كيف تنفصل عن شخص أحببته...cutting the aka cord

[ابوحنين]

http://cbm7.cb.funpic.de/13/a%2520%285%29.gif (http://cbm7.cb.funpic.de/uploader.php)


http://cbm7.cb.funpic.de/13/54df227fe0.gif (http://cbm7.cb.funpic.de/uploader.php)


بمجرد ان ترى اى انسان يحدث نحوه انجذاب فكرى ثم انجذاب بصرى فيتكون بينك وبينه مايسمى الحبل الاواعى والتفكير فى الشخص نفسه يقوى ذلك الحبل
يتكون الحبل الاواعى :- عند الاحتياج للاخر -- عند الاتصال بالاخرين -- عند التكملة او الاحساس بانك تريد من يكملك
قطع الحبل الاواعى هى تقنية من تقنيات علم قوة الطاقة البشرية وفائدة هذه التقنية
هى قطع الحبل الاواعى بينك وبينك الشخص الذى تريد فعل ذلك معه
وهذا يستخدم فى حالات كثيرة منها:-
- الانفصال عن انسان قد احببته مثلا فعند الانفصال عن هذا الشخص تبقى مربوطا به بنفس المشاعر ويزيد عليها الاسى والحزن على فراقه ويصعب التخلص من هذه المشاعر
- الموت عند موت احد اقبائك او اصدقائك او شخص عزيز عليك تبقى ايضا بينك وبينه مشاعر مرتبطة وقوية ولكن فيها الم وحزن واسى على فراقه
- هناك اشخاص تربطنا بهم صلات قوية ويرسلون لنا طاقات وافكار سلبية او ايجابية تؤثر فينا
نبدا فى شرح مبسط لهذه التقنية
للتخلص من هذه المشاعر المؤلمة كانت هذه التقنية العجيبة قطع الحبل الاواعى
- اسال نفسك اولا
مربوط بمن ؟ مربوط بماذا ؟ اى تحديد الشخص ونوع العلاقة بينكم
- يجب ان تتعرف بنفسك على
الرسالة العليا من هذه الرابطة التى بينكم --الدرس الذى تعلمته

خطوات قطع الحبل الاواعى
---------------------------

1- التفكير فى الشخص نفسه (الذى تريد قطع الحبل معه )

2-اختيار الاصدقاء (اختر بعض من الاصدقاء او الاقارب الذين تثق بهم وتحبهم ومهم مقربون اليك اكثر من اى شىء اخر)

3-الاسترخاء - التعمق فى الاسترخاء

4-تخيل انك واقف على مسرح وهذا المسرح هو( مسرح الحياة) وامامك المشاهدين على (كراسى الحياة )

5- اجمع الاصدقاء والاقارب حولك لكى تشعر بالامان التام

6- الان ادعو الشخص الذى تريد قطع الحبل معه .. تخيله يقف اسفل المسرح فى نهايته

7- لاحظ الحبل الذى يربط بينكما من قلبك الى قلبه

8- تخيل ان فى يدك مقص وانك تقطع الحبل من اوله وتتمنى للشخص السعادة فى حياته

9- انظر الى الشخص الاخر وهو يبتعد تماما بعد قطع الحبل معه

10- الان تخيل طاقة بيضاء تدخل من مركز الطاقة الروحانية وتنتشر فى رأسك وتعالج كل خلية من خلايا عقلك وتنظف تماما ذاكرتك وتجعلك تشعر براحة وبامان تام ولاحظ هذه الطاقة تنتشر فى جسمك وتستقر فى منطقة (diaphragm) منتصف البطن .
الان تخيل طاقة اخرى خضراء تدخل من اسفل وتنتشر فى جسمك وتنضم الى الطاقة البيضاء فى منتصف البطن

11- الاسترجاع (حاول ان تسترجع الذكريات التى بينك وبين هذا الشخص سوف تكتشف ان الالم والحزن قد زال وانه كان مجرد ذكرى )

12- الاختبار فى المستقبل (تتخيل انك قابلت ذلك الشخص فماذا سوف تشعر )



انا عارف ان الموضوع ده بيسبب مشاكل لكتير من الناس وخصوصا البنات...لذا قررت اني اعرض المشكله وطريقه


حلها علميا..اكيد انت بيتهيألك ان الموضوع مش بالسهولة دي وان الكلام ده مش فعال...حاول تقرأ الموضوع

بتركيز تاني وجرب تنفذه فعلا بتركيز...وشوف ايه النتيجة وابقي قلي؟؟؟!!!

