۞۞۞ مشكلات الأخوات المنتقبات والملتزمات ۞۞۞

[dr_karmen]

http://up10.arabsh.com/my/c99058e.gif

http://up101.arabsh.com/my/b86f160.gif



الحمد لله وكفي ... وصلاة وسلاما على الذين اصطفى ...
ثم
أما بعد

فلقد طلب مننا شيخنا بارك الله فيه د - حازم شومان ذكر مشاكل الأخوات والمنتقبات حتى يناقشها معنا بإذن الله


وسأسرد بعض المشكلات ليست خاصة بى وحدي ولكنها خاصة بأخوات أخريات

ومنها:

1- أن التزم في بيت غير ملتزمين وأن أجد من المعاصى ما هو أمامي وأحارب معهم لمنع حدوثها
فها هى اختى متبرجة وسافرة وتعمل من الآثام الكثير وعندما أحدثها اجد الأب والأم ضددى ويقولون انتى اخترتى طريق ملكيش دعوة باختك كل واحد حر
والأب لا يصلى ويدخن ويشاهد والأم لا تستحى من النمص والمكياج واللبس المنتبرج والأخ يسمع الاغانى ويصاحب الفتيات ويدخن ةيتفرج على الأفلام
فكيف أواجه هذا التيار كله

http://up101.arabsh.com/my/ab983f7.gif

2- أن التزم وأسرتى محافظة إلى حد ما ولكنهم يمنعونى من الذهاب لحضور الدروس فى المساجد يمنعوننى من النقاب لأن المنتقبات يتعرضن للأذى يمنعوننى من قيام الليل على أن اذاكر وألا أضيع وقتى فى الدروس وسماعها وأذاكر

http://up101.arabsh.com/my/ab983f7.gif
3- يصر الأهل على ادخالى الكلية وهى مختلطة ولا أريد أن أدخلها وخصوصا أن مجموعى عالى ويدخلنى كلية عالية

http://up101.arabsh.com/my/ab983f7.gif

4- أن التزم وذلك بعد زواجى ولكن زوجى غير ملتزم
فى هذه القضية تتفاوت الدرجات من الرجل البعيد جدا عن الإلتزام إلى الرجل الى حد ما يصلى ويصوم وفقط

http://up101.arabsh.com/my/ab983f7.gif

5-أهل زوجى غير ملتزمين ويغضبون مننا لأننا لا نزورهم وإذا زورناهم يتضايقون من كونى لا اكل بسبب إخوة زوجى الذكور متواجدون عند الطعام ولا يقتنعون بالفصل فى المجالس بالإضافة إلى تشغيل التلفاز على المفاسد ولا أعلم من هذا مفرا وزوجى يغضب لو رفضت ذهابى معه
http://up101.arabsh.com/my/ab983f7.gif
6-ما أجده من معاناة فى بداية لبسه لأنه يجب عليا تغطية العينين ولا أرى وأتخبط وأسقط ولان الملحفة فضفاضة أبدأ فى اسقاط الأشياء من حولى ولا أستطيع أن أتحكم فى ذلك وأجد السخرية من كل من هم حولى ولكن كنت اتمنى أن أكون عزة للإسلام وليس مصدرا للسخرية
http://up101.arabsh.com/my/ab983f7.gif

7- أجد اننى تحت المنظار دوما وهذا جعلنى ألا أختلط بالناس حتى لا تصدر منى أى أخطاء وتحسب على المنتقبات كلهن لأن الناس تترقب لهن وتترصد لهن الأخطاء

http://up101.arabsh.com/my/ab983f7.gif
8- ما زلت على أول طريق الإلتزام وعلومى الشرعية تقريبا = صفر ومازلت أبحث عن التعليم ولكن الناس تسألنى دوما وإذا قلت لهم لا أعلم ينتقصون من شأنى ومن شأن المنتقبات ويقولون:
شفتى مش شرط النقاب عشان تعرفى الدين ممكن تكونى لابسة النقاب ومبتصليش صح هينفعك بإيه النقاب؟
عارفة انهم على حق
لكن لا يفرقون بين مبتدئ ومنطلق فى الطريق وأشعر بأنى لا أستحق فضل النقاب على نفسى فماذا أفعل؟

http://up101.arabsh.com/my/ab983f7.gif


هذه يا شيخنا الفاضل د- حازم بعض المشكلات التى أجد فيها نفسى احيانا او اخواتى
وإن شاء الله إذا وجدنا شئ آخر سنضعه هنا
جزاكم الله الفردوس الأعلى
وبارك الله لكم فى وقتكم ونفع بكم ورزقكم الإخلاص فى القول والعمل
http://up101.arabsh.com/my/ab983f7.gif

