موضوع خطيـــــــــــــــــــــــــــــــــــــــــــــــ ــــر

[om abdallah]

:LLL:

السلام عليكم دكتور حازم ... موضوع الجمعيات الخيريه اللى حضرتك تكلمت عنه اكبر من اختلاط و معازف و صحبه ... لقد ذكرت حضرتك ان هناك بعض ملتزم واخر لا و هذا له تاثير سلبى ... غير الاختلاط فاحضرتك كنت دايما ليك قاعده ان الباب المتوارب لازم نقفله لان فى دايما نفس ضعيفه انا اتمنى ان حضرتك تقفل الباب ده للاخوات لان الاخت افضل مكان ليها المنزل و ممكن تشترك فى حاجات من خلال منزلها وان دى مش سلبيه ولا تشدد بل هذا الزمن زمن فتن يجب ان تحافظ على دينها ... فانا اعرف بعض الناس فى هذه الجمعيات و اقتاعهم الشديد بالجمعيه يجعلهم يغيبوا عن كثير من الامور ... فيجب ان يكون لنا وقفه فيها جاده فهذه المشكله مشكله صعبه فى الكثير من البيوت و بقول لحضرتك علشان الاعمال الخيريه يعقوا الوالدين و حاجات كتير ... فى ناس انسحبوا من هذه الجمعيات و يحمدوا الله على انهم تركوها و ان ربنا قدرلهم ذلك لما فيها من مخالفات .... حقا الموضوع يحتاج لدراسه وان حضرتك حتى تعرف حد كان من ضمن هذه الجمعيات و تعرف عنها اكثر و يكون لنا وقفه ... فرغم الاعمال الخيريه الا انها باب للمعصيه ايضا فكلما بعدنا عن الشبهات كان افضل ... بالله عليك يا دكتور حازم نرجوا الاهتمام لان بيوت كتير بتعانى من نفس المشكله ... المشكله ان ناس حاربت الاختلاط فى هذه الجمعيات من الجمعيه نفسها و من القائمين عليها و ماقدروش يفصلوا .. و رجعوا تانى فى نفس المشكله اللى مالهاش حل و بدأ الشيخ فلان يقول ان لو المجتمع مختلط هاتعمل ايه و انت هاتغير الكون ولا ايه و مافيش مشكله و لازم نعيش و نكمل رسالتنا و فتاوى من هذا القبيل مما ادى اللى ان العمل رجع تانى زى الاول و بقى عادى والله يا شيخ الموضوع كبير .... الملتزمين منهم تزوجوا ... المش ملتزمين هايعملوا ايــــــــــــــــــــــــــــه.... علينا ان نفكر و نجد حل لهذه المشكله العويصه التى تعتبر جمعيه خيريه من ناحيه و شوكه او سكين فى ظهر الاسلام .... نرجوا من سيادتكم الرد و اخماد هذه النار المشتعله فى كل بيت فالكثير من الشباب يستمعوا لحضرتك و يقتنعوا بكلام حضرتك .........و جزاك الله خيرا كثيرا .......

[om abdallah]

انا اسفه شيخنا على التطويل و لكن يعلم الله ان هذا لخوفى على هؤلاء الشباب من الفتن التى تعصف بالشباب من كل اتجاه و ان هذا الكلام ليس لاضطهاد شخصى و لكن لخوفى على اخواتى و على كل من منّ الله عليهم بالالتزام و حب الخير و انتشار المعروف بين الناس ... و خوفى عليهم من كل ما نسمعه من معاصى و حرمات تنتهك فى هذه الايام و ان لا يوجد انسان معصوم فكل من هو فى مكانهم فهو عرضه للفتنه فعلينا بنصحهم فى الله و تقبل الله منكم مجهوداتكم و جعلها الله فى ميزان حسناتك يوم ان تلقاه و بارك الله فيكم ... وجزاكم الله خيرا

[dr_karmen]

جزاك الله خير يا أخية
والله ياأخيتى صدقتى فيما ذكرتى
كنت قد انضممت لهذه الجمعيات فترة
وأعلم ما يحدث فيها جيدا

والله يا دكتور حازم فعلا الموضوع بيوصل لإنتكاس ناس
يعنى أخوات كانوا مختمرات وعايزين النقاب
الحال وصل معاهم الآن إلى حجاب من الموضة والعبايات أصبحت جيبات وأحيانا بناطيل
وعدم سماع الأغانى تدرج من انهم بيعملوا اغانى لإسعاد الأطفال فى مسشفى مثلا إلى مشجعة لمطرب معين وأحيانا المشاركة فى الكورال فى الغناء
ففعلا
اختلاطهم ليس فقط إختلاط الشباب والفتيات
انما اختلاط الملتزم وغير الملتزم
بيوفر بيئة غير إيمانية

