب دعائنا لأنك المجيب الكريم السميع الوهاب الودود الرحيم
سبحانك يارب ....يا من تستحي ان ترد يد عبادك صفرا خائبا ...فلا ترد اكفا تضرعت اليك و كلها امل و رجاء في كرمك و تيسيرك يارب
يارب اعد الينا هذه الدروس ...... يارب اعد الينا هذه الدروس ...
يارب هؤلاء الدعاة كان لهم فضل كبير علينا فاجزهم عنا خيرا يارب و يسر لهم يارب و انصرهم على من عادهم ...يارب انصرهم على من عادهم
يارب ...حسبنا الله و نعم الوكيل في كل من عاد الاسلام و اهله و كل من عاد الحق و اهله و كل من اذى اهل الحق ...حسبنا الله و نعم الوكيل في كل من يحارب الدعوة الى الله ...الدعوة الى سنة رسول الله ...الدعوة الى كتاب الله و سنة رسول الله بفهم سلف الامة ...حسبنا الله و نعم الوكيل فكل من منع مساجد الله ان يذكر فيه اسمه
حسبنا الله و نعم الوكيل
يارب نتوسل اليك ....اسعد قلوبنا و اقر اعيوننا بنصرة الحق و اهله

يارب انا دعوناك كما امرتنا فاستجب لنا كما وعدتنا
يارب فرح قلوبنا بنصرة الحق و اهله ...يارب فرح قلوبنا بنصرة الحق و اهله
اللهم لا تحرمنا باجابة هذا الدعاء بذنوبنا و اغفر لنا و ارحمنا و تقبل منا انك انت السميع المجيب....
و اخر دعوانا ان الحمد لله رب العالمين
و صلى الله على محمد صلى الله عليه و على اهله و زوجاته و صحابته و كل من تبعه و سلم تسليما كثيرااااااااااااااااااااااا......
:(يبكى) : [الله الموفق] :(يبكى) :

و الله يا جماعة ده ممكن يكون اختبار لينا و للشيوخ الافاضل
فيارب ثبتنا جميعا على الحق حتى نلقاك و اعنا على الدعوة اليك و افتح علينا يارب فتحا كبيرا

{وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ وَلَـكِن كَذَّبُواْ فَأَخَذْنَاهُم بِمَا كَانُواْ يَكْسِبُونَ }الأعراف96
تابعوا معي فهناك ان شاء الله_ في هذا الموضوع_ فسوف اضع فكرة ان شاء الله ليعود الينا هؤلاء الشيوخ بدروسهم النافعة ان شاء الله

و الله أسأل ان تنجح هذه الفكرة و ان يرزقنا الله الاخلاص في القول و العمل و يرزقنا التوفيق و السداد
و ان نحقق الهدف ان شاء الله


يتبع فانتظرونا

" إن مع العسر يسرا "

(وَمَا كَانَ اللّهُ لِيُضِيعَ إِيمَانَكُمْ إِنَّ اللّهَ بِالنَّاسِ لَرَؤُوفٌ رَّحِيمٌ ) البقرة143

[آية الله]

السلام عليكم و رحمة الله و بركاته

بصوا يا جماعة بدون اي مقدمات لان الفكرة مهياش خارقة و اعتقد انها مش جديدة بس هيا جات في بالى و قلت ننفذها كلنا بدل ما انفذها لوحدي..

الفكرة بكل بساطة اننا هنعمل ان شاء الله حملة ..على قناة الرحمة باننا هنرسل رسائل sms باننا نريد هؤلاء الدعاة على هذه القناة و اللى يقدر يتصل يتصل و يكون جزاه الله خيرا ....
بس في حاجة اولا علشان يتحقق الهدف ده لازم عدد كبير يرسل رسائل فكل اللى تعرفه لازم تقول له ..
ثانيا امامنا اختيارين اما ان نوحد الرسالة يعني مثلا باسم الموقع و نبعتها علطول طوال اليوم كلنا ..
او اننا كل واحد يبعت براحته بنصه هوا اللى يعجبه
و ان شاء الله اننا ننقل المشاركة ديه على كل المنتديات و ندعوهم يشاركوا معنا و انا بقترح
كل من المنتديات الاتية :
www.way2allah.com (http://www.way2allah.com)
www.foranelhaq.com (http://www.foranelhaq.com)
www.hor3en.com (http://www.hor3en.com)

أو اي منتدى اسلامي اخر
و لكنى اخترت الثلاثة دول لان تقريبا الثلاثة يعرفوا الشيوخ دول و بيحبوهم جدا و لهم جهد كبير في نقل و تبليغ دروسهم فهيكون جهدهم في الفكرة ان شاء الله اكبر..و مفيش مشكلة لو نشرنا على مواقع تانية ..و ممكن نضع روابط للدروس لهم بحيث اللى ميعرفهمش يسمع و لما يسمع يساهم في الفكرة ان شاء الله ...