[born2luvallah]

السلام عليكم و رحمه الله و بركاته

جزاكى الله كل خير يا اختى الغاليه

[dr_karmen]

جزاك الله خيرا ياأخية
بارك الله فيكى
المشاكل اللى طرحتيها فعلا حقيقية
ربنا ييسر والدكتور حازم يرد عليها بإذن الله

[born2luvallah]

[quote=born2luvallah;59875]السلام عليكم و رحمه الله و بركاته

اولا انا نقسى اقول ان بفضل الله الالتزام سهل لكن المحافظه عليه اصعب

سهل ان فيه دلوقتى الحمد لله بفضل الله علماء و مشايخ لحد البيت من غير اى مجهود و اخوات ياخذوا الى طريق الالتزام


اول المشاكل طبعا هى النفس -الشيطان

و النفس اصعب لانها لو كانت اماره بالسوء بتكون محتاجه مجاهده و فعلا هى مجاهده
اما الشيطان فالتغلب عليه اسهل لان بمجرد الاستعاذه منه بيطرد

بعض المشاكل

هو عدم وجود خلفيه عن النقاب و انى بعد لما البسه : اقول لنفسى ما انا كنت لبسه عبايه فضفاضه و ايشرب طويل و الوان غامقه و معصم و جزء صغير من وجهى الى مكشوف و انا مش جميله الجميلات علشان افتن الشباب و ان العلماء اختلفوا فمنهم من يقول انه سنه و ليس فرض

بس اكثر حاجه بتثبتنى درس الشيخ حازم شومان فى درسه ماذا لو اختلانا الله و مثال لصحابى عندما قال له الرسول صلى الله عليه وسلم :نعم العبد لو كان يقوم الليل هل قيام الليل فرض و لكن امتثالا لامر الرسول و ده حاجه سوف اكون حبيبه الى الله
و لما حضرتك قلت مينفعش تفكر ده فرض و لا سنه


اما عن بعض المشاكل هم طبعا الاهل و العائله و ده سلاح الشيطان انه يسلط اقرب الناس

لما اريد ان اكل او اشرب هتصرف اذاى خاصا لو كنت فى عزومه و نظر الناس اذاى بقى هتاكل ا و ابهطل نفسى و انى هخلع المعصم اذاى

موضوع لو كنت فى مصيف هروح المصيف بالنقاب و كمان اسود او الوان غامقه و طبعا المصيف لمه هفضل لبسه النقاب فى حر الصيف كمان فى البيت و انى البس نقاب يتناسب مع المصيف

الكليه و طبعا لو امتحان شفوى و اثناء ذهبى للكليه هفضل مستنيه الاتوبيس و الزحمه و هعمل اه اجلس جنب اخ و لا استنه كمان كثير عقبال لما تيجى مواصله ثانيه طيب ما اركب تاكسى كويس بكرمتى و بعدان ديه مش خلوه و الموضوع ده فى اختلاف اراء العلماء


موضوع الزواج هتزوج اذاى و محدش هيشوفنى و نسبه العنوسه فى زياده

الدعوه الى الله اذاى و فيه اخوات هينفروا منى

[شوق لزمن الصحابة]

جزاكم الله خيرا
لقد طرحتم كثيرا من المشاكل التى تقابلنا بالفعل
ارجو ان يثبتنا الله
ننتظر رد شيخنا الفاضل

[dr_karmen]

جزيتم مثله اختنا شوقى لزمن الصحابة

[يمامة المسجد]

إحدى الأخوات قد أرسلت لي هذه الرسالة في موضوع إيه رأيك تكوني منتقبة

صراحة , لقد أحزننتني الرسالة جدا ً ... و آزمتني

كل واحدة فينا قد تتعرض لهذه المشكلة

سأضع المشكلة بين أيديكم

ويرجى الرد عليها في أسرع وقت ... حتى أرسله للأخت ، أنا بالفعل أرسلت لها ، لكن , يبدوا أن الموضوع يتكرر كثيرا ً ، سبحان الله ، الواحد بيفرح لما يلاقي أخت إنتقبت ، فإذا به يجد أخت تقع وتخلعه أو أي يحلق لحيته ، أو يكون على مشارف إنتكاسة ، لإننا فعلا ً بنتمحص ، ومش هيثبت إلا من ثبته الله