يعنى بيفقد فيها الصحبة الصالحة التى تعين على الإلتزام
بل وتجعل فيها أحيانا مفسدات

فبسببها بيكون فقد للملتزمين
وإنتكاسهم سريع جدا

فالموضوع فعلا هام وخطير
وخصوصا انه فى ظاهر الامر خير وبيكون نتيجته غي مرضية

[راجيه الجنه]

:lll:

اختي والله عندك حق المشكله مش في الاختلاط بس والشيطان بيدخل لهم من طريق خير فلازم نوازن لو كان الامر ده هيضر ديني يبقى الجلوس في البيت افضل ياريت تكلمهم يادكتور حازم فعلا كلهم اتجوزا من بعض ودول الملتزمين فما بالك بالاخرين يارب اهديهم

[آية الله]

بسم الله الرحمن الرحيم
السلام عليكم و رحمة الله و بركاته
جزااااااااااااااك الله خيرا كثيرا اختى و حبيبتي في الله ام عبد الله ...
صدقت فيما قلت ِ و انا شوفت ده بام عيني و الله العظيم
الناس بتبقى ملتزمة فعلا و يدخلوا علشان يلاقوا صحبة صالحة و يعينهم و يخدموا دينهم و اهداف و كلام كتير جميل لكن لو جينا نبص على الواقع ...لا شىء مفرح على الاطلاق
انا كنت في احدى هذه الجمعيات و سبتها بسبب رؤية مفزعة افزعتني و ناس شافوا ليا رؤية و الشيخ النقيب قال تفسيرها ان نسيب المكان ده ..
يعني لما اشوف مرة اننا كلنا كنا مجتمعين في مسجد علشان الصلاة و الرجال نزلوا يصلوا و النساء فوق في دورهم بيصلوا لان الاول كان الرجال مع النساء فوق
ثم ساعت الصلاة ...يا شيخ اقسم لك صلوا في عكس اتجاه القبلة
و انا مكنتش مصدقة و ظللت اقول لهم القبلة ليست كذلك وهم لا يسمعون ثم صليت في اتجاه القبلة الصحيح ...
المشكلة يا شيخ و الله ...ان لما تيجي تكلم حد يقولك مينفعش نعمل المشروع الفلاني من غير ولاد ليهم دور
اقولهم خلاص معروفة كل واحد عارف دوره و يعمله ..و بعدين من يتق الله يجعل له مخرجا و يرزقه من حيث لا يحتسب ...مفيش مثلا التوعية ضد التدخين و السجاير..
ليه البنت تدعوا ولاد و شبااااااااب ليه هو ده مش ممكن يكون فتنة
هيا لو فاطمة بنت محمد صلى الله عليه و سلم و لا صحابية كانت هتعمل كده
انا قلت لناس كتير منهم قبل ما تعملى حاجة ...تخيلي ان فاطمة رضي الله عنها ولا السيدة عائشة امي الحبيبة ...رضي الله عنها ...ولا اي حد من الصحابيات كانت هتعمل ..كده !!!
طبعا لأ
لانهم رمز للعفة و الحياء...اللى صدمني ان واحدة تقولى اه
اقولها اه ازاي فاطمة رضى الله عنها و السيدة عائشة رضي الله عنها يعملون في اختلاط...؟؟؟!!!! لا و الله
المشكلة اكبر و الله من اختلاط و موسيقى
المشكلة اكبر
ناس كتير دخلت على انه نادي و ادخل يمكن يعجب بيه واحد هناك و اتجوزه
معلش سامحوني لاني انا شفت كل الكلام ده و كنت بتقطع بجد..
و واحد داخل علشان يعرف بنات ..
و شباب لم يسكت فمهم ابدا عن الكلام عن اي اخت في الجمعية
الاجتمعات مختلطة ...طب اين غض البصر اين الحدود في المعاملة ؟؟
الاجتماعات ديه بتبقى كارثة اقسم بالله ...
و شفتها بعيني اجتماع حدى اللجان و الاخ المفروض انه ملتزم و ملتحى و الاخوات قاعدين و فيه رجالة معاهم
و بيضحكوا و يهزروا و يابنتى كذا و يابنى افهم
الكلام ده لبعضهم ...البعض
ده غير مثلا ان الاجتماع بقى مش هيعدي كده لازم اضحكهم شوية هو ايه لازم يبقى كل كلام كده لازم نضحكهم بردوا و البنات يضحكوا ...طب هو ده مش خضوع بالقول..
و تلاقيهم يفكروا فاكرة فلان الفلاني ...لما قال ايه الاجتماع اه يا ينتي ده عسل ..دمه شربات ..دم مجرم ميتكلمش ولا يدي ندوة ولا يجمعنا علشان اجتماع الا و بنموت على روحنا من الضحك ...بجد جزاه الله خيرا ده ما شاء الله عليه !!!!!
سامحيوني على الاسلوب لكن ده باللفظ اللى بيحصل وايه اللى بيقولوا ليه ..