بجد يا جماعة لو كل واحد فكر هو استفاد اد ايه من هؤلاء الشيوخ و ان لازم نعمل اي حاجة فعلا لانهم عملوا معانا كتير وو الله يكفي و لو كلمة واحدة اثرت فينا و قربتنا من ربنا فهذا شعاري...
فمن علمني شيئا قربني من ربي ....لابد ان ادعو له طوال عمري
فياريت اللى حابب يشارك معانا يكتب هنا انه هيشارك و هيبعت للقناة ان شاء الله
بالله عليكم اجتهدوا ...اهم ناس في الامة الشباب و محتاجين اللى يكلمهم شباب و كلنا نعلم قدر هؤلاء الدعاة الافاضل و توفيق الله لهم لنشر الدعوة هنا في المنصورة ...

فارجوكم ساهموا باي حاجة

و ربنا ييسر لنا
و لا تتردد في ان تشارك
هيا و كن من السابقين في ان ينالوا اجر هذا الامر
و لا تحقرن من المعروف شيئا
هيا فان استطعت الا يسبقك الى الله احد فافعل
و كن سباقا في الخيرات

و ان شاء الله سانقل الرقم من على القناة لكل بلد و ساكتبه هنا
انتظروني
و الله المستعان
و جزاكم ربي خيرا
منتظرة ردودكم
ان شاء الله

[dr_Muslim]

بارك الله فيكم أختنا ونفع بكم
ولكن إذا كان هناك أخوات قد كتبوا وراء الشيخ
أليس للذين لم يحضروا للشيخ نصيب في رؤية ما كُتب عنه لكي يعم الأجر ؟

بارك الله فيكم ونتظر الأرقام بإذن الله

[أبويحيى]

انا لله وانا اليه راجعون

أولا : الشيوخ ولله الحمد ليهم دروس على الغرفة الصوتية ... وانا احب هنا اقول شعورى تجاه شئ ما ... كنا كلنا زعلانين على درس دكتور حازم لما وقف ... ولما دكتور حازم جه معانا على الغرفة كان اكبر عدد حضور لا يجاوز ال 60 ... يبقى ياترى العيب في مين ؟؟؟؟
والشيخ احمد جلال معانا كل يوم أحد الوعدد مبيزيدش عن 30 ... مع ان الدروس بتبقى مفيده جدا ... واظن عمرك مهتلاقى فرصة تسال الشيخ ويرد عليك فى ساعتها زي الغرفة الصوتية ...

ثانيا : قناة الرحمة مفتوحة ومتاحة امام كل دعاة المنصورة .. بس المهم هما اللى يكونوا عايزين يطلعوا عليها ... او يكونوا فاضيين يطلعوا عليها
ثالثا : كتعويض لدروس الشيخ احمد جلال كتاب الوجيز هما جايبين على الرحمة الشيخ عبد العظيم بنفسه يشرحه يوم الخميس بعد المغرب
وبالنسبة للعقيدة من اصول السنة للإمام أحمد فبيشرحها الشيخ هشام البيلي يوم الاتنين بعد المغرب

[يمامة المسجد]

جزاكم الله خيرا ً يا اية ربنا يكرمك ويعزك

أخي أبو يحيي

حكاية حضور دروس الغرفة

بالنسبة لي مثلا ً :

لأن وجود الجهاز مفتوح ده بيسبب لي مشاكل

مش بس كدة

النت بيقطع ومشاكل

بعدين المسجد حاجة تانية خالص

الله المستعان ,

بس هي برضة حكاية إخلاص وصدق

صدق فصدق الله معه

ربنا يكرمك يا اية

ولا تحزني

ربنا هيعوضنا خير

ويجازي إلي كان السبب

حسبي الله ونعم الوكيل

[سبحانك اللهم]

جزاكى الله خيرا يا ايه على هذه التذكره ويارب يرجع الشيوخ تانى يعمروا المساجد ويهدى اللى بيمنعوهم دول... ندعلهم برده لان هما مش عارفين خطورة ده
فقد قال الله عز وجل فى سورة البقره:(ومن اظلم ممن منع مساجد الله ان يذكر فيه اسمه وسعى فى خرابها اولئك ما كان لهم ان يدخلوها الا خائفين لهم فى الدنيا خزى ولهم فى الاخره عذاب عظيم) ولا حول ولا قوة الا بالله ....

