اريد حلا لمشكلتى؟

[المحب لسنه رسول الله]

السلام عليكم يا دكتور حازم انا اريد انالتزم ولكن الدنيا كلما تركتها تشبثت بى فماذا افعل كى اتخلص منها واريد ان اعرف ما هى اول الخطوات التى اقوم بها؟

[محمود مسلم]

اول خطوة ان تجلس مع نفسك وتفكر فى بعض التساؤلات من انت ولماذا خلقت وماذا بعد هذه الحياة وماهو الطريق ثم تبدأ بان تفرالى الله وتذلل بين يديه وتدعوه من قلبك وتخلص فى الدعاء وان تعلم حقيقة الدنيا ومدى حقارتها فهى لا تزن عند الله جناح بعوضة وتبدا بالتغير اهم شىء ان تعرف الله حق المعرفة وان تهتم بعمود الاسلام وهى الصلاة وتكثر من حضور مجالس العلم واسأل الله ان يوفقك ويثبتك واحرص علىالصحبة الصالحة

[إن شاء الله منصور]

السلام عليكم ورحمه الله وبركاته
اخى المحب أحبك الله وحببك فى الكتاب والسنه اكثر وأكثر
وكذلك اخى محمود حفظه الله
أنا لن أقول لك إفعل وإفعل
بل سأقول لك انا كانت ايه اولى خطواتى مع الإلتزام
زى مقال الاخ محمود
جلسه محاسبه مع النفس
بس انا الجلسه بتاعتى كانت عنيفه شويه
كانت بعد يوم مدفنت بإيدى أعز أصحابى
زميل من إبتدائى , لم نفترق إلا عند دخول الكليه
كان التواصل خلال فتره الدراسه التيليفونات ولما بينزل أجازه كل شهر ولا اتنين
والاجازه تقريبا كنا نصحى بعض من النوم وكل واحد يوصل التانى البيت بعد منقضى اليوم
فى آخر سنه دراسيه ليه سافر ومشوفتوش يمكن مره ولا اتنين
فى يوم ماشى مروح البيت قابلنى واحد صاحبنى قال محمد كان لسه بيكلمنى وعاوزنا نروح نقعد معاه يومين ....
قولت ماشى نروح وبكره نتقابل نشوف هنعمل ايه
روحت ..... تانى يوم واحد صاحبنا رابع لقيته بيصحينى بيقولى انت نايم والناس كلها مسافره المنيا
قمت مفزوع ... إيه يابنى خير فى ايه ؟؟!!
قالى محمد سمير مات
هتصدقنى لو قولتلك انى شديت الغطا ونمت تانى
تصورت انى بحلم
ولما لقيته بيصحينى تانى كانت الصدمه لانى عرفت انه فعلا مات
مات غريق وفضل فى النيل 3 أيام المهم ..... لما الجسمان وصل شلته دخلته المسجد علشان يصلوا عليه ,
وشلت كمان وهوه خارج , وكمان وهوه داخل القبر شلت ... بعد الدفن وبعد مفوقنا
كانوا بيقولولى انت كنت هتدخل معاه ومش كنا عارفين نحوشك ومش عارف ايه
المهم
بعد العزى وبعد كل الناس راحلت لحالها
روحت البيت
يومها الساعه 2 بالليل كنا قاعدين نفس القاعده اللى كان بيقعد فيها محمد معانا
قولت .... انتم قاعدين هنا وسايبين محمد هناك لوحده
انا رايح
قالوا ... انت مجنون رايح فين تعاله ومش عارف ايه
مشيت
لقيتهم ورايا
طبعا مكنتش عارف انه لا يصح وغلط وكمان حتى مكنتش عارف انه لايجوز قراءه القرءان على المقابر
روحنا و وقفنا حوالى ربع ساعه
مشينا وكله روح
كانت اللحظه الفاصله بعد مروحت وقفلت عليا باب غرفتى
تخيلت ان انا اللى ميت
تخيلت انى فى القبر
تخيليت منكر ونكير
بيسألونى ومش عارف اجاوب
بقيت ادور على حاجه لرد بها ملقتش الا دنيا دنيا دنيا
والله يا اخى كنت فى حال مش عارف اوصفهولك
ومن تانى يوم بدأت الطريق
مش هقول كان من تانى يوم إلتزام
طبعا اتعسرت ووقعت وقمت ووقعت وقمت لحد ملقيت الصحبه
وعرفت الطريق الصح السليم
_________

كفايه كده .. ياريت تكون فهمت عاوز اقولك ايه
المهم عاوزك تعمل اللى انا عملته
ادخل غرفتك واقفل الباب
وحاسب نفسك
هتلاقى كل الأجابات اللى انت بتدور عليها
_____________

متنسانيش من دعوه بظهر الغيب

[elmoslem_free]

اريد حل يادكتور حازم
لى صديق يقول لى(( قسى قلبى وجمدت عينى ملتزم لكن اعصى اعلم ان الله يرانى ولكن لا حياه لمن تنادى مشكلتى النساء والاستمناءاخاف ان اكون من المحرومين وان الله لم يعد يريدنى كثيرا ما اتوب ولكن اعود


عندما اتى لاتو احس انى شخصين واحد يريد التوبه ويبكى ةلاخلر لاهى غافل لا دى ما افعل وقد اخذ من الاستمناء ماخذه فما هو الحل

قبل الفوات اخاف ان اموت على ذلك كثير ا اقول لماذا لا يعاقبنى الله فانا عصى كثيرا))
قال لى ذالك وهو فى غايه الاسف والحزن وانا اعلم انه طيب لقلب يحب الخير فدلنى على علاج له
جزاك الله خيرا