تفريغ شريط بطل رغم كل شىء الاول

[ora_egg]

:LLL:
بطل رغم كل شىء
كان اخر كلمة قالتها انا بحبك قوى يارب وهى خارجة من البنك المفروض انها تقول آه انها تتالم انها تقول اى كلمة الواحد بيهلوس بيقول اى حاجة فى هذا الوقت الكلمة اللى قالتها قبل ان يتوفها الله انا بحبك قوى يارب ثم توفاها الله والدها كشف النقاب عن وجها لانها رفضت تعمل العملية من غير ما تخلع النقاب ورفضت انها تفطر وكانت صائمة فى هذا اليوم كمان وحديث رسول الله صلى الله عليه وسلم الذى يتوفاه الله وهو صائم فهو من اهل الجنه باذن الله سبحانه وتعالى ودخلت العملية وهى صائمة وكان النهارده صلاه الجنازة عليها فى الحرم المكى بفضل الله سبحانه وتعالى فحاجة عظيمة قوى يا جماعة ان اخر حاجة فى حياتك تفتكرها مفتكرتش ابوها مفتكرتش خطيبها مفتكرتش دراستها افتكرت ربنا سبحانه وتعالى ان ربنا يبقى موجود فى قلبك لغاية اخر لحظة فى حياتك ان الدين يبقى مالى قلبك حتى وانت غايب عن وعيك الحاجة اللى بتخرج على لسانك فى اخر لحظات حياتك اعلانك لله سبحانه وتعالى بحبك لله سبحانه وتعالى فطبعا حاجة جميلة انا مش عارف والله نعزى اهلها ولا نهنى اهلها ولا ندعى ان ربناسبحانه وتعالى يرزقنا حسن الخاتمة وان يرزقنا خاتمة مثل هذه الخاتمة اللهم امين اللهم امين اللهم امين يعنى عيزين ندخل فى درس الليلة سبحانه وتعالى موضوعه هو مش بعيد ابدا عن الكلمة اللى احنا قلناها فى الاول او الحدث اللى حصل النهارده ده بس لما ندخل جوه هنفهم بالضبط ما العلاقة ما بين الاثنين عوزين نبدا درس الليلة النهارده ياجماعة كان صلاح الدين الايوبى كان قبل عزوة حطين بيمر على الصفوف فى الخيم لما يجد خيمة اهلها بيقوموا الليل وقاموا يذكروا الله يقول من هنا ياتى النصر الخيم لما يجد خيمة لجنود اللى فيها سهرنين بيضحكوا وبيهزروا مع بعض يقول من هنا ياتى الهزيمة اهو هو ده اللى احنا عوزين نقوله دلوقتى لما تمشى فى الشارع تلاقى شلة قعدين فى الجامع قاعدين يسمعوا لربنا تقول من هنا ياتى النصر ولما تجد نادى وشباب ملمومين فى اختلاط تقول من هنا تاتى الهزيمة لما تشوف بنت منتقبه او بنت مختمرة او ذات عفاف وحكمة تقول من هنا ياتى النصر لما تشوف واحدة متبرجة قول من هنا تاتى الهزيمة لما تدخل على النت وتلاقى موقع اسلامى قول تقول من هنا ياتى النصر ولما تلاقى هوم على البلاتك بيعرضوا فيها اغانى قول من هنا تاتى الهزيمة يعنى انت دلوقتى سبب نصر ولا سبب هزيمة انت بحالك على بعضك كده من اولك الى اخرك كده سبب من اسباب نصر الامة ولا سبب من اسباب هزيمة الامة لو بصنا ياجماعة فى امريكا وكلمنا الشباب وحتى الاطفال اللى هناك هتلاقى فى حالة اعتزاز ليه يابنى انت معتز وفخور بى ايه انا من الامة اللى فلان اخترع الذرة منها ده احنا فلان اللى طلع القمر منها ده احنا اللى فلان اخد نوبيل منها ده احنا الامة اللى فلان اكتشف كذا وكذا منها مشين فى حالة اعتزاز طيب احنا معتزين ليه ده احنا بننتمى للامة اللى فيها اعظم امة جيل فى البشرية كلها وجيل الصحابة ده جيل لا يوجد زية قبلة فى التاريخ ولا حتى اصحاب لا ياتى بعدة مثلة بدليل حديث الرسول صلى الله عليه وسلم ((خير القرون قرنى خير القرون)) خير القرون فى البشرية على الاطلاق دى الامة الاسلاميه مشين راسهم مرفوعة من شدة الاعتزاز بجيل الصحابة اللى هم طلعوا بينتموا اليهم لو مشينا دلوقتى فى الشارع وسط الشباب ووسط شباب النوادى هنلاقيهم منبهرين ده منبهر برمبوا واحد واثنين و ثلاثة ودة منبهر بسنستر السلونى وده منبهر بتون كروز والافلام بتاعته ودة منبهر برجل المستحيل والقصص اللى بيقرائها وبيتابعها باستمرار ده بيعمل حاجات فظيه حاجات رهيبه وده منبهر بجو ديفر انبهار شديد من الشباب رغم ان كل ده خيال رغم ان كل ده تخريف رغم ان كل ده محصلش منه اى شىء فى الواقع الا ان احنا عندنا حدث بالفعل اشياء المنتجين والمخرجين بتوع هليون خيلهم لو سرح لاخر المدى معرفش يجيب اللى حصل فى الامة بتاعتنا معرفش يجيب البطولات اللى الصحابه عملوها حدث بالفعل ان عندنا واحد اسمة الغادية رضى الله عنه من اصحاب رسول الله قتل 300 واحد بسهم واحد واحد هيقول ايه ده بقى دى وسعة قوى اقول له مش واسعة كانوا فى حرب مع الروم الرومل بدؤا بيستعملوا سلاح جديد طبعا دخلين نحارب دولة عربية عمرنا ما حربناها قبل كده امال ازاى قضوا على الدول ديه بيحاربوا بنفط مشتعل يرموا النفط على سفينة المسلمين تولعها اخذ السهم بتاعة ورماه جة فى النفط المشتعل اللى كانوا بيرموه على المسلمين السفيه ولعت السفينه كلها بى 300 واحد من الروم كانوا مشين بيفتخروا زمان بيقولوا احنا منا اللى قتل 300 كافر بسهم واحد حدث بالفعل ان بسر ابن قنطرة رضى الله عنه كان من صحابة رسول الله صلى الله علية وسلم بسر ابن قنطرة ده كان واحد يعنى الروم نفسهم قالوا عليه ايه كان بيحارب الروم فلاحظ مؤخرة الجيش بتصاب بكمائن مستمرة فتاخر مع 100 فارس من الفرسان بتوع جيش المسلمين بشوف ايه اللى وراهم بيستقصى المؤخرة بتاعة الجيش اتاخر عن الجيش وراح فى مكان ففؤجىء بان فيه 30 دابه مربوطة عند بيت او كنيسة فعرف ان فى 30 واحد من الروم بيستقصوا المؤخرة بتاعة الجيش عمل ايه تتخيلوا عمل ايه هو معاه 100 واحد دخل لوحده قفل الباب عليه وعليهم حدث بالفعل هذا الكلام ياجماعة قفل الباب عليه وعليهم ونزلوا طحن فى بعض فدخل المسلمين بسرعة يجروا وراه دخل المسلمين جوة حته من السور من السقف اللى فيه لاقوه قافل على امعائه فى بطنه بايد وماسك السيف باليد الاخرى وهو بيقاتل الرومان لما المسلمين خدوه وساروا واحد بيقول ليهم مين ده قالوا لهم بسر بن قرطئه قال عجزت النساء ان يلدن مثل بسر كان مبيهمهمش حاجة كان قلوبهم مليئة كمية جرءة وكمية بطولة تكفى ان واحد حدث بالفعل واحد زى البراء بن مالك فى عزوة اليمامة من الاحداث اللى ثلبت مسار غزة اليمامة يرمى نفسة من فوق الباب علشان يفتح الباب من جوة عرفين كان جوة كم كافر كان جوة 30 الف كافر 30 الف كافر من انصار مسيلمة الكذاب يرمى نفسة جوة طيب ازاى عمر بن الخطاب قال انهم مهلكة رمى نفسة جوة لما واحد يفكر يقول ازاى مقتلوهوش لان ياجماعة حتى تخيلوا 30 الف واحد قعدين ولاقوا واحد بينط عليهم من من فوق لايمكن يتوقعوا ان هذا هجوم فردى ابدا لايمكن يتوقعوا ان عقليه انسان توصل بيه من الجرءة هذه الدرجة هيتوقعوا انه هجوم شامل هيبدوا بستعدوا هنا وهنا وهنا فتوزيع الطاقات بتاعتهم سيدنا البراء بن مالك قفز من فوق السور فى حركة والله ماجت جت فى رمبوا ديه ياجماعة جت فى اى فلم من الافلام محدش يعرف يعمل كده ولا شجاعة الصحابة تجى فى خيال المخرجين بتوع هليون ولا الشجاعة بتاعتهم تجى فى خيالهم اصلا لما خيالهم بسرح منهم عوزين نعتز بدول عوزين نعتز بالنماذج بتاعتنا حدث بالفعل زمان افتكر اللى خلانى ابص للقصة دى بالذات بافتكر زمان اتفرجت على لقطة من فلم اجنبى كان فلم من الافلام الغريبة ديه وجيبين البطل بتاعة فى القطة الاخيرة يهرب من نفق مائى تحت الارض كان مشهد رهيب طبعا كان مشهد متصور صح وكان مشهد يحبس دمك وانت بتتفرج لغاية ما خرج فى الاخر والفلم انتهى المقصد ياجماعة انى فوجئت نفس الموقف ده ان احد الصحابة الكرام كان المسلمين بيحربوا الروم تخيلوا فى مدينه تستركانت مدينه حصينه جدا كان الحصن بتاعها شديد مش عرفين ينفذوا جة واحد من اخر المدينه وكان كثيرا ما