[آية الله]

بسم الله الرحمن الرحيم
السلام عليكم و رحمة الله و بركاته
جزاكم الله خيراً كثيراً على مروركم الكريم و على تفاعلكم
و أستحلفكم بالله الا تنسوا هؤلاء المشايخ و الدعاة من دعائكم أبدا
كل شيخ علمنا حرفاً في كتاب الله او سنة رسول الله يستحق ان نظل طوال حياتنا ندعو له ...
فاللهم ثبتهم و ثبتنا و انصر الحق و اهله يارب العالمين

أعتذر عن التأخير ...لكن النت كان فاصل فعلا

و إليكم الارقام ..
مصر (إتصالات ) : 91234
مصر ( فودافون ) : 91234
مصر ( موبينيل ) : 91234
فلسطين : 37276
السعودية تيليكوم : 83472
العراق أسياسل : 1839
الكويت ( زين ) : 96320
الكويت ( وطنية ) : 1624

ياريت يا جماعة بجد تبعتوا حتى لو الهدف متحققش بس يبقى عملنا حاجة مبقناش سلبيين كده و رسالة مش هتكلفك حاجة و يبقى جزاك الله خيرا لو زودت انا بعت زي ما وعدتكم
و ربنا ييسر للجميع

و ليا رجاء بجد احنا لازم نعمل دعاية للغرفة الصوتية اكتر من كده احنا فعلا مقصرين في ناس كتير عندها نت و متعرفش الموضوع ده
فعندي اقتراح بسيط و سهل و هو :
كل واحد يجيب فرخين كبار من بتوع اللوح و يقسمهم اربعة و يكتب فيهم جدول الغرفة بالمواعيد و كيفية الدخول من على الموقع هنا او من موقع الحور العين...
و نحطها في المساجد و في الجامعات و في الشوارع و في مدخل بيوتنا
عايزين نتعب شوية علشان دينا
الجنة غالية و مهرها غالى
و احنا اشترينا
صح الكلام و لا ايه ؟؟

و الله المستعان
أحبكم في الله

[طريق الجنه]

اختى فى الله ممكن تكتبى مواعيد الدروس

وجزاكى الله كل خير

[آية الله]

جزاك الله خيرا يا دكتور مسلم
و ان شاء الله الشيخ هينزل له مذكرة في مكتبة النور عندنا في توريل اول ما تنزل ان شاء الله هبقى انقلها لكم مع الشرح الكام درس اللى اخدناهم مع الشيخ ..أسأل الله ان يرجعه الينا مرة اخرى ....

جزاك الله خيرا يا اخ ابو يحيى ...
انا عارفة و الله ان العدد على الغرفة الصوتية بيبقى قليل بس ده للاسباب كتيييييييييير
اولا في ناس معندهاش كمبيوتر .
ثانيا في ناس معندهاش نت .
و في عندهم نت بس مش بيعرفوا يستخدموه .
وفي عندهم نت بس اهاليهم منعهم بسبب الدراسة او بسبب ان في حد في البيت في ثانوية عامة ولا حاجة ففصلوا النت او يمكن شايلن الجهاز اصلا...
و في ناس النت بيفصل كتييييييييييييييييير جدا عندهم
و في سبب كبير جدا الا و هوا ان كتييييييييييييييييييييييييييييييييييييييييير جدا من اللى عادي يفتحوا النت في اي وقت و مفيش اي مشكلة من اللى فاتوا عندهم انهم اصلا ميعرفوش عن الغرفة الصوتية ديه و ان دكتور حازم و الشيخ احمد جلال بيجوا عليها ...
فيبقى السبب فينا احنا في النقطة ديه ...اننا مبلغناش عن حق عن الغرفة ...احنا كام واحد قلنا له على الدرس اللى على الغرفة ؟؟؟كاااااااااااااااااااااااااااااام؟؟
كام واحد اتصلنا بيه قبل الدرس و فكرنا يدخل يمكن يكون ناسي؟؟؟
فين رسايل الموبايل ؟؟
فين الايميلات ؟؟؟
فين المواضيع على كل المنتديات ملتزمة و غير ملتزمة ؟؟؟؟
فيييييييييييييييييين ؟؟؟
فين الورق اللى اطبع عن الغرفةو اتوزع في المساجد و في الجامعات و في الشوارع و المحلات...؟؟؟؟
فين اللى اتعلق في الجامعة و لا في العمارات و المحلات و الكليات و المدارس؟؟؟
فييييييين كل ده ؟؟؟؟؟؟؟؟؟؟؟؟؟؟؟؟
علشان كده المسجد بيبقى احسن لكل الناس و بينتشر اكتر و بصراحة بستفيد و بتاثر اكتر لان ببقى في بيت الملك و اقل شعور و انت في بيت الملك انك بتبقى مستحي منه انه اصطفاك و دخلك بيته و سمعك عنه و انت غرقان ذنوب ...ده غير الصلاة قبل و بعد الدرس بتشحن الواحد اصلا في الدرس...
المسجد مختلف تمااااااااااااما ...انا براي الغرفة مش بديل ابدا عن المسجد هيا اضافة و كويسة جدااااااااااااا انا بفضل الله بتابعها لكن مش الكل هيعرف..و احيانا بلاقي النت فاصل طيب اعمل ايه
هو لو كان الدرس في المسجد يا ترى كان ايه اللى هيفصل؟؟
ده غير ان الواحد مجرد ما بيدخل المسجد بيلاقي مشاعر تانية اصلا و ايمانه بيعلى
علشان كده من السبعة اللى بيظلهم الله يوم لا ظل الا ظله ..رجل قلبه معلق بالمساجد ....
المسجد كان ايام زمان مدرسة ...مش مكان بنصلي فيه و بس
لأ المسجد كان هو مكان تلقي العلم ...اسال الله ان المساجد ترجع تاني منارة للعلم ...

