ابوحنين
03-12-2007, 07:34 PM
http://cbm7.cb.funpic.de/13/10ddc4754e.gif (http://cbm7.cb.funpic.de/uploader.php)
من غير ما أطول عليكم انا هحكلكم قصة حدثتلي امبارح بس...اتعلمت منها حاجات كتييييييييير...فقلت لابد ان انا احكيهلكم عشان كلنا نستفيد ونفوق مع بعض ونتعلم مع بعض....
كنت بالأمس بمستشفي كبيرة بالقاهرة لزيارة أحد أقاربي المريض بورم خطير...وقريبي ده خلاص كان تقريبا فقد الأمل في العلاج من الورم ده وكان بيسألني وبيقلي كده بالنص..(((هو الدكتور قلك ان انا خلاص hopless case))).....فطمنته وكلمته ان الأعمار بيد الله وان لو دكتور قله حاجه فده كلام كتب وان ربنا هو القادر علي كل شئ وياما ناس عندها الورم ده وأشد وعاشت سنين بيه....المهم بقله الكلام ده علي دخلة مين؟؟؟....المريض اللي في الغرفه اللي جنبنا كان اتعرف علي قريبي ده وجاي يزوره...علما بأن قريبي ده في منتصف الخمسين من عمره واللي انا هحكلكم عليه ده يدوب 16 سنه بس....
الشاب او بمعني ادق الولد ده مصاب بسرطان الدم leukemia...وبعض انتشارات سرطانيه في اماكن اخري...الولد ده هو موضوعي بقه...انتو عارفين كانت ايه قصته؟؟؟....
الولد ده كان من أبطال مصر في الفروسية وكان مجتهد في المدرسه بتاعته وفي يوم وهو بيتمرن في النادي وقع من علي الحصان علي كتفه...فخدوه بسرعه علي المستشفي عشان يعمل اشعات وهناك اكتشوا وجود انتشار للورم ****stasis...في عظمة لوح الكتف scapula.... يعني اكتشفوا الموضوع بالصدفه وهو مكنش اشتكي من حاجه...طبعا كان الخبر كالصدمة بالنسبة للجميع....16 سنة وكل الأورام دي والانتشارات دي...المهم تم تشخيص المرض وكان الولد ده لابد يدخل المستشفي اللي انا قابلته فيها دي عشان يبتدي اولي جلسات الكيماوي..وبدأ الولد بالفعل ياخد الجلسات..وبدأ شعره يقع وتأثير الكيماوي يبان عليه..واضطر الدكاتره انهم يشيلو جزء من عظمة لوح الكتف اللي فيها الانتشار الجامد ده مما أدي الي انه معدش بيقدر يسلم بدراعه اليمين الا لما يشيله بالشمال عشان يرفعه ويقدر يسلم عليك...واستمرت جلسات الكيماوي اكتر وكتر والاعراض الجانبيه بتذيد اكتر واكتر...فكان لازم انه يعمل حاجه زي فتحه في صدره كده عشان ياخد فيها الحقن لان اورده ايده معدتش نافعه من كتر مخد فيها قبل كده...وفي وسط كل ده جاءت امتحانات الثانوية العامة والولد ذاكر ودخل الامتحانات...عارفين جاب كام في تانيه....93 %.....طبعا رقم رهيب بالنسبه للي هو فيه ده....وامبارح بقه عرف ان قريبي ده نفسيته وحشه فكان جايله الغرفه بتاعته عشان يهزر معاه شويه ويرفع من معنوياته ودخل علينا ولد صغير كده ومفيش ولا شعره في راسه ورفه ايده اليمين بايده الشمال عشان يسلم عليه وفي صدره انا لمحت الفتحه اللي قلتلكوا عليها...ودخل يهزر وكده وكلم والده اللي بيحج في السعوديه حاليا عشان يطمن عليه ويخليه يكلم قريبي ده كمان لان فيه علاقه نشأت بين قريبي ووالده لانهم كانوا نفس السن تقريبا...ووالد الولد ده بيقول لقريبي خلي بالك من أحمد..وقريبي يقله ادعيلي في الكعبه...يقوله دعتلكم انتوا الاتنين النهارده ادام باب الكعبه....والولد ده كان بيقول لقريبي قبل كده انه ناوي ان شاء الله يرجع يتمرن تاني فروسيه عشان عايز يرجع بطل تاني..وهيبتدي دروس تالته ثانوي عشان هو كده اتأخر اوي....وفي نفس اليوم ده كان مزوغ من المستشفي الممرضه بتاعته زوغته عشان كان عايز يخرج شويه مع اصحابه اللي بيحبوه اوي وبيحبهم وزوع بعد نقل الدم اللي خده في نفس اليوم عشان يقابلهم....