انا بس عايزة انقل لكم الصورة ..الحقيقية
وواحدة راحت اشترت اكل ..ايه ده انتى جايبة ايه ما تدينا معاكي و حاجات غريبة
....
تخيل يا دكتور ان شقة ...متجمع فيها بنات وولاد مفيش بينهم اي صلة كلهم اجانب عن بعض و بيعملوا الكلام ده
بعض البنات بيقولوا انهم خلاص اتعودا عليهم بقوا زي اخواتهم
ولا حول ولا قوة الا بالله
يعني لو عضو جديد ماشي ...لكن لو غير كده دول اخواتنا !!!!!!!!!!
اين العفة ...
بجد فين عفة لاشباب و البنات ...؟؟
بجد مش عارفة
بيوصل الامر الى ان الايميلات مع بعضهم البعض ولاد و بنات ...علشان يتبادلوا تاسكات و مهمات العمل !!!!!!!!!!!
يتكلموا مع بعض نت او ارسال ميلات ...
يعيني عادي يكون على ميلي ولاد ...و ارسل لهم اصله عمل و بنخدم دينا !!!
و تلاقيهم بينادوا لبعض بدون اي القاب يا فلانة و يافلان
و ممكن لو الولد اسمه مشهور شوية بيناده بالاب ....و كانه اخوهم فعلا...
و ياكلوا مع بعض ...و كل حاجة
المشكلة ان ده بيعمل قسوة قلب ...و غفلة و انتكاس و تغير في النية و حاجات كتير اقسم بربي
انا بحمد ربنا ان ربنا رزقني الرؤية و الرؤية اللى احد الناس شافهالى و الشيخ النقيب قال معناه بحمد ربنا انه نجاني فعلا و مغرقتش زي كتير ما غرقوا
ربنا ينجيهم يارب و يقيهم الفتن ما ظهر منها و ما بطن
المشكلة التعصب الشديد للجمعية و للشخص و للفكر ده ...و انه هو ده الحق و ده المفهوم الصحيح للدين و ده الالتزام بجد و ما عدا ذلك :
تعصب و تشدد و فهم خاطىء و بنكره الناس في الدين و سلبية و حاجات كتير اوي و ناخد من الناس دول جنب
و عادي اغاني اسلامي بموسيقى و حلم الفتيات في اللجان الفنية انا نفسي ...اكون مغنية مسلمة تظهر الدين في العمل الفني و بحجابي...
و الاخت تبقى كلتزمة و نحسبها على خير و تتخطب لواحد تظن انه ملتزم على الرغم من انه بيغني اغاني اسلامية و بموسيقى و لم يوافقها على النقاب ...و عملوا خطوبة مختلطة و اغاني عادية و البنت قلعت الملحفة في فحرها و عادي و الناس بترقص
....شوفت يا شيخ المصائب ؟؟؟!! المشكلة مش اختلاط و موسيقى و على كده دول معاهم حاجات كتير
و دول اصلا مش صغيرين ..
تيجي تبص على الحجاب ...لازم البس عباية لونها كذا و طرحة لونها كذا متناسقة معاها علشان كده انا بدعو الفتيات للاسلام و للحجاب بمظهر الانيق و لاشيك و ان هيا ديه الوسطية
لكن اللى بملحفة و نقاب ديه ...لالالالالالالالالالا ايه الكلام ده امشي باسود كده خيمة ,....الافضل اني البس عباية كذا و لونها كذا مع طرحة او بنطلون و تونك ..او جيبة ده افضل لاني كده من غير ما تكلم بدعو الفتيات ...!!!!!!!!!
دعوة لايه بس انا عايزة افهم ..احنا اضحك عليننا و الله
اللبس الاول مجلات الحجاب كانت عبايات من غير تطريز ,,,, بقت بتطريز قصورها و عملولمعها فتحتين و تحتها بنطلون الطحة فضلت تقصر لحد ما بقت اسبانش
شالوا اكمما العباية و قالوا البس بادي علشان الذراع يجسم .....و حاجات كتير و الله انا عندي كلام كتير بجد بس مش عايزة اطول..
و ناس كنت فاكراها ما شاء الله و ىية في الالتزام اقسم بالله الان انتكسات ...
هما مقتنعين ان ده الحق و ان ما يقوله هذا الرجل هو الحق
مفيش مرة نحاول نراجع نفسنا مفيش مرة نحاول نستشير
و ناس بردوا تقول مدام انا بتبعه في الصح مش في الغلط اللى بيعملوا ميبقاش في مشكلة ...طب هو صح نعمل هنا لو بجد عايزين اصلاح احنا اللى نساعد عليه ؟؟
لو عايزين الفتيات يشاركوا قلت لهم نعمل توعية للتدخين في الكواقيرات النسائي ثلاث تربعهم بيدخنوا ليه رايحين للرجالة و سايبين دول..!!!!!!!!