[ابوحنين]

قال رسول الله صلي الله عليه وسلم


(( الأرواح جنود مجندة فما تعارف منها ائتلف وما تناكر منها اختلف ))


2768 صحيح الجامع



صدق رسول الله صلي الله عليه وسلم

[القلم الاحمر]

موضوع شائك حقا
ومهم للغاية ...

فعلا الانفصال عن شخص احببته
شئ يجده الكثير صعب

اعرف صديقة تعاني كثيرا
من الانفصال عن صديقتها
ولكن الظروف قد فرقت بينهما
فما بقى في داخلها سوى الالم من الشوق اليها

واعرف من انفصلت عن خطيب
ومازالت ذكريات الارتباط به تؤرقها

وغيرهم الكثير,,

ولكن ارى ان هذه الخطوات
قد تنفع لمن يستطيع تنفيذها

جزاك الله خيرا اخي الكريم
على هذا الموضوع المفيد

---

[ابوحنين]

جزاك الله خيرا علي المشاركة المضيفة أخيتي.....


القمر الأحمر...



وعشان الامثلة اللي انتي قلتيها دي..انا شقت اهمية الموضوع ده وعشان كده قلت اني احطه من بداية انشاء القسم...


في انتظار باق مشاركاتك

[أم المجاهدين]

جزاك ربى خيراً اخونا (أبو حنين )
ونفع بك
___
صح مهم اوى الموضوع ده
وجيمل اوى الوسائل للتغلب عليه
لكن....وبصدق مش كل الناس بتقدر تنفذ ده
ممكن يكون الانسان عارف إن خلاص مفيش سبيل ولازم يعيش مستقل بكيانه وذاته لكن بيكون صعب عليه
________
يعنى سبحان الله لما الاقى اخت أخذت بيدى لنخطو أول خطوات الالتزام مع بعض ...طلعنا السلم واحده واحده مع بعض عشنا الحلو والوحش وفرحنا وزعلنا مع بعض
ممكن واحده فينا تحلم حلم التانيه تكمله
بمجرد ما واحده مننا تنظر إلى الاخرى بتعرف جواها ايه
..
ياترى بعد كل ده....يكون سهل اوى الانفصال بين الشخصيتين
لكن ...بتخلص الدراسه وبنبعد وفعلا بيكون صعب اوى بكل الصدق افتقاااااااااااااااااد تام لكل حاجه حلوه كنت بتعمل زيها
...
وزى ماقالوا
وداعــــــــــــــــــــ هكذا الدنيا لقاء ثم نفترق ــــــــــــــــــــــــاً

.....
وفى موضوعك اخونا الفاضل بقولها
إلى من سافرت فكانت الغربه من نصيبـــــــــــــى ...أفتقدكِ!!

...............
أسفه للإطاله بس الموضوع جه على الجرح
....

[ابوحنين]

والله الرد بتاعك ده أثر فيه جامد...أم المجاهدان

بس بالعكس اللي زي صديقتك اللي تابت معاكي دي انتي مش محتاجه تنسيها...بالعكس تماما....انتي محتاجه تفتكريها في كل وقتوتفتكريها في لحظات ضعفك وتقولي لنفسك ياتري هي لو كانت مكاني كانت هتعمل ايه..اكيد ماكنتش هتتصرف غلط وتخلي ده حافز ليكي دايما انك تكوني علي الطريق الصح...


وربنا يردها ليكي يارب امين...وان لم يجمعكم في الدنيا جمعكم في الفردوس بمنه وكرمه....امين


اتميني ان الموضوع ده يكون هون عليكي اي حاجه.........

[أم المجاهدين]

وربنا يردها ليكي يارب امين...وان لم يجمعكم في الدنيا جمعكم في الفردوس بمنه وكرمه....امين


اتميني ان الموضوع ده يكون هون عليكي اي حاجه.........