ادام كل ده حسيت اني يمكن مقدرش امسك نفسي فخرجت شويه في بلكونه الغرفه وكان قدامي منظر رائع للقاهرة قدامي البرج والاذاعه والتليفزيون والبنك الاهلي وفي نفس الوقت لقيت طائرة بتهبط عشان تنزل في المطار...فلقيت في الموقف ده ان الواحد في الحياة زي الطائرة دي بالظبط له اقلاع وهبوط وفترة حياة هي فترة الطيران...
فكتشفت ان الانسان لازم انه يعيش حياته محلقا مثل الطيور....طالما انت بتقرأ الموضوع ده دلوقتي يبقي انت خلاص اقلعت...بس ربما تكون بطير منخفض وربما انك لاترتفع عن سطح الارض اطلاقا وفي ناس بتطير تعانق الجوزاء...مشاكل الحياة هي المشاكل اللي ممكن تخليك تعمل هبوط اضطراري انما الطيار الكفء هو اللي يقدر يتغلب عليها لحد لما يوصل للنهاية بسلام...ولو تعرف متعش حياتك علي auto pilot وتسيب الحياة تمشي بيك زي ماهي عايزة...لأ لازم تعيش manual انت اللي بتوجه حياتك...استمتع بكل لحظه في حياتك لانك انت اللي عايشها وانت اللي بتسعد او بتشقي بيها...استمتع بصلاتك...استمتع بذكرك...استمتع بمناجاتك...استمتع بدراستك..استمتع بزفافك...استمتع بأصدقائك....عيش كل لحظه كأنها اخر لحظه بعدها يمكن يحصلك هبوط اضطراري..وتذكر دايما انك هتهبط وهتنتهي رحلتك في يوم من الايام..فانهيها بسلام وكن مع الذين سعدوا....ولا تأمن مكر الله...فربما تحيط بك الأمواج من كل جانب..فالذي أسقط هذا الفارس من علي حصانه قادر أن يسقطتك مما أنت عليه...وتذكر دائما أن الشر ليس إليك....فشوف ماتستحق به الخير وطارده..وما تستحق به الشر واهجره.
http://cbm7.cb.funpic.de/13/a%2520(17).gif
من غير ما أطول عليكم انا هحكلكم قصة حدثتلي امبارح بس...اتعلمت منها حاجات كتييييييييير...فقلت لابد ان انا احكيهلكم عشان كلنا نستفيد ونفوق مع بعض ونتعلم مع بعض....
كنت بالأمس بمستشفي كبيرة بالقاهرة لزيارة أحد أقاربي المريض بورم خطير...وقريبي ده خلاص كان تقريبا فقد الأمل في العلاج من الورم ده وكان بيسألني وبيقلي كده بالنص..(((هو الدكتور قلك ان انا خلاص hopless case))).....فطمنته وكلمته ان الأعمار بيد الله وان لو دكتور قله حاجه فده كلام كتب وان ربنا هو القادر علي كل شئ وياما ناس عندها الورم ده وأشد وعاشت سنين بيه....المهم بقله الكلام ده علي دخلة مين؟؟؟....المريض اللي في الغرفه اللي جنبنا كان اتعرف علي قريبي ده وجاي يزوره...علما بأن قريبي ده في منتصف الخمسين من عمره واللي انا هحكلكم عليه ده يدوب 16 سنه بس....
الشاب او بمعني ادق الولد ده مصاب بسرطان الدم leukemia...وبعض انتشارات سرطانيه في اماكن اخري...الولد ده هو موضوعي بقه...انتو عارفين كانت ايه قصته؟؟؟....