لو بجد عايزين ندعو الناس..
ليه لما نروح مستشى الاطفال ولا نعمل حاجة اى للناس نشغل اغاني بموسيقى يعني بننشر الغلط كمان ...صدق كلامي و الله يا شيخ
كفاية بس كل المصايب اللى بتحصل جوه الجمعية اللى كتير منهم بيحاول ينكرها يا اما اه فعلا بس احنا بنصلح
بس ازاي اكون في بركة طين و اقول مش هتوسخ ؟؟؟!!!
مينفعش ؟؟؟
لازم نفكر شوية في علاقتنا مع ربنا و هل ده منهج صح ولا لأ..ما يرضي الله اعمله ملا لا يرضيه لا افعله ...و خلاص خلصت..
بجد الموضوع ده فتنة كبيرة زيه زي الجامعة ..و انا متاكده من ده ..
و يبدا بقى الاخت تشوف الاخ الفلاني بيتكلم ازاي في الندوات و الاجتمعات و افكره ايه و تبدا تعجب بيه و هوا ممكن برده كده ...لحد ما يحبوا بعض و النية تتغير و الاصل ايه انه هوا المكان ده ؟؟؟
فعلا ده مش باب متوارب ده مفتوح على الاخر .....
الموضوع ده عايز دروس ...عايز الناس تقتنع بان مصدر عقيديتنا القرآن و السنة بفهم سلف الامة ..ما عدا ذلك لا..
لازم يعرفوا ان مينفعش اتنازل على حاجات في ديني و اتنازل عن عفتي و حيائي و علاقتي مع ربنا تنزل علشان اعمل نهضة؟؟؟ّ!!!!!!!1
يعني هما الاجيال السابقة نصروا الاسلام و عملوا نهضة ازاي ...؟؟؟!!!
بالاختلاط و الكلام ده كله
لا و الله
لما اتمسكوا بالقرآن و لاسينة بفهم السلف و ضحوا لله و كان رضى الله فوق كل شىء و متنازلوش عن حاجات في دينهم علشان اخرى
احداهم تقول امال نعمل نهضة ازاي لازم نشتغل مع بعض
الناس بتشبه المكان و كانه مكان عمل و انا مضطرة اعمل معهم ...على الرغم من عمل المراة يبقى في مكان مختلط مينفعش
لازم يكون مش مختلط و بضوابط شرعية
و الافضل لها بيتها
تخدم دينها من هناك ...و لازم تعرف ان وظيفتها الاساسية اسرتها الاول ..
لو عايزة تخدمي دينك طلعي رجالة و بنات يكونوا رجاله فعلا يشيلوا هم الدين .....
في الاخر انا عارفة اني طولت انا لسة مخلصتش ...و عندي كلام كتير لان منى عمرى بجد يعرفوا ان مينفعش نتعصب لشخص و نمشي وراه و ان كل اللى بيقولوا صح ..و كل فكره صح و هو ده اللى فاهم دينه بجد ...لا نتعصب الا لرسول الله صلى الله عليه وسلم و نعيش بفكر لاصحابة ....................
لازم وقفة جادة لان كل اللى بيتكلم معاهم بيفتكروا انهم من اللى بيهاجموهم و اننا لازم نتحمل و اننا هنلاقي ناس كتير بتعارضنا لازم نثبت اه و الله العظيم ده بيبقى كلاهم و يقعدوا يصبروا بعض
و في النهاية اعذرني بس بجد ام عبد الله داست على جرح عميق ..كان لازم اخرج كل ده ..بجد خايفة عليهم
سامحني يا دكتور بس حبيت اوضح لحضرتك الصورة في الجمعيات ديه ...
يعني احداهم كانوا عاملين حملة تبرع في الدم و جم في الكلية و مسكت المايك و بتعرف و كده ..و ديه من جمعية اخرى اللى هيا مؤسسة في كل المحافظات و قامت البنت بتقول للولد اللى في اخر المدرج انتى بتبصلي كده ليه بدل ما تبصلي كده قوم خليك راجل و اتبرع ..قوم و خليك راجل و اتبرع !!!!!!!!!!!!!
بكل جراة و ان ده هو صح الصح ........!!!
بجد يا شيخ ساعدما اننا نعرفهم لان في كتير و في كل المحافظات و البلاد بيعملوا ده ..
ايه المشكلة لو نتقي الشبهات و البنات يشتغلوا لوحدهم و الولاد لوحدهم
هيبقى شغل يرضي الله و رسوله صلى الله عليه و سلم و هنبقى فعلا كده بنعمل حاجة و شايلين هما دينا و نعين بعض و نعلى
كتير منهك قالوا احنا دخلنا علشان نعلى نزلنا جامد ..كنا بنواظب على السنن سبناها علشان الاجتمعات علشان نلحق...
اعتذر مرة اخرى ...سامحني يا دكتور حازم
و جزاك الله عنا كل خير