يسلم ناس فى اثناء حروب المسلمين من البطولات اللى بيشوفوها من المسلمين تخيلوا ان سيدنا منساءة بن ثور لما جة له الراجل ده قال له ان فى نفق مائى تحت الارض يوصل لغاية اخر الحصن بتاعهم مش عرفين يفتحوا المدينه اخذ 300 واحد ودخلوا من تحت النفق ده قبل الفجر 220 واحد منهم ماتوا فى هذه الحركة 80 واحد اللى عدوا وكانت الاشارة اللى ما بينهم وبين جنود المسلمين الكبير اذا قدروا يوصلوا لباب الحصن يكبروا من خوه المسلمين يكبروا من برة وفتحت المدينه بسبب هذه الحركة الجريئة الخطيرة من هذا الصحابى الجليل بيقى اذن عوزين نعتز بالناس ديه عيزين مننبهرش بالغرب عوزين ننبهر بنفسنا عوزين ننبهر بالناس اصل دلوقتى اللى انبهر بافلام الاكشن وجك شان انبهر ليه من كثرة ما تفرج عليها الناس نريد ننبهر بانفسنا اللى انبهروا بميكى ماوس وبطوت والبلاى استاشن وافلام الكرتون من كثرة ما اتفرج عليها اللى انبهر بالممثلين والمغنين ولاعبت الكرة من كترة ما تفرج عليها احنا عوزين نسمع عن الصحابة لغاية ما ننبهر بالصحابة لغاية ما نعرف ان كل داول ابطال من ورق لغاية ما نعرف الابطال الحقيقين افتكرقرات زمان مقال فى الجرنال كان الراجل كاتب العنوان ماذا لو كانت اهرامات منشستر فاستغربت فبدات اقرء الكلام فالراجل بيرسى لسوء استثمارنا السياحى للاهرمات بيقول لو الاهرمات كانت فى مانشستر فى انجلترا كانت كسبت من ورائها مليارات واحنا مش عرفين نكسب من وراها اهو انا بقول الصحابة بتوعنا لو كانوا امريكان لو كانوا فى امة مثل امريكا والله كانوا جننوا العالم افلام وكتب عن هؤلاء العظماء لغاية ما بهروا العالم بيهم احنا مش منبهرين بيهم علشان كده الناس متعرفهمش امريكا كا اثناء حرب امريكا مع انجلترا زمان زمان من قرنين كده واحد فرنسى سافر بحرا الى امريكا علشان يحارب مع امريكا ضد انجلترا الراجل ده اسمة
تخيلوا الراجل ده عملين له لغاية دلوقتى تمثال تخليد لذكراة ده عمل ايه يعنى ايه اللى عملة هم دول الابطال بتوعهم انما الابطال بتوعنا اللى عملوا خوارق قصة سيدنا خالد ابن الوليد رضى الله عنه كل ما اقرائها احس انت تعرف سلسلة رجل المستحيل حد منكم متابعها احس ان انا مشن امبسبل واحد مشن امبسبل اثنين مشن امبسبل عشرة احس بس كلام حقيقى بقى اول مهمة تلاقى النبى عليه الصلاه والسلام يدخلة فى الجيش اللى هيسند اليه فيه انه يقوم بمهمة انسحاب المسلمين من تابوك بعد ما رجع من مؤته بعد ما الثلاث قيادات بتوع الجيش اتقتلوا تخيلوا لو الربع مليون امريكى اللى فى الخليج حصروا جيش المجاهدين اللى مكون من الفين مثلا حصروة من جميع الجهات ومطلوب ان قائد الجيش ده يعمل انسحاب الالفين يخرجوا سلام يبقى ده بطل ولا مش بطل علشان كده المهمة الثانية او المشهد الثانى اللى رسول الله صلى الله عليه وسلم اللى اسندها اليه كانت قياده جناح من الاجنه فى فتح مكة يبقى اترقى عسكريا اهو المهمة الثالثة كانت خطيرة جدا عرفين صنم العزة عرفين لما العرب زمان يقسموا بحاجة عاليه بيقولوا واللاتى والعزة لما كانوا بيسموا واحد اسم عظيم قوى كانوا بيقولوا عبد الايه العزة لما ابو سفيان وقف يعاير المسلمين بعد هزيمة احد بيقول ليهم لنا العزة ولا عزة لكم العزة ده كان اخطر صنم فى جزيرو العرب رسول الله اختار خالد بن الوليد يروح هو اللى يحطمة يروح هو يولع النار فيه لانه متوقع اى مسكلة تحصل وهوبيهدم الصنم ده بالذات يروح سيدنا خالد بن الوليد فى المهمة الثالثة ويعلق سيف فى رقبة الصنم بيقولوا برزنى خد السيف انا اهو بديه ليك بيدى بارزنى بقى ويقف ويقول له ياعزا كفرانك لا سبحانك ياعزا انا كافر بيكى ياعزة يا كل طاغوت على وجة الارض يا كل طاغوط حارب الاسلام والمسلمين يا كل مذهب او منهج وضعى فى هذه الارض يا عزا كفرانك لا سبحانك انى رايت الله قد اهانك سيدنا خالد بن الوليد اشعل النار فى هذا الصنم وحطمة تحطيم تام كانت المهمة الرابعة اللى بعد كده ياجماعة ان في قبيلة من القبائل بدات تعمل حركة تمرد على المسلمين بعد فتح مكة دلوقتى حركة تمرد نبعت مين فى مشكلة نبعت خالد بن الوليد عرفين ضابط المخابرات المتميز جدا اللى كل ما تيجى مشكلة تتعلق بالدولة ابعتوه ابعتوه علشان كدا رسول الله صلى الله عليه وسلم مريحش خالد بن الوليد لحظة من ساعة ما اسلم وهو فى مهام مهام مهام مهام بعد موت رسول الله صلى الله عليه وسلم عاش حياته مهام وراء بعضها رضى الله عنه ومكنش رجل المستحيل ده كان كل الصحابة كده رجال المستحيل علشان كده كل صحابى والله العظيم ممكن نعمل من حياته سلسلة كاملة اسمها رجل المستحيل وطبعا كلة باذن الله سبحانه وتعالى المهمة اللى بعد كده بعد اى حركة تمرد تبدا تظهر المهمة اللى بعد كده كانت وحرب المرتدين بعد وفاة رسول الله صلى الله عليه وسلم اسند الى خالد بن الوليد اشد اثنين طلعوا فى المرتدين طليحة بن خويلد الاسدى ومسيلمة الكذاب المهمة اللى بعد كده كانت مهمة فظيعة
فتح العراق سيدنا خالد بن الوليد وهو بيفتح العراق حصل مشاكل فى الشام فى فتح الشام مع الروم تخيلوا لما سيدنا ابو بكر الصديق قال له سيب العراق وروح الشام عمل ايه سيدنا خالد عمل ايه سيدنا خالد حسبها لاقى ان فى طريقين طريق ماهول هيقعد فيه شهر كامل على ما ينجد المسلمين الاسلام فى خطر الاسلام دلوقتى بيتعرض لخطر وطريق تانى محدش مشى فيه من زمان طريق رهيب محدش مشى فيه من زمان فيه خمس ايام كاملة مفيش فيه نبع واحد طول الطريق ولكن ممكن يصل فى حوالى 15 يوم راح جاب احد المرشدين اللى فى الطرق الصحراوية ديه قال له ان الطريق ده انا لم امشى فيه من30 سنه دى من اعظم قصص خالد بن الوليد ولكن الدين فى خطر ياجماعة لازم بتصرف بسرعة ياجماعة دلوقتى فى ناس معتقلة فى معتقلات اليهود دلوقتى وبيتعذبوا اشد التعذيب يبقى لازم توصل بسرعة يبقى لازم تكبر بسرعة يبقى لازم نطلع بسرعة يبقى لازم نسلك اقصر طريق وسيدنا خالد وافق يمشى فى الطريق ده جاب الجمال وعطشها عطشها عطشها ثم شربها كمية ماء رهيبة وكمم افواة الابل وبدا ينطلق فى هذا الطريق 3 ايام بدون اى ماء 3 ايام بدون اى ماء يعنى مشين على الزاد بتاع الماء بدات الماء تخلص هيكملوا ازاى بيقول للراجل انت قلت لينا ان بعد 5 ايام فى بئر ماء بيقول له انا من 30 سنه لما مشيت الطريق ده كان فى بئر ماء فانا مش عارف هنلاقيه دلوقتى ولا مش هنلاقيه الحاجة اللى تهزك فعلا لما بتضرعوا الى الله وفعلا بعد الخمس ايام يلاقوا بئر الماء الحاجة اللى تهزك ان ربنا حافظ البئر ده 30 سنة علشان بعد 30 سنة هيجوا المسلمين يعدوا من هنا فى الجهاد وفى الفتوحات فيلاقوا الماء اللى يتزودوا بيه فى ثلث الطريق ربنا اللى بيرتب للدين ده وربنا اللى بيحفظ اهل الدين ده سيدنا خالد ينقل على الفرس وينقل على الروم وينقل معركته وتيجى المهمة السابعة فى حياه خالد وهى حرب الروم ياجماعة اعظم بطولة فى حيات خالد بعد ما وضع الخطة بتاعة الروم وبعد ما خلاص وزع القوات بتاعته يجى جواب من المدينه المنورة من سيدنا عمر بن الخطاب ان ابو بكر الصديق مات وانا بقيت الخليفة واعزلك ياخالد واولى ابو عبيدة بن الجراح مكانك يبقى جندى فى الجيش اللى حط فيه الخطة امبارح طيب لماذا قبل ينزل جندى كان ممكن يعمل انقلاب عسكرى كان ممكن يعمل اى حاجة دا خالد فى الوقت ده اللى كان العالم كله مسلمين وكفار كانوا منبهرين بيه دة شخصية عسكرية انتوا فكرين اللى يعرف انبهار العالم بمنت