اللهم آميـــــــــــــــــــــــــــــــــن

بس وسامحنى الموضوع ماهونش ولا حاجه ..بالعكس زى ما قلت ده جه على الجرح
............
الله أسال أنه سبحانه كما جمعنا فى الدنيا على طاعته أن يجمعنا فى الفردوس الاعلى
اللهم آميــــــــــــــــــــــن

[طالبه رضاك و الجنه]

جزاكم الله خيرا اخواتى واخوانى و عجبنى جميع الردود على الموضوع ولكن انا مع الاخت اميره بارك الله فيها يجب الاستعانه بالله قبل ان ابدء اى خطوه والله المستعان هو الذى يجعل الصعب سهلا وان شاء جعل الحزن سهلا والله الموفق

[ابوحنين]

اكيد احنا كلنا بنلجأ إلي الله وهو دايما الحل الوحيد لكل المشاكل اللي بتقابلنا...انما مثل هذه المواضيع تدخل تحت باب الأخذ بالاسباب..او اسباب معينه..فربما جعل الله مثل هذا الموضوع سببا لراحتك بعد اللجوء اليه طبعا...واكيد مفيش تعارض بين الاتنين نحن نلجأ إلي الله أولا ولانتوكل إلا عليه فهو الوكيل...ثم نأخذ بكل الأسباب كأن تبتعد عن الشخص الذي يضرك وغير ذلك وتأخذ بمثل هذا السبب..ومن ثم فلا مانع

[dr_ghieth]

حياكم الله ..

أخى الحبيب "أبو حنين" جزاكم ربى خيرااااااااااا ..

ولكنى فعلاً أتفق تماماً مع ما تفضلت به أختنا الفاضلة"يمامة" من طرح وأرى أن حضرتك::

_قد طرحت الموضوع من وجهة نظر أشخاص علمانيين _ولا أقصد بذلك حضرتك طبعاً_ ولكن أقصد أن ما طرحته يكون غالباً بين أشخاص علاقتهم لم تقم على قدم ولا ساق إيمانية وإنما هى علاقة حب نفعية دنيوية مفرغة من مفاهيم الإيمام والحب فى اللله تعالى .....

_فلو أحببت الشخص الذى أمامك فى الله وعرفت ما هو الحب فى الله والحقوق التى تجب لأخيك هذا الذى أحببته فى الله :::

فلن تتأثر لو كان هذا الشخص فيه بعض ما لا يروقك لأنك تعلم أنه ليس هناك بأحد معصوم بل على العكس ستحاول أن تنصحه وتوجهه لأنك تحب له ما تحبه لنفسك !!

ولو فقدته :: فلن تتأثر هذا التأثر الذى يحدث عن الغرب الكافر او حتى المسلمين الذين ليس عندهم من الإيمان الشىء الكثير لأن عندنا فى الإسلام مقام اسمه مقام"الصبر "" وعندنا الإيمان الذى يُهون علينا المصاب!!!!

وإلا فقل لى ماذا تتوقع إحساس الصديق عندما مات رسول الله ؟؟

فقد قال رضى الله عنه :: إن رسول الله قد مات ولا يظنن ظان ان الكلمات التى قالها كانت هينة عليه وهو الذى أحب رسول الله حباً لم يحبه أحد !!!!

وكذا البتول الزهراء عند فقدان أبيها المصطفى !!!!

_إذن فموضوع حضرتك:: لا ينطبق على من المؤمنين ولكنه ينطبق على الكفار الذين ليس عندهم لا ::حب فى الله ولا صبر ولا إيمان من أصله كذلك ينطبق على المسلمين الذين يدخلون فى علاقات حب أثمة محرمة فهؤلاء كان حريا بهم ان يطبقوا الضوابط الإسلامية وما يصيبهم هو من جراء عدم الإلتزام بالشرع فهذه عقوبات معاصيهم !!!!!!!!


هذا بإختصار شديد ...
الله المستعان ..