رسالة الأخت :




http://www.uaekeys.com/fwasel/www.uaekeys.com43.gif


السلام عليكم
:LLL:
اختى كاتبة الموضوع انا سجلت فى المنتدى عشان موضوع النقاب ده لانى سبحان الله لسه داخله الموقع انهارده بس وشوفت الموضوع

اولا انا مرتدية النقاب فعلا بس عندى مشكلتين والحقيقه انى بقالى حوالى شهر بفكر فى انى اقلعه لاسباب هقولها
1 - اولا لانى اتخرجت من الكلية وطبعا مش لاقيه شغل بالنقاب فى المجال اللى عايزه اشتغل فيه ومحتاجه انى اشتغل عشان اخد كورس معين فى الجرافكس واقدر باذن الله اشتغل بعد كده من البيت ودى خطتى فعلا والله رعلم بكل كلمة بقولها انها طالعه من جوايا لانى بتعذب بقالى فترة كبيرة اوى ومش لاقيه حل او حد ينجدنى
انا اذا كارهه النقاب مكونتش هتعذب كده بالعكس انا لابساه من اكثر من سنتين تقريبا ولم افرط فيه قط الا من ايام وبالتحديد يوميين فقط اعرف انهم كتير جدا بس فعلا ده اللى حصل وحصلى من الندم بعدها اللى مش قادرة اوصفه

2 - السبب التانى انى مخطوبة واهل زوجى ( فى المستقبل يعنى بعد اتمام الزواج ) معترضين عليا بيه اعتراض تام يعنى المعامله مش هتبقى طبيعيه لان وضع النقاب هما مش راضيين عنه ولا متعودين عليه ومافيش حد عندهم لابسه فأكيد انا بينهم نشاذ .. اما بالنسبة لخطيبى فهو الحمد لله بيحبنى وموافق على النقاب ولكن مش محبذ يعنى ذ قلعته بالنسباله افضل انما موقفه من الاول معايا انه الحقيقه معترضش

انا يمكن اخواتى كلامى بسيط ومشاكلى تكاد تكون عبيطه بس بجد انا بتعذب من فترة ومش لاقيه لحد دلوقتى اى كلام يريحنى ولحد دلوقتى مش قادرة اقلع نقابى

لكن فيه حاجه تانيه واجب عليا اقولها
انى فى الايام الحاليه ومن فترة بعيده بعد كبير اوى عن ربنا يعنى مبسمعش دروس زى الاول والمصحف مش بيتفتح يوميا وانما على فترات والتزام الصلاة واشياء كثيره جدا معرفش حرام انى اقول كده وممكن حد يفتكرنى انى مجاهرة بالذنب لكن والله مش ده قصدى اطلاقا انا بوضح الرؤيه كلها عشان حد يقدر يفدنى وطبعا حالتى دى فى بعدى عن ربنا هى اللى موصلانى لانى بقول لنفسى انى مبقتش ملتزمه بلبسى وانى كده لابساه لبس وخلاص وانا من جوايا فاضيه

ياريت وجهة نظرى تكون وصلت وارجو المساعده فى اقرب وقت

ربنا يجازيكو خير يارب ان شاء الله

السلام عليكم


http://www.uaekeys.com/fwasel/www.uaekeys.com43.gif


إنتهت الرسالة



جزاكم الله خيرا ً

[e88sajedah_lellah]

بسم الله والصلاة والسلام على الحبيب رسول الله

ياااه سبحان الله مش كنت متوقعة اننا في يوم نناقش المشكلات اللي بتقابل المنتقبات اللي ربنا بفضله وحده وكرمه اختارنا نكون منهم

في البداية لازم أأكد ان يكفينا شرف ارتداء امهات المؤمنين للنقاب عشان نلبسه


لكن فعلا بتقابلنا مشكلات منها سبحان الله كتيراختنا ذكرته بالبداية ومنها مشكلات لسه لم تذكر ومنهم :


- نظرة افراد من العائلة للمنتقبة بعد لبسها للنقاب بانها وبدون مبالغة كانها اتجننت بارتدائه خاصة لما بتكون آنسة
يعني احد المنتقبات كانت قاعدة بتقنع والدتها بارتداء السواد والاسدال مع النقاب افضل من غيره قامت جدتها قايله لوالدتها سيبك من المتخلفة دي

- نظرة أغلبية المجتمع للمنتقبة على انها لازم تكون حاجة وكبيرة وعجوزة ومتزوجة وينادوها ب..يا حاجه ويا مدام وده بالفعل بيدايق الاخوات الصغيرات