هنرى وثعلب الصحراء يكتشف ان اللى عملة خالد الناس ديه متجيش فيه ذرة ومع ذلك اللى نعرفة عن الناس ديه اكتر من اللى نعرفة عن خالدد بن الوليد لما سيدنا خالد جة له هذا الكلام نزل بقى جندى تحت قيادة سيدنا ابو عبيد بن الجراح لانه مكنش بيشتغل لنفسه لانه كان بيشتغل لله سبحانه وتعالى لانه بيشتغل لله ايه المشكلة انى امبارح قائد والنهاردة جندى مادام لله علشان كده ربنا سبحانه وتعالى رفعة لما تعرف ان رسول الله صلى الله عليه وسلم قال ان الجرح اللى انت اتجرحته ومت بيه شهيد فى سبيل الله يجى يوم الثقيامة يطلع مسك طيب اللى اتجرح فى صدرة صدرة يطلع مسك يوم القيامة اللى اتجرح فى بطنه بطنه تطلع مسك اللى اتجرح فى رقبته رقبته تطلع مسك طيب خالد ابن الوليد اللى مفيش فى جسمة مكان متجرحش فيه جرح يبقى جسمة كله يوم القيامة يبخ مسك يبقى يا بخته عند الله سبحانه وتعالى عوزين ياجماعة الليلة ان شاء الله نتكلم عن قصص الصحابه فى قصص الصحابه عيزين نتكلم الناس ديه بقوا عظماء ليه الناس ديه طلعت ليه الناس ديه تميزت ليه اول صفة هنتكلم عنها ان كل صحابى كان بطل رغم كل شىء عوزك تركز معاى فى الكلمة دى قوى وانت تركزى معايا فى الكلمة ديه قوى ان كل صحابيه كان بطله رغم كل شىء يعنى ايه رغم كل شىء ان مكنش فيه حاجة تقف فى وشهم لو جيت دلوقت اهو قلت لواحد قوم يا فلان انت مبتشتغلش للدعوة ليه يقولى انا متجوزتش وانت عارف الشباب قبل الجواز والله اول ما اتجوز هعمل طيب انت يا فلان انا مش لاقى ااكل انا فقير انا حلتى الاقتصادية لما الاقى اشتغل طيب انت يافلان اصلى انا اشتغلت والشغل بتاعى 15 ساعة فى اليوم يادوبك بالعفيه وانتى انا غلابانه انا ربنا مرزقنيش اطفال ادعيلى ان ربنا يرزقنى اطفال والواحد حتى نفسيتى تستريح وانتى انا حامل وتعبانه وانتى انا جوزى طلقنى وانتى انا جوزى مش مساعدنى وانت دا انا دا الواقع صعب والواقع رهيب والوقع ده عاوز ناس مستويتهم اعلى منى انا مقدرش اعمل حاجة ياجماعة درس الليلة يركز على الفكرة ديه فكرة يعنى ايه تبقى بطل رغم كل شىء اول صفة تذكرها من صفات الصحابة هى الصفة ديه لانها اكتر صفة هنتحدث فيها احنا منا ناس التزمت من شهور ونصف اصحتابهم كلهم التزموا على ايديهم و منا ناس التزمت بقلها سنين ومعملتش اى حاجة يبقى احنا دلوقتى نتكلم فى فكرة ان مفيش ظرف يعطلك عن الله ازاى ان مفيش مشكلة ولا حاجز توقفك وانت فى طريق العمل لدين لله وفى طريق بناء نفسك وفى اصلاح قلبك وفى طريقك الى جنة الله سبحانه وتعالى يعنى عوزين نقول ايه اول نموزج بنعرضة او نموذج مبهر عوزين نقول ايه نموذج ننبهر بيه نموذج سيدنا سلمان الفارسى عرفين سلمان الفارسى عرفين سيدنا سلمان سيدنا سلمان اكتر حاجة تشدك فى القصة بتاعته ان مفيش مشكلة واحدة مقبلتش واحد فينا الا وقابلت سلمان الفارسى عد معايا وعدى معايا
1- ابوه وقف فى وشة لما جة يغير دينه دين الماجوسية لدرجة انه قيد ايدية ورجليه بالسلاسل الحديد انت حصلت ليك ديه حصلت ليك ان ابوك جاب سجادة الصلاون ولفها حوليك وحرقها من فوق زى ماحصل مع سعد بن ابى وقاص حصلت ليك ان ابوك او ولدتك حبسوك فى اوضتك من غير اكل ولا شرب ايام زى ما حصل مع مصعب ادى اول حاجة حصلت له
2- الحاجة التانية ان ابوة كان غنى جدا كان مليونير ابوة عندة ضيعة زى عزبة كبيرة وكان عندة عمائر سبب ان سيدنا سلمان الفارسى اطلع على النصارى فى هذا الوقت انه هو هرب من ابوة وراح للنصارة سبب كده ان ابوة من كترة انشغالة بالعمائر بتاعته خلاة يروح يشوف الضيعة بتاعته وهو رايح شاف كنيسة نصارى وسمع الصلاة بتاعتهم وانبهر بيهم فى هذا الوقت
3- الحاجة الثالثة ياجماعة ان المستقبل قدامة ده كان شاب غنى جدا ده كان شاب وصل دينيا انه هو المسئول عن اشعال النار دنياويا المستقبل عريض امامة الشاب اللى يلتحى واول ما يعرض عليه وظيفة بى 300 جنية فى الشهر يحلق لحيته او اتعرض عليه وظيفة بى 200 جنية فى الشهر بس معلش لاة الظهر والعصر معلش صليهم فى المحل يوافق يتخلى عن دينه علشان حاجة بسيطة قوى فى الدنيا
4- ان سلمان الفارسى كان وسط المجوس اللى كان ممكن اب يتجوز بنته اللى كانت اقذر بيئة شهوات الشباب دلوقتى اللى يقولك الشهوات ومش قادر اقاوم الشهوات تخيلوا لما يطلع فى الوقت دة تخيلوا لما يطلع فى الجو ده الرسول صلى الله عليه وسلم بيقول ورجل اخذ بعنان فرسة كلما سمعة هيعة لبى هو معاه الفرس بتاعة يسمع ان فى جهاد فى العراق يطلع يروح العراق يسمع ان فى جهاد فى فلسطين يطلع دلوقتى شاب اخذ بعنان سيارته كلما سمعة هيعة من مصيف من احد الشلل او احد الفتيات لبى على طول يبقى شايف الوضع بيتقلب ازاى معانا شايف الوضع بينزل ازاى معانا بيبقى الشهوات يبقى ان رابع حاجة ان اول واحد اتعامل معاه فى بيئة الدين اللى هرب ليها وساب الدنيا كلها علشانها طلع نصاب اول واحد اتعامل معاه طلع نصاب بيسرق فلوس الناس تخيل انت اول مرة دخلت الجامع اول اخ اتعاملت معاه وسلم عليك واخذك بالحضن وقال ليك ازيك يا اخى طلع نصاب تعمل ايه انت ساعتها بقى تخيلوا يا جماعة واحد ضحى بكل ده وان الصورة المثاليه اللى هو واخدها اتصدم فيها اتخبط فيها يعمل ايه ساعتها الحاجة الرابعة ندرة الحق مكنش فى الف موقع اسلامى على النت مكنش فى مليون شريط اسلامى لكل الموضيع لخمسين ولا 100 شيخ ومكنش فى 100 درس ودرس كل يوم ومكنش فى المهرجان الدينى الموجود دلوقتى ده ده كان اول واحد سافر من فارس للشام تانى واحد فى العراق يعنى كل كام دولة ودولة لما يجد واحد يدلوة على الحق رابع حاجة الوحدة انه كان لوحدة واحد بيقول لو صحبى جة المسجد يشجعنى اجى معاه سلمان ياجماعة قضى الرحلة ديه كلها لوحده لوحدة تخيلوا ان هو لوحدة قدام كل المعوقات ديه الحاجة الخامسة المجاهدة الحديث الجميل قوى حديث رسول الله صلى الله عليه وسلم اللى قال لو كان الايمان عند الثريا لبلغة رجال من هولاء حط ايده على مين على سلمان اشمعنى سلمان لان لو بصيت لواقع سلمان فى الاول هتعرف ان كان ما بين سيدنا سلمان وما بين الايمان زى ما بينا وبين الثريا فى السما كده دة واحد طلع وسط مجوس حولين المجوس النصارى بتوع الروم حولين النصارى بتوع الروم المشركين بتوع العرب وهو فى وسط المجوس فى بيت القهقان بتاعهم زى القسيس بتاعهم كده يوصل ازاى الصادق ربنا بيوصلة اللى عنده النية فعلا ربنا بيشق له الصخر علشان يوصل فى الاخر للخط يا جماعة الصادق والله هيوصل محدش يقول انا مقدرتش اوصل محدش يقول المشوار صعب انت اللى عندك مشكلة فى الصدق بتاعك انت لو صادق فعلا وثابت ربنا هيفتحا عليك فعلا وهيوصلك مفيش واحد صادق ابدر ربنا حرمة من انه يوصل الى الله سبحانة وتعالى حاجات كتير وبعد كده يقع فى العبودية قبيلة من العرب تغدر بيه وتخدة يخدم اليهود اليهود يروح لليهود تخيلوا ياجماعة الرحلة ديه يقع فى ايد اليهود ويقع فى العبودية يعنى واحد يقول ايه دة يا رب يارب انا بعت حياتى كلها علشان اوصل ليك وانت بتعمل فى المصايب دى كلها وانت بتبتلينى الابتلائات ديه كلها مش ده اللى بيجى فى صدرنا لما بيحصل لينا مشكلة اسوء يوم فى حيات سلمان يوم ما وقع فى الاسر وهو اعظم يوم فى حياتة لانه لما وقع فى الاسر راح لليهود بتوع المدينه راح للبلد اللى هيطلع منها الرسول صلى الله عليه وسلم ترتيب الله ترتيب الله للصادق ترتيب الله للى ربنا يريد ان يوصلة معوقات وراء معوقات لغاية ما تجى الجائزة فى الاخر انه يبقى من اجل صحابة رسول الله صلى الله عليه وسلم ويوصل الى رسول الله ويصل الى الله سبحانه وتعالى ادى نموذج اهو بطل ادى بطل اهو رغم كل شىء بطل رغم كل حاجة حصلت له