[مُسلمة]

السلام عليكم ورحمة الله وبركاته
هتكلم عادي كده مش بالفصحى
لأني استغربت من حاجات كتير في الموضوع
أول حاجه عاوزة اقولها
ان مش شرط يبقوا علمانيين ولا غير مسلمين عاوزين ينفصلوا عن بعض
لا في حالات كتييييييير جدااااااا بتحصل للمسلمين ويمكن كمان في اوساط الملتزمين حديثا بتستدعي الانفصال
هوضح اكتر كلامي بس بعد ما اقول ان مش شرط برده يكون الانفصال بالطريقة اللي ذكرها اخونا الفاضل ابو حنين لان مش كل الناس بيأثر فيها موضوع الفراق اللي هتكلم عنه مش اللي اغلب زوار الموضوع فهموه
بعد اول قراءة لموضوع أخونا الفاضل ابو حنين تذكرت وبسرعة شديدة اكتر من موقف حدثوا امامي
الانفصال فيهم كان ضروري جداااااااااااا ومكنش ينفع وقتها اي حل غيره لان اساس التلاقي او التواصل مكنش سليم
بدأ بشكل يوحي بانه حب في الله واخوة وصداقة
الامر تطور وبصورة عنيفة الى تعلق
بنتين طبعا مش ولد وبنت لان ده حصل في المدينة الجامعية وللاسف بيتكرر كتييييير جدااااااااا
طرف من الاتنين الموضوع قلب معاه من حب في الله لتعلق بالطرف التاني وغيرة وحب تملك
حصلت بينهم مشاكل لا حصر لها
مكنش في اي حل وقتها غير الانفصال التاااااااااااااام
واكيد في حاله زي دي كل واحد منهم مش عاوز يفتكر التاني مش عاوز يرتبط بيه باي صلة بسبب المعاصي والذنوب الكتييييير جدااااااااااا اللي حصلت
ده موقف
يمكن كل اللي حصل فيه كان بسبب ضعف الايمان لكن حصل وبيحصل وبتكون نهايات مؤلمة جدااااا

في حاجة تانية
الحب ده غريزة فطرية مش بنتحكم فيها بمزاجنا
طيب بنت وولد اتعرفوا عادي زي ما بيحصل كل ساعة بل كل دقيقة
( مش بقول ان ده صح لكن ده مثال بيحصل )
بيتقابلوا وبيتكلمو وسامحوني بس في الكلمة ( حبها وحبته _ من وجهة نظرهم )
طرف من الاتنين التزم وتاب ورجع لربنا والتاني رفض واصر على عصيانه
مفترض يحصل فراق بينهم
طب بعد اللي كان بينهم ده انا شايفة ان صعب النسيان في البداية هياخد وقت والم وحزن ودموع

مش كل الناس زي بعض
ومش كل ناس سهل عليها الفراق
وبرده مش كل الناس عندها صبر ولا عزيمة
مش كل الناس عندها ايمان قوي بس برده مسلمين مش كفار
مش كل الناس ملتزمين
مش كل الناس اللي بيربطهم حب في الله بس هما برده مسلمين مش كفار

[أم المجاهدين]

جزاكم ربى خيرا يا اخوتى
ونفع بكم
.....
ماشاء الله أرائكوا كلها سديده
وانا مع مسلمه صح أمثلتها مظبوطه
وهى اتكلمت عن الانفصال وعن ضرورة الانفصال فى الحالات دى
..
لكن تقريبا اللى بيفكر فى الانفصال عن اى شخص ده مش بيلجأ للوسائل اللى ذكرها أخونا أبو حنين والله اعلى وأعلم وخاصة إذا كان ممن رزقهم الله بالالتزام
فبيكون وسيلتة هى اللجوء لله جل وعلا
........

....
وبصراحه انا لما اتكلمت فى الموضوع ده وفكرنى بأخيتى الحبيبه فى الله التى حقاً أفتقدها .
نظرت إلى معناه ..ولم أبحث عن وسائل أو ما شابه ذلك
....
أخيتى فى الله يمامه ..قالت يعوض ذلك حضور دروس ..
وبمنتهى الصدق يا يمامه ..فى كل درس بحضره بفتقدها ... بفتكر لما كنا بنحضر الدرس ده مع بعض .. لما كنا وكنا وكنا
أه بفتقدها ... لكن مش عايزه انفصل عنها
كفايه انى افتكرها ..وافتكر اننا بدأنا مع بعض أولى خطوات الطريق إلى الله
.......
وأنى حبيبتها فى الله
وهى كذلك
...
أعتقد انك فهمانى يايمامه
.....
وأخيراً جزاكم ربى خيراً أخوتى
ونفع بكم
والله أسأل انه كما جمعنا فى الدنيا على طاعته أن يجمعنا فى جنته فى الفردوس الاعلى يوم لقاءه