- ان يتقدم لخطبتها كثير من الناس غير الملتزمين طمعا بانها هيا اللي هتاخد بايدهم ولما بترفض بيعتبروها متكبره

- انها لما بتتعامل مع الناس ( الرجال يعني من القرايب غير المحارم وغيرهم ) بما شرعه الله بيحصل زعل واعتقاد بانها بقت متشددة ومتكبره عليهم بالتزامها والناس بتكون مستغربة ... بجد يا ريت الناس تساعد بعضها اكتر على طاعة الله

- وبصراحة دي نقطة محرجة شوية بس فعلا في بعض المناطق الناس مش بتتجه للمنتقبات لخطبتهن.. حتى احيانا بيحصل ده من ناس ملتحين ويعتبروا ملتزمين وبيتوجهم لغير الملتزمة ومش بس غير ملتزمة احيانا بتكون كمان متبرجة ومن الكاسيات العاريات بحجة انها جميلة !! وكأن الملتزمات والنتقبات لسن كذلك !!! وبحجة انه هيخليها تلبس النقاب !!! مع ان النقاب مش هوه كل حاجه بالالتزام الالتزام وفرق كبير بين من ارتدته طاعة لربها ولمرضاته ومن ارتدته لمجرد طاعة مخلوق

[يمامة المسجد]

أنا حزينة جدا ً

اليوم أخت لنا خلعت النقاب

لأنها بتقول قد عانت من sinusitis وكما يقول الطبيب بسببه

أنا حزينة جدا ً لأنها لم تترك لنفسها فترة مجاهدة

صعب جدا ً الواحد مابيصدق يجد أخت تنتقب وتلتزم

ثم نجد منهن من يخلعن

اللهم ثبتنا

--------------------

والأخرى خلعته لأنها نفسها تلبس شيك

والنقاب يمعنها هذا

لاحول ولاقوة إلا بالله

اللهم ثبتنا

[dr_karmen]

السلام عليكم ورحمة الله وبركاته
مبدأيا يا أخيتى يمامة جزاك الله خيرا على نقل الحوار اللى طرحته الاخت الاولى اللى عاوزه تقلع النقاب عشان تشتغل
وعشان اهل زوجها

أولا بالنسبة للمشكلة الأولى العمل اللى هيخلينى اتنازل عن دينى او جزء منه عشان اشتغله يبقى بلاش منه
ومن ترك شيئا لله عوضه الله خيرامنه

يعنى مش من قلة الاعمال اللى ممكن المرأة تعملها بنقابها
وهى كمان ذكرت انها بعيدة عن ربنا بقالها فترة يعنى مش مستعينة بيه فى البحث على عمل
والله ربنا مابيضيع حد

والله يا يمامة افتكر فى امتياز كان اول قسم لينا نشتغل فيه كان البيدو
وكان فى دكتور كدة ربنا يهديه
كل ما طفل يعيط وانا بشتغل له يقولى
يادكتورة النقاب الاسود اللى انتى لابساه ده مخوفهم
كنت عايزة اقوله مافى متبرجات معانا والاطفال بيعيطوا معاهم برده
وانتى شفتيهم بفسك يايمامة

لكن لما كرر الكلام ده
قلت له يادكتور وهو هيفرق عن الماسك mask اللى بنلبسه فى الشغل حاجة؟
والله سكت وما تكلمش تانى
سبحان ربى هو اللى ألهمنى الرد اللى يسكته

يعنى كل واحدة أكيد بتلاقى صعوبات فى اى مجال

سواء متبرجة ولا منتقبة يعنى الصعوبات مش خاصة بالمنتقبات ولله الحمد والمنة


وحاجة تانية اقولها بالنسبة لموضوع اهل الزوج لانى شفت المشكلة ديه وعيشتها
فوالله مهما كان كلامهم صعب وجارح
انما فى قرارة نفسهم بيحترموكى

يا أخواتى المنتقبة بيكون عليها جلال ووقار تجبر أى أحد انه يحترمها وتدب فى نفسه الحرص فى التعامل معاها
أسأل الله العظيم أن يثبتنا ويهديها ويكفيها هوا نفسها

[dr_karmen]

أخيتى الساجدة
الجنة ليست رخيصة الثمن
مش هنكون احنا أحسن من الرسول صلى الله عليه وسلم
اللى كان الصادق الأمين
وبعد ما بدأ الدعوة بقى الساحر المجنون