عوزين نتكلم عن بطل ليلة الفرح بتاعة سيدنا حنظلة ليلة فرحة وهو على جنابة يسمع منادى الجهاد يخرج كان الانصار بعد كده لما يجوا يتباهوا على المهاجرين يقولوا احنا بينا سيدنا حنظلة غسيل الملائكة انتم منكم فلان وفلان واحنا منا فلان وفلان ومنهم حنظلة غسيل الملائكة ليلة الفرح ايوه ليلة الامتحان وليلة الفرح ايوة وفى اى وقت مفيش ظروف تمنع اى واحد راجل فعلا ان يتقدم فى دين الله سبحانه وتعالى اى مشكلة هتخص واحد بيتحجج النحة ديه او النحية ديه الشاب ممكن يقولك شهوتى والشهوة صعبة والنساء ومش النساء انتم تعرفم ياجماعة احد السحابة لما اسلم وهاجر الى الرسول صلى الله عليه وسلم فدخل الغزو بعد ايام الصحابى اصابة سبى سبي جة لة كد فالصحابى راح لرسول الله صلى الله عليه وسلم فقال لة ما هذا يا رسول الله ايه ده عرفين يعنى ايه سبى نساء سيى يعنى نساء انا مش عاوز حاجة انا مش عاوز فلوس ولا عاوز نساء انا مش عاوز حاجة اصل انتم النساء عندكم ليل ونهار فى الشوارع لكن مدينة ولاعراب والحجاب الشرعى مبيشفوش حاجة زى اللى عايش كده فى السعودية اول ما تنزل مصر تستغرب جدا مش قادر يفتح عينه دول اول مرة بعد الحروب والفتوح يشوفوا نساء فعلا او يشوا نساء بهذا المنظر ما هذا يا رسول الله ما على هذا تبعتك انا ممشتش علشان كده انا مش عاوز اجرتى فى الدنيا انا مش عاوز افرح فى الدنيا انا كل اللى عاوزة منك يارب ادخل الجنة ايه ده دا انا يبعمل ده فى الشغل علشان يرقونى مدير فلاقتهم اخر الشهر بيقولوا لى خد ايه دة 5 جنية ما على هذا اشتغلت ولا تعبت انا اشتغلت علشان حاجة تانية اعلى بكتير انما الخمسة جنية ده انا مش عاوزها بطل رغم اى شىء رغم الفقر ابو هريرة كان بيضغط بكبدة على الارض من الجوع كان بيقع من كتر الاغماء من الجوع الناس كانت بتحسب ان عنده صرع سيدنا ابو هريرة كا بيربط على بطنه من شدة الجوع مش قادر يستحمل الجوع كان يمشى بعد العشاء مع اى صحابى يمكن يقول له تعالى اعشيك هو اختار كده هو اختار يتفرغ لطلب العلم على ايد رسول الله صلى الله عليه وسلم ويعيش جعان مش مشكلة سيدنا ربيعة بن كعب الاسلمى غلام فى ثانويه عامة فقير كلنا لما هنروح هنروح بيتا لكن هو ملهوش مكان يبات فى المسجد مكن جذمته مقطعة كسوف وسط اصحابة او معندوش جذمة اصلا ياما داق جوع وياما داق فقر وياما ذاق زل ورسول الله فين رسول الله يقول له سلنى يا ربيعة المحافظ بتاع المحافظة دية يقول ليك اسالنى اسالك انا عاوز اعانه شهرية من الشئون الاجتماعية انا عاوز شقة فى المساكن الشعبية انا عاوز وظيفة فى الحكومة انا عاوز توصية لاى شركة اجنبية علشان اشتغل فيها سلنى احلام واحد زى ده تبقى ايه اسالك مرافقتك فى الجنة طيب اطلب اى حاجة لا انا دلوقتى واحد عاوز مليون جنية ادتهم لى وبعد كده جيت تقولى خد الربع جنية ده تقول ربع جنية ايه انا ابص للدنيا بعد ما ااخذ الجنة انا مبصش ليها انا اخذت الدكتوراه اقوم احضر دبللوم خلاص انا اخذت الحاجة العليا اقوم مش هبص لحاجة تانية خالص اسالك مرافقتك فى الجنة وخدين بالكم يا جماعة انا كنت اعرف واحد يا جماعة احد الاخوه الدعاة انا كنت معاه ايام ما كان طالب كان فقير جدا كا ايمها طالب بيطلع على المنابر كان ممكن ميبقاش عنده اكل ياكلة كان يجيب شوية الارز اللى عنده ويطبخهم ويجيب زيتونتين جنبهم ويقعد ياكل الارز بالزيتون وانا قاعد جانبة يقول لى ما شاء الله ما اجمل الارز بالزيتون يااخى اقعد ابص له كده واقول له ربنا يصبرك يا اخى بيطلع منابر اعرف شيخ تانى دلوقتى له شرئط ماشاء الله المنطقة اللى بندوى الناس اللى بتتبرع فيها الاسر الفقيرة كان ساكن فيها كنت بروح له بيته كان اوضتين كل اوضة عبارة عن 1.5 فى 3 ولا فى 2 حاجة ضبقة جدا حتى مكنش عنده فلوس يشترى مروحة مكنش عندة امكانية انه يشترى مروحة فى هذا الحر القاتل لدرجة انى كنت حاسس انى بتقتل من جوة يارب انا عاوز فلوس بس كنت طالب اعمل ايه اجيب منين يارب عاوز فلوس اجيب له المروحة اقعد عنده تحس انك بتتصبب عرق وداعية الى الله ومجاهد وشغال ميقفش ابد ميقفش دول هم يا جماعة اللى بيخدوا دول هم اللى ربنا بيفتحها عليهم امبارح كنت عند احد الاخوة بنرتب لدورة علمية هنفتحها جديدة ان شاء الله باذن الله فبنتكلم فى الدورة العلمية قلنا نتصل بالدكتور عبد الرحمن لانة هيدرس فيها فالاخ اللى انا عنده بيقول انا شوفت له رؤية امبارح ان هو ورسول الله صلى الله عليه وسلم شوف ان الدكتور عبد الرحمن بيقول لى تعالى معايا بيتى بيقول له الاخ مين اللى معاك قال له ان رسول الله عندى فى البيت بيقول روح معاه لاقيت ان الرسول صلى الله عليه وسلم بيقرا على الدكتور عبد الرحمن سورة مريم اول خمس ايات من سورة مريم فالاخ بيقول لى انا مش عارف هو بيقرء فى سورة مريم ليه الاخ فوجى ان نفس اليوم اللى شاف فيه الرؤية زوجنه ولدت طفله وسمها مريم الدكتور عبد الرحمن لما سمع الكلام ده قعد يبكى وانا مش قعد ابكى لكن الواحد اتقهر على نفسة احنا فين احنا فين احنا شوفنا لنفسنا رؤية زى ديه ولا حد شاف لينا رؤيه زى ديه اخر مرة شوفت فيها رؤية صالحة اصلا فالناس اللى بتخدم الدين دى اللى ربنا بيديها وبيفتح عليها بطل رغم كل شىء اطفال ابطال عبد الله بن الزوبير عمر بن الخطاب ماشى فى الشارع الاطفال بيلعبوا وعبد اللع مش بيلعب معاهم قوىلا الكل جرى وفضل هو واقف قال له ومالك لم تجرى قال له وهل كان الطريق ضيقا حتى اوسعة لك فقال ولما لا تلعب مع الغلمان قال انى ماخلقت للعب قال ولماذا خلقت قال اسمعوا يا رجالة قال انما خلقت لااعز الاسلام طفل عندة 8 سنين يقول انما خلقت لاعز الاسلام مش بتاع لعب انا جاى اشتغل طالب زميلك دخل فى الدفعة بيذاكر بيذاكر انا مش بتاع لعب انا بتاع مذاكرة يطلع ايه يطلع الاول طلع من الاول عبد الله بن الزبير وبقى خليفة من خلفاء المسلمين بعد كده ابطال حتى وهم شيوخ عبد الله بن عمرو بن العاص وهو شيخ كبير وهو عجوز كان بيختم القران كل 3 ليال ولما يعجز عن الصيام يصوم 10 ايام ويفطر 10 ايام يعنى نظام يوم ويوم ده عبادته وهو عجوز يا جماعة امال وهو شاب كان بيعمل ايه كان بيجتهد فى اى باب من ابواب الطاعات تخيلوا ابوا ايوب الانصارى لما وهوبيموت فى السفينة محاولة فتح القسطنطينية بيقول ليهم اوعو تدفنونى لو مت انا عاوز وانا ميت امشى مع الجيش بجثتى علشان ابقى مشيت فى الجهاد فى سبيل الله حيا وميتا حتى اذا لقيت الله قلت له يارب جاهدت فيك حيا جاهدت فيك ميتا ابوا ايوب الانصارى قبرة دلوقتى عند القسطنطينية مدفون عندها رضى الله عنه طيب انا ملقيتش اتجوز طيب وايه يعنى وايه يعنى جليبين مكنش لاقى يتجوز ولا حد كان راضى يتجوزة وايه يعنى ومتفتنش وجاهد ولما اتجوز جاهد وموقعش الاخ اللى لما بيتجوز معدناش نشوفة الاخ لما يشتغل معناش نشوفة الاخ لما يتخرج معناش نشوفة الدنيا لما فتحت عليهم رجالة الدنيا لما فتحت رجالة مهما فتح المركز سعيد بن عامر بطل ازاى شاف خبيب بن عدى لما بيقتلوه فى مكه لما شاف خبيب وشاف ثباته وشاف صلاته بخشوع قبل الموت وهو مش خايف من الموت وشاف دعائة على اهل مكة ان ربنا يقتلهم مددا جاء وقال انه احب له انه يتقطع ورسول الله لا يشك بشوكة لما شاف