موضوع الرسايل ده انا حسيت اني لازم اعمل حاجة ...فلقيت الفكرة ديه جاتلى ..و مش هنخسر حاجة لو عملناها بس احس اني حاولت اعمل حاجة لهؤلاء الافاضل اللى ربنا جعلهم سبب في انهم ينوروا المنصورة بنور الهدي و الحق...
جزاك الله خيرا على مواعيد هذه الحلقات ...بس الفكرة ان الواحد اخد عقيدة كذا مرة ...بس من الشيخ احمد كان الهدف منها اننا نتربي من العقيدة و ده اللى كان بيقولو لينا علطول ...حفظه الله
زي مثلا لما الدكتور حازم قال انه هيبدا في السيرة ...كلنا قرينا كذا كتاب في السيرة و حضرنا دروس عن السيرة
بس انا متأكدة ان السيرة من دكتور حازم كانت هتبقى ليها تاثير تاني علينا مش علشان الشخص او ارتباط بيه لألألأ
علشان هو كان عايزنا نتربي بجد من السيرة المصطفى صلى الله عليه و سلم قدوتنا ...و طبعا حبايبنا مهنوناش عليها قبل ما تبدا نهوها
هدااااااااااااااااااااااااااااااااااااااااهم الله
اللهم انصر الحق و اهله
فجزاك الله خيرا ...يا اخي الفاضل

حبيبتي في الله ...يمامة
وحشااااااااااااااااااني جدا انتى فين يا بنتى محدش بيشوفك ...
انا مش عارفة اذا كنت حزينة ولا مش حزينة
انا عارفة ان ده لازم يحصل و ان الحق و اهله لازم يحاربوا علشان ربنا يختبر ثباتهم فيمكن لهم في الاخر ...بس بجد انا بكره الظلم ده
و ببقى حزينة فعلا لما بشوفوا ...بحس انهم بيتعمل فيهم كتير اووووووووي و احنا ولا احنا هنا ولا حتى بنفتكرهم بدعوة
سبحان الله ...هما بيتعبوا علشانا و يعلمونا و يكرثوا وقتهم للدعوة و يتبهدلوا و احنا ناخدها على طبق من ذهب لأ و ايه مش عايزين حتى نتعب في اننا نبلغ لغيرنا
يارب اصلحنا لكي نصلح ان نكون عبيدا لك


جزاك الله خيرا يا غاليتي و حبيبتي في الله ...سبحانك اللهم
تشرفت بمرورك ...

و الارقام اهيه ابعتوا كتير لعل و عسى بحسن ظننا في الله نراهم على شاشة قناة الرحمة
و دكتور حازم بقى يبدا دروس السيرة
و الشيخ احمد يكمل العقيدة
يااااااااااااارب ...كن معنا ولا تكن علينا و امكر لنا ولا تمكر علينا
اسفة على الاطالة

[آية الله]

طريق الجنة ....و جزاك الله خيرا منه بصراحة انا مش عارفة بنت ولا ولد فخلينا في الضمان و لو طلعتي بنت ابقى ارحب بيكي بقى ...
مواعيد الدروس ....
السبت في مسجد السلاب ...الشيخ محمود مجاهد قصص الانبياء...بعد المغرب
و بعد المغرب برده يوم السبت في الجمعية الشرعية د/ عبد الحمن الصاوي ...انهى قصص الانبياء و قال انه هيبدا فيسلسلة عن رحلة الى الدار الاخرة ...اعتقد بداها امبارح لاني للاسف راحت عليا نومة قبل الدرس بساعة لاني كنت مواصلة فمش عارفة بداها ولا لأ