فاحنا لما كننا فى الجاهلية كننا العاقلين
لكن لما التزمنا بقينا المجانين

ده من وجهة نظر الناس
أسأل الله أن يهدى كل المسلمين للحق

لكن الحقيقة أن القابض على دينه كالقابض على الجمر
وبصراحة بقى
أقبض على جمر الدنيا أحسن ما جمر النار يقبض عليا يوم القيامة
اللهم سلمنا منها اللهم آآمين

[dr_karmen]

يمامة


لو كانت فعلا كدة يبقى فى حد فهم غلط
غالبا ما بيكون السبب الرئيسى ليها هو الأتربة وغبار السيارات والعوادم وكدة
والله العظيم النقاب أفضل ساتر لحماية البشرة والجهاز التنفسى
ازاى بقى يكون السبب فى الsinusitis??
انا لله وانا اليه راجعون

لكن الأخت اللى خلعت النقاب عشان تلبس شيك فاسأل الله لها الهداية
شكلها عايزة شوية شياكة فى الدنيا
واتنازلت عن حلة من حلل الجنة
مين أفضل؟؟؟
ده كان منديل بن معاذ رضى الله عنه أحلى وأبهى من عباءة ملك من ملوك الأرض مطرزة بالذهب

انا لله وانا اليه راجعون

اللهم أهديهم وثبتنا
واهدى كل بنات المسلمين

[يمامة المسجد]

على فكرة الحمد لله الأخت قالت لن تخلعه

[يمامة المسجد]

بالنسبة لللأخت المريضة

شفاها الله وعفاها

هم أخبروني هكذا

وحتى أنا لم أقابلها بعد

بصراحة مش قادرة أقابلها

الله المستعان ,

ربنا يثبتنا

[المشتاقة لله]

السلام عليكم ورحمة الله وبركاته
اخواتي في الله والله لا ادري ما اقول فرحت كثيرا بهذا المضوع ولكني حزنت عنما سمعت هذه المشاكل التي منها ما يحدث لي احيانا كثيرة ....
انا لدي من المشكلات ما يكفي ولكن والله ثم والله لقد وضع الله في قلبي حب المشاكل التي تاتي من جانب لبسي للنقاب مع كل مشكلة اشعر ان الله اصطفاني اكثر ومن عليا بهذا الحجاب...
ولكن هناك اشياء اشعر انها لا تصح ولكن لا اجدمنها مفر كام انني اجد بانني اسيء للمنتقبات والنقاب بها ولكني لا اقصدها ابدا ...
اود ان اطرح عليكن بعض من هذه المشكلات وارجو افادتي...
اولها: انا ارتدي النقاب ولكن نظري ضعيف وارتدي نظارات ولا ارى اذا انزلت طبقة اخرى على عيني ولكن البس طرحة على راسي تغطي شيئ من عيني الا ما ارى به فقط وجربت كثيرا ان انزل طبقة اخرى ولكن لم استطع الرؤية...
الثانية:انني في كلية مختلطة وللاسف واضطر الى النظر الى المعيد او الدكتور عندما يتحدث اليا لكي افهم ما يقول واكون على انتباه لان اعتمادي كله على النظر مع السمع ولا ادري ماذا افعل لا اريد النظر اليهم ولكن لا ادري ماذا افعل فهل انا آثمة ؟؟...
هناك بالطبع مشكلات اخرى ولكن الله معنا ويهدينا الى الخير ويعيننا عليها ...
اسال الله النقاب لجميع بنات المسلمين يارب واسال الله ان يهدي جميع بنات وشباب المسلمين يارب واسال الله ان يثبت قلوبنا بعد اذ هدانا
جزاكن الله خيرا عنا وجزى الدكتور حازم كل الخير والهدى والثبات يارب

[dr_karmen]

والله يا أخيتى بارك الله فيكى
مش عارفة ارد عليكى وأقول ايه
لكن ربنا ينهي كليتك على خير
ولا تكونى فى الاختلاط تانى ان شاء الله

[Muslima_Mwa7eda]

جزاكم الله خيرا موضوع مفيد جدا وادعولى ربنا يرزقنى النقااااااااااااااااااااب عن قريييييييييييييييييييييييييييب

[dr_karmen]

اللهم آآآمين يا أخيتى شروق
لو ناوية بجد توكلى على الله
متتأخريش
متخليش حاجة تقف فى طريق حسنات زيادة ليكى
والله ياشروق مع النقاب بتحل بركات كتيرة
أولهم إيمانك فى قلبك
بيزيد جدا