كل هذا طلع على رسول الله مهاجر لما شاف كل هذا زهد فى الدنيا قرف من الدنيا مبقتش تساوى عنده حاجة تخيلوا بعد كدا لما مرت السنين عمر بن الخطاب ولاه على حمص لما ولى على حمص مرضيش ياخذ اجر على كدا ماخذش فلوس انا باخدم المسلمين لله بعد كدا جه اهل حمص لعمر بن الخطاب يدوا اسماء الاسر الفقيرة قالوا له فلان وفلان وفلان وسعيد بن عامر قال من وسعيد بن عامر قال اميركم قالوا اميرنا انه يمر فى بيته ايام لا يوقد فى بيته نار سعيد بن عامر تخيلوا ياجماعة مشروع الاسر الفقيرة مين ياجماعة يكفل الوزير الفلانى علشان كدا وصلوا علشان كدا فتحوا العالم علشان كدا الدنيا متستهلش حاجة تحت جزمتهم والله مين يكفل المحافظ الفلانى مين اهما كانوا كدا قواد عالم وزهدين فى الدنيا ولا عوزين اى حاجة من الدنيا وبعد كدا لما جة له 1000 دينار من عمر بن الخطاب مرعوب فزوجته تقول له ماذا حدث اهزم المسلمون فى المعركة هى ديه المصايب فقال بل اشد ايه هم اليهود هجموا تانى على فلسطين هو العراق احتلت تانى ولا حاجة بالنسبة ليهم هى ديه المصائب هى ديه الحاجة اللى تفزعهم فقال بل اشد قالت وما الاشد قال دخلت على الدنيا لتفسد على اخرتى قالت بسيطة تخلص منها هات اكياس وضع فيها فلوس ووزع على الاسر الفقيرة مكنش معاه فلوس علشان يشترى ثوب غير اللى على جسمة كان يحبس فى بيته مرة فى الشهر علشان يغسل الثوب بتاعة لان مكنش عنده ثوب تانى يغير فيه مكنش عنده خادم كان يخلى يعجن لمراته كل يوم الصبح دا الحاكم اعلى من الوزير والمحافظ حاكم بلده فكانوا ابطال رغم كل شىء وكانت النساء بطلات رغم كل شىء البنت اللى تقولك انا اعمل ايه انا لسه متجوزتش لغاية دلوقتى وانت عارف نفسيتى المشهد دا يشبه مين عرفين ام سلمة لما وقفت هى وزوجه وابنها عند مدخل مكة ومخرج مكة جوزها طلع يهاجر واهلها اخدوها غصب عنها واهل زوجها اخذوا ابنها غصب عنها قعدت من غير زوج هل تخلت عن دينها هل ضعفت هل تهاونت هل حاولت تدعوا زوجها انه يتهاون طيب انا ما انجبتش السيده عائشة مخلفتش ياجماعة مخلفتش عاشت طولعمرها بلا اطفال ودا خلها من اعلم اهل ربنا على الاطلاق لطف ربنا بيها مخلتش الرسول يدعى ليها فى القيام علشان يديها طفل وهذا جعلها تمشى فى طريق الدين احاديث البخارى ومسلم منها 1200 حديث احكام مروى منهم من السيده عائشة لواحدها 300 حديث ربع الشريعة محفوظ بسبب السيده عائشة ومات الرسول عليهالسلام وهى عندها 20 سنه فى عز شبابها وكان كبار الصحابة لما يختلفوا فى مسالة يروحوا ليها هى علشان تحكم ما بينهم فيها احد السلف قال لو جمع علم لنساء الارض مع علم عائشة لفاق علم عائشة موقفتش مقلتش طيب انا حامل وتعبانه طيب لما اخلص الحمل بتاعى حمل مين عرفين اسماء بنت ابى بكر عرفين كانت بتمشى كم كيلوا من بيتها لغاية الغار اللى كان فيه رسول الله وابو بكر فى اثناء رحلة الهجرة عرفين حر الطريق عرفين المسافة اللى كانت بتروحها رايح جاى وكمان معاها الاكل شيلاه فى يديها تخيلوا ياجماعة المهمة الشاقة ديه كانت بنت صغيرة لسه عندها حوالى 17 سنه كانت حامل فى عبد الله بن الزبير طبعا مهى واحدة بالمنظر ده هتجيب مين يعنى اقل من عبد الله بن الزبير مفيش واحده تقول لى انا حامل واحده تقول لى اصل انا جوزى مش مساعدنى جوزى مش بيساعدنى على طاعة ربنا جوزى مش ملتزم اصلا ام شريك ان فلان يتعرف انه اسلم فى اول مكه تبقى جريمة لا يوجد لها عقاب الا التعذيب الشديد فما بالك لو ضبط متلبس بجريمة الدعوة الى الاسلام كمان ام شريك اسلمت وتحمست الى الاسلام وكان جوزها كافر مشرك ومرضيش يدخل فى الاسلام بدات تمارس الدعوة سرا وسط نساء مكة من غير ما جوزها يعرف ولا اهل مكة يعرفوا لغاية ما شفوها حكموا عيها بى ايه اطردت بره مكة تماما خسرت بلدها خسرت جوزها خسرت الاستقار اللى هى فيه الاسرى والاجتماعى تخيلوا ياجماعة كل دا ولا ضحت بشىء ولا همها اى شىء ولا همها ولا وقفت عن اى شىء بطلة رغم كل شىء بطلة رغم أى شىء يعنى اللى تقولك طيب انا اللاقى ايه انا اقدم ايه انا معنديش حاجة اقدمها يعنى ايه معندكيش حاجة تقدميها يعنى اعمل ايه للدين من القصص اللى تهزك وانت بتقرائها قصة امراءة سمعت واحد بيراقب فى الجهاد وفى الانفاق فى سبيل الله كان وهو قاعد فى الحرم كدا وهو اسمة ابو قدامة المقدسى فبيقولوا له حدثنا باعجب حاجة شوفتها فقال امراءة نزلت فى بلد ما فى يوم من الايام دعوت الى الجهاد والانفاق بالليل لاقيت واحده بتخبط على بابى متلفعة منتقبة اعطته جراب داخلة ورقة بيفتح الجراب لقى ضفائر طويلة وجواه ورقة بتقول له انا معنديش حاجة اقدر اقدمها للجهاد انا قصيت الضفائر بتاعتى وجبتها ليك علشان تبقى لجام للفرس بتاعك انما انا لا املك اى شىء وانصرفت وهى تبكى معندهاش حاجة تقدمها قصت الضفائر بتاعتها تانى يوم وهما طلعين مع المتطوعين اللى طلعين معاه الجهاد لقى شاب من الشباب عاوز يطلع معاه قال له يابنى مين ابوك قال ابويا اتقتل فى الجهاد طيب من امك قال الا تعرفها انها التى جائتك بالامس اللى اعطتك الضفائر بتاعتها وانها قالت لى يا بنى انى وهبتك لله فان مت شهيدا فاشفع لى عند الله يابنى اياك ان ترتد على اعقابك اذا واجهت الكفار يابنى ان اباك قد مات فى الجهاد وان اخوالك قد ماتوا فى الجهاد وانى اسالك الله الا ترجع الى بل وان تساكن اخوالك واباك ذهبت هذا الطفل او هذا الشاب او هذا الغلام فى سن 3 ثانوى كدا خرج معاهم كذا مكنش بيقعد فى الناس لدرجة انه كان بيقوم يطبخ ليهم الاكل بتعهم كان بيروح مكان كدا علشان يطبخ ليهم الاكل بتاعهم مرة اتاخر ونام راح ابوقدامة يشوفة عند القدر ابو قدامة بدا هو اللى يكمل الطبيخ علشان الغلام يرتاح شويه بدا يحس ان الغلام بدا يبتسم فى النوم بدا يضحك بدا يضحك اكتر وجد ابو قدامةامامة فزع راح يقول هل تاخرت عليكم فى الاكل قال له لا فقال له ايه اللى حصل انت شوفت رؤيه شكلها ايه قال رايتنى دخلت الجنه فاذا هى كما وصفها الله فى القران حاجة محصلتش حاجة متتوصفش واذا بقصر عليه قصور مرخاة واذا بجوارى لم ارى مثلهن يرفعن السطور ويقولون على هذا زوج المرضيه هذا زوج المرضيه هذا زوج المرضيه اسم زوجته فى الجنه كل حوريه فى الجنه ليها كل واحد فى الجنه زوجته ليها اسم دا مراته فى الجنه اسمها كدا فسال جارية اانتى المرضية قالت انا خادمة من خدمها وانها بالداخل دخلها فى الرؤية كل دا فى الرؤية فلما نظرت اليها وجدتها من الحسن لولا ان ثبتنى الله لفقدت بصرى لولا ان الواحد من شده الجمال بتاعها فقالت لى اما انه قد بقى لك عمر فى الدنيا وان موعدنا غدا بعد الظهر الرؤيه ديه كثيرا جدا ما اتشافت لناس مجاهدين كتير جدا انك تشوف او واحد من المجاهدين يشوف رؤية زى ديه تنزل الحورية زوجته من ايام عثمان بن عفان تنزل تبشرة انه بكرة او بعده هيفطر عندهم او هياتى عندهم او هيلتقوا كان تانى يوم المعركة دارت بفضل الله ياجماعة مادام الناس ديه موجوده الجيش هينتصر بفضل الله هينتصر لازم هننتصر مش هنشوف الخيبة الثقيلة اللى احنا فيها دلوقتى انتصر المسلمين ابو قدامة دور على الغلام لاقاه وهو ينازع قال له هذا ثوبى امسكة امسح به دمى واعطى الثوب اللى فيةه دمى واعطيه لامى علشان تصدق انى انا مت شهيد وقل لها ان الله تقبل ابنها هديه منها وقل لها انى مت مقبل غير مدبرفقال انى والله لاارى المرضية عند راسى والله انى لاشم ريحها ثم قبض ابوا قدامة اخذ الثوب الذى