الاحد في مسجد الخير ....بعد المغرب تفسير سورة الاعراف ..للدكتور محمد على
و بعد العشاء ...سيرة ...للدكتور احمد سيف

الاثنين في مسجد السلاب ...مقرآة حفظ سورة الاعراف بطريقة التلقين ...أصح طريقة لحفظ كتاب الله ( اللى هيا زي الكتاب زمان كده ) بتبقى راااااااااااااااااااااااااااائعة جدا ...و اللى بيحفظنا مش هتصدقي الشيخ محمود مجاهد ...حفظه الله

الثلاثاء ...كان درس العقيدة للشيخ احمد جلال بعد المغرب و كان تبع الدورة العلمية اللى هيا الاحد و الاثنين و الثلاثاء...( يعني العقيدة الشيخ احمد ...و التفسير دكتور محمد على ...و السيرة الدكتور احمد سيف ....و حفظ سورة الاعراف الشيخ محمود مجاهد ) و الدورة ديه بدات من بعد رمضان و عليها امتحان و جايزتها عمرة ..
بس ربنا ييسر و لاشيخ احمد يرجع يارب تاني يوم الثلاثاء

يوم الاربع بقى ...ده يوم علمي في مسجد النور من بعد العصر الى بعد العشاء ...الدكتور غريب رمضان ...بيعطي عقيدة من كتاب ( مختصر معارج القبول ) و سيرة من كتاب ( روضة الانوار )....و تفسير اخر جزئين عم و تبارك ( تفسير السعدي )...

الخميس ...في مسجد التوحيد ...بعد المغرب شيخنا الفاضل محمد حسان تكملة دروس السيرة
و في بردوا يوم الخميس في مسجد السلاب بعد المغرب الشيخ محمود مجاهد بيعطي حديث يشرحه و نحفظه ...

الجمعة ...بقى فاضي ...المفروض قبل رمضان كان في دكتور محمد على ...سلسلة انه الله ...( شرح اسماء الله و صفاته ) ....و لكن مع الاسف لم يسمح له ايضا ان يكملها بعد رمضان ...
و حسبنا الله و نعم الوكيل

ولو كنتِ اخت ...ادخلى على قسم الاخوات هتلاقي هناك مواعيد دروس النساء

و جزاك الله خيرا ..

[آية الله]

و جزاك الله خيرا مثله ...يا فجر
و بجد وحشاااني اوووووووووي ...فاكرة ايام رمضان و جمالها ؟؟؟ و الشاي بتاع السحور...هههههههههههه
و همتك معانا الدعاء و الرسايل و نشر دروس الغرفة ...
ربنا يكرمك و يثبتك يا غالية و يرضى عنك ....متنسينيش من دعائك
خليني اشوووووووووووووووووووووفك قريب...
احبك في الله ...

[فجـــــــــــــــر]

[السلام]
جزاك الله خيرا حبيبتي **اية الله**
وحسبنا الله ونعم الوكيل:(يبكى) :
ودلوقتي فاضل درس**د: عبد الرحمن الصاوي **
ربنا يستر
والله أنا مش عارفه الناس دي بتفكر ازاي
يعني هما عايزينا نعمل ايه يعني؟؟؟؟!!!!!!!!!
صعبان عليهم الشباب يعملوا حاجه مفيده
لا حول ولا قوة الا بالله
أما بالنسبه لمراسلة القناه فكره جميله وفعاله باذن الله
[الله الموفق]

[طريق الجنه]

اختك فى الله طريق الجنه

جزاكى الله كل خير

هو الدكتور صلاح هارون

مش بيدى دروس هناك

[المنشد المصرى]

بارك الله فيكى اختى واقول لكى اصبرى فان النصر قريب باذن الله

[أبوسليمان المصري]

:lll:

ياإخوتي لازم نتأكد من الخبر قبل نقله

الشيخ أحمد جلال لم يمنع ولا حاجة

كان رزق بمولود ولم يذهب إلي الدرس

وبعد ذلك أكمل الدورة

[آية الله]

لا يا اخي لدي مصدري الاكيد اصلي _انا لا اروج للاشاعات ولا انقل الا ما هو حقيقي _
الذي انقل منه الخبر الشيخ فعلا منع ثم هم قالوا ذلك و المرة اللى بعدها ثم اوقفوا الدرس
ثم نقلوه الى مسجد صابر في شارع النخلة
و المسجد صغيييييييير جدا و لامكان للنساء