الولد ده كان من أبطال مصر في الفروسية وكان مجتهد في المدرسه بتاعته وفي يوم وهو بيتمرن في النادي وقع من علي الحصان علي كتفه...فخدوه بسرعه علي المستشفي عشان يعمل اشعات وهناك اكتشوا وجود انتشار للورم ****stasis...في عظمة لوح الكتف scapula.... يعني اكتشفوا الموضوع بالصدفه وهو مكنش اشتكي من حاجه...طبعا كان الخبر كالصدمة بالنسبة للجميع....16 سنة وكل الأورام دي والانتشارات دي...المهم تم تشخيص المرض وكان الولد ده لابد يدخل المستشفي اللي انا قابلته فيها دي عشان يبتدي اولي جلسات الكيماوي..وبدأ الولد بالفعل ياخد الجلسات..وبدأ شعره يقع وتأثير الكيماوي يبان عليه..واضطر الدكاتره انهم يشيلو جزء من عظمة لوح الكتف اللي فيها الانتشار الجامد ده مما أدي الي انه معدش بيقدر يسلم بدراعه اليمين الا لما يشيله بالشمال عشان يرفعه ويقدر يسلم عليك...واستمرت جلسات الكيماوي اكتر وكتر والاعراض الجانبيه بتذيد اكتر واكتر...فكان لازم انه يعمل حاجه زي فتحه في صدره كده عشان ياخد فيها الحقن لان اورده ايده معدتش نافعه من كتر مخد فيها قبل كده...وفي وسط كل ده جاءت امتحانات الثانوية العامة والولد ذاكر ودخل الامتحانات...عارفين جاب كام في تانيه....93 %.....طبعا رقم رهيب بالنسبه للي هو فيه ده....وامبارح بقه عرف ان قريبي ده نفسيته وحشه فكان جايله الغرفه بتاعته عشان يهزر معاه شويه ويرفع من معنوياته ودخل علينا ولد صغير كده ومفيش ولا شعره في راسه ورفه ايده اليمين بايده الشمال عشان يسلم عليه وفي صدره انا لمحت الفتحه اللي قلتلكوا عليها...ودخل يهزر وكده وكلم والده اللي بيحج في السعوديه حاليا عشان يطمن عليه ويخليه يكلم قريبي ده كمان لان فيه علاقه نشأت بين قريبي ووالده لانهم كانوا نفس السن تقريبا...ووالد الولد ده بيقول لقريبي خلي بالك من أحمد..وقريبي يقله ادعيلي في الكعبه...يقوله دعتلكم انتوا الاتنين النهارده ادام باب الكعبه....والولد ده كان بيقول لقريبي قبل كده انه ناوي ان شاء الله يرجع يتمرن تاني فروسيه عشان عايز يرجع بطل تاني..وهيبتدي دروس تالته ثانوي عشان هو كده اتأخر اوي....وفي نفس اليوم ده كان مزوغ من المستشفي الممرضه بتاعته زوغته عشان كان عايز يخرج شويه مع اصحابه اللي بيحبوه اوي وبيحبهم وزوع بعد نقل الدم اللي خده في نفس اليوم عشان يقابلهم....
ادام كل ده حسيت اني يمكن مقدرش امسك نفسي فخرجت شويه في بلكونه الغرفه وكان قدامي منظر رائع للقاهرة قدامي البرج والاذاعه والتليفزيون والبنك الاهلي وفي نفس الوقت لقيت طائرة بتهبط عشان تنزل في المطار...فلقيت في الموقف ده ان الواحد في الحياة زي الطائرة دي بالظبط له اقلاع وهبوط وفترة حياة هي فترة الطيران...
فكتشفت ان الانسان لازم انه يعيش حياته محلقا مثل الطيور....طالما انت بتقرأ الموضوع ده دلوقتي يبقي انت خلاص اقلعت...بس ربما تكون بطير منخفض وربما انك لاترتفع عن سطح الارض اطلاقا وفي ناس بتطير تعانق الجوزاء...مشاكل الحياة هي المشاكل اللي ممكن تخليك تعمل هبوط اضطراري انما الطيار الكفء هو اللي يقدر يتغلب عليها لحد لما يوصل للنهاية بسلام...ولو تعرف متعش حياتك علي auto pilot وتسيب الحياة تمشي بيك زي ماهي عايزة...لأ لازم تعيش manual انت اللي بتوجه حياتك...استمتع بكل لحظه في حياتك لانك انت اللي عايشها وانت اللي بتسعد او بتشقي بيها...استمتع بصلاتك...استمتع بذكرك...استمتع بمناجاتك...استمتع بدراستك..استمتع بزفافك...استمتع بأصدقائك....عيش كل لحظه كأنها اخر لحظه بعدها يمكن يحصلك هبوط اضطراري..وتذكر دايما انك هتهبط وهتنتهي رحلتك في يوم من الايام..فانهيها بسلام وكن مع الذين سعدوا....ولا تأمن مكر الله...فربما تحيط بك الأمواج من كل جانب..فالذي أسقط هذا الفارس من علي حصانه قادر أن يسقطتك مما أنت عليه...وتذكر دائما أن الشر ليس إليك....فشوف ماتستحق به الخير وطارده..وما تستحق به الشر واهجره.
http://cbm7.cb.funpic.de/13/a%2520(17).gif