عليه الدم الى البلد الذى فيها امة قالت له اتعزينى ام تهنينى فقال لها ماذا قصدين من اعزيكى واهنيكى قالت ان اخبرتى ان الله تقبل هديتى التى اعددتها له منذ 17 عام انا بقالى 17 سنه علشان اديه هدية لربنا بقالى 17 سنه باعد الهديه دىه ليك يارب اللى ربنا ادها لى ان ربنا تقبلها يبقى فعلا ربنا قبل هديتى بارك لى وهنينى ولو رجع زى ما كان يبقى ربنا متقبلش منى فقال بل اهنيكى فقالت اللهم انه قد ذهب زوجى واخوتى وابنى فى سبيلك اللهم ارضى عنى واجمعنى بهم فى الجنه فى الجنة حاول الرجل دا يعطى لها اى فلوس اى مبلغ اغلقت عليها بابها ولم تاخذ منه اى شىء ادى واحده اهى عندها ايه قدمت ضفائرها فى الاول لله وقدمت ابنها لله معندكيش حاجة تقدميها لربنا السيده عائشة طلعت مرة تمرة صدقة واحده هتقول لى الواجاها الاجتماعية ازاى واحده جليبيب لما تقدم لامراءة كانت جميلة ولها مركز واصرت على ولديها انها تتجوزة زينب بنت جحش وافقت على انها تتزوج زيد بن حارثة رغم الفارق الاجتماعى الرهيب بينهم ربنا ابدلها رسول الله صلى الله عليه وسلم مفيش واحدة تقولى مفيش فى ايدى حاجة محدش له حجة اى حد ياجماعة عندة اى حجة له انه يبقى راجل فى الايمان راجل فى الدعوة راجل فى الدين محدش عنده اى حجة على الاطلاق مهما رسول الله صلى الله عليه وسلم رسول الله اللى ربى كل دول انت ابتليت بى ايه الشاب اللى سقط ان شاء الله محدش فينا سقط الشاب اللى كان عاوز امتياز وجاب جيد جدا وزعلان المريض اللى فلوسة ضاعت اللى ابتلى بالسكر اللى ابنه توفى انتم ابتليتوا باى شوفو رسول الله صلى الله عليه وسلم ابتلى بى ايه عد معايا هتلاقى واحد فى تاريخ الارض ابتلى زى ما ابتلى رسول الله صلى الله عليه وسلم فى اولاده سبعة من عيالة ماتوا فى حياته قداام عيناه ابنه الوحيد الذكر مات قدام عينيه حفيده كل واحد فينا عنده ابن او بنت عنده حيفيد دا معزته لا تقل ابد عن معزة الابن او البنت مين كمان بناته اطلقوا من اولاد ابوا لهب لما بدا يشتغل فى الدعوة الى الله اتولد يتيم ابوه وامة ماتوا جده مات وعمة مات مراته احب الناس اليه السيده خديجة ماتت وعاش عمرة احب امراه اليه السيده خديجة وعاش فى مكة بعد كدا كان لما يذكر اسم السيده خديجة بعد سنين يرتاع كان يرتاع لما يسمع صوت السيده هالة بنت خويلد اختها اخت السيده خديجة ويقول اللهم هالة دى هالة اخت خديجة جاية تزورنى كان لما يدبح الشاه ويقسمها على احباب خديجة من شده حبه للسيده خديجة رضى الله عنها ايه الابتلاء الثانى اللى ممكن يبتلى بيه انسان رزقة رسول الله صلى الله عليه وسلمم كان يمر عليه الهلال تلو الهلال تلو الهلال لايوقد فى بيته نار ميكلش حتى شويه رز وشويه بطاطس حتى دول ميعرفش ياكلخم طيب كنتم بتاكلوا ايه الاسودان التمر والماء بل احد الصحابة بيروى عن رسول الله صلى الله عليه وسلم اللى يقراء كتاب الزهد فى رياض الصالحين كتاب فضل الجوع فى رياض الصالحين يبكى من حال رسول الله صاى الله عليه وسلم بيقول كان يمر عليه الايام لا يجد التمر اللى هو بجنية ونصف مش اللى بسته وسبعة بتعنا ميلقيش التمر دا عليه الصلاه والسلام احد الصحابه لقى ابو بكر خارج من بيته ما اخرجك يا ابوا بكر قال الجوع يارسول الله وانت ياعمر جعان يارسول الله قال والله ما اخرجنى الا نا اخرجكما والذى نفسى بيده ما اخرجنى الا نا اخرجكما من شده الجوع يخرج الرسول مات الفراش اللى كان نايم عليه محشى ليف الثوب اللى كان لبسه من ازار غليظ السيده عائشة خرجته ليهم وقالت دا اللى الرسول مات فيه الدرع بتاعته كانت مرهونه عند يهودى علشان يجيب لبيوته ياكلوا علشان مكنش قادر يجيب ليهم ياكلوا رهنه علشان يجيب شويه شعير عائشة قالت ما شبع رسول الله من شعير من خبز شعير قط دا حاجة اقل من العيش الابيض والاسود دا حاجة اقل بكتير ابو هريرة بيقول عمرة ما شبع من خبز الشعير عليه الصلاه والسلام احد الصحابة بيقول رايتنى سابع سبعة مع رسول الله لغاية ما الشفاه دية بدات تتشقق تنجرح من كترة ورق الشجر اللى هم بيكلوه ملهمش غير ورق الشجر تقول ايه فى الامن بتاعة خيفته فى الله لما جة يخنق رسول الله صلى الله عليه وسلم لما كان الرسول ساجد فى الحرم لما ابوا جهل يضع عليه امعاء الشاه وهو ساجد لما عشر محاولات اغتيال فى حياته لما اطفال الطائف فضلو يزقلوه فى حياته رسول الله صلى الله عليه وسلم ابتلى فى امنه ابتلى فى صحته كان يوعك كما يوعك الرجلان اشد موته كانت موته رسول الله السيده عائشة كانت بتقول والله ما اقبض احد بهوان بعد رسول الله انا بقول الكلام دا ليه علشان كل واحد يجى يقول لى ابتلى بى ايه ورسول الله صلى الله عليه وسلم وسط الابتلائات ديه قيام ثلثى الليل صيام مستمر حتى يقال لا يفطر جهاد 27 عزوة فى 9 سنين فى المدينه فى اخر عمرة صلى وهو قاعد لانه خلاص معدش قادر من كترة المجهود اللى بذله فى الدعوة اول عمرة لما الوحى نزل ساب النوم مضى عهد النوم يا خديجة ووسط كل هذا شغال اللى يجى دلوقتى يقول انا مبتلى اصل انا مريض اصل انا تعبان اصل انا عندى ظروف ظروف ايه شوف رسول الله اهو ابتليت انت بى ايه فيه والحاجة اللى مش عوزها تعدى فى قصة رسول الله ان رسول الله وكل هذا بيحصل له مقلش لربنا ليه يارب انت عملت دا فى يارب انا رجلى ورمت من القيام تموت لى ابنى انا رجلى ورمت من القيام تبتلينى فى صحتى ياجماعة اللى له حد مات ايه يعنى افرض عوزين حسن الظن سبحانه وتعالى يعنى عوزين نتعلم ياجماعة ان مفيش حاجة تقف فى طريقنا الى الله ابتلاءات لا سيدنا سلمان الفارسى كل المعةقات وقفت فى وشة لا يعنى حتى الواقع مهما كان محبط ومكئب وفظيع هيكون اشد من موت رسول الله صلى الله عليه وسلم شوف الصحابه عملوا ايه كان الصحابة فى الجزيرة العربية عملين زى جزيرة فى بحر الشرك حولهم لدرجة ان ابو بكر يبعت يا حلد انت على راس جيش تروح لطليحة لاسدى تروح تادبه وانت يا عكرمة تطلع على مسيمة لغاية ما خالد يلص طليحة ويحصلك وانت ياعلاء بن الحضرمى تطع على البحرين وانت على تهامة عند البحر الاحمر وانت عند الشام وانت عند عمان وانت عند قبائل هوازن وبنى صليق وانت وانت وانت تخيلوا كم جبهه كانوا بيحاربو فيها كم جبهه الجزيرة اتقلبت فاجاه مسيلمة راح لجيش عكرمة اتهزم بعدها جيش بنى حثنه اتهزم بعدها راح جيش خالد بن الوليد 40 الف واحد فى جيش مسيلمة الكذاب انا عاوز اقول ليكم الصحابة عملوا ايه لما الدين فى خطر لما حسوا الاسلام فى خطر لما لقوا الدين بتاعك بدا ينتهك لما لقوا فلسطين ضاعت بعدها العراق بعدها افغنستان جنوب السودان الشيشان كشمير واحنا نيمين فى العسل ياجماعة تخيلوا 40 الف واحد اجار على المسلمين وانقض عليهم لغايى ما اقتلعوا خيمة خالد بن الوليد فى اللحظة ديه فى اللحظة ديه ادرك المسلمين ان خلاص معنش فيه خلاص لان المعركة ديه لو خاصت كدا الاسلام مش خلصت اخذ خالد بن الوليد ينادى وا محمداه وا محمداه مش مسيلمة دا اللى اعتدى على رسول الله مش دا اللى اتهم رسول الله بالكذب مش دول اللى شتموا رسول الله وا محمداه شوف الصحابة ياجماعة عملوا يه كل ما الواحد يقراء فى موقعة اليمامة ديه يتزلزل من المواقف اللى الصحابة عملوها تخيلوا واحد زى البراء بن مالك انتم عرفين يعنى ايه لما يرمى نفسه انا مش عاوز اعلق على موقف البراء نفسه لا اناعاوز اعلق ليكم على موقف عمر بن ياسر وهو واقف يقول يا اهل القران الى يا اهل القران ودنه مقطوعة ومتعلقى فى حته جلده وقعده تتذبذب فى راسة وهو مش واخد بالة من ودنه والصحابى اللى اتكفن فى مكانه لغاية ما قتلوه عمر بن الخطاب بيقول كنت واقف فى خيمة فوجدت رجل شلت يده اليمنى فى الحرب فنودى ياللحصار فمسك السيف جة يقوم علىيده اليسرى يقوم ويقع يقوم ويقع ويقول له انت بتعمل ايه يقول انى اخشى ان ينادى على الانصار يوم القيامة فلا اكون معهم سيدنا زيد بن الخطاب قال عضوا على افواهكم كل واحد يقفل بقة والله لا اتكلم كلمة حتى ينصرنا الله او اموت شهيد الوقت دا مش وقت كلام معنش وقت كلام لما المقدسات ابقى فى خطر الوقت دا معنش فى كلام معنش فى كلام فى هذا الوقت سيدنا البراء بن مالك يعمل كتيبة انتحارية ويرمى نفسه من فوق انا عاوز حته يرمى نفسه ديه انا عوزك تتخيل الموقف دا كم غزة ممكن تلاقى فيها هذا الموقف من مواقف الصحابة ليه ليه عمل كدا اليقين اليقين اللى كان مالى قلوبهم يقين كان موقن انه لما هيموت شهيد هيدخل الجنه كان موقن ان فى حاجة اسمها جمة انما احنا للاسف الشديد اليقين فى قلوبنا ضعيف قوى