[محمودالطيب]

السلام عليكم ورحمه الله وبركاته

جزاكم الله خيرا .. وسدد خطانا وخطاكم الى دروب الجنه ... وجعلنا واياكم من المذكرين المتعلمين الذين يستمعون القول فيتبعون احسن

وان شاء الله اقوم بنقل هذة الاراء والنصائح فى المنتدى الخااااص بهم .. ؟ ان لم يكن هناك مانع ؟ !

وان شاء الله يكون فى موازين حسناتكم

[آية الله]

أعتقد اخي ننتظر ما يقوله الشيخ ثم ان شاء الله يعطينا النصائح و الادلة ثم ننطلق بعد ذلك في منتداياتهم و نعمل هناك حملات ..
فنتمهل بعض الشىء

[محمودالطيب]

السلام عليكم ورحمه الله وبركاته

لله الحمد من قبل ومن بعد فانى احد متطوعى هذة الجميعه كما اسلفت .. ولله الحمد ايضا احد اعضاء منتداياهم

وكنت من اشد المعارضين فى الاونه الاخيرة .. بعد ان كان الموضوع يؤلمنى .. سواء اكان من الرياء ام غير ذلك مما ذكرته للدكتور حازم

واثرى سؤالى للدكتور حازم وبعد جوابه مباشرة قمت بنقل ما قاله لى الشيخ .. بل ونشر .. درس " مجرد علاقه بريئه " ... والحلقه التى تم فيها السؤال والاجابه .. قمت بنشرها ... واليوم قمت بعرض افكاركم لديهم ... ولكم رابط الموضوع (http://daardesign.com/forum/showthread.php?t=1901)

موضوع اخر بعنوان

الاخوات والقوافل (http://daardesign.com/forum/showthread.php?t=1423)

تلك كانت المواضيع المعروضه فى هذا المقام ... اعلم اننى فداكون مخطأ فى شروط المنتدى لادراجى بعض الروابط لمنتدى اخر ولكن لكى يطلع عليها الدكتور حازم شومااان من باب العلم .. واستدلالى بماذا افعل ؟ .. وجزاكم الله خيرا .. وسدد خطايا وخطاكم الى دروب الجنه .. وجعلنى واياكم من المتعلمين المذكرين

[آية الله]

لو تحب تنقل ردي هناك لا امانع انا كنت اعتقد انه منتدى اخر هو ما اعرفه و اردت ان اعمل هناك الحملة و اظن اختى ام عبد الله طبعا عارفاه
...فان كان على هذا الموقع فلاباس...ان شاء الله
مع رجاء حذف الروابط لان المنتدى مش اسلامي
منعاً لاي فتنة ...
و كما قال دكتور حازم "احترم لحظات ضعفك "
كل واحد فينا بيمر عليه لحظات ضعف فنقفل باب الفتن بدل ما نفتن في هذه اللحظات .......
جزاكم الله خيرا

[hijab]

السلام عليكم ورحمة الله وبركاتة
جزاك الله خيرا اخت om abdullah
لقد كنت متطوعة في جمعية خيرية مختلطة وكنت عضوه نشيطة, بصراحة كان الموضوع في البداية جميل وكنت فكره نفسي كده كويسة وكنت بحس إني بعمل حاجة كويسه وفي رمضان الماضي لبست النقاب وبعد رمضان بدأت أطلب علم وأحفظ القرأن وكنت بروح الجمعية وكنت دائما بدعو الله أن يتقبل عملي وكنت محتارة وخيفة يكون عملي مش على هدى رسول الله ومع الوقت حسيت إني مش قادرة أروح الجمعية ثاني ومش حسه بإرتياح لأن العمل ده في شبهة،وقد ذكر الرسول صلى الله عليه وسلم ذلك في الحديث الشريف عن أبي هريرة رضي الله عنه أن رسول الله صلى الله علية وسلم قال:" بادروا بالأعمال فستكون فتناً كقطع الليل المظلم يصبح الرجل مؤمنا ويمسي كافرا، ويمسي مؤمنا ويصبح كافراً, يبيع دينه بعرضٍ من الدنيا" رواه مسلم
بادروا بالأعمال أي بالأعمال الصالحة وهي كل عمل كان خالصاً لله صواباً على شريعة الله أي موافقاً فيه رسول الله. ثم قال " فتناً كقطع الليل المظلم " أخبر أنه ستوجد فتن كقطع الليل المظلم، يعني أنها مدلهمة مظلمة لا يرى فيها النور والعياذ بالله، ولا يدري الإنسان أين يذهب يكون حائراً, ما يدري أين المخرج, أسأل الله أن يعيذنا إياكم من الفتن.
شرح هذا الحديث في كتاب شرح رياض الصالحين من كلام سيد المرسلين للإمام يحيى شرف النووي الحديث رقم 88
أدعو الله أن يرزقنا عملا صالحا يقربنا إليه