[يمامة المسجد]

كارمن

ايه ده

إنت كدة بتلمي الأخوات

لأ معلشي

يا جماعة فيه ثلاث مواضيع في الروضة

وهناقش كل مشاكلنا إن شاء الله ومعانا كل خبرة أخواتنا في الله

[e88sajedah_lellah]

أخيتى الساجدة
الجنة ليست رخيصة الثمن
مش هنكون احنا أحسن من الرسول صلى الله عليه وسلم
اللى كان الصادق الأمين
وبعد ما بدأ الدعوة بقى الساحر المجنون

فاحنا لما كننا فى الجاهلية كننا العاقلين
لكن لما التزمنا بقينا المجانين

ده من وجهة نظر الناس
أسأل الله أن يهدى كل المسلمين للحق

لكن الحقيقة أن القابض على دينه كالقابض على الجمر
وبصراحة بقى
أقبض على جمر الدنيا أحسن ما جمر النار يقبض عليا يوم القيامة
اللهم سلمنا منها اللهم آآمين



جزاكي الله خيرا يا حبيبتي ربنا يبارك فيكي

[دموع الاقصى]

السلام عليكم ورحمة الله وبركاته :
والله انا واجهت مشكلة من هذا القبيل وكل ما قلتموه صحيح ولكن ما واجهته ان والدي يرفض مطلقا ارتداء النقاب ويعلل ذلك بقوله اذا جاء صاحب النصيب يكن لك ما تريدين اما عندي فلا ورغم محاولاتي المستميتة الا انه يرفض ذلك مطلقا
نسأل الله الهداية للجميع اللهم امين

[يمامة المسجد]

السلام عليكم ورحمة الله وبركاته :
والله انا واجهت مشكلة من هذا القبيل وكل ما قلتموه صحيح ولكن ما واجهته ان والدي يرفض مطلقا ارتداء النقاب ويعلل ذلك بقوله اذا جاء صاحب النصيب يكن لك ما تريدين اما عندي فلا ورغم محاولاتي المستميتة الا انه يرفض ذلك مطلقا
نسأل الله الهداية للجميع اللهم امين



بصي يا أختي

نتيجة خبرتي فعلا ً

مافيش أخت بتقول أبي مش موافق

وتفضل تكرر في الموضوع ده كثير ...

إلا إذا كان السبب منها في الأصل ... وعلى فكرة ده كلام أخوات برضة بعد إرتدائه ... أصلك مش هتغلبي .. سبحان ربي لما تكوني عايزة حاجة ووالدك مش موافق خالص بتعيطي وتتمسكني وتحبسي نفسك في الغرفة ومش بتاكلي ومش بتروحي الجامعة ، إعملي كدة برضة مع النقاب

يعني هي نفسها مترددة ووالدها شاعر بكدة ، أما لو الموضوع بالنسبة لها حياة أو موت ، إن شاء الله هيوافق ، ولو موافقش أنا هلبسه سواء رضى ولا مرضاش ، وإن شاء الله هيتقبل الوضع ، وكثير من أخواتنا فعلوا هذه

يعني أخواتنا إلي آبائهم معارضين ، لبسته وأعرف أخت والدها تقريبا ً قطعها من الضرب عشان تخلعه وما خلعته ، أصل هي ايه ؟ قضية حياة أو موت ، طيب وأخت تانية ، كانت بتنام بيه : أصل والدها حلف يقطعه لها ... أصل هي قضية حياة أو مت وأخت ارتدته سنة دون أن يعرف والدها ... ولما عرف لما يحدث شئ وكان برضة بيقولها حكاية الزوج دي

لا أعتقد إنك أقل من أي واحدة من هؤلاء

الموضوع محتاج جهاد للنفس وصدق وإخلاص ، ومحدش هيقف أمامي عشان رضا ربي ، محدش أبدا ً هيقف أمامي

تفضلي لقراءة هذه الموضوع

لكل أخت لا تستطيع إرتداء النقاب (http://way2allah.com/forums/showthread.php?t=10038)

فكلامي لك ِ أن تحرصي على الصدق والإخلاص بداخلك

ونكون صادقين مع الله ليصدق الله معنا

[dr_karmen]

صدقت يا يمامة بوركتِ وبوركت كتابتك

[محبة الهادي]

جزاكن الله خيرا أخواتي
فعلامشكلاتكن متواجدة وردودكن قاطعة
أعانكن الله على هذا الخير.

[dr_karmen]

جزاك الله خيرا يا أخية وفيكِ بارك الله