السلام عليكم ورجمة الله وبركاته زى ما بينتهى المشهد الاخير دائما او بيدا المشهد الاول فى قصص الابطال زى رجل المستحيل مثلا النموذج القياسى بتعنا الليلة تلاقى المشهد الاول فى المستشفى ليه لان البطوله اللى فاتت وهو بيئديها اتجرح ياعلم المشهد الاخير فى القصة وسيدنا البراء بن مالك اتعالج لمده شهر كامل وسيدنا خالد بيطببه بعد هذه المعركة الفاصلة وينتهى هذا المشهد ياجماعة قال سالم بن حزيفة بئس حامل القران انا ان كنت اوتى الاسلام من قبلى دلوقتى امريكا لما تيجى تحاب هات اىمعركة لقصتها هتلاقى ايه الطائرات جت ضربت من فوق وضرب حوالى 500 طن ايه اللى اتفرج على معارك الفلوجة تلاقى الجيش داخل ازاى ربع ساعة وابل نيران وبعد كدا خطوتين كدا الى الامام وبعد ربع ساعة وابل نيران وبعد كدا خطوتين كدا الى الامام مرعوبين مفيش الشغل الانتحارى دا شغل اهل اليقين مكنش موجود عندهم دا عندنا احنا انا عاوز اقول ليكم ليه انتصرنا فى اليمامه هل فى واحد منكم دينه اغلى عليه من عينية هل فى واحد منكم ياجماعة يخلع عينية ويخلع ودانه علشان الاسلام فى ملتزمين كتير بس فين الابطال فى ملتزمات كتير بس فين البطلات منهم الصحابى اللى ودنه اتقطعت واقف فى المعركة بينادى على المسلمين مين فيكم مستعد يعمل كدا مين فيكم مستعد يلبس كفنه لما يلاقى الاسلام فى خطر ويقف يحارب لغاية ما الاسلام ينتصر مين فيكم ياجماعة مين فيكم مسبعد يقول دا معنش وقت كلام دا وقت عمل دا وقت دعوة دا وقت جهاد دا وقت اوصل الليل بالنهار علشان الدين ينتصر مين فيكم الفكر دا عنده احنا للاسف الشديد عرفين مشكلتنا ايه ان احنا عوزين درس عن الموت اه طيب عوزين درس عن النار دا حاجة محصلتش ابدا وطيب درس عن الجنه ايوه طيب درس عن الاسلام ونصرة الاسلام لا لا اصل احنا عوزين نعيط مش عوزين نشتغل احنا بتوع عياط احنا بنحب ننوح قوى انما ساعة الشغل لا الحاجة اللى الكلام فيها هيتبنى عليها عمل وينبى عليها تغير حقيقى هتلاقى الكلام دا ساعتها صعب قوى ياجماعة صعب انما الكلام دا مش فى الاسلام مش سيدنا نوح قال رب انصرنى بما كذبون الاية اللى بعدها اصنع الفلك يعنى ايه مش هينزل ليك حاجة من السماء الا لما تشتغل انت نفسك ابنى نفسك انت اللى لازم تبدا من نفسك عاوز تعمل حاجة انت اللى لازم تشتغل سيدنا ابراهيم لما ربنا قال له اذبح ابنك هو ربنا قال له اذبح ابنك ليه علشان يخرج من قلبة طيب ما كان ربنا يخلى سيدنا اسماعيل يموت فى حادثة عربيه مثلا وكان هيخرج من قلبة وكان هيقول ان لله وان اليه راجعون ليه هو اللى باديه يعمل كدا علشان ربنا يقول ليك ان قلبك دا مش هتنام تصحى تلاقية قلب نظيف انت اللى لازم تشتغل بيديك انت اللى لازم تنظف قلبك بيديك انت اللى لازم تبقى مجتهد علشان تجاهد صح بيديك
الموقف الاخير اللى عوزين نذكرة فى بطل رغم كل شىء هنذكرة لامراءة ياجماعة لانه موقف رهيب من الحاجات اللى تشدك انك تعرف ان ام عمارة كانت بتحارب فى اليمامة ام عمارة ام عمارة مين دا حبيب ابن زيد اللى ابنها لرسول الله بعته برسالة الى مسيلمة الكذاب فقال لمسليمة اتشهد ان محمد رسول الله قال اشهد قال اتشهد انى رسول الله قال انا اصم لا اسمع فنادى للى معاه السيف السياف فقال اتشهد ان محمد رسول الله قال اشهد قال اتشهد انى رسول الله قال انا اصم لا اسمع قال له اقطع له اذنه اليمنى فقال اتشهد ان محمد رسول الله قال اشهد قال اتشهد انى رسول الله قال انا اصم لا اسمع اقطع الشمال لغاية ما قتلة دى ابنها اللى اتقطع حتت لغاية ما مات انتى خلاص اقعدى فى بيتك لسه بتحارب بعد ما وقفت مع رسول الله فى احد واضرت على كتفها ضربه اتقبضت فيها قبضة كبيرة قعدت فيها سنه تتعالج منها نسيبة بنت كعب ام عمارة بعد كل دا انتى لسه جاية تجاهدى وكانت من احد 3 اللى قتلوا مسيلمة الكذاب ام عمارة تخيلوا ياجماعة الناس دى ضحت اد ايه الناس دى فيش حاجة وقفت قدامها مفيش مشكلة حصلت ليها فى حياتها وقفتها عن ربنا او عطلتها عن طريق ربنا انت هتعمل ايه هتعمل ايه وهتعملى ايه (فلا اقتحم العقبة) مش دا كلام ربنا كل واحد فينا غى حياته عقبة منعة فتوح ربنا عليه فى احد منا مشكلته شده التعلق بواحده شده التعلق بواحد شده الفتنه بمراته يخطيبته بخطيبها باولادها مفتون من العلاقات العاطفيه فى واحد مننا مشكلته اللى منعه فتوح ربنا عليه انه بياكل من فلوس حرام ربا اى مصدر فلوس حرام فى واحد مننا من الحاجات اللى منعة فتوح ربنا عليه انه مقيم على ذنب يعنى هويقدر يسيبة لا متهاون فى الله سبحانه وتعالى لازم ياجماعة درس الاختلاط احد الاخوات بعتت بتقول انا لبست نقاب بعد ما سنعته فاانا استغربت قلت يارب انا انا بتكلم عن الخناق اقوم اسيب المخدرات فاخ فسرها قال لى لا دى كانت عوزة تمشى فى طريق ربنا بس كان الاولاد اللى مصحباهم منعنها عن ربنا لما قررت انها تسيهم انطلقت فى الحاجات اللى نفسها كانت تعملها انطلقت خلاص معنش فى حاجات واقفة فلا اقتحم العقبة كل واحد مننا عنده عقبة لازم يقتحمها لازم يعديها مفبش اى حاجة ابدا توقفك وانت رايح الى الله سبحانه وتعالى علشان كدا ياجماعةلما تيجى تتفرج فى التليفزيون تلاقى بطل رفع اثقال قام جاب 250 كيلو حديد وشالهم الى فوق كدا تقول الله اكبر تقوم نازل المحل تشيل 250 كيلو حديد تقوم تضع ايدك كدا وبادء ترفع كدا تلاقى نفسك كدا تحتهم على طول منتش قادر ليه لانك فكرت غلط انت بصيت للقصة من الاخر لا ياحبيبى دا انت عاوز تشيل ال 250 كيلوا اعمل اللى هو عملة امشى على النظام الغذائى اللى هو مشى عليه اتدرل التدريبات اللى هو اتدربها ياجماعة وراء كل داعية قصة مجاهده طويلة وراء كل بطل قصة مجاهده طويلة وراء كل واحد جهاد وعمل حاجة للاسلام قصة مجاهده طويلة وراء كل واحد هيشرب من الحوض من يد النبى صلى الله عليه وسلم قصة مجاهده طويلة وراء كل واحد هيوصل الله قصة مجاهده طويلة وراء كل واحد هيسكن الفردوس الاعلى قصة مجاهده طويلة وراء كل واحد هتتنزل الملائكة عله افواج وهو بيموت قصة مجاهده طويلة مفيش حاجة بتيجى بالساهل لازم تتعبوا اللى قعدين قدامى دلوقتى واحد من الاثنين عملين زى واحد مشى كدا فلقى جريدى بيبيع كتب طبية كتاب اسمة امراض الصيف دا ثقافة حلوه الله وقام راح قال اجيب الكتاب دا وقفل على نفسة علشان يتسلى ويتثقف نفس الليلة كان فى طالب فى