[محمودالطيب]

يَا أَيُّهَا الَّذِينَ آمَنُواْ إِذَا ضَرَبْتُمْ فِي سَبِيلِ اللَّهِ فَتَبَيَّنُواْ وَلاَ تَقُولُواْ لِمَنْ أَلْقَى إِلَيْكُمُ السَّلامَ لَسْتَ مُؤْمِنًا تَبْتَغُونَ عَرَضَ الْحَيَاةِ الدُّنْيَا فَعِندَ اللَّهِ مَغَانِمُ كَثِيرَةٌ كَذَلِكَ كُنتُم مِّن قَبْلُ فَمَنَّ اللَّهُ عَلَيْكُمْ فَتَبَيَّنُواْ إِنَّ اللَّهَ كَانَ بِمَا تَعْمَلُونَ خَبِيرًا





يَمُنُّونَ عَلَيْكَ أَنْ أَسْلَمُوا قُلْ لا تَمُنُّوا عَلَيَّ إِسْلامَكُمْ بَلْ اللَّهُ يَمُنُّ عَلَيْكُمْ أَنْ هَدَاكُمْ لِلإِيمَانِ إِنْ كُنتُمْ صَادِقِينَ(17)إِنَّ اللَّهَ يَعْلَمُ غَيْبَ السَّمَاوَاتِ وَالأَرْضِ وَاللَّهُ بَصِيرٌ بِمَا تَعْمَلُونَ(18)}.

فَبِمَا رَحْمَةٍ مِّنَ اللّهِ لِنتَ لَهُمْ وَلَوْ كُنتَ فَظًّا غَلِيظَ الْقَلْبِ لاَنفَضُّواْ مِنْ حَوْلِكَ فَاعْفُ عَنْهُمْ وَاسْتَغْفِرْ لَهُمْ وَشَاوِرْهُمْ فِي الأَمْرِ فَإِذَا عَزَمْتَ فَتَوَكَّلْ عَلَى اللّهِ إِنَّ اللّهَ يُحِبُّ الْمُتَوَكِّلِينَ

" وَاللَّهُ يَعْلَمُ وَأَنتُمْ لاَ تَعْلَمُونَ "

لله الحمد من قبل ومن بعد ... فالناس هناك نحسبهم على خير ولا نزكى احدا على الله .. نسال الله لنا ولهم ولكم الهدايه والثبااات ...... ولو تقصدون منتدى رساله الرئسى فالسلفر كان معطل والحمد لله تم اقامته مرة اخرى ... فانطلقوا بين اخواتكم وانصحوهم حتى لا يقال عليهم انهم غير ملتزمين كما زعمتم

انا لا ادافع عنهم .. بس حضرتك حكمتى ع المنتدى من المظهر العام بتاااعه .. ولم تتوغلى فيه ... وكنت عرضت اللنكااات للدكتور حازم علشان يقولى .. اكمل معاهم ازاى .. زى ما طلب منى ان انشر بعض الاشرطه لديهم .. وفى الاختااام نسال الله ان يتقبل منا صالح اعمالنا

[آية الله]

جزاكم الله خيرا
و لكني لم اقصد موقع رسالة اطلاقاً
و لم ازعم على احد انه غير ملتزم ...!!!
ثم اني قلت لحضرتك لو عايز تنقل المشاركات هناك مفيش مشكلة لان كنت فاكرة حضرتك هتنقله على المنتدى اللى ان شاء الل نعمل عليه الحملة فلذا قلت ننتظر

اما عن حكاية الروابط ...معذرة انا متوغلتش فعلا ...و لم احكم على من هناك اطلاقا
لا اعرف لما اساءة الظن هذه؟؟!!!
انا كل ما اردته هو الاعلانات اللى في المنتدى فوق بتاعت الرومانسية و ادخل هنا هتلاقي كل ما يخطر على بالك و الكلام ده ..
ثم انه ممنوع هنا وضع روابط كما تعلم لمنتديات اخرى الا باذن الادارة