[dr_ameera]

لا اله الا الله

يا جماعه خرجتوا عن الموضوع ليه

النقاش ليس في حكم الحب او ظروفه او مشروعيته

الحكايه ازاي نتغلب على شعور الألم عند الانفصال
وكيف يكون لنفصال تام وناجح وشرعي وناخد منه ثواب

فقط يا ريت الكلام يكون من هذه النقاط

[dr_ameera]

اخي الكريم ابو حنين

القضيه هنا ان مراحل حياة نبينا محمد قدوة لنا
وهي اولى بالدراسه
والبحث
واستخلاص مباديء التنمية منها
وهذا ما اتمنى ان احققه في دراستي الطبيه

اعمل ربط بين النظريه العلميه والسنه
ونختار الصح
ونطرح الخارج على الشرع

اختي اليمامه قالت حكمه
حاول تتبع السنه حتى لو انك تحك ظهرك بجدار
وحسب ما قالت

احنا عاوزين نربط الناس بربنا
والاسلام مش نصوص للحفظ و الخطابه
الاسلام منهج حياة

والا ايه الفرق بين التنميه البشريه واعمال السحرة؟
ما كلوا بيشتغل على حتة الايحاء
الى هي كانت الحل في موضوعك للتخلص من الألم

يا ريتك يا ابو حنين تفكر في كلامي
ويكون منهجك كده
لأن اكيد عندك علم
والحكمة ضالة المؤمن
وما اتمناه ربط العلم الذي تتمتع به بالدين من النواحي العمليه
وده يكون بدراسة السيرة والسنه بتانييييييييييييي

شكر الله لك

[dr_ameera]

جزاكم ربى خيرا يا اخوتى
ونفع بكم
.....
ماشاء الله أرائكوا كلها سديده
وانا مع مسلمه صح أمثلتها مظبوطه
وهى اتكلمت عن الانفصال وعن ضرورة الانفصال فى الحالات دى
..
لكن تقريبا اللى بيفكر فى الانفصال عن اى شخص ده مش بيلجأ للوسائل اللى ذكرها أخونا أبو حنين والله اعلى وأعلم وخاصة إذا كان ممن رزقهم الله بالالتزام
فبيكون وسيلتة هى اللجوء لله جل وعلا
........

....
وبصراحه انا لما اتكلمت فى الموضوع ده وفكرنى بأخيتى الحبيبه فى الله التى حقاً أفتقدها .
نظرت إلى معناه ..ولم أبحث عن وسائل أو ما شابه ذلك
....
أخيتى فى الله يمامه ..قالت يعوض ذلك حضور دروس ..
وبمنتهى الصدق يا يمامه ..فى كل درس بحضره بفتقدها ... بفتكر لما كنا بنحضر الدرس ده مع بعض .. لما كنا وكنا وكنا
أه بفتقدها ... لكن مش عايزه انفصل عنها
كفايه انى افتكرها ..وافتكر اننا بدأنا مع بعض أولى خطوات الطريق إلى الله
.......
وأنى حبيبتها فى الله
وهى كذلك
...
أعتقد انك فهمانى يايمامه
.....
وأخيراً جزاكم ربى خيراً أخوتى
ونفع بكم
والله أسأل انه كما جمعنا فى الدنيا على طاعته أن يجمعنا فى جنته فى الفردوس الاعلى يوم لقاءه


هوني على نفسك يا اختي
ان شاء الله خير

يمكن ربنا قدر الفراق حتى يخبرك انه مالكيش غيره
وطبعا مافيش اتهامات موجه لكي
الامر تحول الى قضيه اكبر من انها تخص شخص بعينه

[يمامة المسجد]

بصي يا ام المجاهدين

أنا مثلا ً لو مفتقداها

كل ما أتذكرها

أتذكر إن الدنيا مش مكان نرتبط ببعض

بالعكس في الآخرة هي مكان اللقاء

يا جماعة

ليه مانحسش بالأخرة دي كأنها واقع

حلم

وميض ألم

ليه أخرتنا دايما ً الدنيا

لو دمعة نزلت على وجنتي حزنا ً على حبيبتي في الله ، هباه عندي شوق إننا نتقابل في الجنة