الطب بيذاكر نفس الموضوع فى المذكرات بتاعته علشان بكرة المستقبل القريب هيعالج العيانين بتوعة نفس الامراض هل دا هيذاكر زى دا مش ممكن الداعية دا هيذاكر بالكلمة والحرف لانه حاسس ان فى مسئوليه وراه انت وانت قاعد فى الدرس بتستمتع ولا حاسس ان فى مسئوليه انت وانت بتسمع شريط بتستمتع ولا حاسس بمسئوليه انت وانت انتم ياجماعة حسين بالمسئولية اللى وراكم بكرة حسين بالمهم اللى ملقاه على اعناقنا احنا ياجماعة على رقبتنا 5 مليار كافر هنتسال عليهم امام الله احنا فى رقبتنا الوف مؤلفه من المسلمين المعتقلين فى امريكا واسرائيل وروسيا ياجماعة هنتسال عليهم امام الله احنا فى رقبتنا الاحداث ديه كلها كل اللى اليهود بيعملوه فى فلسطين هنتسال عليهم امام الله انت حاسس بمسئوليه ولا مش حاسس بالمسئوليه رسول الله صلى الله عليه وسلم يدخل قباء 4 ايام قبل ما يدخل المدينه وهو مهاجر يقعد فى قباء 4 ايام يبنى مسجد انت وخدين بالكم يعنى ايه مفيش راحة كل خطوه بانجاز كل يوم بيعدى عليك بانجاز جديد لازم تبقى كدا لازم تتعلم من رسول الله تبقى كدا ان ميعديش عليك يومين ثلاثة الاوانت بتاخذ خطوة جديده لازم ياجماعة لازم لازم والله ما بقول ليك الكلام دا لان الدين محتاجك ولا محتاجك ولا محتاجنى احنا اللى محتاجين دا فى يوم واحد خالد بن الوليد وعمرو بن العاص وعثمان بن طلحة طلعوا من مكة مهاجرين الى رسول الله فى يوم واحد اكبر عقلية عسكرية فى مكة واكبر مفكر سياسى فى مكة دا الاثنين دول هيفتحوه هم الاثنين دا عمرو بن العاص هيفتح مصر خالد بن الوليد هيفتح الشام والعراق كل خطب الجمعة فى ميزان حسناتهم كل واحد اعتمر ولا حج فى ميزان حسناتهم كل شريط اسلامى ولا كتاب دينى اتالف فى ميزان حسناتهم كل واحد صلى فى البلد ديه فى ميزان حسناتهم الى يوم القياة تخيلوا ياجماعة دا فى يوم دا دين ربنا اصل ربنا بيرتب لدينه احنا منتمين للدين دا بس الدين دا صحبة الله سبحانه وتعالى يبقى اذن انت اللى محتاج الدين دا هينتصر هينتصر ولكن احنا اللى محتاجين ان احنا ننتمى هذا الدين يعنى للاسف الشديد كان نفسى نتكلم النهارده فى الدين لكن معاد الدرس خلص كان نفسى نفسر الاعزار اللى واقفة فى وشنا واحنا بنتحجج بيها اللى بيقول ليك انا ذنوبى كتير طيب ينفع ابقى راجل بعد كل اللى عملته واللى يقول ليك انا قلبى مليان شهوات واللى بيحب واللى بيعمل واللى بيعل الكلام كتير ولكن كفاية اللى قلناه اللى فعلا عنده عاطفة حارة تجاه الاسلام هيحس بحاجة احنا ان شاء الله هنمشى فى سلسلة 3 او 4 مرات ان شاء الله ممكن فى النصف لو حاجة مهمة هنتكلم فيها عن ان الصحابة دول صفاتهم ايه احنا النهارده كان فى صفة واحد بس ابطال رغم كل شىء لكن فى صفات تانية كتير عوزين نعرف نحبهم فنحشر معاهم يوم القيامة انا عاوز اقول ليكم احنا دلوقتى فى الاجازة ياجماعة ولازم نعمل حاجة لازم نتبنى ولازم نعمل حاجة لدين الله علشان كدا هنحاول مع بعض نعمل شويه مشاريع كدا نحاول مع بعض على قد ما نقدر احنا بنجهز لمشروع ونيجى نقول خلاص ناجلة الاسبوع القادم يمكن يبقى احسن يمكن يبقى اتقن ونعمل حاجة يمكن ربنا يوصلها ليك فكل حاجة بقدرة سبحانه وتعالى احنا هنمشى فى الاجازة فى 4 محاور ياجماعة ان شاء الله هنمشى فى مشاريعنا فى محور الدعوة الى الله لازم يبقى ليك شغل فى الدعوة انت لو واحد صحبك اتلزم على ايدك يعنى لو صحبك دا مبيصليش صلاته طول عمرة فى ميزانك اللى ادت شريط لوحد اتحجبت بسببة عرفة يعنى ايه انت عارف لو اديت شريط عن الصلاة واديته لواحد وصلى بسببك ولا شريط ويابختك لو طلع داعية يابختك من كمية الحسنات اللى هتاخذها ممكن انت اللى فى كتابك اقل بكتير من اللى هو هيوصل له لكن كلة فى ميزانك دى الدعوة ياجماعة علشان كدا او حاجة هنعملها الدعوة ياجماعة او مشروع ايه ولكن دى حاجة بسيطة وعلى قدنا فكرين الرقم الخيرى اللى كنا بنتصل عليه علشان انت التزمت بشريط ممكن الشريط دا لو وصل لاصحابك او معارفك اللى عاوز شريط 10 من دا و10 من دا او 50 من دا و50 من دا وعاوز يوزع على اصحابه بثمن الجملة يتصل بالرقم الخيرى 0107701333 علشان يطلب شرائط بالجملة يوزعها لله لازم كل واحد يشترك فى الموضوع دا معكش امكانية مادية يعنى ايه معكش امكانية مادية معكش 10 جنية معكش لم من اصحابك اللى بيدخل على النت هيلاقى انا التزمت بشريط كدا انا تبت بشريط كذا ياجماعة اشتغلوا بدين الله لغاية ما يبقى كلامك يؤثر فى القلوب جيب كلام الناس اللى بتؤثر فى القلوب واشتغلوا بيه محدش مهما كان غير ملتزم يتوانى عن هذا الام باذن الله
بالنسبة للمحور التانى محور العلم العلم ياجماعة العلم وعلشان نقولها عيب ياشباب لا يمكن تقوم الامة الا بالبطولات ومفيش بطولات الا برجالة ومفيش رجالة الا بالدعوة ومفيش دعوة الا بالعلم العلم علشان تفهم دينك علشان محدش يضحك عليك من بتوع الشيعة ولا المنصرين تبقى فاهم دينك عقيد بيقى عندك دين تفسير تبقى فاهم قران فقة علشان تبقى غاهم احكام
القران الكريم سيدنا سلمان الفارسى قام طلع يقراء يوسف القران الكل يهرب كان واحد يروح يسالة كل شويه فقال له تعلم القران فلما راح معنش بيروح يسالة فقابلة فقال له انت معنتش بتيجى لى ليه فقال اغنانى كتاب الله عن باب عمر خلاص كلام ربنا سيدنا انس بن مالك لما الرسول بيموت عاوز يوصف النور اللى كان فى وجة النبى عليه الصلاة والسلام تخيلوا احتا عندنا بنقول ايه دا وشة كان عامل زى طاقة بدر كدا كاكلوب منور فقال كان وجه كصفحة مصحف وش رسول الله كان عامل زى صفحة القران كدا تخيلوا يبقى كان احساسة من ناحية القران كان ايه الكتاب اللى تنزلت الملائكة على اسيد بن حضير وهو بيقراءة هيتنزل ايه على قلبك لما تقراءة الكتاب اللى لما كان الصحابة بتقراءة كل الشبهات اللى فى قلوبهم اتهدمت وجه اليقين اللى ملاء قلوبهم مش عوزين اليقين يجى فى قلوبكم الكتاب اللى اتشغل عبد الله بن بشر عن السهام اللى بتضرب فيه وهو بيقراءة مش هيشغلكم عن الفتن والشهوات ياجماعة عوزين نقلة الكتاب اللى طير قلب جبير بن مطعب وهو بيسمعة من رسول الله وهو لسه مشرك هيعمل ايه فى قلبك وهيزرع ايه فى قلبك يبقى اذن كلام الله يبقى المشروع الثالث مشرع تحفيظ القران
اخر مشروع الاطفال اللى بيحفظوا القران لما ياخذ لعبة تلاقى عشرين الطفل جاب عشرين معاه علشان ياخذوا اللعب
اقول قولى هذا واستغفر الله لى ولكم
اللهم اهدنا وارضا عنا اللهم اهدنا وتوب علينا اللهم توب علينا توبه ترضى بها عنا اللهم اغفر لنا ذنوبنا التى تحجب عنا النعم اللهم اغفر لنا ذنوبنا التى تنزل علينا النقم اللهم اغفر لنا ذنوبنا وبيض لنا وجوهنا ونقى لنا صحائفنا وطهر لنا قلوبنا وذكى لنا انفسنا وثبت قلوبنا على دينك اللهم ثبتنا على دينك اللهم ثبت لنا قلوبنا حتى نلقاك يارب العالمين اللهم اجرنا من عذاب القبر ومن عذاب القيامة ومن هول القيامة ومن اهوال الصراط اللهم اجرنا من عذاب النار اللهم اجرنا من عذابك يوم تبعث عبادك اللهم امننا من عذابك يوم الفزع الاكبر اللهم بشرنا فى الدنيا يارب العالمين اللهم بشرنا فى الدنيا يارب العالمين اللهم بشرنا فى الدنيا يارب العالمين اللهم ثبت قلوبنا على قيام الليل اللهم اشرح صدورنا لقيام الليل اللهم لا تحرمنا من قيام الليل برحمتك يا ارحم الراحمين سبحانك الله وبحمدك اشهد ان لا الة الا انت استغفرك واتوب اليك

[حامل المسك]

[السلام]
جزاكم الله كل خير