كل الحكاية ان خشيت الفتنة علينا و على الجميع ...
و محدش كبير على الفتنة ...كما يقول دائما الشيخ حسان
فنرجو حسن الظن
بارك الله فيكم

و نحن لم نترك اخواتنا اللى نقصدهم في الجمعية اللى نقصدها او غيرها الا و كلمناهم و لكن بدون فائدة !!!
فالله المستعان
علشان كده حبيت اوضح الصورة اللى بنشوفها هناك ...
و على فكرة انا مذكرتش اي حاجة عن رسالة غير موقف التبرع بالدم ..لاني لا اعرف الكثيرين من رسالة و الباقي كله عن جمعية اخرى ..اما البنت اللى كانت في الحملة ...هي صديقتي في الكلية
و ايضا كلمتها و تحاورنا كثيرا و برده هما مقتنعين بطريقة غريبة جدا
ولا يقبلون اي كلام اخر ...
و صدق..كلامي
الواحد لما بيكون شاف الكلام ده بعينه و حاول يصلح و مفيش استجابة بيبقى خايف على الناس ديه جدا و نفسه يعملهم حاجة و ده كان منطلقنا ..من هذا الموضوع
زي بالظبط لما ربنا ينجي الواحد من شىء معين خطير
او لو انا ماشية مثلا و لقيت اخت ماشية و ادامها حفرة و هي مصممة تقع فيها
هفضل اقولها يا اختى خلى بالك هتقعي في الحفرة ولا هروح اشدها بسرعة علشان متقعش
فوالله العظيم احنا فعلا فعلا نفسنا نظهر ليهم الحقيقة علشان نكون رفقاء في الفردوس الاعلى

في النهاية جزاكم الله خيرا على الظن
و الله اعلم بما في القلوب و النوايا

[محمودالطيب]

السلام عليكم ورحمه الله وبركاته

اولا حزاكم الله خيرا ..

ثانيا الايات المذكورة من باب وذكر فإن الذكرى تنفع المؤمنين ... نسال الله تعالى ان نكون من المتذكرين ..

بالنسبه لاحديثى على تلك المنتدى او منتدى رساله الرسمى ... لاننى ولله الحمد احد اعضاء تلك المنتدياااات .. وكما ذكرت انافا اننى احسبهم على خير ولا ازكى احدا على الله ... بالنسبه للاعلااااانت فذلك شئ لا قيمة له بالنسبه للمواضيع المعروووضه فى المنتدى نفسه .. فالاعلانات تابعه للموقع الرسمى ونحن ليس لنا علاقه بها .. وان شاء الله نستبدل الاعلانااااات مع العلم انه هناك اعلانااات اسلاميه .. والله واحد يعلم اننا كنا نريد ان نعلن عن هذا المنتدى عامه والغرفه الصوتيه خاصه فى احد هذة الاعلانااات ولكنى انتظر فور الانتهاااء من الامتحااااناااات يسرها الله علينا وعلى الجمين لتحدث مع المسئول ... وجزاكم الله خيرا للفت الانظااار ... بالنبسه لمخافتى لشروط المنتدى فقط ذكرت ذلك عند استدراجى لها واعتذر مرة اخرى للادارة ولكن فور الرد من الدكتور سوف يتم حذفها ان شاء الله تعالى .... بالنسبه للملل او السئامه من الدعوة الى دين الله جل وعلى فدا لسه بدرى قوى علينا .. احنا لسه فى بدايه الامر على ما نقول احنا بندعى اصحابنا الى الله دون ادنى جدوى او فائدة ... انا مش بقول نكون ملازمنهم بس مش نسبهم نخاف على نفسينا بس نخاف عليهم بردوا " حب لاخيك كما تحب لنفسك " علشان مش فى حد يتخلف منا عن الجنه .. نسال الله لنا ولهم الهدايه والثبااات على الهدايه ... " لان يهدى الله بك رجلا واحد خير لك من حمر النعم " او كما قال النبى صلى الله عليه وسلم .. من باب خوفنا عليهم لازم ادعوهم الى الحق مرة ومائه ... الى ان يتوب الله علينا وعليهم ... وفى الختاااام جزاكم الله خيرا لسعه صدروكم .. وجعلنا الله واياكم وجميع المسلمين من المذكرين المتعلمين المعلمين اصحاب الفردوس الاعلا اللهم امين

[om abdallah]

السلام عليكم ...
جزاكم الله خيرا اخواتى فى الله ... اتمنى ان يوضح لنا دكتور حازم و للجميع مدى خطر الموضوع لتعم الفائده ... و اتمنى لكل من يشترك فى مثل هذه الجمعيات ان يستمعوا للدكتور بقلوبهم و يمن الله علينا باصلاح كل خطأ نقع فيه ... بارك الله فيكم و سدد خطاكم و رزقنا الجنه دون حساب ولا سابقه عذاب ... رب اغفر لى و لوالدى و للمؤمنين يوم يقوم الحساب ...