لو كل مكان بيفكرن بيها

هنا كنت بضحك معاها

هنا كنا ذاكرنا

هنا كنا طلبنا علم سوا

هنا كنا سمعنا لبعض

يوم مارحتلها البيت وأكلت معاها

يوم ماكنات تعبانة وانا رحت لها الساعة 6 الصبح بدري وفضلنا نكلم عن اليقين

--------------

طيب معاكي

لكن , خلاص

مش هنتقابل

ياجماعة ربنا ورسوله بيصبرنا

سبعة يظلهم الله في ظله يوم لا ظل إلا ظله إمام عادل وشاب نشأ في عبادة الله ورجل قلبه معلق بالمسجد إذا خرج منه حتى يعود إليه ورجلان تحابا في الله فاجتمعا على ذلك وافترقا عليه

الحب في الله كان اساس الفراق

حد فيكم كان صاحبه زي النبي صلى الله عليه وسلم

ابو بكر رضي الله عنه لما فقد النبي صلى الله عليه وسلم

ليه ماعملش كدة

هي مش صاحبتي وصاحبتك

دي النبي صلى الله عليه وسلم

----------------------------

الإنفصال مش كدة

مكن يعبر عني نشيدين بحبهم جدا ً

هل ياترى حان الوداع

هل ترانا نلتقي

-------------

وساعتها

هودعها

حتى لو ماتت

هودعها

على أمل إننا نتقابل

في الآخرة

---------------

غدا ً نلقي الأحبة محمد وصحبه

[يمامة المسجد]

حاول تتبع السنه حتى لو انك تحك ظهرك بجدار
وحسب ما قالت

أنا لم أقل

انا نقلت كلام علمائنا وشيوخنا

لو استطعت ألا تحك رأسك إلا بدليل فافعل

[dr_ameera]

أنا لم أقل

انا نقلت كلام علمائنا وشيوخنا

لو استطعت ألا تحك رأسك إلا بدليل فافعل


نعم هذه الجمله المنقوله او المكتوبه
المعنى واحد

[أم المجاهدين]

ليه مانحسش بالأخرة دي كأنها واقع
.................
عارفه يا يمامه لما بدخل مثلا السلاب وافتكر لما كنا نسابق بعض مين تذكرالتانيه بالنوايا قبل مانخرج .
بقول ياااااااااااااااااااااااااه
وأكيد بيصحب ياااااااااااااه دى دعاء ليها
....
وبكون بجد حلمى زى ما أنت بتقولى لقاءنا فى الجنه
بقول أنا مش عارفه اتواصل معاها دلوقتى ,,بش إن شاء ربى لقاءنا فى الجنه
يعنى أكيد ده مش بيتنسى
______________________
بس الافتقاد ده مش بايدك
ومع كل شعور بالافتقاد اكيد بنتذكر إن لقاءنا فى الجنه
____________________________________________
الله أسأل أن يرزقنا اللقاء تحت عرشه يوم لا ظل إلا ظله

[mechil]

merci ktir 3ahalmawdou3 il7ilw

[mechil]

salamo allah 3alaykom jazakom allah khayra aljazae

[smsm2444]

كيف أنساه ؟

[دكتور اسنان]

جزاك الله خيرا

[سماء]

جزاك الله خيرا عزيزتى

بس مش معنى الشباب ومقابلاتهم يبقى مفيش ايمان ولا اسلام

لا طبعا هى مسألة زقتية ومحتاجة من كل شاب وفاتة الالتزام والرجوع الى الله عز وجل

[صافي]

:lll: [السلام]

[صافي]

سبحان الله . الحمد لله . الله اكبر . لا اله الا الله التقرب الي الله

[صافي]

سبحان الله . الحمد لله . الله اكبر . لا اله الا الله شكرا . لعرض هذا الموضوع الشيق

[ريهام تعشق الاسلام]

بارك الله فيكم وجزاكم الله خيرا وممكن ان نضيف شئ اخر هو ان تتذكرى عيوب الشخص الذى احبيبتيه ولا تفكري ابدا فى محاسنه حتى يتم نسيانه فكل واحدة منا تري الحلو بس فيما احبته وتتغافل عن عيوبه واكتر عيب يكون فى عند معظم الناس عدم الاهتمام بالمشاعر وتجدى قسوة فى التعامل والبنت تحلم دائما بالرومانسيه

[قلب معلق بالمساجد]

جزاكم الله خيرا
أرجو أن تفيدوني إخوتي
أنا سمعت كلام لعلماء كبار في النهي عن تعلم هذه العلوم " البرمجة اللغوية العصبية "
و بعدها ابتعدت تماما عن دورات التنمية البشرية و البرمجة اللغوية العصبية
ثم قال لي أحد الإخوة أن البرمجة هي الخطأ
أما التنمية البشرية فلا شئ فيها
و عندما وجدت قسم للتنمية البشرية في المنتدى فرحت و قلت أكيد واخدين الحاجات الكويسة و سايبين الأخطاء
بس الموضوع ده بالذات أعتقد إني سمعت إنه لا يجوز
فهل هناك موضوع خاص يهذا في المنتدى يبين حكم هذه الأمور

[ابوحنين]

جزاكم الله خيرا
أرجو أن تفيدوني إخوتي
أنا سمعت كلام لعلماء كبار في النهي عن تعلم هذه العلوم " البرمجة اللغوية العصبية "
و بعدها ابتعدت تماما عن دورات التنمية البشرية و البرمجة اللغوية العصبية
ثم قال لي أحد الإخوة أن البرمجة هي الخطأ
أما التنمية البشرية فلا شئ فيها
و عندما وجدت قسم للتنمية البشرية في المنتدى فرحت و قلت أكيد واخدين الحاجات الكويسة و سايبين الأخطاء
بس الموضوع ده بالذات أعتقد إني سمعت إنه لا يجوز
فهل هناك موضوع خاص يهذا في المنتدى يبين حكم هذه الأمور




جزاكم الله خيرا علي طرح هذا الموضوع الهام....تكلمنا كثيرا بخصوص هذا الموضوع..وخلاصة القول من وجهة نظري المتواضعه ان التنمية البشرية الخالصه كتطوير الذات واتخاذ القرار ووضع الأهذاف ومثل هذه الأمور فانها مباحه ولا شئ فيها بل ويستحب تعلمها ومن الشيوخ الثقات من يشجع عليها ويحث عليها..أما البرمجه اللغوية العصبيه ففيها تفاصيل كثيرة جدا خلاصتها ان كثير من مناهج البرمجه اللغوية ينبع من مناهج كفرية تهدف الي عدم الاعتماد علي الله كليا والعياذ بالله وان الانسان هو المحدد لما يحدث له من خلال تصرفاته وبرمجته والسبب في هذا ان انشاء هذا العلم جاء من ملاحدة فوضعوا سمومهم وسط العسل..اما استخدام البرمجة اللغوية العصبيه لاهداف مفيدة شرعا كحفظ القران مثلا فلا استطيع القول فيه....وبالنسبة لهذا الموضوع فهذا من اوائل المواضيع التي وضعت بالقسم عند انشاءه ولذا لم نكن علي دراية بكل المعلومات عن البرمجه اللغويه...ولكن سيتم مراجعته ان شاء الله وان كان به اخطاء دينيه سيتم حذفه علي الفور...فنحن هنا لا نسعي الا لمرضاة الله من خلال هذا المنتدي وأي شئ خلاف ذلك فلا مكان له هنا...بارك الله فيكم

[قلب معلق بالمساجد]

أخي الكريم أبو حنين جزاك الله خيرا على ردك المهذب و أنا بالتأكيد لا أشك في نواياكم بارك الله فيكم و أعلم أنكم إنما تسعون إلى مرضاة الله سبحانه
أنا قرأت من قبل تجميع لفتاوى لبعض العلماء منهم الشيح محمد بن صالخ المنجد و الشيخ سفر الحوالي حفظهم الله و غيرهم
و من الممكن أن أنقلهم إن أذنت لي بذلك في موضوع مستقل
و أرجو أن تفرد إدارة المنتدى موضوعا خاصا بهذا سواء كان بالحل أو الحرمة و و إن كان الرأي بحل بعض الوسائل يتم التفصيل فيها و في ضوابطها و بثيت هذا الموضوع للمنفعة
و جزاكم الله خيرا