[آية الله]

اللهم آآآآآآآآآآآآمين
جزاكم الله خيرا على التذكرة ...
ثم اني لم اقل شىء عن حضرتك او على المشاركات انا علقت فقط عن الموقع و خشيت احد يدخل على هذه الاعلانات اللى فوق..
و ربنا ييسر لكم الامر في الدعوة للغرة و لدروسها ..
جزاكم الله خيرا
لا اعرف من قال ان سئم او مل من الدعوة او اننا خفنا على نفسنا و سبناهم ..
كل ما في الامر اننا بنعرض رد فعلهم ..و نريد نصيحة من الشيخ ...لكن مش سئم او ملل و هذا لا يقال ابدا عن الدعوة الى الله ...و اعلم اننا مهما فعلنا فنحن مقصرين
من يحب الله لا يمل من الدعوة اليه او التكلم عنه ...كل ما قصدته ان هذا رد فعلهم و نريد ان ينصحنا الدكتور حازم ماذا نفعل
بارك الله فيكم ...
اعتقد د/ حازم يفهم معني كلامي ...و اختى و جزاكم الله خيرا

[GILY]

السلام عليكم ورحمة الله وبركاته

اسأل الله ان يرزقنا جميعا الاخلاص في القول والعمل

اما بالنسبه للجمعيات الخيرية وما فيها من مميزات وسلبيات فالكلام عنه كثير

وخاصة وانا احدى عضوات جمعية خيرية

ولكني سعيده بحواركم هذا جدا

واتمنى ان تذهبوا الى المنتديات التي يجتمع فيها هؤلاء الذين يذهبون للجمعيات الخيرية

وتحاولون معرفة ارائهم في موضوع الاختلاط في العمل الخيري

وايضا تحاولون نصحهم الى الصواب بطريقه هادئه

فانتم تعلمون جميعا ان هناك تأثير قوي وفعال عليهم من هذه الجمعيات

واخواتي في الله يجب ان نتذكر جميعا اننا كلنا في حاجه الى الدعاه وفي حاجه الى سماعههم

حيث ان العقول البشرية تعجز عن ادراك المصالح :

فالله عزوجل خلق الانسان في احسن تقويم وركبه في احسن صوره وكرمه وعظمه
وعلى كثير من خلقه فضله ورفعه
وكمره بالفكر والعقل يميز به الحسن من القبيح ويفرق بين الحق والباطل
ولكن العثول البشرية وحدها لا تستقل بإدراك المصالح الدنيوية فضلا عن الآخروية، ولا تهتدي وحدها إلى تميز الخير من الشر
والمعروف من المنكر وليس من غرايزها الوقوف على حقائق الأمور ولا أن تدبر شؤونها على نظام محكم عادل لا خلل فيه ولا انحراف فإنها
وان وصلت إلى الغاية القصوى من الادراك قد تميل عن الحق الى الباطل وتنحرف عن الصلاح لإلى الفساد ويخفى عليها وجه المصلحه ولاتهتدي إلى مغبة الاعمال وكثيرا ما يبدو لها الشر في لباس الخير فتقع فيه وكثيرا ما ظهر الخير في صورة الشر فأعرضت عنه

والله اعلى واعلم

واعتذر عن الاطاله

ولكن اخوتي في الله

احييت ان اذكركم ونفسي بأننا في حاجه الى الدعاه وفي حاجه الي النصائح والوقوف بجانب بعضنا

وانا امتلك منتدى من المنتديات

وهذا المنتدى به مجموعه كبيره جدا ممن يشتركون في جمعية خيريه

وادعوكم جميعا في هذا المنتدى لتجعلوه منتدى اسلامي

لا منتدى ترفيهي ولا منتدى غير اسلامي


يا جماعه فعلا المنتدى فيه ناس نحسبهم على خير ولا نزكي على الله احد

واسألكم ان تأتوا الى هذا المنتدى وتحاولوا ان تقوموا بنصح وارشاد من فيه من ااخوات والاخوه

وهناك قسم للمتحابات في الله وايضا قسم للمتحابون في الله


اعتذر مره اخرى عن الاطاله واسأل الله الا اكون ازعجنكم معي او اخذني الكلام لموضوع اخر

ولكني اتمنى من الله ان يكون هدفنا جميعا ارضاء الله بشتى الطرق

وان شاء الله لي عوده للمشاركه معكم مره اخرى في موضوع الجمعيات الخيرية

ولاحكي قصتي مع الجمعية الخيرية وما اراه من مميزات وسلبيات

جزاكم الله كي خير

اختكم

جيلي

[اشد حبا لله]

جزاكم الله خيرا